قبل أقل من 10 أيام ومن يستحق ياتري !!!!؟

[downs_mass]

انا سعيد جدا
ولكن يا جماعة اكتسبنا خبره للمرات القادمه
حظ موفق انا لا احب التشاؤم
شكرا للجزيره الرياضيه لانها دعمت مصر
لكن ما استغربه هو ..............و.............
رغم اننا الاقرب لهم

[max ghost]

مش مهم .. الحمد لله على كل حال ..
اللي عجيب في الموضوع الإهمال الشديد من الجانب المصري بس ... للأسف
كان ممكن يخدمنا جامد استضافة كأس العالم عندنا هنا
أنا بصراحة خزيان لمصر ... صفر يا جدع .. طيب واحد .. نص بلاش واحد

[downs_mass]

يا عم الصفر حلو احسن من مفيش

[rado]

صحيح ..غريبه صــــفـــر

بس احسن من 0 -

[Mr Pro]

أنا الصراحة لم أتوقع الصفر ، توقعت كل شيء غيره ..
و السؤال ، لماذا جائزة العرض النظيف ؟
هل بلغنا حتى المركز الثاني للحصول عليها ؟
و ما المصالح الكائنة خلف تلك النتيجة العجيبة ؟
قبل أن أنسى ، أنا توقعت الصفر ، و لكن في صورة أخرى .

[max ghost]

الملف المصري حسب ما قيل كان ممتاز والعرض المصري كان أحسن العروض بس فيه عمليات تحت الترابيزة زي ما قال الأخوة هي اللي خسرت مصر (تقولش خسرت نهائيات كاس العالم)
ـــــ
بالنسبة للأخ داونس ماس .. بالفعل الصفر أحسن من مفيش بس لو أعرف مين اللي صوت الصفر الكبير ده ، هكافأه مكافأه كبيرة جدا بصراحة ..
طبعا فيه مصالح كبيرة خلف تلك النتيجة العجيبة للجانب الجنوب أفريقي يعني ممكن نقف ونقول ( خيااااااااااانة )
بس فيه حاجة كمان جديرة بالذكر ..
مصر أول مرة تتقدم لتنظيم النهائيات .. بينما المغرب وجنوب أفريقيا اتقدمت من قبل .. وعايزين مصر هي اللي تكسب ..
وعلى العموم إحنا طبعا بنهنئ المغرب على النصر الكبير ده بس برده مكسبتش ..

[emas]

عارفين يعنى ايه 0

هذه اجمل نتيجه ما كنت احلم بها على الاطلاق

هذه تعنى ان كل شىء غلط

المصيبه لو كنا اخذنا اى اصوات كانت ستعنى ان يوجد شىء تحت الترابيزه او سوء فهم او سوء تقدير

او على الاقل بعض التعديلات فى حياتنا ستصلحنا

لكن 0 يعنى من الاول الى الاخر = 0

وهذه هى الحقيقه التى يجب ان نفهمها لا يمكن ان ترتدى حله ايطالى ب5000 جنيه على ملابس داخليه معفنه و باليه علشان تخم الناس

مش اى ناس يتخموا

[Mr Pro]

يا جماعة ، ألأمر الآن ليس كم حصلت مصر على أصوات ، بل كم أنفقت لأجل نجاح الملف المصري ..

[downs_mass]

يا اخوة الشارع المغربي صدم صدمة قوية لقد انتطروا نتيجة التصويت بالمقاهي
وعندما اعلنت النتيجه لجنوب افريقيا الكل غضب ولم يدفع الحساب هههه
الشارع المصري كان ( مسقع ودانه ) كان يعلم انه لا امل ولكن اوهمونا كالعاده ان هناك امل
ولكن احب اقولكم تصريح المسئولين والذي اتوقع ان هذا التصريح سيغيظ الفيفا ويجعلها تندم علي فعلتها الدنيئه هذه تجاه مصر حينما قال ::::::
(((((((((((( مصر لم تخسر المونديال بينما المونديال هو من خسر مصر )))))))))))))))))))))))

وانا بقوله بالمصري :::
((((((((( ابقي تعالي صيف عندنا ))))))))

[Mr Pro]

نعم ، مصر لم تخسر المونديال بينما المونديال هو من خسر مصر ..
هل تعلم أشد ما يضايقني ؟
أن الأمر يبدو كما لو كان محسوما منذ البداية ..
لم تكن مصر لتفوز ، لأن للفيفا حسابات أخرى ، و رغم ذلك مُنـّينا بالآمال الزائفة ..
مصر خسرت آلاف الدولارات فقط ..

[Mr Pro]

ملحوظة : ليس الامتناع عن دفع الحساب سوكا يستحق الاهتمام ، لا يجب أن تجعلنا خسارة تنظيم المونديال نخسر أنفسنا ..

[emas]

عرفتم لما ابدوا دائما متشائما فى كتاباتى ؟؟؟؟؟

لان مر على مليون موقف مثل هذا فى كل المجالات وبقالى سنين كثيره من قبل ما الصين تكون الصين ولا تايوان تكون تايوان ولا حتى كنا نسمع ان فى بلاد بالاسم ده

كلهم تطوروا اثناء نموى اى شفتهم بعينى يكبروا وليس من خلال كتب التاريخ فنفكر انهم اخذوا وقتا طويلا

ورايت ان بلدى تقاوم التطور بشراسه وتمسك ويكفى اننا كنا اكثر فهما وتحضرا ونحن محتلين

حاجه تكسف

[downs_mass]

نعم هذه هي الحقيقه لدينا كثير من الـ Brojects
ولكن لا يوجد تنفيذ بسبب البيروقراطيه وأهمية الكرسي
نعن سنخسر كل شئ لاننا في النهايه خسرنا معركة التطور
-------------------------------
مستر برو ::: انا كنت امزح عندما قلت انهم لم يدفعوا الحساب
كنت فقطك اريد ان اعبر عن صدمة الشعب المغربي واخواننا هناك
لانهم فعلوا الكثير (( اكثر ممافعلناه هذا ان كنا نحن فعلنا شيئا بالاساس )))
-------------------

[spirit]

خير الله ما اجعله خير قال ايه مصر فازت بالتنظيم ..... صحيح بجد احمدك يارب والله انا كان قلبي حاسس
هي دي مصر يا رأفت ....... الحمد لله يعني هنغتني ونشط السياحه ونعمل مشاريع والعريان هيلبس والجعان هياكل
انا مش مصدق نفسي .........
سبيريت قوم ... قوم ... اصحي انت نايم كل ده
ايه هو فيه ايه .....؟ انت باين عليك كنت بتحلم كنت بتخرف بكلام غريب وبتقول هنعيش ... هنعيش ...
اه صحيح حلمت حلم جميل اننا فزنا بالتنظيم
عليك نور في الحلم بس .... النتيجه اتزاعت وجنوب افريقيا فازت ومصر خدت 0 صفر o zerrr
الله ينكد عليك وبتقولها فوشي يا اخي كنت سيبني نايم ده انا كنت خلاص اغتنيت وبنيت البرج وركبت الشبح
سبيرييييييييييييييييييييت قوم اصحي
ههااااااااااه خيييييييييييييييير فيه ايه
ياساتر يارب كان كابوس
خير يا سبيريت
يا اخي حلمت اني كنت بحلم اننا فزنا بالتنظيم وبعدين حد صحاني وقالي اننا خسرنا والمصيبه الاكبر ان مصر ماخدتش ولا صوت بس الحمد لله كان كابوس
يا سيدي لا اطمن هو فعلاً كابوس ابسسسسسسسسسسسسط احنا فزنا والله فزنا
هييييييييييييه الله اكبر تحيا مصر تحيا مصر عملوها الرجاله
والله انا كان قلبي حاسس
هي دي مصر يا رأفت ....... الحمد لله يعني هنغتني ونشط السياحه ونعمل مشاريع والعريان هيلبس والجعان هياكل
انا مش مصدق نفسي ......... و و و و و و و و و و
سبيريييييييييييييييييييييييييييت اصحا فووووووووووووووووووق كله ده نايم
تانيييييييييييييييييييييييييييي
احلام في احلام بس ياترا ايه فيهم الحلم وايه الحقيقه خلينا يا نعيش في احلامنا يا نصلح واقعنا

[mostafa_fm]

الأخوة الكرام
السلام عليكم ورحمة الله وبركاته
مشاركتي أساسها تصريح الأسطى بلاتر أن اللغات الأساسية بأفريقيا هي الإنجليزية والفرنسية واعتبار اللغة العربية على إنها لغة محلية وشمال أفريقيا باي باي ولا يسعني إلا أن أكتب قال رسول الله صلى الله عليه وسلم أحب العربية لثلاث لأنني عربي والقرآن عربي ولغة أهل الجنة عربية ( صدق رسول الله صلى الله عليه وسلم ) جزاكم الله كل خير