ما هو نظام srgb ؟

[donjwan88]

السلام عليكم ورحمة الله وبركاته


ممكن اعرف ايه هو نظام srgb وما هي فائدتة في الاضاءة


يا ريت ما تكنش المعلومات مختصرة


وربنا يوفقنا جميع

[أبومايا]

اللي بايدي اني ارفع موضوعك

بارب تلقى حل

ماشاء الله شكلك اكلت الاضااااااءة اكل ياعم


الله معاااااااااااااااك

[::ابو عادل::]

الى اعرفه انه فيه rgb و srgb أو linear

و لينير لا يسمحلك بتعديل الصوره على الفوتوشوب اوبرامج تعديل الصور اما rgb

يقوم المايا لك بذلك ويسمى بــlinear work flow

[hmsabry]

السلام عليكم ورحمة الله وبركاته


ممكن اعرف ايه هو نظام srgb وما هي فائدتة في الاضاءة


يا ريت ما تكنش المعلومات مختصرة


وربنا يوفقنا جميع

شوف يا صاحبي
في حاجه اسمها color lookup table ... وده معناه الطريقة اللي تشوف بيها الالوان ...

شوف يا عم ..
مبدايا .... في الطبيعه ... عينك لا تري كل الالوان ... بدليل انك بتشوف الشمس بيضه "مثلا" مع انها مش بيضاء ...!!
تمام ... فا عين الانسان بتشوف فقط مجموعه كبيرة جدا من الالوان ... بس الطبيعه فيها ما فوق الدرجات دي ... عيناك مش بتشوفها ...

طيب ..
النقطه التانيه .. ان شاشه الكومبيوتر ... بتعرض الوان ... بس الالوان دي ... بتختلف من شاشه الي شاشه اخري ...
بمعني ...
ان لو جيبت صورة ((ايا كانت الوانها)) وعرضتها علي شاشتين ... هتلاقي كل واحده بتعرض الوانها بشكل مختلف ..!! هتقولي ازاي ..؟؟
حتي كمااااااااان لو كانو الشاشتين نفس الماركه ... ونفس الموديل ... ونفس كل حاجه ...!!! برضو هايكون في اختلاف في درجة الالوان ..!!

طيب ..؟؟
انت عامل صورة فيها كورة لونها ازرق ...!! وانت شغال علي جهاز فيه شاشتين ... واحد مطلع الازرق ده فيه درجة اخضرات ((خفيفه جدا)) والتاني فيه درجة احمرات ((خفيفه جداااااااااا ...!!)) يبقي مين اللي صح ..؟؟

مثال اخر ...
انت عامل صورة ...شاشه بتقولك انها درجة ((الابيض والاسود)) فيها جيده ... بس شاشه اخري بتقول انها غامقة جدااااا ...؟؟

مييييييييييييين اللي صح ...؟؟؟؟؟؟؟؟؟؟؟؟؟؟؟

قامو عملو حاجتين ...
1) حاجه اسمها screen calibration وده معناه انك تجيب جهاز يقيس ويظبط درجة شده الالوان في الشاشه لمستوي ((عالمي موحد للتليفيزيون))

2) color lookup tables ؟؟ وده سؤالك ...
انهم لحظو ان برضو حتي لما بتظبط الالوان ... لما الصور بتتعرض علي التيليفزيون برضو الالوان بتبقي مختلفه ((لاحظ ان شاشة الكومبيوتر اشد دقه من التيليفزيونات العاديه ))
فا عملو النقطه بتاعت ال lookup دي ... عشان تبقي طريقه (((((((تشوف بيها))))))) الالوان علي الشاشه وتبقي هي بالظبط اللي بتطلع علي التيليفزيون ...

تمام ..؟؟
طيب ... ال sRGB ده lookup table واحد من ضمن لوكابس كتير .... بس ده ((اعتقد)) انه للتيليفزيون مش للسينما ((لان السينما لها لوكابس اخري))
ببساطه ال sRGB ده Curve بيعدل ((طريقة رؤية الالوان - الكلام واضح يعني مش بيغير في الالوان )) بحيث يرفع شدة الضوء من ال mid tones لان الشاشات بتضغط ال mid tones لاسفل واذن يصبح خط شدة الضوء الناتج ((مستقيم)) وبكده تشوف شدة الضوء linear يعني مستقيمه ومظبوطه

شوف ...
انت محتاج تتفرج علي اول فيديوهايا من اسطوانة Gnomon - Nuke introduction بيتكلم باستفاضه في اول فيديوهايا .... خاص بال sRGB لانه مهم جدااااااااا في العمل ((ال professional)) كا شخص compositor

ارجو يكون الموضوع قدرت اقربلك المفهوم ..
وان شاء الله ... لو شوفت الدرس اللي قلتلك عليه هاتفم الموضوع بالظبط ...

[أبومايا]

ماشاء الله ياحازمناااااااااااااااااا

طريقة توصيل المعلومة متسلسلة وحلوة ومبنية بناء جميل

الله ينور عليك يارب

ماشاء الله مرة اخرى الله يزيدك يافنددم

والامور تمام جاري متابعة جونومون المجموعة اللي انت ابتديت فيها لاني عاوز اصير حازم 2 ^ ^

[BASEM HAMAD]

وانا حازم 3


فعلا شرح رائع جدا ما شاء الله

[donjwan88]

مشكور جدا حبيبي ابو مايا كفايا بس ردك واهتمامك بالموضوع


مشكور ابو عادل على الرد ولكن انا فعلا كنت عاوز اعرف srgb

مشكور جدا استاذ حازم انا كنت متأكد ان حضرتك هترد عليا وبجد انت افدتني كتير قوي الف الف الف شكر وانا فعلا هادور على الاسطوانة دي ولشوفها واللي فيه الخير يقدمة ربنا

[hmsabry]

جازاكم الله كل خير ... يا شباب ...
يلا بينا نطور من نفسنا ومجالنا ... ونعلي بلادنا ... يا شباب ...

[eyadness]

كلام مشرف المنبر في محله بس انا بدي ازيد شوي عليه عشان انا مجال عملي بالاصل بالكلر بروفيلز و مجال تعديل الصور و الطباعة.

في عنا شي اسمو Color Profiles
هو كم بقدر الكلر بروفيل يستوعب كمية من اللوان. انت لازم تستخدم الكلر بروفيل البتقدر الشاشة تخرجو او الالة الطابعة تخرجو، يعني حسب الاحتياج.

اقل هذه البروفايلز يقدر يستوعب الوان هو CMYK
اقل واحد من الار جي بي هو sRGB
و بالترتيب:
sRGB
Adobe RGB
ProPhoto RGB
حيث ان البرو فوتو يستطيع ادخال مجموعة كبيرة من الالوان للصورة

بس

المشكلة انو الطابعات و ٩٠٪ من الشاشات ما يقدرو يخرجو الوان البروفوتو

انا بنصح باستخدام Adobe RGB 1998 ازا ارت فقط عملك على الشاشة يكون
و sRGB ازا عملك بدو ينطبع

ان شاء الله اكون قدرت اوصل المعلومة لانها صعب فهمها شوي و بدها تجريب.

طبعا المنطقة الكبيرة هي كل الوان الطيف البقدر الانسان رؤيتها.

[donjwan88]

ان شاء الله استاذ حازم واحنا في تطور مستمر اينعم التطور بسيط وبطئ لبعض الاسباب المختلفة عند الاشخاص ولكن في تطور والحمد لله

مشكور استاذ اياد على التوضيح ولكن انا كنت باسأل عن نظام ال sRGB علشان النظام دة موجود في السوفت اميج ولما استخدمتة حسيت الرندر اصبح واقعي نوعا ما مش عارف هي تختلف من اعدادات رندر لاخر والا ايه

[eyadness]

انت استخدم بهاد الوقت ال sRGB عشان كل الشاشات بتقدر تخرج الوانه و هو اسهل كلربروفيل للتحويل الى الوان الطباعة ال CMYK

[أبومايا]

ياشباب هذا الخيار فين القاه بمايا او بسوفت امج هل هو ضمن اعدادت الرندر النهائية

[donjwan88]

مشكور جدا استاذ اياد انا كدة فهمت حاجة فعلا كانت بضايقني قوي وهي عملية الالوان لان فعلا كان الون بتاع الرندر بيختلف على شاشة واحد صاحبي وكنت دائما باحس ان المشكلة فيا انا مش في البرنامج بس الحمد لله انا كدة فهمت

ابو مايا انا الخاسية دي موجودة عندي في السوفت اميج في خصائص الصورة التي يتم وضعها كخامة

[eyadness]

ياشباب هذا الخيار فين القاه بمايا او بسوفت امج هل هو ضمن اعدادت الرندر النهائية

اخي ابو مايا، ما في صورة في العالم الا و في الها كلر بروفيل. و اذا كان الكلر بروفيل غير مسجل في الصورة فيأخذ الكلر بروفايل المعرف في البرنامج المستخدم لفتح الصورة.

لمعرفة و تغير الكلر بروفيل لأي صورة افتح الفوتوشوب و اذهب الى Edit -> Assign Profile

بس بنصحك يا ابومايا ما تلعب بهاي الاشياء ازا ما عندك خبرة و معرفه ممتازة في هذه التحكمات، عشان ممكن تختار كلر بروفيل يدمر الوان صورتك.

على سبيل المثال انا بستخدم هذه التقنية بالتصوير بشكل كبير، و خاصة لما اصور صور فيها الوان كثيرة مثل الورد. بحول لكلر بروفايل عالي و بضيف الالوان التي لا يمكن لل sRGB اخراجها.

أزا احببت ممكن ارفع صورة من صوري على المنبر عشان تشوف الفرق بين sRGB و Adobe RGB 1998

[::ابو عادل::]

موجود يا ابو مايا في المايا في التابه الى اسمها common