لو عايزة اتعلم ااـــ Video Editing

[romy_roma]

السلام عليكم ورحمة الله وبكاته
يا جماعة لو انا حبيت ابدأ تعليم الفيديو ايديتينج ابدأ ببرامج ايه وايه هي البرامج اللي لازم اتعلمها علشان اعمل كل انواع الفيديو ايديتينج ...

[Tom Art]

عزيزتي
لكي تتعلمي هذه المهنة ففي البداية لابد من تعلم فنيات المهنة وليس أدواتها ، أي الحس الفني لعملية التحرير الخاصة بالفيديو وإلا يصبح عملك عبارة عن قص ولصق ولن تفيدك أعظم برامج الفيديو في هذه الحالة

لكن لو كان سؤالك تحديدا عن البرامج أو الأدوات المستخدمة من قبل المحررين لمقاطع الفيديو فهي ليست بالقليلة ولكن الأكثر إنتشارا في مصر :

final cut pro
adobe premiere pro
edius
sony veas
avid

مع العلم أن البرنامج الأول يعمل حصريا على منصة عمل آبل ماكنتوش بينما باقي البرامج يعمل بعضها على منصتي ويندوز وماك وبعضها على منصة ويندز فقط

ملحوظة لأن هناك من سيأتي كالعادة ليفتي بغير علم ....
برنامج after effects ليس برنامج لتحرير الفيديو ..... أكررها مرة أخرى ليس برنامج لتحرير الفيديو

تحياتي

[romy_roma]

تمام ... أولاً شكراً لردك ... ثانياً ... أنا مثلاً لو عايزة أعمل ايديتينج لفيديو مثلا هاعمل بروجيكت تعليمي للأطفال مثلا او لو عندي فيديو عايزة اضيف عليه كلام وعايزة اتعامل معاه كـ بريزينتاشن ... او مثلاً لو طلب ممني عمل عروض للأطفال فـ أي البرامج هاتكون مناسبة لي ... ولو ممكن تقولي الأفتر افكتس بيتعامل مع ايه بالظبط

[Tom Art]

برامج تحرير الفيديو السابق ذكرها كلها بلا استثناء تؤدي الغرض الذي ذكرتيه
والوضع يعتمد على ارتياحك لبرنامج بعينه

بالنسبة للأفتر إفكتس فهو برنامج كمبوزتينج أي يمكن تشبيهه بخليط من مستويات العمل كالفوتوشوب لكن لمقاطع الفيديو مع وجود كاميرا تتحرك في البعد الثالث الحقيقي وبعض إمكانيات الإضاءة وعمل الماسكات المتقدمة ، أي هو برنامج دمج لمقاطع الفيديو بشكل متراكب بغرض تكوين فني يتجاوز عملية تحرير الفيديو

أما ما ذكرتيه ( إضافة عناوين وتحريكها أيضا - عمل تحديث لفيديو ما بحذف أو إضافة مقاطع اليه - عمل مكساج للصوت - عمل عرض تقديمي ) فانتي وكما ذكرت سلفا تحتاجين لبرنامج تحرير فيديو

والوضع بالمناسبة ولكي لا أعقد عليكي المور يعتمد على ما تحتاجينه من البرنامج حيث أن هناك برامج أخرى أقل في الأدوات وتتميز بالبساطة في التعامل كبرنامج بينكال ستوديو على سبيل المثال

تحياتي

[ابو علي12]

الله يوفقك إن شاء الله

[damage]

نصيحة واحد اعد 3 سنين يدور على شغل فى المجال دة ومش لاقى
بس انا روحت اخدت كورس فاينل كت وبعدين روحت اقدم بية لوحدة قالولى ما ينفعش لازم نشوف مؤثرات روحت اخدت موشن وهو شبة الافتر افكت واخد كمان كلر لتصحيح الالوان ولما روحت اقدم القنوات الفضائية عايزة واسطة والشركات عايزة خبرة وما بتخدش ناس كتير اصلا وفى الاخر اعد اعدة الاحزانى على عمرى اللى ضاع فى البحث عن هذا السراب

[romy_roma]

@ Tom Art : شكراً ليك بجد على مساعدتك واان شاء الله هاشوف كدة لو في كورسات افتر افكتس وادووبي برميير .. وان شاء الله ربنا يوفقني والاقي مكان كويس ان شاء الله.
@ابو علي : شكراً ليك ... ربنا يوفقك انت كمان .
@دامادج : انت دمرتتني قبل ما ابتدي ليه بس كده ربنا يوفقك إن شاء الله وماتكسلش ودور أكيد هاتلاقي مكان كويس ياخدك بس انا مش باتعلمه علشان أحترفه انا بس عايزة اعمل ايديت لفيديوهات بس مش أكثر انا مش ده مجالي أصلا ... ربنا يوفقك ويوفقنا جميعاً