تويت
قصة جميلة و مشوقة
-
HP 8560w - i7 2620M - 8Go - Quadro 2000M 2Go -
أهلا بك اخي طارق واهلا بك اخي خالد ...الحمد لله انها نالت استحسانكم....
وأرجو ان تأثّر في قلوب الناس المعنيين ....والحمد لله الذي منّ عليّ بهذه النعمة....
نكمل حيث انتهينا ...اطلب مراجعة الأسطر الأخيرة من الجزء السابق...
تمسك بيده وتقول باصرار لمعرفة ما يجري:ايميل ،مش من عادتك تخبي عني شي، احكيلي ...طيب اذا تعبان بروح اوصلك بنفسي ع البيت...
يسحب يده وينهض من مقعده رغما عنه ، قائلا:خلينا نمشي ....
يسيران معا باتجاه موقف السيارات ، كانت تنظر في عينيه منتظره منه ان يبدا الكلام ،و كان كل ما اقترب من قول ما بداخله خالطته العبرات ،حتى استجمع قواه وقال سائلا : ايلين بتحبيني؟؟؟؟
تقف امامه مبتسمة وتقول : كل هاد التعب والتفكير مشاني انا ،يا عمري... انت حب حياتي ...ولا في عندك شك ...!!
يهز رأسه قائلا: في موضوع كبير براسي ،ولأنك بتهميني كنت فكر اذا ممكن تكوني معي وما نفترء أبداً.
تقول والبسمة لا تفارق محياها :موضوع شو؟؟؟(يمسك بيدها ويأخذها للسيارة وبعد ان يجلسا) احكيلي ، شو في بلشت خاف عن جد؟
ايميل : شو رأيك بالإسلام ؟
تكون كلماته مثل الصدمة بالنسبة لها : اسلام شو ...وليش هاد السؤال....؟
ايميل: أرجوك اسمعيني وافهميني...
ايلين : انت بتعرف رأيي منيح بالنسبة لهاد الموضوع وكتير حكينا فيه و لولا إصرارك على إني امشي مع بنات مسلمين ولاما كان مشيت معهم ،هدول ناس معئدين ، ومش عارفين راسهم من رجليهم ...
يرفع سبابته امام فمها قائلا: ششششش....اهدي شوي ...بعرف اني فاجأتك بالسؤال ،ايلين لأني بحبك وما بئدر استغني عنك فكرت آخدك معي لبر الأمان ...
ترد عليه بابتسامه ساخرة: عن أي أمان بتحكي ...لا تكون بتفكر تترك(تتغير ملامحها ) ...لا ..لا يا ايميل ...أرجوك لا تعملها ...
يقول والحماسة تملأه: بس انا أررت يا ايلين وأراري من مدة ، في كم شغلة كانت تاعبيتني ، بس كله بهون ..وكل شي رح يتصلح .... أرجوكي اسمعيني وافهميني ولو كنت بتحبيني فعلا رح تكوني معي عالحلوة والمرة ...
ايلين :ارجوك لا تستخدم هاد الأسلوب معي ، أنا بحبك بس مش معناته أغير ئناعتي ...من لما شفتك في المكتبة ئبل يومين وانت في ئسم الكتب الدينية شعرت انك ناوي تعمل شي ، بس انت ما لمحت للموضوع حتى... وهيك انا اطمنت ...بس هلأ انا مصدومة منك ...طيب فكرت بأهلك ، شو ممكن يسير بعد ما تروح ...
ايميل انا ما رح اترك اهلي رح احكي معهم وائنعهم ورح ابئى في خدمتهم ، ما رح يتغير شي على العكس بتوئع من بابا يتفهم ...
ايلين : مستحيل تكون ايميل الي عرفته من 5 سنين لأ انت اكيد انعملك غسيل دماغ...
ايميل: أرجوك ايلين،مستحيل هاد الكلام يطلع من طالبة حئوء متفوئة متلك ...شو غسيل دماغ .؟.
ايلين :شو الي تغير طيب، كنا مناح ومبسوطين ...
ايميل: عن أي سعادة بتتكلمي يا ايلين ..هذه السعادة فانية ...تخيلي معي بالإسلام سعادتك ما رح تنتهي...
ايلين : مش ممكن ،بدك ياني صير البس طويل وفضفاض وكون مبهدله ...لا وغطي شعري ما يبان مني شي ...لأ يا ايميل....مش أنا الي بتتنازل أنا بدي ابئى حرة ما بدي سجن الإسلام ...
ايميل :الإسلام مش سجن ...الإسلام حياة ..وتأوى وصون للنفوس ...
ايلين: بالإسلام ما بتئدر تلمس ايدي لأنه حرام...
ايميل: وشو بدك احسن من هيك صون لعفتك وطهارتك ....
تقول ايلين بعصبية :بس انا طاهرة يا ايميل ،بدون الإسلام ....
ايميل:ايلين انا كنت تعبان وخايف افتح الموضوع معك بس لما كلمتك ارتحت نوعا ما ...بس انتي تعبتيني..
ايلين : يعني استسلمت ..
ايميل: انا متمسك برأي مش عناد لأ ...ولكن مُصر على رأي الصواب.
ايلين : رح تتركني ...خلص بتهون عليك العشرة ....
ايميل: ما بهون علي شوفك تتعذبي ، رح ابئى وراكي لحتى ائنعك وتكوني معي ....
تمد يدها لتشغيل مسجلة السيارة ، ولكنه يمنعها فتقول: هلأ اعرفت ليش من مدة وانت بتدايئ لما بشغل المسجلة ، الأغاني في الإسلام حرام ...شفت كيف انت رح تحرم حالك من ابسط متع الحياة ...
ايميل :انا راضي وفي مكافأة بتنتظرني في الآخرة ...بعد اذنك بدي روح ...اتفضلي لمحاضرتك...تعليق
-
ممتاز اوى بس الحروف عامله معايا مشاكل
العامية يعني
منتظر التكملة بفارغ الصبر
بالمناسبة انا من يومين كنت فى امتحان عربي
وجابلي فى التعبير بيقولي اكتب قصة برده
حتى اكتشفت انى روائي انا كمانتعليق
-
شيء جميل ان هذه الشخصية دخلت الاسلام و القصة واقعية الى حد بعيد
HP 8560w - i7 2620M - 8Go - Quadro 2000M 2Goتعليق
-
سعيدة لتواصلك مع القصة...بالنسبة للهجة فعلا هي قراءتها غريبة نوعا ما مش متل الإستماعالمشاركة الأصلية بواسطة tarek3d مشاهدة المشاركة
الله يوفقك في جميع الإمتحانات وبانتظار قراءة ما كتبت ايها الروائي
أهلا بك اخي خالد....أسعدني ردك ...وهذا يتيح لي مجال لقول كلمة لم اجد لها مكان للتوضيح في القصةالمشاركة الأصلية بواسطة seghier مشاهدة المشاركة
ستجدني اخترت تخصص الحقوق لهذا الشاب لما تحمله من مسؤولية في البحث والتفكير واتخاذ القرارات ...حتى يرى القاريء اسلام هذا الشاب جاء على يقين ...ولو قارنا طريقة تفكيره مع الفتاة بالرغم من كونها في نفس التخصص ولكن كان حاجز الجهل بالدين الإسلامي يمنعها من تقبل الفكرة ..وهناك ايضا التعصب لدى من يدينون بأديان اخرى ...ولاحظ في العالم حولك ستجد ان من يقرأ ويتعرف على الدين الإسلامي لا يجد سببا للتردد في دخوله للإسلام ...
الجزء الأخير قادم ان شاء الله قريبا ...تعليق
-
الجزء الأخير
يمر الوقت وصار موعد صلاة الظهر تكون سمية متفرّغة وليس لديها محاضرة تتوجه لمصلى النساء في الجامعة،تقترب من الباب بهدوئها المعتاد تخلع حذاءها وتدخل بقدمها اليمنى ،تلقي ببصرها الى أرجاء المصلى المعتم فتشعر بالأسف ويعتصر قلبها انين الوحدة ، تسير بضع خطوات وتقف لتصلي ركعتين وما ان تنتهي تجلس رافعة اكفها للعلي القدير، تسأله وتناجيه هاتفة بصوت هاديء :يا رب، لم يهجر الناس بيتك ؟ أما عرفوا ان لهم رباً رحيماً وغفوراً؟ وببعدهم عنك فأنت القوي العزيز؟.
وما هي الا لحظات فاذا بعدد من الفتيات يفدن إلى المصلى لأداء صلاة الظهر في وقتها ،وقفت إحداهن وأخذت بإقامة الصلاة واصطفت جميع الفتيات بصفوف منتظمة اقتربت سلوى منها ووقفت بجانبها قائلة:السلام عليكم ورفعت يديها للتكبير ،ردت عليها سمية قائلة:وعليكم السلام ،فأخذت الإبتسامة المشرقة مكانها على وجه سمية وهي تحدث نفسها قائلة: لازال الخير في أمة محمد أبدا ما بقي الدهر.
تحت ظل إحدى الأشجار جلست سمر تتأمل السماء والطيور التي تحلق فوقها بحرية وأصوات الزقزقة وحفيف الأشجار كان يغطي على غيرها من أصوات الطلبة وصراخهم وإزعاج السيارات أخرجت دفتر مذكراتها وأخذت تكتب الآتي...
وما هي إلا ساعات تمضي وتنقضي في ملذات الحياة ولكن هل وقفنا يوما وفكرنا مليا في حياتنا وما ستؤول اليه ؟...كلنا نسير في طريق واحد في اتجاه واحد نحو الموت ومنه إلى الحساب لماذا لا يفكر الجميع منطقيا بهذه النهاية المنتظرة لكل إنسان في الحياة ؟.كلنا ستعرض أعمالنا أمام خالقنا سبحانه وتعالى ،حين نخطأ في هذه الدنيا أو نحصل على علامة غير مرضية نخاف من ولي أمرنا ونظراته القاسية ونفكر مليا بالمصروف الذي سيحرمنا منه ...فما بالنا نخطأ ونتجاهل النهاية المحتومة لكل منا ...كيف نتجاهل وقوفنا أمامه سبحانه ...علينا إعادة النظر في هذا الطريق الذي نسير فيه .....
تنحني نور وتنظر لما تكتبه سمر وتقول :شو بتكتبي، خبر جديد؟؟؟؟
ترفع سمر نظرها نحو نور وتغلق الدفتر قائلة:أنا متاكدة انه هاد الكلام ما بأثر بوحدة متلك ....شو بدي احكي الله يهديكي....
جلست نور ووضعت سماعات الأذن واخذت تستمع للموسيقى وهي تشرب النيسكافيه ......
فتقوم سمر بسحب سماعة الأذن من نور : يا نور فكري مرة بحالك ،وشو بدك من الحياة ...
تنظر لسمر بازدراء وتقول:شوفي سمر اذا البنت سمية اثرت فيكي ،فانا حبيبتي ما حد بيأثر فيي بسهولة ، وبعدين على ايش مستعجلين لا حئة على الصلاة والحجاب لما بكبر بسير خير
تقف سمر وتقول متعجبة : ليش انت ضامنه تعيشي وتكبري ....
نور:يا ساتر عليكي شو بتجيبي التشاؤم ، خلص روحي من هون ... سميتي بدني....
تعيد السماعات لأذنها وتتكأ على جذع الشجرة ....
في هذا الوقت تكون هديل مع صديقها معن يسيران في احد الممرات فتطلب منه هديل الجلوس على أحد المقاعد ،وتبدا بسؤاله :شايفتك اليوم متغير ؟ وين نغاشتك معن؟
يضحك معن ويقول: نسيتها بالبيت...انتي مالك؟ ما انا متل ما انا ما تغير اشي عليّ.
هديل :حسيت انك متغير شوي ...هادي وسرحان وكأنك بتفكر.
معن: في هذه معك حق ، انا بفكر.....
تقاطعه : ويا ترى شو إلي شاغل بالك؟
ينظر في عينيها قائلا :إنت...
تبتسم ويحمر وجهها خجلا...فيقطع معن تلك اللحظة بكلماته : بفكر اني ما اطلع معك مرة ثانية...
يبدو الذهول على وجه هديل وكأن كل علامات الإستفهام تدور حولها..فيكمل كلامه :الا اذا بتوافقي تتزوجيني....
لا تزال هديل تحت تاثير صدمة كلماته ...
فيلوح بيده أمامها قائلا: ألو.. اصحي ،مالك ؟، وين رحتي....؟
تنطق كلماتها متعجبة: بتحكي جد!!
معن :والله ما عرفت انام طول الليل وانا بفكر في هالموضوع ...
هديل: وكيف خطر عبالك هيك شي؟
معن : لأني بحبك وما بحب اسببلك الأذى بظن الناس السيء...ففكرت انه لما تكوني خطيبتي رح كون مرتاح اكتر وانتي معي ، واكيد رح يكون في كتب كتاب وربطة وين رايح ومن وين جاي ...بعين الله ...
تقول غاضبة :معن ...!
ينهض عن المقعد ويركض بعيداً عنها،بينما جلست تفكر بكلماته كلمة كلمة وحرف حرف وكأنها كانت تتأكد مما سمعته...
يكمل معن سيره وهو يتحدث عبر الهاتف مع عمر يسأله عن مكانه ،ثم يتوجه الى الكافتيريا حيث كان يجلس يدخن السيجارة ويشرب الشاي.
يدخل معن للكافيتيريا ويقترب من عمر : كيفك ؟
عمر :هلا، بخير ولله الحمد...يا اخي انت دايما مبتسم ، ما عندك هموم هون ولا هون؟
يجلس معن على أحد المقاعد قائلا :يالله ، ولا بتتركوا حد مرتاح ومبسوط ...الا تحسدني يعني...وبعدين ليش ما اكون مبسوط يعني؟ شو ناقصني الحمد لله ما حد قدي اليوم...
ينفث عمر الدخان جانبا ويقول : وشو صاير معك اليوم؟
معن : طلبت ايد هديل للزواج...
فيسعل عمر عند سماع الخبر حيث كان يرشف الشاي...
معن : صحة ، صحة شو ما فرحتلي؟
عمر : والله ما هو قصدي بس فاجأتني يا مان ...
يجلس معن بارتياح على مقعده :تصدق اول مرة احس بالمسؤولية ...يا اخي شعور ثاني بتحس فيه أنه وجودك مهم بالحياة ...
عمر :الله يوفقك ويسعدك ويبارك باختيارك....ومتى ناوي تطلبها من أهلها ..؟
يغمزه معن بعينه قائلا: بس تعطيني هديل الأوكي....
يصل باسل ويسحب أحد المقاعد بخشونة ويجلس عليه متأففاً...
معن: خير ان شاء الله، مالك؟
يتكا بساعده الأيمن على الطاولة ويقول: شو هالأرف ، محاضرة ورا محاضرة راسي رح ينفجر(تمر فتاة من امامه) يعني حتى الواحد ما شاف اشي حلو من الصبح ....
عمر : عيب عليك هالحركات، خلص اثقل شوي...
باسل:يعتدل بجلسته ويقول :اسمع مين بحكي؟!
عمر:صحيح بارك لمعن ..رح يتزوج...
يقوم معن بتعديل ياقة قميصة وكانه يرتب بها ...يفاجئه باسل برده:غبي..
يغضب معن متسائلا: شو بتحكي ...لأني بدي اتزوج بكون غبي...
باسل :طبعا ، على شو مستعجل الحياة ئدامك عيشها واعمل الي بدك ياه ولما تصير بالأربعين وتكون مليت من كل شي ساعتها تزوج....
عمر :تفكير غريب ،هاد هو همك بالحياة ، على العموم معن بده يتزوج البنت الي بحبها .
باسل:ليش في اشي اسمه حب...هذه كلمة بنضحك فيها على البنات، مشان ما يلتفتوا لحد تاني غيرنا.
معن :انت الخسران بتفكيرك هاد ورح يمر عليك العمر ما رح تلاقي حد يكلمك او يطلّع فيك .
باسل:أفففف،(يلتفت بنظره فيرى فتاة أمسكت بعض الأوراق واخذت تحركها امام وجهها من شدة الحر) هفي ع قلبي هفي....
ينهض من مقعده ويتجه نحوها...
عمر : لاحول ولا قوة الا بالله...وين هاني وايميل ما شفتهم...؟
معن ما بعرف ،هلأ بحكي مع هاني...(يطلب هاني عبر الهاتف ويحدثه ثم يغلق) هلأ بيجي...
وما هي الا لحظات يقترب منهم هاني وكالعادة يمرر يده لأصدقاءه كتحية سريعة قائلا:كيف الشباب؟
عمر:هلا، وين غاطس ؟
يضحك هاني قائلا:كنت بالمكتبة...فتشت عن كتب دينية يارجل طلعت ولا بعرف اشي عن ديني، المكتبة مليانه كتب اختار واقرأ الي بدك ياه...
معن : وشو قرأت ...شايفك مبسوط....؟!
هاني :الي قرأته ،عن صحابي لفت انتباهي اسمه ، عمر ابن الخطاب...قرأت عنه شوي... بتعرف انه الصحابي الوحيد الي هاجر علنا وما كان خايف من رجال قريش...
يضحك معن ويقول: كان مخاوي على قريش...هو كل الي اسمهم عمر هيك؟؟؟
يرد عمر مستهزءاً: ليش كل الي اسمهم معن هيك؟؟؟ وبعدين ما بسير تحكي هيك عن الصحابة وتقارنهم فينا ،ياريت لو كنت متل عمر بن الخطاب رضي الله عنه ...
اما بالنسبة لإيلين فقد كانت متعصبة جدا لرأيها ، ولم تلقي بالا لمحاولات ايميل باقناعها، مما جعله يتخذ قراراً حاسما بتركها لأنه أسلم وكما يقولون حسن اسلامه،وقام بتغيير اسمه الى محمد ،قدوة جميع البشر الرسول الصادق الأمين ، شفيع العالمين في يوم الدين .
ابحث في قلبك أخي /أختي ستجد مكانا حتما لقراءة القرآن والإستماع الى الدروس المهمة التي فيها الشرح المناسب لديننا الحنيف وستجد طعما حلواً للحياة ،وكما عرضت القصة اختلاف الآراء فمن كان لديهم قابلية للتمسك بالإيمان نجحوا في ذلك ، وهناك من جعل الله غشاء على قلوبهم فهم لا يدركون حلاوة الإيمان.
{إِنَّما الْمُؤْمِنونَ الَّذينَ إِذا ذُكِرَ اللهُ وَجِلَتْ قُلوبُهُمْ وَإِذا تُلِيَتْ عَلَيْهِِمْ آياتُهُ زادَتْهُمْ إِيماناً وَعَلى رَبِّهِمْ يَتَوَكَّلونَ}
(الأنفال :2)تعليق
-
هنا تنتهي هذه القصة ...أتركها بين ايديكم لعلها تصل الى أفئدة مريضة قد ينصلح حالها
اعذروني على الإطالة ...وسامحونا
أترككم في أمان اللهتعليق
-
قصة جميلة بالفعل
لكن لم اتوقع ان تنتهى هذه النهاية
بس نهاية جميلة بالفعل
سؤال هل هذه اول قصة من كتابتك؟تعليق
-
:::::::::دمعت عيني اربع مرات خلال القصة
قلمك سيال ::::::::يهز المشاعر
ماشاء الله تبارك الله
والله اتمنى ماتخلص القصة بهذا الشكل
خاصة سمية وسمر اتمنى استمرار القصة لنهاية اخرررى
القصة روووووووووووووووووووعة
والله استمتعت جدا ومطالبتي بالاكمال لاكمال المتعة ليس لقصوووووووور القصة
القصة رااااائعة بكل المقاييس
وياليت لو تبدأين لنا قصة اخرى بنفس الاسلووووب الراااااائع
والله استمتعت جداااااااااااا قرأتها مرة واحده:::أجمل مافي هندسة الحياة ...ان تبني جسر من التفاؤل على بحر من اليأس:
::::::::::::::::::::::من وجد الله فماذا فقد::::::::: ومن فقد الله فماذا وجد::::::
من اجمل المواقع لدعوة غير المسلمين قد يسلم على يدك احد بزر واحد او رسالة واحدة فقط موقع هدهد الدعوي
تعليق
-
أهلا بك اخي طارق ...أشكر كريم متابعتكالمشاركة الأصلية بواسطة tarek3d مشاهدة المشاركة
يسعدني معرفة النهاية التي كنت تفكر بها
كتبت من قبل قصة (((ضحكة تنتظر))) ورفعتها هنا في المنابر من قبل سأبحث عنها وارفعها لك
كانت اول قصة وليست الجودة المطلوبة
أشكر جميل احساسك اخي الكريم ابو ماياالمشاركة الأصلية بواسطة أبومايا مشاهدة المشاركة
لم افهم مابال النهاية لسمية وسمر ...
فكرت كثيرا بالنسبة للنهاية وربما لاحظ المتابعون لها بأني تاخرت بكتابتها كنت اكتب ما يتبادر لذهني من افكار ثم دمجتها واعطيتها الشكل النهائي
بالنسبة لقصة جديدة انتظر حتى نهاية الشهر ....
وبما انك لا تبالي بطول القصة فلك ان تقرأ قصة ضحكة تنتظر
تعليق
-
-
باذن الله ساقرأهااااااااااااا
على فكرة احب قراءة الروايات الممتازة بنهم
اعجب قصة قرأتها حديث الشيخ انصح الجميع بقرائتها خاصة انتي روز لانه سيفيدك كثيرا بالاسلوب
المؤلف له قصص كثيرة اعجبها فتاة الجزيرة وهي اقوى رواية قرأتهااااااا
المؤلف داوود سليمان العبيدي رااااااااااااااااااااائع جدداااااااااااااا احسن كاتب روايات عندي:::أجمل مافي هندسة الحياة ...ان تبني جسر من التفاؤل على بحر من اليأس:
::::::::::::::::::::::من وجد الله فماذا فقد::::::::: ومن فقد الله فماذا وجد::::::
من اجمل المواقع لدعوة غير المسلمين قد يسلم على يدك احد بزر واحد او رسالة واحدة فقط موقع هدهد الدعوي
تعليق
-
سأقرأها باذنه تعالى....فأنا أقرأ حاليا للمنفلوطيالمشاركة الأصلية بواسطة أبومايا مشاهدة المشاركة
شكرا لكتعليق
-
المنفلوطي قرأت له النطرات والعبرات راااااااااااااااائع
الاروع
مصطفى صادق الرافعي عجيب في اسلوبه
انصح بقراءة وحي القلم:::أجمل مافي هندسة الحياة ...ان تبني جسر من التفاؤل على بحر من اليأس:
::::::::::::::::::::::من وجد الله فماذا فقد::::::::: ومن فقد الله فماذا وجد::::::
من اجمل المواقع لدعوة غير المسلمين قد يسلم على يدك احد بزر واحد او رسالة واحدة فقط موقع هدهد الدعوي
تعليق
-
شكرا لك أخي ابو مايا ولا تعلم كم يسعدني أن هناك شباب مثقفون ويقرأونالمشاركة الأصلية بواسطة أبومايا مشاهدة المشاركة
ربما يرجع هذا الى مجتمعي الذي اعيش فيه ...
مالدي للمنفلوطي هو العبرات ...رفعه هنا الأخ ابن يس....
وقد قمت برفع ما ذكرته انت حتى لا يفوتني شيء...ما عدا فتاة الجزيرة...لم اجدها على النت
أكرر شكري لك
تعليق
تعليق