قصة ...خلال ثلاثة أيام

[منبر الخير]

الحمد الله على السلامة

وشكرا لأتمام شي من القصة

متابعين لك وبارك الله فيك

[رجاء الفرج]

الله يسلمك اخي منبر الخير وما تشوف شر ابدا ً
اعتذر منك لأنه الجزء الأخير قصير...ولكن ما احمله من مسؤولية الكتابة هو ما يجعلني حذره فيما اكتبه للقراء
اريد ايصال الفكر الصحيح ...والله الموفق.....

أبو عمر :بس احنا تربينا هيك ،وما كان عنا لا جامعة نتعلم ولا مدرسة جبيرة ،كنا نروح لعند واحد بعرف يكرا ويكتب كان يعلمنا لحتى صرنا نعرف نفجش الحرف وبعدها نرجع لفلاحة الأرض.
نادر:كلامك صحيح يا حج ،بس الزمن تغير والعالم تطور ....والله يرحم والدينا ووالديك ،كانت ايدهم والعصاية هي الحل لتوجيه اولادهم ....اليوم أولادنا متعلمين يعني بجلسة هادية ورايقة بتحكي فيها مع ابنك وبتسمعه وهو اكيد رح يسمعك لما تاخذ وتعطي معه بهدوء ....كل ابن بحاجه لتوجيهات والده والله يخليك لعمر وما يحرمكم من بعض.
يبتسم والد عمر قائلا:تعرف يا ابني ،أنا كنت جاي معصب ومش شايف كدامي من عمايل هاض الولد ، بس انت ريحتني وطمنتني أنه ابني بتعلم منك ،ان شاء الله يفلح في دراسته ويطلع مهندز جبير.
تنتهي الجلسة بضحكاتهما ويغادر ابو عمر مسروراً، وبعد انتهاء المحاضرة يطلب الدكتور نادر من عمر الحضور لمكتبه ...يطرق عمر الباب ويدخل .
عمر:السلام عليكم ....
نادر :أهلا عمر تفضل...(يجلس عمر ويتابع نادر حديثه)..الحمد لله الوالد طلع من هون مبسوط.
يتنهد عمر قائلا:شكرا دكتور.
نادر :في عندي كلمتين بدي أحكيلك اياهم ...بس جاوبني على سؤالي...كيف علاقتك مع والدك...؟
يجيب بصوت خافت :..متل علاقة أي شب بوالده....عادي يعني....
نادر:ما فهمت ،كيف بتكون علاقة الشب بوالده؟
يقول عمر مع ارتفاع تدريجي في صوته :يا دكتور انا كبير والي حياتي الخاصة والي حقي اعيش متل باقي الشباب ،بعرف مصلحتي وين .
نادر:انتبه صوتك ....هاد هو الأسلوب الي بتحكي فيه مع والدك !!؟ قبل ما تجاوبني ،أنا ما بنكر انه اسلوب الآباء بعتمد على الأوامر بس،وأحيانا بيضطروا لإستخدام أسلوب الضرب يمكن لأنه هاد هو اسلوب التربية الي تلقوه في زمنهم ...ولكن يا عمر أحنا اليوم مع التقدم تقدمت اساليب التربية ، ومش من اليوم ،من قبل ألف أربعمية سنة الرسول صلى الله عليه وسلم ما كان يستخدم هذه الأساليب وكانت معاملته مع الجميع باحترام ورحمة وعطف مش بس للبشر حتى الحيوانات والنبات، العادات الخاطئة والأفكار الي بتنتقل مع الأجيال هي الخطأ .واحنا كمسلمين لازم نتصرف تصرف يليق باسمنا ....معلش يا عمر لو والدك رفع صوته عليك اسمعه خليه يخلص كلامه لا تنسى هو الي تعب وافنى عمره لحتى تاكلوا وتلبسوا وهي ما شاء الله بتدرس باحسن جامعة والدك ما قصر معك ولو كان اسلوبه بزعلك يا اخي نيالك ،في شباب مو لاقيين اب يحكيلهم الصح من الغلط ،وبالنسبة لطلباتك وحقوقك ...بدي لما ترجع بيتكم احكي مع والدك بهدوء واذا حكى تسمعه وشوف كيف رح تتغير ردة فعله تجاهك ، لأنه اذا كنتوا رح تصرخوا مين يسمع ؟... ربنا خلقلنا فم واحد يحكي وأذنين ثنتين لحتى نسمع أكتر ما نحكي....
يقف عمر ويقول :تعرف دكتور يمكن حياتي كشب عنده احلام كتيرة وبدي حققها غطى على بصري وما خلاني شوف كيف وصلت انا لهون ...بارك الله فيك دكتور ،وان شاء الله ما بكون والدي الا راضي ، بعد اذنك .....
الدكتور نادر :اتفضل.

بعد انتهاء المحاضرة الثانية تخرج سمية مع صديقتها الجديدة سلوى وتجلسان على احد المقاعد ...
تخرج سلوى بعض البوسترات من حقيبتها وتعطيها لسمية قائلة:شوفي هدول البوسترات للحجاب شو رأيك فيهم ....(تقلب سمية البوسترات ولكن نظرة وجهها لا توحي بانها سعيدة )....شو رايك ؟؟؟
تبدو ملامح سمية كمن اصيب بخيبة امل :بصراحة كشغل متعوب عليهم ولكن لاحظت أنهم بيحملوا فكرة الترهيب اكتر من الترغيب ...يعني البنت لما ترتدي الحجاب لأنها خايفة من النار هاد الخوف ممكن يبرد مع الأيام وارتداء الحجاب كان لمجرد تخطي طريق معين غير ملموس للبشر في الدنيا ،ولكن جربي استخدمي اسلوب الترغيب ، لبس الحجاب طاعة لأوامر الله حب في الوصول لمرضاته يجعلنا في تفكير مستمر في طاعته وعدم عصيانه، الحجاب بيرفع من مكانة المراة وطهارتها متل الدرة المصونة الها قيمتها ،في كلمة بحكيها بابا بخليني اشعر باني مسؤولة بيقول:انتي يا بنتي عقد من لولو لف على رقبتي بدي احميكي وحافظ عليكي واذا ما اديت رسالتي هاد العقد رح يقتلني ...(تغمرالدموع عينيها ) بحب اكون سبب في دخول اهلي الجنة ....(تمسح دموعها) خلينا نرجع لموضوعنا.....
تنظر سلوى بدهشة الى سمية :انا اكتشفت أنه انتي وعيلتك جايين من كوكب تاني ، في هيك أب هذه الأيام؟،والله كلامه اعجبني ،في مجال يتبناني....
تبتسم سمية قائلة: الحمد لله على هذه النعمة.

[PIXAR 2]

^____________^ في شخصيه هنا تشبهني كتير ^___________^

[رجاء الفرج]

^____________^ في شخصيه هنا تشبهني كتير ^___________^

أكون سعيدة جدا لو حققت هذا الهدف ......بأن تلمس القصة قلوب قارئيها.....

[رجاء الفرج]

تنبيه هناك كلمات باللهجة المتمدنة يعني بدل حرف القاف ق كتبت حرف الألف بمختلف اشكاله أ ئـ ء ؤ

ينتهي دوام سمية متأخراً وكان الوقت قد اقترب من العشاء وبعد وصولها للشقة . تدخل وتغلق الباب خلفها وحين ترى الفتيات تقول:السلام عليكم ورحمة الله وبركاته.
فتسمع ردود مختلفة:أهلين ....يا هلا.....مساء الخير.
فتهز رأسها وتتجه مسرعة لغرفتها ،تضع الكتب من يدها على السرير ثم تأخذ منشفتها وتتجه للحمام لتتوضأ ثم تعود لغرفتها وتؤدي الصلاة.
في الصالة.
ايلين:شو في؟، ليش عم تركض من هون لهون؟.
تقترب سمر وقد تبعت سمية لرؤية ما تفعل.وتقول :بتصلي، أصله قرب أذان العشاء .
نور: في الإسلام، لازم نصلي كل صلاة بوقتها.
ايلين :بس أنا ماشفتكم ولا مرة بتصلوا.
تصمت الفتيات دون اجابه، فتدخل سمية للصالة وهي ترتدي ملابس الصلاة.
تجلس سمية وتقول: أهلا وسهلا،زميلة جديدة عنّا؟
ايلين:لأ ،بس جاية زيارة.
نور:ليش مغطية شعرك؟،ما في رجال في الغرفة.
تهز سمية رأسها أسفاً على ما سمعته فتقول:الأخت نصرانية ولا انا غلطانة.
ايلين:اه أنا مسيحية ،شو يعني؟
سمية: حكم لبس الحجاب أمام النصرانية متل حكم لبس الحجاب أمام الرجل المسلم.
ايلين:بصراحة أنا جيت لأحكي معك بموضوع الحجاب،يعني نور بتلبس شو ما بدها ،وسمر لبسها مستر بس ما بتلبس حجاب،وهديل بتلبس حجاب بس لبسها عالموضة،وأنت لبسك غير عنهم كلهم،فهميني مش كلكم مسلمين وكتابكم واحد ،كيف صار هادا الشي؟
سمية:كلامك مزبوط كلنا مسلمين وكتابنا واحد،لكن مش الجميع ملتزمين بأحكام كتابنا،ربنا شرع لبس الحجاب اللي ما بيظهر مفاتن جسم المرأة ،الشغلة مو بس اني اغطي شعري او رجلي أو ايدي
مبدأ الإسلام منع حدوث المنكرات ممكن لبس المرأة يكون مغري،خليني وضحلك هالنقطة بمثال،ليش البنت لما بتطلع بتتزين وبتتعطر .
تقاطعها ايلين:لأنها بتحب تكون مرتبة وحلوة ومشان الشباب اكيد.
سمية :انت حكيتيها ،لما الشب يشوف وحده قدامة بمنظر ممكن يحرك مشاعرة الشهوانية ، أيش بدها تكون ردة فعلة ...يا بده يغتصبها اذا كان ما عنده دين من مرة ،أو يندب حظة لأنه مو قادر يعمل شي غير انه يتفرج عليها، أو تجيه حالة هستيرية ،أنا بحكي عن الشباب قليلي الإيمان ،أما لما يكون الشب ملتزم فما عليه سوى غض البصر والتعوذ من الشيطان الرجيم لأن الشب الملتزم عنده مشاعر متل غيره لكن بكبحها عن الحرام.
نور:بس لبس الحجاب هاد،صار موضة أديمة يعني خلاص زمنه عدا .
سمية:غلطانه دينا نزل لكل الأجيال،ما تخصص بزمن معين لأنه خاتم الديانات وهو الدين المستمر على وجه الأرض حتى قيام الساعة.
ايلين: الساعة ،أصدك الئيامة.
سمية: نعم.
هديل :خلينا بموضوع الحجاب أرحم،لا تدخلونا بمتاهات.
نور:بصراحة كلامك ما بيئنعني ،البنات اللي بلبسوا حجاب ما في عندهم تطور علمي وفكري متلنا نحنا.
سمية:هاتي دليلك.
تنصدم الفتيات من رد سمية وكأنه طلقة نارية مصوبه نحو نور.
بعد صمت دام لثواني تكمل سمية كلامها:تخرجوا من هذه الجامعة طبيبات مع الإلتزام بالحجاب ولا لأ، تخرجوا محاميات ولا لأ، اتخرجوا مهندسات بمختلف المجالات ولا لأ،صار عنا عالمات في امريكا في المصانع النووية مع الإلتزام بالحجاب ولا لأ.
نور :بس البنت المحجبة ما الها حؤوء(حقوق) وما عندها حرية متلنا .....
تجيبها سمية والأسف ظاهر على وجهها لهذه الفتاة المسكينة التي غرتها الدنيا كثيراً:شوفي يا نور ،قبل الإسلام كانوا يوئدوا البنات ...يعني البنت اول ما تنولد يروح ابوها يحفر حفرة بالأرض ويضع بنته وهي حية ترزق وبتتنفس بين اديه ولكن العار بوجود بنت بالعائلة غطى على عقولهم ،قبل الإسلام البنت كانت عار على اهلها لمجرد انها بنت، ورح آخذك لعالم الغرب عند الرومان كيف كانت معاملة المرأة ...؟
تنظر نور لباقي الفتيات وتقول مستنكرة:اشمعنا انا يعني ؟، اسالي أي حد تاني....
تتدخل ايلين :المرأة بالغرب من أديم الزمان وهي الها حؤوءها بالتعليم والعمل وحرية اللبس ....
سمية :المرأة بالغرب كانت مجرد خادمة ،واداة للتسلية ،وحرية اللبس الي بتحكي عنها ما هي الا أسلوب تحقير للمرأة وتجريدها من كرامتها ....دين الإسلام الغى كل هذه التفاهات واعطى للمراة قيمتها بسترها
وابعاد عيون أرذل الناس عنها ،الإسلام أعطى البنت حق الحياة وحرم وأدها....الإسلام ما حرم علينا التعليم ولكن بشروط لازم نحترمها ،كتير بنات انحرموا التعليم بسبب الإختلاط وهاد بيرجع لقلة تطبيق الدين ،ومش العيب بالدين نفسه ....والمرأة المضطرة للعمل الإسلام ما منعها تأدي عملها في نساء بحاجه للعمل لظروف معينة صادفتهم في الحياة ....وحتى في أماكن عمل ما بينفع انه يشتغل فيها رجل والمرأة اولى منه ، أقرأوا القرآن وتعرفوا على السيرة النبوية صح قبل الحكم على دينا بأشياء ما بتناسبة.
تقف سمية وتقول :اذا عندكم أي استفسار انا جاهزة للتوضيح ...وأي اسئلة انا حاضرة للإجابة عنها ولكن اسمحولي صار موعد أذان العشاء ....
تدخل لغرفتها بينما تابعت سمر الكتابة واخذت الفتيات الأخريات بالضحك بصوت منخفض.

[رجاء الفرج]

في سكن الشباب ،حيث كانوا يلعبون الورق ويسمعون الموسيقى وأصواتهم تتعالى بالشتائم على بعضهم عن طريق المزاح،وكانت أكواب الشاي والعصير امامهم ،والدخان يملأ الغرفة ...
يبحث عمر بنظره عن أي شيء يطفيء فيه سيجارته ...فيرى كوب باسل الفارغ ويضع عقب السيجاره فيه تكون ردة فعل باسل سريعة قائلا: شو هاد الي عملته أرف يئرفك...
ينظر اليه عمر بعين الغضب :مع مين بتحكي انت...؟
يرد عليه قائلا:ما في غير المج لتطفي سيجارتك ....
عمر :ما في غيره قدامي...بدك ياني أروح اطفيها في المطبخ ...
باسل:ليش شو ناءصك ايد ولا رجل؟
ينفخ عمر غضبا ،وينهض من مكانه ...ثم يقول :أعوذ بالله من الشيطان الرجيم ....
يتوجه لغرفته ويقف امام النافذة يتأمل السماء ومع تنهيده تخرج من صدره يقترب منه معن ...
يلتفت اليه وبنظرة رقيقة يقول :حبيبي معن تعال...
يقول معن ممازحا :لأ انت بتخوفني هيك ....
يبتسم عمر ويقول :تعال بلا مسخرة ...شوف النجوم .....
ينظر معن الى عمر باستغراب قائلا:ليش أول مرة تشوفها ؟
عمر:آه.. اول مرة اشوفها بتلمع وبتلالي بهاد الجمال..(يلتفت لمعن ) كلام الدكتور نادر اليوم أثر فيّ..وهسه كلمة باسل ،ليش انا متسلط ؟ليش انا بتصرف بعنف ؟ليش مش شايف حد قدامي..؟ أسئلة كثيرة ...يا ترى تربيتي ولا المجتمع الي أنا عايش فيه ....أو يمكن انا كلي على بعضي غلط....
يضع معن كفه على كتف عمرقائلا:شوف عمر انت متلك مافي ...صدقني انا بفتخر بصداقتي الك ،ما في مرة احتجتك فيها الا وساعدتني وهيك تصرف ما بيطلع الا من واحد دواوين متلك ...هههههه
يضحك عمر ومعن وتصل ضحكاتهم الى باسل وهاني في الغرفة المجاورة ،مما سبب لديهم حشرية لمعرفة ما يحدث، يسرعون في الدخول لغرفة عمر وعلا مات الإستفام تملأ وجههما...مما زاد من ضحك عمر ومعن .....
باسل:بدني صار يحكني ....بدي أعرف ليش بتضحكوا؟
يجلس عمر على سريره قائلا:اقعدوا يا شباب خلينا نحكي باشي مفيد .....
بعد ان يجلس الجميع يقول باسل :وشو هو المفيد ؟
عمر:أكيد بتمر علينا لحظات بنشعر بالحزن فيها ...لكن فكرنا شو السبب ...؟ ليش حياتنا مقفلة معنا هيك على طول ...
يقاطعه باسل ويردد كلمة :مقفلة ...مقفلة ...(محاولا الشد على حرف الـ ق_g)
يضحك منه معن قائلا :ههههههه بسمع بانجليزي مكسر بس دواويني مطعج هذه جديدة...هههههه.
عمر:بس اسكت انت وياه ...بدي احكي كلام جد ....
باسل :يا زلمة احكي....
عمر :باسل أنت رح تتزوج نور..؟
يتفاجأ من السؤال لوهلة ويجيب:ضروري أجاوبك يعني؟؟؟؟على اساس بدك تحكي عن حالك...؟
عمر :جاوبني ....
باسل :يعني ...الزواج بده تفكير ما بيجي هيك مرة وحدة .....مصاريف مهر وبيت وشهر عسل....ما لها المصاحبة عزومة صغيرة في الكفتيريا على كاسة عصير وبعد الجامعة عالتلفون ...وبعدين كل وحدة بدي أحكي معها بدي أتزوجها ...هههههههه...مارح تلاقي بنت تتزوجها......
عمر :واثق من نفسك كثير...
باسل :ولا شو ...
عمر:معن ....وهديل ....شو آخر خططكم.....؟
معن :بتصدق ...مش عارف....لما تعرفت عليها ،كانت زميلة بس يعني بنتواجد في محاضرة نتبادل معلومات ...مرة على مرة زاد الحكي صار لازم شوفها كل يوم ،بس هي بسبب ظروفها مع اهلها اتمسكت في ّ...فمش عارف شو احكي ...اذا ممكن تطور علاقتنا ونتزوج ولا هي علاقة في الجامعة وبعدين كل حي بروح بحال سبيله ....لكن اكيد انا مش مثل باسل...
يقول باسل وقد بدء الشعور بالملل:خلاصة الموضوع يا أستاذ عمر....
عمر:لازم نتغير....خلينا نطلّع كل شي خطأ من حياتنا ونبدأ من جديد....
باسل :شو قصدك ؟؟ابعد عن البنات ....بموووووووت...
عمر:تموت مرة ولاتموت كل مرة يا فهلوي...انت بتعمل اشي غلط ....وفي النهاية رح تتعاقب....طب ليش ما تبعد عن الغلط وتعيش في السليم ...أنا قدامك ، ما صاحبت ...؟
باسل :ولا حبيت ؟؟؟
عمر :مش رح أكذب عليك ...حبيت بنت في حارتنا بس لاواعدتها ولا كلمتها .
باسل:حب من طرف واحد يعني ولا انت حاولت تحكي معها وهي رفضت .
عمر:في اشي في الدنيا والحياة اسمه الشرف هاد الشي يمكن ما مر عليك من قبل...أنا ما برضى لأختي حد يتحركش فيها بدي اروح احب بنات الناس وأسألهم ....
معن :بس يا عمر ،لما الي بتحبه يكون قدامك صعب تمنع نفسك تحكيله ...كلمة بحبك.
عمر:حكيتلكم بلاش شلة بنات وشباب انتوا ما بتسمعوا الحكي...الله يهديكم ...نشف ريقي فش اشي نشربه.
معن : أحلى كيف يا معلم.
عمر:لا ،ما بدي أشرب من اليوم وعلى طول ...اشربنا لننسى همومنا وما فادنا باشي غير الهم والمرض...
باسل :شو يا سلطان الحب باينتك وقعت ومحدا سمى عليك،البنت ما غيرها غيرت تفكيرك.
عمر: صحيح،اياك تجي جنبا للمخلوقة .
هاني:عن مين بتحكوا؟
باسل:البنت سنة أولى،اللابسة شرعي مدري شو.
هاني:ليش حلوة.
باسل:لحد الآن ما شفنا غير وجهها.
عمر:خلص محد يجيب سيرتها ،البنت ما الها علاقة بالتغيير الي بحكي عنه ،تصبحوا على خير.
هاني:أنا مارح اجيب سيرتها خلص.
باسل :يا جبان.
يتوجه كل منهم الى غرفته وسريره ويستغرق في نوم عميق.

[eyadness]

مشكورة اختي على القصة، مع بعض التحفظات على بعض النقاط...
الصراحة الواقع اصعب من هيك بكثير، اشياء لا بتقدري تكتبيها ولا بتحكيها، و عجزت الف ليلة و ليلة على وصفها.

متابعك اختي حتى نهاية القصة.
الجميل في الامر انو عايشين في بيئة واحدة، و فاهم كل كلمة كاتبيتها و شو قصدك فيها.

[رجاء الفرج]

مشكورة اختي على القصة، مع بعض التحفظات على بعض النقاط...
الصراحة الواقع اصعب من هيك بكثير، اشياء لا بتقدري تكتبيها ولا بتحكيها، و عجزت الف ليلة و ليلة على وصفها.

متابعك اختي حتى نهاية القصة.
الجميل في الامر انو عايشين في بيئة واحدة، و فاهم كل كلمة كاتبيتها و شو قصدك فيها.

أهلا بك أخي الكريم
فعلا انا ما ذكرت التفاصيل صعب جدا وهناك أمور يمنعني حيائي من ذكرها ...
ولكن لمن درسوا في الجامعة افكاري واضحة وما اعمل عليه ايصال الفكر الإيجابي
وهناك امر كنت اخفيه ولا يعلمه الجميع هنا ....انا لم اكمل تعليمي الجامعي وقد كان همي الأكبر وحلم حياتي ...
لذلك ان قصرت في ذكر بعض الأمور فيعود ذلك لجهلي بها ....
وشكرا لمرورك ....

[tarek3d]

فى واحد فى القصة عامل زيي بالظبط

[eyadness]

أهلا بك أخي الكريم
فعلا انا ما ذكرت التفاصيل صعب جدا وهناك أمور يمنعني حيائي من ذكرها ...
ولكن لمن درسوا في الجامعة افكاري واضحة وما اعمل عليه ايصال الفكر الإيجابي
وهناك امر كنت اخفيه ولا يعلمه الجميع هنا ....انا لم اكمل تعليمي الجامعي وقد كان همي الأكبر وحلم حياتي ...
لذلك ان قصرت في ذكر بعض الأمور فيعود ذلك لجهلي بها ....
وشكرا لمرورك ....

وصلت رسالتك اختي بالنسبة للقصة، و ان شاء الله رح اردلك عليها قريباً...

طيب اختي بتقدري تكملي دراستك لو عندك وقت فراغ... انا شفت رسمك التشكيلي، و الصراحة جميل جداً، بامكانك تسجلي بالاردنية فنون بصرية او باليرموك تشكيلي. و على حد علمي بامكانهم يعدلو الك الساعات القطعتيها من قبل.

[رجاء الفرج]

فى واحد فى القصة عامل زيي بالظبط

الي هو مين ؟

وصلت رسالتك اختي بالنسبة للقصة، و ان شاء الله رح اردلك عليها قريباً...

طيب اختي بتقدري تكملي دراستك لو عندك وقت فراغ... انا شفت رسمك التشكيلي، و الصراحة جميل جداً، بامكانك تسجلي بالاردنية فنون بصرية او باليرموك تشكيلي. و على حد علمي بامكانهم يعدلو الك الساعات القطعتيها من قبل.

ما شاء الله عليك ...منفتح جدا ....المجتمع الي عايشه فيه بفكر عكسك تماماً
حلمي كلية الحقوق ....ومتل ما تقول ندهس مع الأيام وبلش يختفي ...ولكن لازال هناك امل ...
يمكن بعد ما يخلصوا ولادي دراستهم الجامعية اسجل انا ....
شكرا لك رفعت معنوياتي المحطمة

[eyadness]

الي هو مين ؟



ما شاء الله عليك ...منفتح جدا ....المجتمع الي عايشه فيه بفكر عكسك تماماً
حلمي كلية الحقوق ....ومتل ما تقول ندهس مع الأيام وبلش يختفي ...ولكن لازال هناك امل ...
يمكن بعد ما يخلصوا ولادي دراستهم الجامعية اسجل انا ....
شكرا لك رفعت معنوياتي المحطمة

الحقوق غلبة و تعب، شو بدك فيو.... اختي محامية شرعي، جد كل يوم بتروح على البيت مش شايفة الفضا من قصص الطلاق و المشاكل... فن تشكيلي اريحلك، بترتاحي من كل مشاكل الناس

ان شاء الله كل شي بتتمني بتحقق عن قريب، المهم ما تزعلي ولا تحزني على شي، كل شي ربنا كاتبو منيح.

[رجاء الفرج]

الحقوق غلبة و تعب، شو بدك فيو.... اختي محامية شرعي، جد كل يوم بتروح على البيت مش شايفة الفضا من قصص الطلاق و المشاكل... فن تشكيلي اريحلك، بترتاحي من كل مشاكل الناس

ان شاء الله كل شي بتتمني بتحقق عن قريب، المهم ما تزعلي ولا تحزني على شي، كل شي ربنا كاتبو منيح.

هيك طبعي انا بحب الغلبة.....
انا مو زعلانة راضية وقنوعة باللي كاتبه ربي الي ...هي مجرد احلام أسعى لتحقيقها مهما كثرت المطبات بحياتي....
شكرا لك اخي الكريم لإهتمامك ....

[رجاء الفرج]

في الصباح الباكر يستيقظ معن لتجهيز نفسه للخروج للجامعة ولكنه لاحظ أن عمر استيقظ باكراً ايضا ولكنه ليس موجودا في الغرفة أو الشقة ...مما جعله يشعر بالقلق اتجه لغرفة باسل وهاني فوجدهما قد استعدا للخروج ..فيبادر بسؤالهما :شفتوا عمر ؟
ينظر باسل في الأرض مفكرا ثم يرد :لأ ...
معن: وانا شفتك بتفكر حكيت بيتذكر وين شافه .... دايما بيصحى آخر واحد ....ليكون صاير معه اشي...
هاني :شو بده يصير معه يعني ؟...كان حسينا عليه...
معن:أف ....قلبي مش مطمن...
يقول باسل مستهزءا :قلب الأم يا ولدي....
فاذا الباب يفتح ...يتوجهون نحوه بسرعة ،حيث كان عمر يقف بالباب ...
معن :وين كنت ؟
يرد عمر مستهزءا :نعم يا بابا...
هاني :مش متعودين تصحى بدري....
عمر:طول مبارح وانا بحكي بدنا نتغير...ولسه الفكرة ما وصلت ....
باسل :عن شو بتحكي؟
يجلس عمر على الأريكة والكل ينظر اليه ينتظرون سماع كلماته:كنت في المسجد.... صليت الفجر في المسجد اليوم ....من عشر سنين ما دخلت المسجد ...انا قررت أتغير وأكون انسان ثاني حتى لو ظروفي ما ساعدتني ...ما رح أستنى حد يحكيلي شو بدي أعمل ...قراري كان بحاجه لخطوة أولى وانا اليوم اعملت هذه الخطوة ...وان شاء الله رح استمر ....
يرفع باسل يده في وجه عمر بلا مبالاة قائلا:روح يا شيخ...اتغير متل ما بدك حد مانعك،يلا شباب رح نتأخر .
ينظر عمر اليه بغضب ولكنه يكتم غضبه ...لطالما اعتاد استخدام يده حين يغضب ولكن هذه المرة استبدلها ببضع كلمات رددها في صدره : أعوذ بالله من الشيطان الرجيم ...
مثل كل صباح في الجامعة يتوافد الطلبة اليها منهم يبتسم ومنهم يضحك بصوت مرتفع ومنهم من اعتزل الاخرين بسبب حزن ألم به والأسباب متعددة...
تصل سمية للجامعة وتتجه نحو كليتها وفي طريقها رأت سلوى التي اقتربت منها وألقت السلام عليها .
سلوى :السلام عليكم ورحمة الله وبركاته .
سمية :وعليكم السلام ورحمة الله وبركاته .
سلوى :كيفك ان شاء الله بخير؟
سمية :الحمد لله ...وانت كيفك ؟
تتابعان سيرهما حيث كان يسير الدكتور اسماعيل والدكتور نادر وكانا يحملان معهما القهوة .
يقول اسماعيل بغضب:استغفر الله ،يعني ولا كأني نبهت عليها ...
نادر :شو في مالك؟؟
اسماعيل:بتتعب مع هالطلاب مشان يستقيموا وما في فايدة ،ما بتخاف على سمعتها لما تمشي مع وحدة مثل هذه البنت ..
نادر:استهدي بالله ..عن شو بتحكي انت ...
اسماعيل:البنت سلوى مشتركة معنا في نادي اللأنشطة الإسلامية ..ما شاء الله عليها محترمة وملتزمة لكن اختارت الزميلة الغلط ....
يقاطعه نادر قائلاً:وكيف اعرفت انها ...غلط ؟
اسماعيل:أولا شفتها في الكافيتيريا ...ثانيا كانت بتحكي مع اليّ اسمه عمر...
نادر: اتقي الله يا رجل ...ما بسير هاد الحكي...وحط حالك محل البنت ...يعني انت بتحكي مع البنات في نادي الأنشطة بسير اجي احكي انك بتشتغل من تحت لتحت ...
يغضب اسماعيل ويتراجع للخلف خطوتين : شو هالحكي؟؟؟؟؟؟؟
نادر : شا يفك ازعلت ، أنا حكيت مثال ،مشان تحس شوي بمسؤولية الكلام الي بيطلع منك....
اسماعيل :بس انا بعرف حالي منيح .
نادر: والبنت بتعرف حالها منيح ....وبعدين ماله عمر ؟
اسماعيل:يعني مش عارف ماله؟ الجامعة كلها بتعرف انه بلطجي وبيشرب ...هذه أخلاق شاب محترم يعني...
نادر : لا حول ولا قوة الا بالله ....يا دكتور اسماعيل ،اذا كل شب بده يغلط نتركه في زاوية لوحده ونرفع أصابع الإتهام تجاهه رح يفسد المجتمع كله ،يا اخي الطريقة الصحيحة للتعامل مع الشباب الكلمة الطيبة شو بتخسر لو حكيت كلمة منيحة مع ابتسامة حلوة ...والشخص البشوش الناس بتحبه وبتسمع كلامه اكتر من الشخص المتهكم ،مش الرسول صلى الله عليه وسلم وصانا بالإبتسامة وقال:تبسمك في وجه أخيك صدقه ..
اسماعيل :عليه الصلاة والسلام ...
يمر عمر بجانبهما قائلا:السلام عليكم ورحمة الله وبركاته ...
يرد نادر واسماعيل :وعليكم السلام ورحمة الله وبركاته
يضع نادر يده على كتف اسماعيل قائلا:لسه كنا بسيرتك .
عمر: ان شاء الله خير...!!!!
نادر :كل خير .... كيف حالك اليوم؟
عمر :الحمد لله ...حبيت اشكرك كعرفان بالجميل.
نادر :عن أيش بتحكي....؟
عمر :كلامك مبارح ،ساعدني وفتح عيوني على كثير اشياء ....يا ريت كنت أعرفك من زمان ...
يبتسم نادر وينظر لاسماعيل قائلا: أنا ما عملت اشي من نفسي، أنا بطبق تعاليم دينا واخلاق الرسول الكريم عليه أفضل الصلاة وأتم التسليم ...
ينتهي الكلام بالصلاة على سيد المرسلين محمد صلى الله عليه وسلم .

[eyadness]

مشكورة اختي على المتابعة، جزاكي الله الف خير. و بانتظار باقي القصة