موضوع: نظرية هامة لطريقك للاحتراف

ردود: 8 | زيارات: 714
  1. #1
    عضو نشيط
    تاريخ التسجيل
    Aug 2007
    المنطقة
    مصر
    العمر
    34
    ردود
    381

    نظرية هامة لطريقك للاحتراف

    السلام عليكم و رحمة الله وبركاته
    بكتبلكم المقال ده، لانى شفت ناس كتير اوى بتسأل عن موضوع الشغل سواء كان فى شركة او لوحدك و بتسأل عن المرتبات و ازاى حد يشتغل و يبقى مرتبة كويس باقل عدد سنين خبر و الناس الى اتخرجت و مش لاقية شغل و مش عارف ليه، الموضوع و السؤال بيتكرر فقررت اكتب المقال ه كوجهة نظر خاصة استوحتها من حياتى العملية فى السوق الحياه

    الحقيقة ملقتش افضل تسمية غير المرمطة عشان اسمى بيها النظرية و هو اسم موحى من نفسة، صحيح، يسأل بعض الناس يعنى اية مرمطة - ايه علاقة اشغل بالمرمطة و ازاى اشتغل من غير مرمطة و الجواب هو، مستحيل !ـ


    مستحيل تتخيل انك ممكن تتخرج النهارده و تشتغل بدون واسطة او سند من حد الا عن طريق بذل المجهود الحقيقى للوصول لهذه " البداية" وهو ما يسمى بالمرمطة،

    شوف، القاعده الذهبية بتقول، انت يا تتمرممط وانت بتدرس عشان تعرف السوق عامل ازاى يا تتمرمط بعد الدراسة
    شوف انت تحب تقضى الفتره دية امتى و اختار
    وانا اقترح انك تستعين بالله و تختار انك تشتغل فى فترة الدراسة، ده هيوفر عليك كمية ابكر مالمرمطة بعد التخرج و كمان هتلاقى نفسك شغال فى حين ان اصحابك الى اختاروا يبقوا بشوات اثناء مانت كنت بتتمرمط فتره الدراسة قاعدين عالقهوة و بيحاولوا يتصلوا بيك عشان تساعدهم او تلاقيلهم شغل

    فى طريق المرطة هتلاحظ ...


    كل الرزق بتاع ربنا

    صحيح ان ربنا الرزاق، لكنه سبحانة جعل الرزق بقدر، و قدر ايضاُ ان لكل عمل ثواب، و مش معقوله انت تتمرمط و يبقى زيك زى الى كان قاعد بيعلب، فأوعى تفكر انك بتضيع وقت، دايما فى اى مجال او اى تجرية مهما كانت بتجربها فى فايدة، يمكن لو مشفتهاش او عرفتها النهارده، بكرة يجيى الوقت و تعرفها كويس و تعرف قيمتها كمان

    اعرف كل شىء عن شىء و شىء عن كل شىء

    فى رحلتك اثناء فترة المرمطة ممكن تشتغل حاجات عمرك ما كنت تتخيلها، ممكن تسهر بالايام فى الشغل، ممكن يبقى مرتبك اقل من مصاريفك اصلا، ممكن تلاقى ناس بتستغفلك و تكسب من وراك و فكراك مش عارف او ساذج، ده صحيح، انت لسة بتتعلم و ساذج، مش عيب ، بس بكه لو فضلت ساذج يبقى عيب

    اشتغل عشان تتعلم و اتعلم عشان تشتغل

    عشان تشتغل لازم فتره المرمطة عشان تتعلم، وعشان تتعلم لازم تتمرمط و تشتغل - نظرية بحتة كنا بنظبقها عملى فى ما يسمى بالمدارس و الجامعات و احنا مش واخدين بالنا

    اشتغل من أجل الشغل و التقدم و بكرة ييجى المال

    لو كان حلمك تبقى مدير او صاحب شركة او حتى موظف محترم او محترف مهنة معينة انت لازم تحط مبدأ عشان توصل ، بس صعب يبقى المبدأ ده المال، حب شغلك جدا عشان تبدع فية، و اعرف انك عمرك ما هتبقى شخص كويس فى شغل انت مش بتحبة و مش طايقة، حب شغلك لو مكنتش بتحبة، او علاقل حاول، ولو فشلت حاول تانى و لو يأست سيبة و دور تانى
    انت ممكن تنجح فى شىء مش بتحبة لفترة بس عمرك ما هتبدع فية ابداٌ
    زعشان تبقى " متميز" لازم تبقى مبدع

    الناس بتشغل مين

    الناس بتشغل الى بيعرف "يشتغل" - انت لو مبتعرف تشتغل مش ينفع تشتغل
    ولو عايز تشتغل و انت مبتشتغلش يبقى لازم تتمرمط عشان تعرف ازاى تشتغل

    الناس يتشغل مين اكتر

    الناس بتشغل الى بيعرف يشتغل اكتر و بيعرف عن شغلة اكتر و بيحب شغلة اكتر و مبدع فى شغلة اكتر و شخص محترم اكتر و مؤدب اكتر و خلوق اكتر و حبوب اكتر و انسان اكتر وبأقل مرتب

    احرص على ان يكون لك مهارات متعدده

    الناس بتشغل حد اكتر لية ؟
    مبدأ التخصص اثبت فشلة على مستوى الشركات الصغيرة بعكس الكوربوريت او المستويات الكبيرة نوعاً، فى الشركات الصغيرة، انت الشركة، يحبوا انك تعمل كل حاجة، شخص الالف مهنة، نعم و هذه حقيقة، و كلما كانت لديك مهارات اكتر كانت لك اولوية اكتر،
    يعنى انت بتعرف تدهن حيطة
    فى حد تانى بيعرف يدهن حيطة و ينفخ بلالين
    لو الاتنين بنفس السعر هناخد الى بينفخ بلالين، يمكن بكرة نحتاجة ينفخ لنا بالونتين !!


    مرتبك 300 جنية

    فى فترة المرمطة مرتبك ممكن يبقى اسوء من شحات فى الشارع، الفرق انت اكيد عارفة من غير الخوض فى مواضيع فرعية، وانت بتتمرمط عشان توصل لام يبقى عندك يقين بانك اخرت الطريق الصح و انك بكرة ان شاء الله غير النهارده وان المرتب ده هيتضاعف فعلا اضعف اضاعفة، ودية حقيقة، فمتستقلش الى الناس ممكن تدهولك عشان توفرك فرصة المرمطة العظيمة، و تذكر ايضا، انك فى يوم ممكن تقبض 300 جنية و يبقى ليهم طعم و مكفيين و ممكن تقبض 3000 او 30000 والا يبقى ليهم اى معنى، مع المرمطة ، الدنيا اطعم طبعا

    إتقن شغلك

    مش عشان بتتمرمط ب 300 جنية تكروت، انت كده مش بتحب شغلك، اعمل كل شىء عشان تخلى شغلك فى افضل حالاتة و تذكر قول الدين فى اتقان العمل و تذكر ان الهدف مكنش المال، الهدف التعلم و الاسم و السمعة

    أمتى الناس هتشغلنى بمرتبات عالية

    واحده واحده فى طريق المرمطة بتلاقى نفسك بتعمل حاجات غريبة و يمكن بتتنطط من شركة للتانية و من وظيفة لغيرها و بتبتدى تترسم فى مخك انت هتيقى تشتغل اية فى الفترة الى جاية، هتبقى مبرمج، مصمم، كناس، مدير، غفير، صفير ، ... بتبتدى تعرف من تنقلاتك و شغلك الى بتعملة بايديك لغاية ما بلية المرمطة ترسيك على مكان تلاقى نفسك طولت فيه حبتين و مكان تانى و تالت و تلاقى نفسك تقريبا بشتغل فى شىء مشابهة - تعرف ان دية شغلانتك شبة الاساسية، فى وسط التنقلات دية بتقى انت كونت اسم بالفعل وخبرة و بيكون تمنك على لانك صحاب خبرة تقدر بمال الان و لان تاريخك مشرف و اعمالك كذلك، بتلاقى شغل مرتب عالى يليق بمقام حضرتك وبشغلك المشرف يا فندم

    بس كده، و اتمنى للجميع ان ينعموا بدون مرمطة ان شاء الله

    جزاكم الله خيرا
    www.facebook.com/ahmedmoharram83


  2. #2
    عضو متميز
    تاريخ التسجيل
    Mar 2007
    المنطقة
    الجزائر >>> المدية
    العمر
    27
    ردود
    2,882
    بارك الله فيك اخي على هذه النظرية وفعلا معك حق ،
    يعني لم اجرب ولكن مما لاحظته في كثير ممن يختارون
    هذا الطريق تجد عندهم خبرة ويكونوا عملوا خيوط وواسطات
    في الدراسة وما ان يخرج تكون له خبرة فيقبل بسرعة مقارنة
    بمن يملك خبرة الدراسة فقط ،،
    عندي صديق تخرج وللاسف بدأ المرمطة بعد التخرج التقيت
    به منذ مدة المسكين يقضي مثلا عام عند مكتب دراسات ثم
    يذهب لمكتب آخر فلما يحاول يعترض على الراتب المتدني
    يحتج صاحب العمل انه مازال تحت فترة التدريب المسكين
    قالي مش عارف متى تنتهي يعني كل ما انتقل الى مكتب
    جديد يقولولي الراتب متدني بحكم انك في فترة تدب

    الله يسر للجميع
    واسمحلي اضيف فائدة

    نظرية المرمطة = نظرية التمرميد (ترجمة جزائرية)

  3. #3
    عضو نشيط
    صور رمزية black-wolf
    تاريخ التسجيل
    May 2008
    المنطقة
    مصر ___الامارات
    العمر
    24
    ردود
    840
    klaaam gameeel awi .....shokran kteeer leeek XD
    BORN TO DESIGN

    MAYA THE LIFE..MAYA MY LIFE



  4. #4
    عضو نشيط
    تاريخ التسجيل
    Aug 2007
    المنطقة
    مصر
    العمر
    34
    ردود
    381
    شكرا جزيلا
    وفعلا معك حق
    www.facebook.com/ahmedmoharram83

  5. #5
    عضو فعال
    صور رمزية banned
    تاريخ التسجيل
    Oct 2010
    العمر
    68
    ردود
    172
    كلام مهم وجاء في وقته اشكرك اخي الكريم
    وبارك الله فيك
    مرمطا مرمطي مرمطو مرمطط طمرمر ماء مطر

  6. #6
    كلاااام سليم جدا ...انا من الناس الى عايش نظرية المرمطة دى ....بعد التخرج بقالى اربع سنين اهووو...وشكلها مش هتخلص...متهيالى المرمطة مش بس نظرية دى حياة..
    not proffesional but i''ll
    ****
    stop is easy go is hard

  7. #7
    مشرف منبر Maya
    صور رمزية M. Maya
    تاريخ التسجيل
    Feb 2009
    المنطقة
    Kingdom Of Islam
    ردود
    3,867
    الله يبارك فيك ويجزيك الخير يا رب .. انت جبت المفيد ..

    تصدق الي انت بتقوله هو الي حاصل معايا فعلا ..

    ومغ اغلب الناس ..


    قال الشاعر المصري الرائع سيد حجاب
    نقلا عن أستاذه " ليس العظيم من يشعر الناس بضئالتهم
    إنما العظيم من يفجر العظمة المدفونة
    في صدور الناس"
    وهذا ما يقوم به أعضاء المنتدى الكرام

    ***********************

    امسح ذنوبك وإن كانت مثل زبد البحر
    اضغط على الرابط ولن تندم


    http://www.shbab1.com/2minutes.htm



    http://The Best Site - I Recommend To Visit It


    My Channel On Youtube :

    http://www.youtube.com/user/guitariero5?feature=mhum

  8. #8
    عضو نشيط
    تاريخ التسجيل
    Aug 2007
    المنطقة
    مصر
    العمر
    34
    ردود
    381
    اقتباس الموضوع الأصلي كتب بواسطة M. Maya معاينة الرد
    الله يبارك فيك ويجزيك الخير يا رب .. انت جبت المفيد ..

    تصدق الي انت بتقوله هو الي حاصل معايا فعلا ..

    ومغ اغلب الناس ..

    الله يكرمك
    وشكرا علي المرور
    وده صحيح معانا كلنا
    www.facebook.com/ahmedmoharram83

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل