سؤال ضرورري

[::ابو عادل::]

بيبوا ممكن تسمع نصيحتى

ولو فيه حد من الاعضاء عنده اي اضافه او مداخله ياريت يتفضل

انتا ليه اخترت سينما فور دى ؟
ليه اخترت ماكس ؟
ليه اخترت مايا ؟

جاوب الاسئله دى الاول هتعرف انتا عاوز ايه

فلو عاوز تشتغل في المعمارى تقول للناس ياجماعه انا عاوز اشتغل معماري تنصحونى ببرنامج ايه ساعتها هننصحك بالبرنامج الى هيفيدك ويوصلك للي انتا عاوزه والى السوق محتاجه
وكذلك الامر بالنسبه للفيجول افكت
والالعاب وهكذا

يعنى حدد الهدف الاول
وبعدين اختار الوسيله الى هتوصلك لهدفك ده

مثال:
نفرض انك عاوز تسافر من مصر للبرازيل ساعتها تختار ايه وسيلة مواصلات

وسيلة المواصلات = برامج الثريدي

السفر من مصر للبرازيل = الهدف

انتا حدد الهدف واحنا هنقولك الوسيله ايه بالظبط بإذن الله

ولا تخض في النقاشات الى بنعملها احيانا بخصوص ميين احسن ماكس ولا مايا

لان احنا اتعلمنا البرامج وبنلعب احيان بالنقاشات دى واحيانا بنهزر واحيانا بنتخانق واحيانا بنكون اشتغلنا على الاتنين بس بنسأل علشان نستفيد

فالنقاشات دى مش مكانك ابدا دلوقت

وكويس ان سنك صغير علشان تلحق تبدأ بدري فمتضيعش سنه في اختيار البرنامج

[bebo.3D]

اخي انا عايز اشتغل معماري وفيجوال افيكتس وبعدين يابوعادل مانت بتشتغل مايا وماكس انا عايز اشتغل البرنامجين دول بالزات سينما وماكس لحبي الشديد فيهم ولحبي في عمل الافيكاتات والمعماري واكتسب خبرة في السينما والماكس ومش عايز اشتغل اي برنامج ثري دي خلقه ربنا غير سينما وماكس بس كده وشكراااااااا ليك ابو عادل والاخ a.atefوجميع الاعضاء علي اهتاممكم بأسئلتي

[bebo.3D]

انا ميولي تصميم فيجوال افيكت ومعماري والعاب بس العاب بسيطططططططططط جداااااااااا يعني مش مشكلة اوي تصميم الالعاب معايا ولكن احب تصميم الفيجوال افيكت والمعماري والخدع كلهاااااااا وشكرااا

[::ابو عادل::]

طيب لو انتا عاوز معمارى وفيجول افكت والعاب يبقى ماكس

وارجحلك ماكس
ليه؟
اقولك البرنامج ده انا مبحبوش بس ده موضع شخصى مع البرنامج غير كده البرنامج ضخم جدا وبيطلع حجات خرافه فى الى انتا عاوز تعمله وطبعا عندك السيجي تووك تشوف الاعمال الى معموله بالماكس ,,, حاجه تهبل

وبما انى شغال برنامجيين بقولك اشتغل واحد بس مؤقتا دلوقت وياريت تبدأ بالماكس
ليه؟
لانك مش هتقدر تشرب السينما الا لما تتقن الماكس تمام كده والعكس صحيح


لو تحب تسمع تجربتى علشان تعرف ليه انا بشتغل المايا والماكس


انا اتعلمت المايا الاول وعرفت مبادىء المودلينج والليت والتيكستشر والانيميشن والدينمك عليه
اتفاجأت ان مصر معظم مستخدميها ماكس
طبعا مينفعش اكون الزرافه الوحيده بين قطيع الاسود فأضطريت انى اتعلم ماكس ولقيت الموضوع سهل جدا فتعلمته في شهر
ايوه شهر واحد عارف ليه لان اللعبه بقت معروفه بالنسبالى
مجرد اماكن الحجات اتغيرت بس
كأنك بتلعب كوره على البليستيشن وفجأه بقيت بتلعبها على الكمبيوتر

والغريبه ان مستوايا فى الماكس بقا احسن من المايا لكن مازلت محافظ على المايا وبعمل عليه بروجكتات


لكن انا عندي تعليق على حتة السينما دى
انا كنت شغال مايا وكان صعب عليا الاقى شغل بالمايا بسبب ان مستخدميه قليليين فإدرس خطواتك كويس لان البرنامج من دول بتقعد تتعلمه فتره مش بسيطه


ومتنساش ان دروس المايا والماكس مغرقه النت على عكس السينما

ياريت يا بيبوا اكون جاوبت على اسئلتك كلها
وانا يهمنى انك تستفيد بخبرتى المتواضعه فمتضيعش وقتك وتمشي ورا السراب

اخوك هيثم

[bebo.3D]

اخي كلامك مظبوط انا هانزل البرنامجين ماكس وسينما وهابدا علي ماكس الاول افهم الاساسيات ثم ادخل علي سينما واتفهم الاساسيات ثم اتعمق في ماكس واحترفيه وكذلك سينما فور دي

[bebo.3D]

انا مع احترامي لمايا بفضل سينما فوردي عنه وبعدين سينما فوردي ليه مستقبل ان شاء الله توكلت علي الله في ماكس وسينما واستعنت بالله