الى عاشقي الجرافيك في القاهرة

[روبي]

السلام عليكم ورحمة الله وبركاته
انا عضو جديد في هذا المنتدى منذ يومين فقط وقد اعجبتني فكرة تقابل شباب الجرافيك في القاهرة
ولا اعلم ان كانت هذه الفكرة حبر على ورق ام انها قيد التنفيذ
على العموم في كلتا الحالتين انا ادعوعاشقي الجرافيك في القاهرة الى التقابل وادعوهم عندي في منزلي بالمعادي للتعارف واتمنى ان يشرفنا اخوة امثال محمود حجازي وسامح وزكي جمعه (مين زكي جمعه ده؟؟؟) وغيرهم من الأخوة المتميزين فانا اعرف ان هناك الكثير منهم ولكني اعتذر لعدم تذكر اسمائهم متأسف جــــــــــــــــــــــدا
وطبعا الهدف من هذه اللقاءات التعرف على اصدقاء جدد وخصوصا كما اعتقد ان معظمنا في المرحلة الجامعية
بالا ضافة الى تبادل الخبرات في مجال الجرافيك
واتمنى ان يقتدي بنا الشباب في مختلف الدول الاخرى بعمل جروبات ثم بعد ذلك تستطيع هذه الجروبات تبادل البرامج والاسطوانات على مستوى البلد الواحد ثم على مستوى البلدان العربية الأخرى
عموما اذا لم نستطع ان ننظم مثل هذه اللقاءات أنا في الخدمة
فبفضل الله عندي مجموعة برامج جيدة وأي برنامج يريده أحدكم يراسلني وسوف أحضره له باذن الله
وللتواصل بريدي هوtruemayalover@hotmail.com
والسلام عليكم ورحمة الله وبركاته

[عاشق ماكس]

-

للأسف انا من المنصوره

كنت اتمني ان اكون معكم

[روبي]

بالتاكيد ممكن تكون معانا خليك بس متابع الموضوع اصل انا اعرف ناس بتروح المنصورة كثير
باذن الله الموضوع هيكون ابسط مما تتخيل

[tamerrock]

انا من القاهرة

انا من القاهرة وانا مبتدء فى الماكس ونفسى يكون لنا فرق يقدر يعمل حاجة
ممكن اكون عضو فى الفريق
(مين زكى جمعة ده ......)
انا معاك يا عم عادل امام

[المسيطر]

اهلا و سهلا

انا من مصر ومن الشيراتون و لقد اضفتك عندى على الماسنجر و انا اؤيد فكرتك
و انا فى الخدمة
و انا من ضيع فى الماكس عمره

[max mania]

يا روبي باشا ..
ان شاء الله هكون اول واحد يقابلك..لاني من المعادي انا كمان
انا اخوك لؤي ساكن في ابراج عثمان
و ما بعملش اي حاجه في دنيتي غير اني اخش على الماكس و المنابر كل يوم
loay_anas@hotmail.com

[IAMSAMEH]

السلام عليكم ورحمة الله و بركاته
أهلا يا أخ روبي و الله أنا يشرفني أن أنضم لأي لقاء و أنا بالفعل مع مجموعة من الأصدقاء نلتقي دوريا كل فترة و نلتقي قريبا منك في المعادي و شوف أنتم الترتيبات و لكن لا أعد بالحضور لنقل حسب ا لظروف إن شاء الله شكرا لتشريفك لي بالدعوة و يسعدني أن ألقاكم إن شاء الله و قد وعدت الأصدقاء أن نلتقي قريبا و لو توافقت المواعيد نلتقي جميعا إ ن شاء الله فقط الترتيب مع بعض هو الذي ينجح اللقاءات و لو سمحتم لي أنا عندي اقتراح لابد منه و إلا كانت لقاءاتنا عبثا لا طائل من ورائه
لماذا لا نعد بحوثا علمية حول البرامج التي نعمل عليها مثلا أنا مهتم ببرامج النحت مثل أمورفيوم و زد بروش و ماكس و غيره وأفكر في عمل بحث علمي للمقارنة بين هذه البرامج و أيضا فكرة علاقة البرامج الـ 2D & 3D و فكرة الإضاءة في البرامج وغيرها لو أردنا أن تكون للقاءاتنا هدفا و فائدة لنفكر في ماذا سنتحدث فيه و أنا و الأصدقاء نلتقي و نتبادل الخبرات و نتبادل الجديد من البرامج كان هذا هدف لقاءاتنا في البداية و أصبحت هذه العلاقات المادية صداقات لا علاقة لها بالمادية أخوة و محبة لوجه الله و لكن لا يخلو الأمر من تبادل خبرات
أرجو ألا أكون قد أطلت عليكم و لكن أحببت أن أعرض عليكم فكرتي لكي تعم الفائدة حتى لو لم أكن أنا موجودا فلتكن الفكرة هي مدار لقاءاتنا
و حتى نلتقي إن شاء الله
تقبلوا وافر التحية والأحترام

[روبي]

السلام عليكم ورحمة الله وبركاته
عزيزي تامر
انت انضم الينا وانت ماتبقاش عضو في الفريق بس لأ دانت هاتبقى راس حربه
وكمان هاديك مسرحية زكي جمعه


المكساوي القديم............ قصدي المسيطر
شيراتون شيراتون ياعني احنا هانخاف
الــــــــــف الـــــف الــف شكر على ردك وعلى تأييدك
انت كمان ممكن تبعتلي عنوانك وتليفونك على الايميل وتحطلي كمان الايميل بتاعك


لؤي باشـــــــــــا
شكلنا فعلا اول ناس هنتقابل علشان انا كل يوم في ابراج عثمان يا جاري العزيز



الأخ سامح
باذن الله لازم تكون معانا في اول لقاء والا هتكون بزعل
وتكلمنا على موضوع البحوث وتفيدنا بخبرتك في هذا المجال وتشرحلنا ازاي نستفيد من هذه اللقاءات

[Ahmosality]

السلام عليكم ورحمة الله وبركاته
انا موافق على الفكرة تماما .....
اعتقد ان شاء الله ستكون لقاءات مفيدة ومثمرة
انا احمد السعيد
مهندس ديكور من القاهرة
وبانتظار تظبيط المواعيد وشكرا

[PRO]

الفكرة عظيمة

بس فيه شباب كتير من مصر بس مش من القاهرة مغرمين بالجرافيك
وانا واحد منهم انا من دمياط
يعنى مش هقدر اقادر اقابلكم
مع ذلك انا ارحب بالفكرة جدا
واستطيع الاتصال بكم عن طريق المنتدى وهذا ما استطيع فعله فقط
واتمنى لكم التوفيق
سلام

[محمود حجازى]

السلام عليكم

دايما الواحد يجى متأخر فى الرد كده
ده مشكلة

شكرا اخى الكريم روبى على الدعوة وبإذن الله يلتقى أكبر عدد من محبى الماكس والجرافيك بشكل عام فى مصر فى وقت واحد وفى أقرب وقت
مع تحياتى لك
اخوك محمود

[ELGELANY]

صباحوا أبيض يانجم

السلام عليكم ورحمة الله وبركاته
بجد يا روبى باشا فكرة جامدة طحن.وعلى فكرة أنا بعدى عليك كل يوم.......لألألأ ماتفهمنيش غلط أنا فى جامعة حلوان وبعدى عليك كل يوم بالمترو.
المهم أنا ساكن فى فيصل وأنا تحت أمرك ياباشا فى أى وقت وسأكون سعيد جدا لو تقابلنا وتم التعارف.
البريد الألكترونى ESLAMELGELANY@HOTMAIL.COM

[alaeldean]

الى روبى الشهير ( بزكى جمعه )

احلى سلام واحلى تحيه على الفكره ده

بس يا خساره انى من طنطا بس بنزل مصر كتير عل العموم فى اى مقابلات

ممكن ترسل لى على الاميل بتاعى

engalaeldean@yahoo.com

[روبي]

السلام عليكم ورحمة الله وبركاته
أنا فعلا سعيد جدا لتقبلكم الفكرة واستحسانكم لها
وسوف أباشر باذن الله بالترتيبات اللازمة
ولكني اريد أن يرسل لي كل شخص بريده الالكتروني متضمنا رقم هاتفه
والمعاد المناسب للاتصال به
وانافي الانتظار حتى ينضم الينا اصدقاء اخرين
واسئل الله العلي القدير ان يجمعنا على مرضاته وان يثيبنا عليه فيجتمع لنا خيري الدنيا والأخرة

[كأن]

بسم اللة الرحمن الرحيم
الاخ ر و بــــــــــــــى

اتمنى ان أكون معكم فىر هذا اللقاء
لتبادل الــتعارف والخــبرات وخلافة
نواة لسوق عربية مشــتركة
تعارف....... تعاون.....تبادل......تكامل.....
على فكرة انا من حــــــــــــــــــــلوان

محمد
kaen@masrawy.com