اسف للانقطاع الفترة اللي فاتت دي

[hmsabry]

السلام عليكم ...

انا اسف والله يا شباب ... للانقطاع الفترة دي بس كان عندي بروجيكت شغال فيه ... وكان تسليمه من يومين كده ... بالاضافه اني داخل في كورس واخد كل وقتي تماما اليومين دول ...!!!

انا ان شاء الله هاكون متواجد ... وهاحاول اتواجد بشكل اكتر اليومين دول .... بس ربنا يستر بقي ..!! اصل شغل رمضان هانبتدي فيه اليومين الجايين دول ...!!!

الله المستعان

[PIXAR 2]

ربنا يوفقك يارب وان شاء الله الشغل يكون جميل

[Ole]

الله يوفقك استادنا

[donjwan88]

ربنا يوفقك استاذ حازم كلنا مشتقين لك

[إبن يس]

لما أنت بتاخد كورسات لسه .. أحنا نعمل أيه ^_^ ؟

[mohamed gh]

بالتوفيق يأستاذ حازم وربنا يوفقك ان شاء الله .. وانا سمعت نصيحه حضرتك ودايس اهوه في الهودينيتقريبا اقربت اخلص السي دي بتاع الاساسيات بتاع جنومون

[M. Maya]

ما شاء الله حازم صبري بياخد كورس ! ربنا يوفقك يا رب وبجد اشتقنالك كتير واشتقنا لنصايحك وتوجيهاتك المهمة والمفيدة

[anime.van]

بالتوفيق اخي حازم

[3d_mind]

يا تري موضوع الكورس ايه

[3d_mind]

كمان ايه رايك في المؤتمر اللي هيقام يوم 25 - 28 في مصر

[hmsabry]

جازاكم الله كل خير يا شباب ...

لما أنت بتاخد كورسات لسه .. أحنا نعمل أيه ^_^ ؟

يا صديقي مافيش حد مش نقصه حاجات وعاوز يتعلمها ...!! كلنا لسه قدامنا كتير اوي ... لازم نزاكر ونزاكر حتي الثماله ...

بالتوفيق يأستاذ حازم وربنا يوفقك ان شاء الله .. وانا سمعت نصيحه حضرتك ودايس اهوه في الهودينيتقريبا اقربت اخلص السي دي بتاع الاساسيات بتاع جنومون

100 100 الكلام ده ... اسمتر ... وربنا يوفقك

يا تري موضوع الكورس ايه

كورس في الفيوم اف اكس مع allan mckay علي cg-societies

لان انا اكتشفت ان الفيوم ده مطلوب جدااااااااااااا ((بحكم متابعتي لطلبات شركات الجرافيكس العالميه لل visual effects artists)) عشان كده اول ما شفت الكورس علي السي جي تووك ما ترددتش ثاينه ... لان Allan Mckay انا اخدت معاه كورس الريل فلو ... والراجل الصراحه كان اسطورة ...!!!! واستفدت منه كتير جدا

كمان ايه رايك في المؤتمر اللي هيقام يوم 25 - 28 في مصر

ده شيء هايل جداااااااااااا ... والله انا كان نفسي اكون في مصر عشان احضر المؤتمرات دي وخااااااااصتا هاتكون في مصر ...!!! ده ايه الحلاوة دي

ربنا يبارك في المجال في مصر يارب ...!!

[hmsabry]

وقبل ما اي حد يقول انت قلبت ماكس .... هههههههه انا تخصصي بيحتم عليا اتعلم كل الادوات اللي في مجال ال visual effects لان ده المجال اللي انا عاوز اتعلمه واحترفه ان شاء الله ...

فانا ناوي علي المدي القصير اتعلم الفيوم اف اكس ... وعلي المدي البعيد...اتعلم الهوديني ... لان الهوديني هو الاداه الاكثر احترافيه ((وطلبا في شركات الجرافيكس العالميه)) ...

[hmsabry]

انا عندي اقتناع ذاتي ((وعن تجربه في القناه عندنا)) ان افضل شيء لعمل شغل بروفيشنال هو استخدام كل اداه ((برنامج)) في مكانه ... بس فقط نستخدم قوة كل اداه ... ومن ثم نكون جمعنا قوة كل البرامج ...!! للحصول لافضل كواليتي

احنا ماعندناش مين البرنامج الافضل ... والاحسن ... ولكن ... مين فيهم اسرع وصاحب الجوده الاعلي في الجزئيه دي ؟؟؟ يبقي هو ده اللي نستخدمه في العمل ده ...!!

[3d_mind]

حلو كورس الفيوم ده .... ده حتي قريب من القاهرة....اعذرني علي جهلي لكن انا مازلت في مرحلة المودلينج في المايا

[3d_mind]

اهم شئ فعلاً التخصص وانا شايف ان انتا شغلك مركز علي الداينامكس ربنا يوفقك ونتمني نشوفك في هوليود ....تخيل اني كنت بحلم اني اسافر نيوزيلندا واشتغل في weta ......... عارف هتقولي ايه...........( ابقي اتغطي كويس )