Unconfigured Ad Widget

تقليص

إعـــــــلان

تقليص
لا يوجد إعلان حتى الآن.

اول مودلينج كامل لى ارجو النقد

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • اول مودلينج كامل لى ارجو النقد

    السلام عليكم ورحمة الله وبركاته
    دى اول مرة اعرض فيها عمل عملته ع الماكس لان اللى عملته قبل كدة كان بيبقى في مودلز جاهزة بسبب ضيق الوقت مكنتش بلحق اعمل حاجة بس برده انا مبتدئه ومكنتش لسة اعرف كتير فى الماكس غير الاضاءة والنهارية كمان مش الليلية
    النهاردة بقى احب اعرض غرفة نوم من تصميمى ما عدا جزء من الستاير لانى مش لاقية طريقة تشرح الجزء دة بيتعمل ازاى مش دلع ولا كسل منى يعنى
    والبرواز اللى فى الحيطة يعنى مكنتش فاضية احاول اعمل برواز فجبت واحد جاهز وخلاص والزرع كمان جاهز
    عندى بس ملاحظة ع الصورة قبل ما اعرضها
    اول صورة هتلاقوا مفرش السرير مجرد لون لانى مكنتش حطيت خامة واكتشفت كدة بعد ما عملت الريندر وخصوصا انه خد وقت طويل اوى ومعرفش السبب ليه مع انى شغالة على ماكس 2010 وكنت شغالة على ماكس 9 قبل كدة ومكنش بياخد وقت اوى كدة
    المهم وفى صورة هتلاقوا فيها اضاءة شديدة شوية دى برده كانت غلطة منى بس انا عدلتها بعد كدة
    وعندى سؤالين اخيرين بل ما اعرض الصور
    ازاى اعمل اضاءة مخفية فى السقف ومش شرط بالفيراى بس ياريت اعرف الطريقة بيه برده لانى عاملة شكل منحنى فى السقف حاجة خفيفة على قدى يعنى وكنت عايزة اعملها اضاءة ومش عارفة ازاى ؟
    والسؤال التانى ازاى اظبط اضاءة الاسبوتات لانها مش مظبوطة اوى مع انى حاولت فيها كتير بس دة كان اخر حاجة وحاجة كمان اخيرة هتلاقوا نويز فى السقف والحيطان دى انا عاملاها يعنى مش من الرندر
    المهم معلشى ع التطويل ودى الصور واتمنى ان اول عمل ليا يكون كويس لانى سبت الماكس لمدة 3 شهور او 4 بسبب ظروف الدراسة ملحقتش اكمل فيه اوى









    انا حاولت اخلى العمل واقعى بقدر المستطاع وخصوصا ان دى اول مرة ليا فى الاضاءة الليلية
    ومدة الرندر كانت ساعة تقريبا لكل صورة
    ولكل مجتهد نصيب واتمنى ان العمل يعجبكم وفى انتظار نقدكم الكريم
    أعـــشــق فى نـــفســى العنــــاد فكـــــم من كلمــــــات أرادوا بها قـــــتــــــلى كانـــــت بعنـــــادى عمــــرا جديــــدا

  • #2
    بداية موفقة واصل وإلى الأماام
    ((رحلة الأف ميل تبدأ بخطوة))
    ____

    " النت هو المنابر "
    أخوكم:فارس الفايز

    تعليق


    • #3
      شكرا كتير لرد حضرتك بس حضرتك مقولتش ملاحظاتك على الصورة هى وحشة اوى كدة ؟
      أعـــشــق فى نـــفســى العنــــاد فكـــــم من كلمــــــات أرادوا بها قـــــتــــــلى كانـــــت بعنـــــادى عمــــرا جديــــدا

      تعليق


      • #4
        بدايه جميله وهيبقى باين لو غيرت
        الوان الحوائط والسقف بيقى غالبا ابيض
        وحاولى انك تعملى تناسب بين محتويات الغرفه تخيليها فى الواقع المقاسات هتبقى ازاى
        والفتره الى القادمه اعملى مودلينج كتير لغايه متتقنى الشغل وتظبطى الماتريل والاضائه
        الماكس عاوز واحده واحده لتصلى لنتيجه مرضيه وبعدين الاحتراف باذن الله
        ( اللهم إني أسألك الثبات في الأمر والعزيمة على الرشدوأسألك شكر نعمتك وحسن عبادتك وأسألك قلباً سليماً ولسانا صادقا وأسألك من خير ما تعلم وأعوذ بك من شر ما تعلم وأستغفرك لما تعلم )

        تعليق


        • #5
          بداية موفقة واصل وإلى الأماام
          Designer Graphic
          My Design Exterior _Interior --Mobile : 01006748045

          تعليق


          • #6
            عمل ممتاز جدا
            لكن اين الضلال
            انا انصحك بستعمال رندر خارجي مؤقتا لكي يظهر اعمالك بصورة افضل
            بتوفيق

            تعليق


            • #7
              المودلنغ جيد جدا ولكن الاضاءة تحتاج الى اهتمام اكثر
              هل استخدمتي الرندر الافتراضي ام المنتل راي ؟
              اكبر موقع صور ديكور عربي مفيد جدا لمصممين الديكور ..
              ديكورات غرف المنزل







              تعليق


              • #8
                جميل جداً و لكن تحتاج الى لمسات التصيير الحقيقي

                تعليق


                • #9
                  بداية موفقة جدا ماشاء الله عليك بس لازم تشوف دروس اجنبية كتير
                  نحن قوم جمعهم الاسلام
                  وفرقتهم الدول الامبريالية

                  نحن قوم اعزنا الله بالاسلام
                  وعندما ابتعدنا عنه ادلنا الله



                  تعليق


                  • #10
                    كبداية جميل جدا مع الممارسة المستمرة حتكتسبى خبرات اعلى

                    تعليق


                    • #11
                      مشكوووووووورين كلكم يا جماعة على مشاركتكم كلكم وتشجيعكم دة انا عارفة انه ناقصه حاجات كتير بالذت فى الاضاءة بس انا حاولت على قد ما قدرت وبالنسبة للى كان بيسأل على نوع الرندر فهو الفيراى انا استخدمت الفيراى وعارفة ان فى ناس كتيرة هتتفاجأ بسبب عدم الواقعية بس انا لسة جديدة فى اخراج الاضاءة الليلية دى اول تجربة ليا فيها ومعرفش ليه الرندر كان بطىء اوى ودة كمان مخلينى مش عارفة اتعامل مع الاضاءة اكتر فياريت لو حد يقدر يتخيل معايا التصميم دة كأنه من غير اضاءة ويقوللى هيعمل فيه ايه علشان اظبطه من حيث وضع اماكن الاضاءة والوانها وياريت يا جماعة حد يقوللى اضاءة السقف بتتعمل ازاى انا نفسى اعرف بيعملوها ازاى وخصوصا ان الشكل اللى فى السقف مش مربع دة منحنى وجربت اضاءات الاومنى فيها لكن مش اتظبطط معايا وكتيرة وبتاخد وقت فى الرندر اوىىىىىىىى
                      ارجو الاهتمام ومساعدتى انا لسة مبتدئة ونفسى اتعلم البرنامج دة اوى فياريت شجعونى عليه علشان احس ان فى امل يخلينى احس ان ممكن اطلع بفايدة فيه واعمل حاجة كويسة
                      أعـــشــق فى نـــفســى العنــــاد فكـــــم من كلمــــــات أرادوا بها قـــــتــــــلى كانـــــت بعنـــــادى عمــــرا جديــــدا

                      تعليق


                      • #12
                        بدايه موفقه يجب عليك الممارسه
                        و انا من رأي ليس كل شيء درووس
                        بالعكس اعمل الشيء بدوون درووس افضل لك
                        شكرا لك الى الامام
                        اهلا و سهلا بكم في كروب الفريق بتاعي
                        "Buzz!!soft"

                        تعليق


                        • #13
                          انا اللى خلانى اعمل الصورة دى اساسا ان مفيش حد بيرضى يساعدنى خالص وكل ما اسأل سؤال محدش يرد عليا وسألت اسألة كتير وخصوصا هنا ومحدش برده بيرد عليا وكانت النتيجة ان الاضاءة طلعت مش حلوة اوى بس العيب مش فيهم العيب فيا برده لانى بعتمد على ان حد ممكن يساعد حد مبتدىء لكن للاسف ................
                          المهم انا انشاء الله هتدرب تانى وتانى وتانى مع نفسى لحد ما اوصل لنتيجة ولحد ما الاقى طريقة توصلنى للى انا عايزاه
                          وشكرا لردكم الكريم وعلى اهتمامكم ونقدكم وان شاء الله اظبط الاضاءة اكتر واكتر وان شاء الله تطلع كويسة
                          أعـــشــق فى نـــفســى العنــــاد فكـــــم من كلمــــــات أرادوا بها قـــــتــــــلى كانـــــت بعنـــــادى عمــــرا جديــــدا

                          تعليق


                          • #14
                            لا يا عم بعد كدة اسأال السؤال ال انت عايزة وانا هرد عليك بص انت لسة فى البداية وجميييل جدا حاول تمشى ايديك فى الموديلينج اكتر من كدة وحاول انك تهتم اكتر لما بتكون بتعمل اى مودلينج لان كل لما تدى الموديل حقة كويس وبعد كدة خامات تهتم بيها اكتر واكتر وبعد كدة الاضاءة هتلاقى الصورة طلعة معاك كويسة كبداية حاول تبص على دروووس للاستاذ احمد صبحى \مركز الرباط\ واستاذ \ مصطفى عزازى\ واستاذ\ عطية عبدو لما تخلص الدروووس دى ادخل على الدروووس الاجنبية هتلاقى نفسك بعد كدة فاهم اكتر واكتر وياريت بعد كدة تستخدم اى مقبس زى الفيراى والمنتال راى وكدة كدة الماكس 2012 قرب ينزل وهينزلة مقبس جديد اسمة iray ودة مقبس جامد جدا وواقعى انا مش عاوز اطول عليك اتفرج على درووس اكتر بس اوعى تزهق لان انا عارف ان الماكس طويل شوية وأى حاجة انت عايزها منى اكتب موضوع وانا هرد عليك ويارب اكون تحت حسن الظن وربنا يوفقك

                            تعليق


                            • #15
                              اولا شكرا لاهتمام حضرتك وردك دة غير انى سألت اسئلة فى الموضوع ولو بصيت قبل الصور هتعرف اذا كنت سألت وحد رد عليا ولا لاء
                              بالنسبة لاستخدام المقبس انا كاتبة فى ردى اللى قبل حضرتك على طول انى استخدمت الفيراى وعارفة انك وناس تانية كتير هتتفاجأ بس زى ما قولت دى اول تجربة ليا فى الاضاءة الليليه علشان كدة طلعة مش حلوة
                              وان شاء الله هتابع الدروس اللى قولتلى عليها واشوف النتيجة
                              ثانيا انا بنت علشان بس كلمة يا عم
                              أعـــشــق فى نـــفســى العنــــاد فكـــــم من كلمــــــات أرادوا بها قـــــتــــــلى كانـــــت بعنـــــادى عمــــرا جديــــدا

                              تعليق

                              يعمل...
                              X