اقتراح للمشرفين و للناس اللي عايزة مستواها يتقدم+طبيعة صامتة :)

[Vanish]

ليه مانعملش موضوع واحد و نسميه "forum sketchbook thread" او "دفتر رسومات المنتدي"
و يبقي الكل بيشارك فيه باسكتشاته و شغله....و تبقي فرصة كويسة لعرض شغل ال2D بتاع الناس اللي في المنتدي كلها و للنقد البناء اللي هايفيد الكل مش صاحب الموضوع بس....و غير كدا هايزود الحماس عند الناس انها ترسم اكتر و الكل هايشجع بعض

مستني الرد علي الاقتراح ده

و علشان الموضوع مايبقاش ناشف كدا....انا حطيت رسمة طبيعة صامتةstill life لسطح المكتب بتاعي...كنت عاملها السنة اللي فاتت و حطيت معاها كمان خطوات العمل WIP...طبعا الحاجات اللي علي المكتب دي ماكنتش موجودة انا اللي جمعتها و حطيتها علشان يبقي فيه اختلاف في الماتيريال اللي انا هادرسه

[S.Elashmawy]

الفكره ممتازه جدا وانا معاك فيها ان شاء الله وبالنسبه للرسم بتاعك مقولكش بقىماشاء الله عليك مستنى اما نشوف راى الاخوه.

[معتز بالله]

ما شاء الله عليك
فكرة جميلة جداً إن شاء الله أشارك مع إن مستواي ليس بتلك الجودة

[brahimpag]

nice idea ^^

[Vanish]

@معتز

انت ان شاء الله هتشارك علشان مستواك يتقدم معانا كلنا...انا مش مولود بعرف ارسم

انا بس مستني رد المشرف علي المنتدي علشان نبدأ الموضوع...او يا ريت يبدأ هو الموضوع بنفسوا

[stevansem]

فكرة جميلة بانتظار تنفيذها

[user name]

معاك في الفكره دي

بس ممكن اسأل سؤال بخصوص الصور اللي فوق
دي عباره عن رسم بالفوتوشوب ولا رسم بالرصاص والزيت ولا ايه بالظبط
؟؟؟؟؟

[Vanish]

اه اسف اني ماقلتش.....PS Cs4 و wacom intuos 4

[3DWORKER]

على بركة الله
و أنا معاكم...

[Vanish]

يا جماعة هوا مين الادمين بتاع منتدي الرسم و التلوين...هو نايم ولا ايه...طب لو كدا يبقي نبدأ احنا الموضوع من غير موافقتوا.
أيه رأيكوا نبدأ من السبت اللي جي ان شاء الله ؟!!!

[3DWORKER]

توكل على الله
لم أسمع لأي مشرف حسا منذ اشهر
نحن معك و وراءك...

[brahimpag]

إن شاء الله ^^

هل ستقتصر الأعمال على الديجيتال فقط ؟

[Vanish]

@3dworker
شكرا

@brahimpag
لا مش ديجيتال بس...كل الخامات...و كل الموضوعات...بداية من الاسكتشات الصغيرة زي اللي انا باعملها كده او لو حتي اقل...اي شخابيط تنفع ...طالما بتوصل فكرة.
و مع الوقت هنيدأ نختار موضوع لمدة اسبوع مثلا نشتغل عليه كلنا...وهيبقي فيه نقد صريح و بناء من الجميع...و هنحط دروس...و هنعمل حاجات كتير في الموضوع دا ان شاء الله...
عايزين في الموضوع دا نصحي الناس اللي في المنتدي...عايزين الناس ترسم كل يوم...عايزين كل واحد يفيد و يستفيد من الاخرين

[aktoom]

بارك الله بك أخي الكريم .. فكرة جميلة .. ولو أنها كانت موجودة منذ زمن تحت عنوان " ارميلك اسكتش "

وهذا الجزء الثاني منها حيث لم أحصل على الجزء الأول

http://www.maxforums.net/showthread....C7%D3%DF%CA%D4

بكل الأحوال بادرة جميلة وتمنياتي للجميع بالتوفيق

[alrahhal]

أذكر الفكرة على بداية القسم
كانت جميلة والمشاركات رائعة فيها
وأيضاً أذكر مسابقة الاستكتش الأسبوعي ( أقترح أن تعود المسابقة ويشرف عليها أخونا إبراهيم ) ألاحظ تواجده المميز في القسم

أحييك أخي على البادرة الطيبة..

وماشاء الله رسمك وتلوينك مميز كالرسومات السابقة..

موفق أخي..