مسابقة (الخير و الشر)...خطوة بخطوة بقي d:

[Vanish]

بسم الله الرحمن الرحيم....يلا نبدأ

النهاردة بدأت بأني قريت الموضوع...و اتفرجت علي شوية مشاركات من الناس هنا علي المنتدي....و بعدين قعدت افكر شوية و اعمل شوية Brain storming

وبعد ما استقريت علي فكرة....قعدت ارسم شوية اسكتشات كده لمجرد توضيح الفكرة و اعرف انا هاشتغل علي ايه...ودي تلات سكتشات كده منهم

الفكرة اللي انا هاشتغل عليها هي فكرة "الحرب و السلام"







انا لحد دلوقت عاجبني اول سكتش....لأنه رمزي و ماشي مع الفكرة....حاجة كده sympolic

هاحاول النهاردة ان شاء الله اجمع الreference ...علشان بكرة ان شاء الله ابدأ اشتغل في الموضوع

السلام عليكم

[young wise]

جميل جدا اخى انا عجبنى الاسكتش الاخير لانه هايظهر قدراتك اكتر فى التحكم فى الالوان وتجسيد الشخصيات
عموما القرار فى النهاية ليك
بالتوفيق

[speed_3d]

جميل جداً فكرة حلوة بانتظار التطورات

[Vanish]

speed_3d young wise شكرا يا جماعة علي المرور و التشجيع

بدأت اشتغل في الاسكتش....بدأت في الValues و بدأت اجمع الreferences اللي هاحتاجها

[Vanish]

اضافات جديدة

[m.elgalad]

جميل .. انا اتوقع عمل رائع ..
لكن هو انت هترمز للشر بالخيل ؟ .. لان الخيل طالما كانت رمزاا للخير .. بالتوفيق

[Vanish]

آخر اضافة للنهاردة

[young wise]

بداية موفقة وان كان الخيل لا ترمز للشر ممكن مستذئب او ما شابه
بالتوفيق

[DreamPaint]

ياحلااااااوة .. معاك للآخر :]

[Vanish]

DreamPaint
شكرا علي المرور و المساندة

young wise & m.elgalad
الخيل هنا بيرمز للحرب....و البنت الصغيرة بترمز للسلام...و انا عامل الخيل اسود و هخلي شكله شرير متخافوش ....انا بس استخدمت الخيل علشان اعبر عن الحرب....و علشان في نفس الوقت شكلها جميل و مغري للرسم ....و انا بحب الخيل P:


المهم....انا سهرت امبارح لحد الصبح شغال علي البنت....اللوح اللي انا واخد منها الريفرنس للفنان Adolphe William Bouguereau

الفستان و الجناح انا عملهم من غير ريفرنس علشان كده طلعوا وحشين








ودي اخر التطورات في اللوحة.....و زي ما قلت....هيا بتعبر عن الخير و الشر في موضوع "الحرب و السلام"







و ان شاء الله هاشتغل النهاردة علي الخيل اكتر

سلام

[Vanish]

اضافات جديدة

[fla5hy]

العب يا معلم .. شغل فنادق

[Vanish]

هههههههه

شكرا

[wAsSiM23D]

awesome work man , keep goin ...

[m.elgalad]

جميل جداا .. وتعبير وجه البنت حلو جداا ..لكن انت عارف لو كانت البنت مكان الاحصنة والعكس كان العمل هيكون اكثر رمزية وتعبيراا عن فكرتك .. لان عموما فى اى كمبوزيشن من يكون اعلى من الاخر بيكون هو المسيطر ومن له الغلبة .. بالرغم من ان الجميع يريد للسلام ان يسود ..