طرق المودلنج في كل البرامج ( دعوة للنقاش أتمنى الاستجابة للدعوة )

[IAMSAMEH]

يعني أنت جاي تزعلنا قبل ما تروح الامتحان يا ريت تقرا المقال الأول قبل تكتب
لو عندك جديد يا مرحبا لو عندك نفس الكلام يستحسن لا تضيف
و ثانيا أنت لسه فاكر أنك تضيف الوقت
غريب و الله يا أخي الكلام ده كأن الواحد بيأذن في مالطة و لما أهل جزيرة كريت يسمعوه ييجوا يصلوا
طيب يا أهل جزيرة كريت أنا كنت أؤذن لصلاة الظهر و احنا الوقت المغرب
على العموم يا أهل جزيرة كريت صلوا على مزاجكم
و ادعوا لنا معاكم

[abu_yahya]

السلام عليكم ورحمة الله

إزيك يا حاج سامح...لفت انتباهي الموضوع وقرأته على سرعة لكني صادفت
على cgtalk عملين لفنان قمة في الروعة بيستعمل زي برش والفوتوشوب
وهذه هي الروابط
http://www.cgtalk.com/showthread.php?s=&threadid=113612
http://www.cgtalk.com/showthread.php...5&pagenumber=1
أرجو أن تعجبكم
تحياتي

[IAMSAMEH]

أهلا الحاج أبو يحيى يا مراحب يا عمي
الراجل الفنان ده يا عم أبو يحيى عمل تحدي مع نفسه و مع الشباب في منتدى زدبروش تعرف قال لهم أيه
قال يا جماعة كل أعمالنا بالبرنامج هي وحوش و بعبع و حاجات كده كلها مخيفة و سيئة الشكل تنفع في أفلام الرعب و الألعاب المرعبة لكن عاوزين نعمل ببرنامجنا شيئ جديد نعمل فن جميل نعمل موديل يكون جميل وعمل الموديل الرائع اللي أنت شفته هناك ده
و للأسف الشباب في زدبروش الظاهر ما كانوا مشجعين بصورة كافية له زي الأخوة هنا في المنابر فلم يكمل مراحل العمل هناك توقف عند الشكل الاساسي ولم يكمل
وهذه كانت البداية

شكر لتفاعلك ياأخي الكريم

[CartoonPlayer]

سامح أنا رجعت من الإمتحان والحمد لله يريت تقلي أحط في الفلاشات علشان هشرح الفيرتكس مود كله بالكامل في carrara 3

[IAMSAMEH]

يا عم حسام الموضوع ده كلام عن التقنيات مش شرح للبرامج
فيا ريت لو تتفضل و تضع الشرح في موضوع مستقل تسميه شرح الفيرتكس مودلر في كرارا ثري و كمان تضعه في قسم البرامج الرسومية الأخرى أحسن من أطراف الحديث
و تمنياتي لك بالتوفيق يا عم
و بعدين يا سيادة الدكتور الوزير المشرف مفيش يعني حد يسمعنا و يرد علينا
انقلوا الموضوع من هذا القسم غلطت و حطيته هنا فبعد إذن السيادة وا لسمو تضعوه في قسم برامج رسومية أخرى و ارفعوا عنه التثبيت أو لا ترفعوه و قلنا نشيل منه الكلام اللي لا داعي له خارج السياق
هل من مستجيب يا عم المشرف باشا
يا عم نون
يا عم جون سيلفر يا رب تبقى جولدن جون انقل الموضوع من أطراف الحديث إلى برامج رسومية أخرى يا عم
يعني أعمل أيه
أعيط مثلا على حظي أني أخطأت في حق المنابر و كتبت الموضوع هنا

[CartoonPlayer]

المعذرة يا سااااااااااااااااااااااااااااامح وعلشان خطرك مش هحط أي شروح والله كنت هحطو علشانك بس علشان بتلكك مشحطو

[نون]

و عليكم السلام

كفاية يا حاج سامح الله يخليك و الله اتفضحت و محدش سم عليا الكل عِـــرِف اني مشرف اصدي مخبر المنابر خلاص يا عم اتنقل الموضوع. المره الجاية خدني على جنب و قولي ... وشوشني و زي ما انت عارف الناس م بتحبش سيرة المخبرين خالص و مش طايقين يبصو في خلقتي بعد النهار ده

محبكم
نون

[IAMSAMEH]

و عليكم السلام و رحمة الله و بركاته
يا سلام عليك يا حبيبنا الحاج نون الله يسلمك يا عمي الحبيب و أشكرك من أعماق قلبي مش عارف أقول حاجة أنا عاجز عن الشكر لدرجة أني مش عارف اتحرك من العجز عن الشكر
الواحد بس خجلان يبعث لك رسايل يا عم الحاج و يطلب حاجة لنفسه
لكن على كل حال ربنا ما يحرمنا من سعادتك و يبارك فيك يا رب و نردها لك في الأفراح إن شاء الله
محبكم سامح
بعد كده المعلم هنكر باشا حبيب الجماهير و حبيب كوكب الأرض أيه يا عم
ليه بس يا عم الحاج أنا نفسي أتعلم على إيديك الحلوين دول التحف اللي هاعلمها يا عمي يللا ما ترجعش في كلامك ورينا الهمة و شمر عن ساعديك واعمل حاجة تنفعك لما تقابل ربنا و أيه صورة البتاع اللي انت حاططها دي
سلام عليكم

[CartoonPlayer]

يا جماعه zbrush شكلو كده جامد قوى عيزين تفاصيل أكثر هو فعلا بحول كل التأثيرات دي الى 3d ثم بعد ذالك أستطيع سحبها الى أى برنامج 3d

[IAMSAMEH]

لو قرأت الكلام اللي كتبته في الموضوع يا حسام عن زدبروش تلاقي إجابة سؤالك و طبعا البرنامج ثري دي بالكامل لو أردته كذلك و أيضا مثله مثل أي برنامج تو دي و لكن مع إمكانيات أقوى بمراحل عديدة و هو يصدر ملفات DXF
و OBJ و طبعا يصدر صور من أنواع مختلفة أهمها طبعا PSD و BMP
موفق يا عم الحاج هنكر

[CartoonPlayer]

شكرا يا سامح

[CartoonPlayer]

سامح المعذرة هسئل سؤال مش في المودلنج : هل زبراش ممكن يعمل إفكت مثلا واحد بيسيح وأو حاجه بتنفجر ولا محتاج برامج مساعده

[IAMSAMEH]

الحاجات التي تسأل عنها يا حسام هذه تحتاج برنامج يدعم نظام الجزيئات و المؤثرات الخاصة وما يشبهه و أيضا قبل أي شيء يدعم الأنيماشن و حتى الآن البرنامج تركيزه الأساسي مودلنج فقط و أظنه لن يتغير ليكون برنامج تحريك حسب ما أظن ربما البعض من الفنانين لديهم طموح لذلك و ممكن مع الإصدارة القادمة نرى الجديد ولكن أظن ما تحلم به بعيد بعض الشيء و البرنامج يمكنه رسم أي شيء كصورة 2d و يفوق أي برنامج رسم عادي مهما بلغت درجته طبعا فوتوشوب أبو الجميع فلا يعلو سعادته أي شيء
لكن البرنامج وحده لديه القدرة على عمل أشياء رائعة و بدمجه مع فوتوشوب في وحدة عمل تنتج أشياء رائعة كصورة فيها كل ما تتخيل أنت و قدراتك على الرسم
لكن كلامك أكيد عن أشياء متحركة يا حسام و زدبروش مودلنج بس

[CartoonPlayer]

بس لو إستخدمته مع موشن بلدير أعتقد النتيجة ستكون جباره صح وإني أحببته لأن المودلنج في يعني قمة ماشاء الله

[IAMSAMEH]

البرنامج ميزته الاساسية في التحريك هي عن طريق المورف تارجت لأن العناصر التي ينتجها عالية الكثافة و ليس لدي معلومات كافية عن موشن بلدر
جرب و ربنا يوفق سعادتك يا أبو هنكر باشا

* * * * * * * * *

و ابقى ادعي لي دعوة
و كل واحد يا جماعة قرأ الموضوع و وجد به أي فائدة يدعي لي دعوة من قلبه ويا ريت و هو بيصلي دعوة و هو ساجد بس من القلب فعلا بأي خير في الدنيا أو في الآخرة يحب يدعي به
تحياتي للجميع

* * * * * * * * *