موضوع: ::درس:: تعلم كيف تصنع لوغو الويندوز بالماكس

ردود: 11 | زيارات: 1496
  1. #1
    عضو فعال
    تاريخ التسجيل
    Jan 2003
    المنطقة
    الشرق الأوسط
    ردود
    222

    ::درس:: تعلم كيف تصنع لوغو الويندوز بالماكس

    السلام عليكم جميعــــــــــــــاً

    الحقيقة حبيت أساهم ببعض الدروس الأساسية عن الماكس هالمرة وإنشالله انها تكون بسيطة وواضحة ومافيها أي صعوبة

    وقلت دام ان دروس الماكس هنا بالمنتدى الجرافكسي ضئيلة لازم اقدم واحد خفيف وسهل

    والدرس هذا عميق جداً .. لأنه عبارة عن تفصيل ممل .. الدرس موجّه خصيصاً للمبتدئين لذلك فصلت فيه كثير .. خطوة خطوة .. لهذا السبب هو طويل ويحمل 74 خطوة و 28 صورة توضيحية

    الدرس يحمل حاجتين ... الأولى تعليم بعض الأساسيات والثانية تطبيق على نموذج لوغو الويندوز المعروف




    خلونا نبدأ في الدرس ونقول بسم الله الرحمن الرحيم وتوكلنا عليه



    بالبداية افتح البرنامج الحبيب 3D Studio MAX
    ( أنا حالياً شغال على الاصدار الثالث وما أرتاح له كثر البقية من الاصدارات الحالية وما فيه اختلافات بالنسبة لتطبيق الدرس عليهم

    ثم روح قائمة Object علشان تختار منها شكل الصندوق المقطوع ChamferBox ( انظر الصورة )
    على فكرة إذا ما شفت شريط الأدوات تقدر تطلعه بضغط يمين الماوس على الشريط العلوي وتختار Tab Panel



    الآن رايح نكوّن لنا الصندوق مع اختيار الطول والعرض اللي هما على سبيل المثال واللي رايح نستخدمها في درسنا

    Length : 50
    Width : 50
    Heigh : 3
    Fillet : 0.5

    وبعدين نضغط على تكوين Create



    نضغط الآن قائمة التعديلات Modify مثل ما موضحة بالصورة تحت ونضيف القياسات على قطعة الصندوق وهي عبارة عن الخطوط المكونة للصندوق علشان يكون ميلان القطع اللي راح انسويها في الخطوات الجاية مضبوط
    والقياسات هي :

    Length Segs : 20
    Width Segs : 20
    Heigh Segs : 2
    Fillet Segs : 3



    الآن رايح نكرر الشكل (الصندوق) ونضع بجانبه صندوق آخر عن طريق أمر Array
    وهذا الأمر نوصل له عن طريق قائمة أدوات Tools





    بعد ما تظهر لنا النافذة الخاصة بأمر التكرار نروح على القياسات اللي موجودة على أول سطر وهي قياسات التحريك Move ونكتب عند خانة X الرقم 52

    (للمعلومية فقط محور X يزيح الشكل شرق أو غرب اتجاه الشكل أما Y فهو يزيحه شمال أو جنوب الشكل وأما Z فهو يزيح الشكل لأعلى أو أسفل الشكل )

    تعرفون ليش اخترنا 52 ؟
    لأن حجم قطعة الصندوق 50 واذا تبي تكرر الشكل لازم تزيحه عن الشكل الأول بمقدار حجمه اللي هو 50 وزيادة اشوي علشان يكون فيه فارغ بيناتهم


    وبعد ما تكتب مقدار الإزاحة في محور X

    تكتب عدد القطع اللي تبي تكررها يعني مجموع القطع كم رايح يكون .. راح نختار المجموع 2 قطعتين بجنب بعض ونكتب عند خانة الـ Count العدد 2 وبعدها نضغط موافق OK



    وبعد التكرار رايح تطلع عندنا الشاشة بالشكل التالي ( قطعتين بجانب بعض )



    الحين نبي نحدد القطعتين مع بعض ونضمهم تحت اسم واحد ويصيرون كأنهم شكل واحد علشان نكرر الشكل مرتين واتصير عندنا 4 صناديق لأن اللوغو يحمل أربعة صناديق
    طبعا نضغط على زر اللي موضح بالصورة علشان تطلع اللستة تبع الكائنات أو الأشكال الموجودة اللي كوناها سابقاً ورايح اتشوف اسم كل صندوق باللستة
    حددهم اثنيناهم بزر Shift من الكيبورد مع الضغط على الاختيار الثاني أو تستخدم الزر الموجود بالنافذة (تحديد الكل) Select All وبعدين اضغط موافق OK



    والحين نروح على قائمة مجموعة Group ونختار منها أمر Group وبعدين اختر موافق OK مثل ما هو موجود بالصورة

    =========================
    لكل قلب إذا ماحب أسرار ***** وكل حب لغير الله ينهار
    =========================

    لمراسلتي على البريد الالكتروني
    asmo_4024@yahoo.com


  2. #2
    عضو فعال
    تاريخ التسجيل
    Jan 2003
    المنطقة
    الشرق الأوسط
    ردود
    222
    يتبع الجزء الثاني من الدرس


    الحين صار الشكل تحت اسم واحد وتحت شكل واحد .. رايح نكرر الشكل المدموج هذا إلى شكلين مثل ما عملنا بالخطوة السابقة
    نروح على قائمة أدوات Tools ونختار أمر التكرار Array



    رايح تفتح لك نافذة تختار القياسات تبع التكرار وفي أول سطر اللي هو سطر التحريك وهالمرة رايح يكون الرقم 52 في خانة Y لأن التكرار بيكون للأسفل مثل ما وضحتها من اشوي وأما خانة X فتكتب فيها صفر
    وخانة المجموع count تبقى على ماهي عليه 2 لأن المطلوب هو شكلين فقط .. الشكل الحالي + الشكل المكرر
    وبعدين اضغط موافق OK



    وهذا شكل النافذة بعد ما يتم تكرار الشكل اللي هما أربعة صناديق



    الحين نبي ندمج المجموعات كلها تحت اسم واحد وشكل واحد علشان انجيبها بالنصف .. في مركز الاحداثيات ونروح لها من أمر اللست
    وبعد ما تطلع القائمة حدد الشكل بزر Shift من الكيبورد مع الضغط على الاختيار الثاني أو تضغط على زر Select All من ضمن الأزرار الخاصة بالنافذة
    وبعدها تضغط موافق Ok
    مثل ماهو موضح بالصورة




    الحين حددنا الشكل وباقي نضمهم تحت اسم واحد وشكل واحد وهذا نروح له من الأمر Group ونحتار من القائمة Group وبعدي نضغط موافق OK مثل ماهو موضح بالصورة



    رايح انخلي الشكل مثل ما قلنا بالنص وفي مركز الاحداثيات والزر اللي يحرك الشكل المدموج هو زر التحريك اضغط عليه مرة بالزر الأيسر للماوس وبعدين اضغط الزر الأيمن علشان تطلع لك نافذة الخاصة بالتحريك علشان تضيف الأرقام
    واضافة الأرقام هي عبارة عن تحريك دقيق للغاية فإذا تعاملت بالأرقام تضمن وجود الشكل في المكات اللي تبيه واحنا نبي الشكل يكون في المركز وعلشان يكون في المركز لابد نكتب أصفار في خانات X Y Z وبعدين تغلق النافذة مثل ماهو موضح بالصورة



    الحين بعد ماصار الشكل المدموج بالنص نبي نفكك القروبات Group اللي احنا مسوينها اللي هي عملية ضم الأشكال تحت اسم واحد وشكل واحد علشان نتحكم في كل واحد لحاله والتفكيك رايح يكون من قائمة Group ونختار منها أمر Ungroup
    مثل ما هو موضح بالصورة



    وبعد ما سوينا عملية التفكيك صار كل صندوق لحاله تحت مسماه . الآن نحدد الصندق الأول من اللست الخاص بتحديد الكائنات ونضغط على زر تحديد Select ونغير لونه من المربع الخاص بالألوان ونختار اللون المناسب حسب ألوان اللوغو تبيع الويندو مثل ما هو واضح بالصورة


    =========================
    لكل قلب إذا ماحب أسرار ***** وكل حب لغير الله ينهار
    =========================

    لمراسلتي على البريد الالكتروني
    asmo_4024@yahoo.com

  3. #3
    عضو فعال
    تاريخ التسجيل
    Jan 2003
    المنطقة
    الشرق الأوسط
    ردود
    222
    يتبع الجزء الثالث من الدرس



    نجي الحين للصندق الثاني ونحدد اسمه من اللست الخاص بتحديد الكائنات ونضغط عليه وبعدها نضفط على زر تحديد Select ونغير لونه من المربع الخاص بالألوان ونختار اللون المناسب حسب ألوان اللوغو تبيع الويندو وبعدين نضغط موافق OK



    ونفس الشي بالنسبة للصندوق الثالث نحدد اسمه من اللست الخاص بتحديد الكائنات ونضغط عليه وبعدها نضفط على زر تحديد Select ونغير لونه من المربع الخاص بالألوان ونختار اللون المناسب حسب ألوان اللوغو تبيع الويندو وبعدين نضغط موافق OK



    والأخير بعد اللي هو الصندوق الرابع نحدد اسمه من اللست الخاص بتحديد الكائنات ونضغط عليه وبعدها نضفط على زر تحديد Select ونغير لونه من المربع الخاص بالألوان ونختار اللون المناسب حسب ألوان اللوغو تبيع الويندو وبعدين نضغط موافق OK



    الحين نبي نحدد الصندقين اللي على اليسار فوق بعض علشان نضيف عليهم تأثير الإنثناء (الإنحناء) وعلشان نحددهم لابد نضغط على الزر الخاص باللست تبع الكائنات ونحدد الصندوقين المطلوبين اللي هما ChamferBox01 و ChamferBox03 عن طريق زر Shift من الكيبورد وبعدين نضغط تحديد Select مثل ما هو واضح بالصورة



    الحين نحطهم ضمن مجموعة وحدة علشان يكون التأثير عليهم اثنيناتهم وهذا نروح له من أمر Group ونختار Group وبعدين موافق OK



    الحين نروح على أمر الانحناء من قائمة التعديلات Modify اللي اشرنا لها سابقاً ونختار أمر Bend ونكتب القسايات المطلوبة اللي هي :

    Angel : 50

    Bend Axis : X اتجاه الانثناء



    الحين نروح نحدد الصندوقين اللي على اليمين علشان انضمهم في مجموعة وحدة .. من قائمة اللست الخاصة بتحديد الكائنات ونضغط على ChamferBox02 و ChamferBox04 ونضغط تحديد Select



    بعد ما حددنا الصندوقين انحطهم ضمن مجموعة وحدة علشان نطبق عليه أمر الانحناء مثل ما سوينا من قبل اشوي على الصندوقين السابقين .. ونروح لها من أمر Group ونختار Group ونضغط موافق OK

    =========================
    لكل قلب إذا ماحب أسرار ***** وكل حب لغير الله ينهار
    =========================

    لمراسلتي على البريد الالكتروني
    asmo_4024@yahoo.com

  4. #4
    عضو متميز
    صور رمزية xgraphics
    تاريخ التسجيل
    Jan 2003
    المنطقة
    CAIRO
    العمر
    28
    ردود
    1,875
    حلو ومشكور بس





















































    فين الصور؟؟

  5. #5
    عضو فعال
    تاريخ التسجيل
    Jan 2003
    المنطقة
    الشرق الأوسط
    ردود
    222

    ::درس:: تعلم كيف تصنع لوغو الويندوز بالماكس

    يتبع الجزء الرابع من الدرس



    الآن نطبق عليهم أمر الانثناء (الانحناء) مثل ما فعلنا بالسابق مع الصندوقين السابقين بس هالمرة رايح يكون الانحناء بالعكس والقياسات المطلوبة لها هي

    Angel : -50 لا تنسى الاشارة السالبة

    Bend Axis : X اتجاه الانثناء



    الشكل الحين صار منحني تمام بس مو في مكانه الصحيح .. وعلشان يكون في مكانه الصحيح نحرك الشكل حتى يضبط موقعه .. وعلشان نحرك الصندوقين بشكل دقيق نستخدم الأرقام وهذي نروح لها من زر التحريك نضغط عليه بالزر الأيسر أولاً وبعدين نضغط الزر الأيمن ونكتب الأرقام والقياسات المطلوبة والتغيير راح يكون على المحور X و Z بس لأن الـ Yمضبوط ... ولازم تنتبه إن الزيادة تكون في الخانات اللي على اليمين وليست على اليسار لأن العملية عملية إضافة وليست تغيير جذري ..القياسات هي :
    X = -1.5 مع الانتباه للإشارة السالبة
    Z = -12.5 مع الانتباه للاشارة السالبة

    وبعد ما تضيف الأرقام بتشوف مكانهم يكون صفر .. لأن العملية عملية إضافة مثل ما قلي البرنامج يحسب الأعداد اللي تضيفها على الخانات اليمين ويجمعها مع الخانات اليسار .. يعني ان اليسار هو المجموع الكلي



    بعد ما أضفنا القياسات المطلوبة للتحريك رايح اتشوف الصندوقين في وضعهم المناسب
    وتقدر اتغير من وضع الرؤية لما تضغط على زر الأخضر تحت بالزاوية على أدنى اليمين وبعدين تضغط في نافذة الرؤية واتغير حسب اللي اتشوفه مناسب لك
    وبعد ما اتغير وضع الرؤية اتسوي لها معالجة من قائمة Render وتضغط على زر الإبريق لمعالجة الشكل بشكل عام من نافذة الرؤية



    وهذي صورة بعد المعالجة توضح كلامي أكثر




    واللي يحب يشوف العمل في ملف ماكس فأنا أرفقه في ملف مضغوط وإنشالله تستفيدون منه

    إن شالله يكون هالدرس العميق واضح ومافي أي صعوبة ولا مشاكل ... وأي سؤال حاضرين .. ولا تنسونا بدعواتكم يالغاليين ... ما نبي غير دعواتكم يا اخوان .

    رابط ملف الماكس المرفق :
    http://www.ahsa.net/asmo/winLogomax.zip
    =========================
    لكل قلب إذا ماحب أسرار ***** وكل حب لغير الله ينهار
    =========================

    لمراسلتي على البريد الالكتروني
    asmo_4024@yahoo.com

  6. #6
    عضو جديد
    تاريخ التسجيل
    Jul 2002
    المنطقة
    السعودية
    العمر
    40
    ردود
    29
    تسلم الايادي اخوي عبدالرحمن

    شرح رائع

    وانتظر التطبيق

  7. #7
    جزاك الله خيرا وجعلها في موازين حسناتك

  8. #8
    عضو فعال
    تاريخ التسجيل
    Jan 2003
    المنطقة
    الشرق الأوسط
    ردود
    222
    أرجع أشكر الجميع على الردود ،،، بالنسبة لمشكلة الصور اخترت الحل الأسهل لدى الكل

    وهو وضع الدرس على صفحة مستقلة :::

    عنوان الصفحة هو :

    :::: تعلم كيف تصنع لوغو الويندوز بالماكس ::::


    وآسفين بشأن التأخير بهذا الموضوع، وأرجو للجميع الإفادة والإستفادة ،،،

  9. #9
    عضو متميز
    صور رمزية أبوعبيدة
    تاريخ التسجيل
    Nov 2002
    المنطقة
    السعودية-الشرقية...
    ردود
    1,517
    جزاك الله خير أخوي A.s.m.o...
    مقياس إيمانك...في حال خَلوَتِك
    ياغافلاً تتمادى...غدا عليك ينادى...

  10. #10
    عضو قدير
    تاريخ التسجيل
    Feb 2001
    المنطقة
    فلسطين - غزه
    العمر
    38
    ردود
    3,873
    شكرا جزيلا أخ A.s.m.o على هذا المجهود الطيب

    في انتظار المزيد


    يبدو يا اخوان أن الطلب على الدرس قد زاد لذلك فالموقع مغلق مؤقتا..

  11. #11
    max master
    صور رمزية subdevil
    تاريخ التسجيل
    Mar 2003
    المنطقة
    MaX WoRLd (EgYpT)
    العمر
    33
    ردود
    2,232
    يبدو هذا فعلا يا حسام

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل