السلام عليكم ,, مو يحقلي أكره الثري دي ماكس ؟؟ !

[ShaDy MaX]

ههههااااااي

اول شي بفبوووووووف فين زر اوتو كي هادا ؟

وانتا التاني شكرا عل مساعدة

بس فين أحصل الكتاب دا , وياريت لو كان فيه شي للماكس 5 لآنو بالموت حصلتوا في سوق الشمال ومافيا حيل اروح مركز المدينة

يعني دحين أسيب الماكس 5 وارووح للاربعة ,, شوية كمان أحط احمر شفايف من الطفش

الحمدلله الكرسي عجبك,, بس ياخي دروس الموقع للماكس القديم وانا الضحية

يبغالي حل

والسلام عليكم

[Dr.BoF]

يابني شوف تحت جنب الزّلاقة حقت الوقت تلاقي في زر اسمه اوتو كي جنبه زر مرسوم عليه مفتاح
أنصحك تجيني مكتبة جرير شارع التحلية قدام وطني راح اعطيك سيديات رخيصة قيمتها عشرة ريال للقمة للمعلومات
وكمان للماكس 5
وعلى فكرة استفدت منها الشي الكثييييييييييييييييييييييييييييير ..
فلا تتأخر ..
وعلى فكرة ايميلي القديم crazy_moh@hotmail.com
ولكن مابدخل على المسنجر عشان غبار ايام الجاهلية اخاف يلوثلي الغرفة ازا فتحته
فخلينا هنا وعالخاصة وعالايميل العادي PoF@islamway.net

[DopLoMaSi]

يا حلو مافي داعي تروح مركز الشمال لانه اصلا ما عندهم كتب كلها اجهزة في مكتبة في شارع خالد بن الوليد اسمها مكتبة باشماخ كلها عن كتب الكمبيوتر

يمكن تلاقي ، وبعدين يا دكتور بوفانا كمان ابغى السي دي تكفه وشكرا عالنصيحة اللي قلت لي هيا عالايميل وشكرا

[ShaDy MaX]

مشكور زبطت معايه الطريقه

وتسلم دكتور بوف والتاني اللي اسمو صعب (( شكلهم عيال جدة كلهم حيتجمعوا هنا ))

أفكر اخشلي دورة ثري دي ماكس,, بس ان شاء اقدر اطبق دروس ابو بدر ,, مايهمني التطبيق قد مايهمني كيفية استعمال الادوات

وتسلمواا حبايبي ,, بووف كنت ابغاك ماسنجر بس شكلوو مافي أمل ,, خيرها في غيرها

[Dr.BoF]

السلام عليكم

اهلا وسهلا بالشباب .. دوبلوماسي .. هده احلى والله ..
وازا تبغى اي شي تعاللي المكتبة ( مكتبة جرير _ التحلية قدّام وطني ) تلاقيني هناك انشالله في قسم الكمبيوتر قلهم فين محمد الاحمدي ..
اخ شادي .. خد لك بعض الصور التوضيحية وعلى فكرة ارى انك تتعلم الادوات الاساسية قبل التطبيق لدروس ابو بدر ... اسمع نصيحتي وتعال اشتري السيديات ترا كلها يمكن تلاتين ريال .. وتطلع واد محترف بس يبغالها شوية صبر .. اسمع شادي شوف الصورة التانية المرفقة شوفها اول لازم تختار الجسم مثلا وبعدين من الموديفاير ليست اللي محاطة بالاحمر تختار اديت ميش .. الصورة الاولى بعد ماتسوي الخطوات اللي قلتها ازا ضغطت على الكائن ماوس يمين حاتسير معاك ..
شوفوا آخر صورة .. كم تتوقعوا اخدت مني وقت عشان اصمم كائناتها ..؟؟

[ShaDy MaX]

ماشاء الله حلوو

بس اتوقعها بطريقه النسخ واللصق <<لسه اتزكر ايام البوربوينت

بس اقوول كيف اطلع الفيديو بعد الريندر << ناوي اطلع روحك اليوم بسكاااات

وماشاء الله عليك دكتور

ونتقابل بعد الاختبارات

[DopLoMaSi]

خلاص دكتور بوف احجزلي نسختي عندك انا انشاءالله خلال الاسبوع هذا جايك على هناك

يلا نشوفكم على خير باي

[Dr.BoF]

السلام عليكم
ملحوظة : لابد انه فيها عملية كوبي وبيست لكن ركز في مواصفات الشغل كبيبان مكيفات ايادي حدايد لحمل المكيفات شبابيك ..... اه الله يعينني اخلص واسلمه هذا مشروع تخرجي ......
ازا تبغا تطلع فيديو لازم تدخل على ريندر من الشريط العلوي
المهم تتفتح القائمة حاتلاقي تحت شويا سيف فايل فعّلها ثم حدد ملف
ومن فوق مفعّل على سينجل (اول شي فوق ) حطها على رينج من 1 الى مية مثلا
ولازم تخزن الملف ب Avi مو على انه صورة Jbeg فهمتني
دوبلوماسي .. حياك الله في اي وقت ..

[ShaDy MaX]

ماشاء الله تبارك الله

جهازي تحفه بمعنى الكلمة

اول شي مهو سيليرون

تاني شي قوتو 3000 ميقا هرتز

الزاكرة 256

وكرت فيديو راديون يمكن 16 ميقا او 128

وفوق دا كلو يعلق لمن اخلي حفظ عال avi

او حفظ في الاوت بت

ايش رايك دكتور

[Dr.BoF]

حبيبي ما ظن هذه الاشياء ليها دخل بالتعليق

انا جهازي سيليرون وتو جيجا وزاكرة كانت 256 وكرت شاشة ماركة ابوكلب
ومع ذلك ما يعلق في ال ايه في آي
غريبة والله ...
حاول تقفل البرامج الاخرى كلها وتحاول ثاني ...
ازا مازبط .... حاول تسوي عمل مرة بسيط ... وجرب لو علق تاكد انه في خلل في نسخة البرنامج اللي عندك
حاول اعادة التنزيل ثم ازا تكرر .. شفلك نسخة جديدة
وتقبل تحياتي ..