معلش سؤال على السريع

[sakr]

مطلوب منى تنفيز شكل مطعم وكافيه من الداخل وشكله من الخارج المطعم عباره عن دورين
عايز اعرف طريقة الحساب خايف انى اظلمه او يظلمنى ياريت لو حد عند خلفيه عن سعر السوق
مع العلم انا من مصر وبالتحديد المنصوره

[sakr]

ايه ياجماعه مفيش ردود
يعنى ببلاش بقى ولا ايه :d
انا المفروض كنت هقابل الراجل النهارده وأجلت المعاد عشان عايز اعرف منكوا الاول ممكن حد يساعدنى

[::ابو عادل::]

600 جنية هذا ان كنت تعتقد سوف تخرج العمل بطريقه اخترافيه اما اذاكنت مازلت تتعلم فأنصحك بـ400 جنية

انا عارف ان السعريين منخفضين لكن هكذا يعمل السوق في مصر على حسب علمى

[M-Keshta]

على حسب الناتج النهائى اللى هتطلعه ممكن اشوف اعمالك السابقه ؟؟

[sakr]

شكرا ابو عادل على الرد لكن الـ 600 جنيه للدورين اعتقد قليل والله اعلم
شكرا M-Keshta على الاهتمام ولكن اعتزر لن اتمكن من رفع احد الاعمال الآن انا حاليا مش فى منزلى ولكن فى صورة فى المعرض منها تقدر تعرف اماكنياتى فى المودلينج لكن صورة كاملة بالاخراج مش هقدر حاليا

لو تقدر تقولى فى حدود من كام لكام وانا ممكن اخد متوسط

[M-Keshta]

بص هوا 600 قليل باى حال من الاحوال على كم الشغل اللى هتعمله انت لو بتتكلم فى مطعم من جوا مش اقل مثلا من 3 لقطات ومن برا لقطتين ممكن من 1000 ل 2500 على حسب جودة الشغل وممكن تزيد عن كده كمان عشان كده انا مش قادر اقولك حاجه محدده لانى معرفش المنتج هيكون مستواه ايه

[alaamaxy]

ارقامكم غريبة يا ناس أيش 600 و 2500 حرام عليكم

إذا كان الراجل راح يصمم مطعم من الخارج والداخل بإكساء وخامات جميلة واخراج وإضائة وكل شي ممتاز أقل سعر المفترض يكون عشرة آلاف جنية ..

نصيحه لكم لا تقتلو سعر التصميم من البداية انا رفضت اعمال مشابهة بمبالغ اكبر من كدا بكثير عشان ما اقتل اسعار التصميم..

[sakr]

شكرا بجد M-Keshta أفدتنى كتير فى الغالب هاخد متوسط عشان محبش اكون اسعارى عاليه يعنى تقريبا 1500 كويس

اخى alaamaxy اعتقد ان الاسعار اللى بتقوله دى كتير قوى جايز يكون الاسعار عندك كده واضح من اللهجه انك مش من مصر الاسعار هنا فى مصر مختلفه واعتقد فى المنصوره مختلفه اكتر عن القاهره

شكرا للجميع وفقكم الله

[losevar21]

بقولك يا زميل ياريت لو تعرف انه الأ alaamaxy عنده حق واوعى تقول مصر ولا غير مصر متحرقش اسعار انا بعمل زى ماهو قال واحد زيك لما يقول اسعار مصر قليلة ويعمل كدة خلال سنة انا مش هلاقى حد يشتغل معايا وانت مش هتلاقى حد يديلك فلوس شغل اكتر من 50 جنيه فى اللقطة الواحدة وملحوظة سعر المعمارى بيحسب باللقطة واى حد يقول غير كدة يبقى ولا مؤاخدة ملهوش فيها اعرف هو عايز كام لقطة وشوف المناظير واعرف اللقطة هتكلفك شغل اد ايه أما بالنسبة للاسعار فكل لقطة تختلف عن التانية فكر فيها واحسبها كويس وحرام عليك لو ضيعت تعبك وضيعتنا معاك ركز لانه انت بحركة ممكن تحكم فى مستقبل ستة او سبعة بنى ادمين لمدة 6 سنين قدام ....... لو هتتكلم فى تفاصيل تانية خش على الميل ..... janky_jo600@yahoo.com

[M-Keshta]

اقولك على حاجه اطلب 20 الف هوا الكلام بفلوس ؟؟ بس بعد كده متشتكيش انك مبتشتغلش ومش لاقى شغل
على فكره انت لو مستواك مميز وخرافى هقولك اطلب اللى انت عاوزه وكده كده هتشتغل ان شاء الله اما لو مستواك عادى زى اى حد بيعمل نفس الشغل مش هتشتغل وصاحب الشغلانه هيجيب واحد بالسعر اللى هوا عاوزه يعملهاله

انا مش بقلل من الاسعار بس مش كل الناس بتطلع شغل زى بعضها وفى حاجه اسمها ازاى تجذب الزبون انك ترضى فى البدايه بسعر الى حد ما ممكن يكون قليل وتطلعله منتج محصلش وبعد كده هيجيلك تانى وتطلب اللى انت عاوزه وانت حاطط رجل على رجل

وبعدين انا طلبت منك اعمال سابقه عشان كده وكمان انت متكلمتش عن تفاصيل المطعم ده ان كان معقد ولا لأ فالسعر هيكون تقريبى

واحد زى alex roman ممكن يشتغل شهرين فى اعلان مدته دقيقه وياخد فيه 50 او 100 الف دولار على الاقل تعالى بقى هنا فى مصر وقول لواحد يعملك اعلان او تتر او فاصل شوف هيطلب فيه كام اعتقد مش اكتر من 5 او 10 الاف جنيه بالكتير وده بيرجع لحاجتين اما هوا مستواه مش عالى واما السوق هوا اللى بيفرض عليه كده

انا عن نفسى لو بطلع شغل زى alex roman او marek denko مش هفكر اشتغل فى مصر اطلاقا ويمكن فى الوطن العربى كمان الا بشروطى وبالاسعار اللى احددها

فى مرحله من المراحل السوق هوا اللى بيحكمك لو اتعديت المرحله دى وسبقت السوق بجودة اعمالك وتميزها انت اللى هتحكم السوق

[BARI]

اقولك على حاجه اطلب 20 الف هوا الكلام بفلوس ؟؟ بس بعد كده متشتكيش انك مبتشتغلش ومش لاقى شغل
على فكره انت لو مستواك مميز وخرافى هقولك اطلب اللى انت عاوزه وكده كده هتشتغل ان شاء الله اما لو مستواك عادى زى اى حد بيعمل نفس الشغل مش هتشتغل وصاحب الشغلانه هيجيب واحد بالسعر اللى هوا عاوزه يعملهاله

انا مش بقلل من الاسعار بس مش كل الناس بتطلع شغل زى بعضها وفى حاجه اسمها ازاى تجذب الزبون انك ترضى فى البدايه بسعر الى حد ما ممكن يكون قليل وتطلعله منتج محصلش وبعد كده هيجيلك تانى وتطلب اللى انت عاوزه وانت حاطط رجل على رجل

وبعدين انا طلبت منك اعمال سابقه عشان كده وكمان انت متكلمتش عن تفاصيل المطعم ده ان كان معقد ولا لأ فالسعر هيكون تقريبى

واحد زى alex roman ممكن يشتغل شهرين فى اعلان مدته دقيقه وياخد فيه 50 او 100 الف دولار على الاقل تعالى بقى هنا فى مصر وقول لواحد يعملك اعلان او تتر او فاصل شوف هيطلب فيه كام اعتقد مش اكتر من 5 او 10 الاف جنيه بالكتير وده بيرجع لحاجتين اما هوا مستواه مش عالى واما السوق هوا اللى بيفرض عليه كده

انا عن نفسى لو بطلع شغل زى alex roman او marek denko مش هفكر اشتغل فى مصر اطلاقا ويمكن فى الوطن العربى كمان الا بشروطى وبالاسعار اللى احددها

فى مرحله من المراحل السوق هوا اللى بيحكمك لو اتعديت المرحله دى وسبقت السوق بجودة اعمالك وتميزها انت اللى هتحكم السوق

و لله كلام مشرفنا صحيح .... كلنا نمر بنفس التجارب و المشاكل مع الزبائن

[sakr]

والله انا مع المشرف فى كل اللى قاله بس ليه حاسس كلامك بعصبيه انا قولت انى هاخد متوسط لانى محبش اكون سعرى عالى واكيد فى غيرى يقدر يعمل اللى انا هعمله مش هعمل ابداع محدش عمله او فكره محدش فكر فيها يعنى لو انا هعمل اعلان والاعلان فكرته حلوه هعلى السعر ودا هيبقى ثمن الفكره اللى مش اى حد هيفكر فيها لكن دا مجرد تنفيذ لمخطط فى ذهنه يعنى اى حد يعمله وكمان السوق بيحكم ووضع الناس كمان بيحكمنا
يعنى مينفعش واحد بيعمل مطعم فى المنصوره اقوله هاخد منك عشر الاف ولا خمس الاف حتى يبقى يقفل المطعم من دلوقتى احسن
ان شاء الله انا خلاص استقرين زى مقولت عشان وكمان مش هيفرق معايا عدد اللقطات هعتبرها بونص عشان انا برده مش بروفشنال فى الاخراج
والاهتلاف فى الرأي لا يفسد للود قضيه يااخ osevar21

سعيد بهذا النقاش استفدت منه كتير حياكم الله

[M-Keshta]

ابدا اخ صقر ولا عصبيه ولا حاجه بس الموضوع ده فكرنى بالناس اللى عاوزه تشغل منصب مدير فى بداية عملها المهنيه انا مقتنع ان الواحد لو معاه شغل بسعر قليل احسن لما ميكونش معاه شغل اصلا وهناك حد ادنى ايضا مينفعش الواحد ينزل عنه وربنا هوا اللى بيكرم بعد كده
اتمنى لك التوفيق اخى ولو احتاجت اى مساعده اطرح استفساراتك هنا وان شاء الله لو الاجابه عندنا مش هنتأخر