الجديد فى مايا 2012

[medo3d]

مايا 2012 مش ممكن رهيب جدا

اول ميزة جديده ميزة vioprot 2.0 ودى ميزة افضل بكتير من ميزة النيترس الجديده فى الماكس دى بتخليك تشوف الفيوبورت بواقعية شديده جدا جدا وخفيفه جدا بتدعم الموشن بلر والزد ديبس للكاميرا والتحكم فى حاجات كتيره جدا كمان ممكن ترندر الصورة من خلالها فى اقل من 3 ثوانى بحجم كبير جدا

ثانى ميزة node based render passes ودى ميزة جامده جدا اولا سهلوا بشكل كبير جدا جدا اخراج الباسس كل على حده وكل اوبجكت ايه الباسس اللى عاوز اخرجهاله وفى قوانى معدوده برندر السين
الميزه الجامده انهم عملوا برنامج كومبوزيت بيعمل بنظام النود داخل المايا ممكن اجمع فيه الباسس بتاعتى واتحكم فى التصحيح اللونى او التشبع وغيرها من النودز الصراحه ميزه جامده جدا جدا

ثالث ميزة editable motion trails مش ممكن ميزه رهيبه جدا تحسسك انك شغال على برامج التحريك 2d دلوقتى بقى مسار حركة اى جسم تقدر تخليها امامك فى الفيوبورت وتتحكم فى المسار وفى التايمينج والتانجينت بتاعته بكل سهولة مقارنة بالكيرف ايديتور بالفعل ميزه جامده جدا هتسهل التحريك اوى اوى

دى الميزات اللى انا جريتها وعارف طبعا انكم عارفينها بس قلت افيد اللى ماعرفهاش لسه وجارى الاطلاع على باقى الميزات

[M. Maya]

الله يجزيك الخير والله انا ما كنت منتبه لأهمية المزايا هادي ..

بس على فكرة فيه مجال عمل جديد في مايا 2012 اسمه dmm يا ريت حدا

يستكشف لشو المجال هادا لأني ماني عارف فيه ولا الهوا .. ههههه

[medo3d]

حبيب قلبى ده بلجن جديد دخلوه فى المايا ضمن خدمة نظام الدايناميك بالبرنامج
هو اختصار ل تقريبا Digital Molecular Matter وده بيفيد على حسب ما عرفت فى عمل الدايناميك خاص بالفيزيكال ماتريال وفيه مكتبه جاهزة كبيره وانت بتظبط حاجات بسيطه لتظبيط العمل النهائى يعنى تدمير اجسام او خلافه مش بياخد وقت
بس المشكله انه بيشتغل لمدة 15 يوم بس بعد كده عاوز كراك وانا لسه بدور عليه

[medo3d]

ميزة كمان جربتها هى camera sequence دلوقتى بقى فلا برنامج مونتاج داخل المايا تختار شوتات وتعمل سبليت لكل مقطع وتضيف صوت وكل مقطع تختار كاميرا معينه وهو بيجمع كل ده مع نفسه
مش ممكن هيوفر وقت كبير جدا لجمع كل المشاهد دى وتنظيمها فى برنامج خارجى واضافة الصوت وخلافه
ميزة جامده فعلا
جارى تجريب باقى المزايا الجديدة

[M. Maya]

يعني ما عاد فيه لزوم انه نعمل البروجكت على المايا وبعدين ناخده على الأفتر افكتس ..

والله مايا 2012 فعلا نقلة قوية جدا للمايا ..

الله يجزيك الجنة حبيب على توضيحك للمزايا الجديدة .. بس لو امكن تعمل شرح مبسط

في دروس تعليمية ..

[doctor3d]

اهلا بالماياويين الجدد
اهلا بالخونة هههههههههههههه

[medo3d]

ههههههههههههه
بس ياعم انت هتسيح
وطى صوتك للماكساويين يجوا يقطعونى

بما إنى جديد بقا يامعلمى ادينى كام اسم لحاجات تعليم بس تكون سهلة

[doctor3d]

ثانى ميزة node based render passes ودى ميزة جامده جدا اولا سهلوا بشكل كبير جدا جدا اخراج الباسس كل على حده وكل اوبجكت ايه الباسس اللى عاوز اخرجهاله وفى قوانى معدوده برندر السين
الميزه الجامده انهم عملوا برنامج كومبوزيت بيعمل بنظام النود داخل المايا ممكن اجمع فيه الباسس بتاعتى واتحكم فى التصحيح اللونى او التشبع وغيرها من النودز الصراحه ميزه جامده جدا جدا

للعلم انا حاسس ملهاش اي لازمة ... هم استفادوا من نظام النودز في المايا قالوا نعمل حاجة كومبوز للنتيجة على شيدر اللاير
بس هي للعلم عشان تجرب فقط مش عشان تكمبز كومبوز نهائي.
وبعدين اللي غايظني انك لازم ترندر
او ipr اللي مبقاش يشتغل معايا خالص مش عارف ليه

بس النسخة هايلة عامة انا شلت اصلا 2011 وشغال بيها حاليا

[doctor3d]

ههههههههههههه
بس ياعم انت هتسيح
وطى صوتك للماكساويين يجوا يقطعونى

بما إنى جديد بقا يامعلمى ادينى كام اسم لحاجات تعليم بس تكون سهلة

انت تؤمر يا باشا
قول انت بس عايز في ايه بالظبط جوة المايا ؟

[doctor3d]

بص
ديجيتال توتور كويسة كبداية في كل حاجة ... وبعد كده سيدهات نومون بتدي حاجات جامدة جدا واحترافية
في مرحلة البداية في كل جزء الوحيدين اللي شارحين بالتفصيل ديجيتال توتور
وفي شركة تانية مثلا منتال راي في سيدهاية تبع i3d mental ray دور عليها جامدة

[Ipod]

شكرا لك على الموضوع

الشعلان مكرك البلجن dmm وشرحة في الموضوع هذا
http://www.maxforums.net/showthread.php?t=196110

[Arif2007]

مبروك عليكم المايا ٢٠١٢ ووفقكم الله لتخرجوا به أعمال رهيبه <<<

[mohamed gh]

شكرا ع المعلومات الرهيبه

[medo3d]

بص
ديجيتال توتور كويسة كبداية في كل حاجة ... وبعد كده سيدهات نومون بتدي حاجات جامدة جدا واحترافية
في مرحلة البداية في كل جزء الوحيدين اللي شارحين بالتفصيل ديجيتال توتور
وفي شركة تانية مثلا منتال راي في سيدهاية تبع i3d mental ray دور عليها جامدة

هو فعلا ديجيتال توتورز فى البدايات جامده وليها سيديهات كتيره اوى للمايا
انا حاليا بسمع دروس الاستاذ نزال
بس انطباع مبدأى ان المايا فيه امكانيات اكتر من الماكس لكن التعامل معاه فى حاجات اصعب من الماكس
يعنى فى المودلينج وكده الماكس فيه حاجات اسرع واسهل لكن المايا تنظيم الوركسبيس فيه احسن من الماكس تجس ان الحاجات كلها امامك
كمان الدايناميك فيه والهير والكلام ده اسهل من الماكس

مشكلته بس فى الاعدادات الكتيره بس عاجبنى جدا الصراحه
ربنا يكرم والاقى الوقت علشان اتعلمه كويس


بالنسبه لموضوع الكومبوزيت
يعنى انت ماتعرفشى تخرج الصورة اللى ركبتها من المايا كعمل نهائى ؟؟

[medo3d]

شكرا لك على الموضوع

الشعلان مكرك البلجن dmm وشرحة في الموضوع هذا
http://www.maxforums.net/showthread.php?t=196110

الله يكرمك ياعسل
بس هو البلجن فين اصلا ؟؟

مبروك عليكم المايا ٢٠١٢ ووفقكم الله لتخرجوا به أعمال رهيبه <<<

ومبروك عليك وعلينا الماكس

شكرا ع المعلومات الرهيبه

تسلم ياكبير