soft shadows in softimage tutorial

[doctor3d]

السلام عليكم

http://www.youtube.com/watch?v=YTCbaSfXHjk


الدرس يتضمن اهم نقطتين مختلفين عن الرندر في مايا او ماكس
وهي قيم باي ديفولت معمولين فزيائيا خطأ .

النقطة الاولى الاضائات كلها فيها Umbra -- 0.75 وهي شفافية الضل وهذه خاصية فزيائيا غير صحيحة ..طبعا مفيدة لكن ليس كديفولت
النقطة الثانية هي ال global ambient وده ايضا باي ديفولت معمول رمادي والمفروض يكون اسود تماما.

دول النقطتين الرئيسيتين كديفولت غلط وبالتالي معظم الناس الرندر عندها washed out
غير ذلك المنتال راي واحد ولا فرق.

اخيرا في الفديو كذا طريقة للحصول على ظل ناعم للاستوديو او للداخلي.

[أبومايا]

يعني انت عامل ستوديو اضاءة ستوديو

انا اول ماشفتك فتحت السربت ادتور قعدت احاول اترجم كلامك حسبته سكربت انت تعمله مافهمت انك قاعد تشرح عليه ^ ^

[doctor3d]

يعني انت عامل ستوديو اضاءة ستوديو

انا اول ماشفتك فتحت السربت ادتور قعدت احاول اترجم كلامك حسبته سكربت انت تعمله مافهمت انك قاعد تشرح عليه ^ ^

هي مش اضائة استوديو يعني لكن الاستوديو نفس الفكرة مع تظبيط شوية المفروض يكون منور اكتر مش مضلم كده.. انا مخليها غامقة ومظلمه عشان ابين بس النقطة الجوهرية للظل والاضائة اللي شكلها طبيعي نسبيا .. انا اديت مثال فقط بدون تظبيط للي بيعمل مشاكل وطرق الاضائة فزيائيا صحيحة وتدي نتيجة حلوة مع التظبيط طبعا.

لو عايز استوديو ارفعها فوق اكتر وكبرها وشوف سامبلز مناسبة وهتمشي يهيألي.

الناس كلها في السوفت الرندر عندها في مشاكل خصوصا الظلال او البهتان العام ... النقطتين دول يوضحوا ليه السوفت بيطلع صورة باهتة او washed out .

بقية الخصائص هو المايا لا فرق حتى نفس طريقة البورتال لايت حسبما اذكر.

واخر طريقة البورتال لايت ... هي الاقرب للواقعية يهيألي او لازم تستخدم مع الانواع الاخرى attenuation للاضائة عشان الاضائة تخف مع المسافة زي ما بيحصل للاضاءة الطبيعية .. مبينتهاش لاني نسيتها كما يبدو

الفرق الثاني : انك لازم تفهم الباسيس نسبيا لانك هتشتغل بيها وتظبط عليها شئت ام ابيت .
وانك تفهم ان خواص الرندر ريجون اللي جوة الفيوبورت غير الخواص النهائية .. لكن ممكن توحدهم او تنسخ من ده لده او العكس.

[doctor3d]

ياريت تجرب هذا الدرس مع اي مودل قديم عملته بالسوفت يا ابومايا.

[princelove]

شكرا اخي على الدرس الرائع

[donjwan88]

دكتور ثري درس جميل ما شاء الله وفعلا دة اللي انا باعمله بس اقولك حاول كدة تعمل اوضة كاملة وتعمل اخراج طبيعي قدر الامكان وشوف وقت الرندر وكمان شوف الاخراج بتاعك هيبقى قوي وهيستخدم نفس المجهود اللي هتعملة في المايا مثلا وقارن بين الاثنين

[doctor3d]

تسلموا princelove -- دنجوان

هو بالتأكيد الانتريور بيخد وقت اطول في الحسابات ده الطبيعي وفي نقط في الاعدادات عالية باي ديفولت ..مثلا لو هستخدم امبينت اكلوشن السامبلز العامة بتاعته معموله 250 ودي عالية جدا... وحجات شبيهة اخرى

طيب حد يقترح مودل متاح للتحميل ونحاول عليه سوا

[donjwan88]

دكتور ثري دي ان شاء الله انهاردة هارفعلك شغل نجرب عليه مع بعض

[donjwan88]

يا جماعة دي غرفة اطفال عاوزين بقى نشوف الاخراج فيها عاوزين نجرب مع بعض الملف مضغوط فيه ملفات خاصة بمايا 2013 وسوفت اميج 2013

http://www.mediafire.com/?c5l5bz507i7bi9i

[doctor3d]

base lighting - للنهاري
اضائتين فقط key light ولايت ايريا على الباب




ك basel light الضل ظاهر والاضاءة منطقية بالنسبة للظل والنور.
طبعا محتاجين نوزع مزيد من الاضائات بالداخل فوق السرير.. في السقف .. امام الشاشة ..الخ بالاضافة للشيدنج علشان تكمل.

الطريقة هي بورتال لايت للايريا والكي لايت بيكون اي حاجة سبوت او انفينيت

[donjwan88]

هههههه لا لا استنى بقى يا دكتور ثري دي ده احنا مبنصدق نمسك منك معلومه عاوزك توضح شويا بالكتابه

عاوزين شوية توضيح يعني تقولنا مثلا انت عملت اماكن الاضاءة فين والاعدادات بس في حاجة انا مش فاهمها خالص يعني ايه key light هل التعبير دة خاص بنوع معين من الاضائة يعني وهو اضائة الشمس مثلا

اما بالنسبة ل اللايت اريا اللي على الباب مفيش مشكلة انا عملت اسوت لايت ولكن للاسف الاخراج طلع الدنيا ضلمة خالص والا انت مفعل الفوتونات والفاينل جاذر والا ايه

هو انت عاوز توزع الاضاءة يدويا من غي الفوتونات والا ايه ؟

[doctor3d]

مهي الدنيا ضلمة لسه عندي برده عشان لسه محتاجة اضائات .. انا بس جربت تجربة سريعة لبيز لايت مظبوط نسبيا ممكن تبني عليه.
ال key light دي اضائتك الرئيسية .. مصدر الاضاءة الرئيسي زي الشمس او اللمبة الاساسية في الغرفة انا عملت Infinite
واللايت التاني بورتال لايت زي في الفديو اللي فوق بالظبط على الباب من بره او لايت بوكس هي هي لا فرق.

وافتح الفينال جازر طبعا

[donjwan88]

تمام قوي هو دة اللي انا عملته دكتور ثري دي بس الفكرة ان المشهد عندي كله ضلمة مش زي ما انت عامل خالص بص دي صورة الرندر

[doctor3d]

عملت الايريا لايت صح متأكد ؟
وعملتها بورتال ؟

[doctor3d]

انت حاطط اكسبوجر كنترول على الباس ؟
اتأكد كده .. لو حاطط اكسبوجر لازم تظبط فيه وتظبط اضائاتك عشان تتناسب معاه