رأس طازجة أرجو النقد البناء و الرأس للعلم لم يكتمل بعد

[aljadeeed]

هذه الرأس لسه طازجة خارجة من البرنامج أرجو أن تكرمونا بنقدكم النباء و للعلم أخوكم مبتدئ جدا و محتاج للأراء البناءة و شكرا لكل من قال نعم و شكرا لكل من قال لا
أقصد كل من قال أي حاجة و لكن للعلم يخرب بيت اللي يزعلني
الصورة في الملحقات

[NEO 3D]

إذا كنت ياأخي مبتدأ فيعني الله عليك و بقاني كيف لما تصيير أحسن؟؟
العمل تحفة و رائع(لاتعليق)
الله يوفقك...

[subdevil]

اعشق هذا البرنامج

وللعلم ان كنت لا تعلم اسمه زي برش وليس (زيد برش)

اما عن الرأس فأنا ارى انها ينقصها الكثير من التفاصيل


كما اني شكلي هيتخرب بيتي
لأني سأطلب حذف هذا الموضوع او نقله الى المنبر المفروض ان يوضع فيه

تقبل تحياتي

[Night]

عمل رائع أخي خاصة وأنك مبتدء
ولكن حاول توسيع فتحات الأنف وكذلك الأذن مشبوكة بالرأس
حاول تعديلها
أرجو أنك ماتزعل لأنك طلبت منا النقد

[aljadeeed]

شكرا يا جماعة على آرائكم الطيبة
وطبعا انا بهزر في موضوع يتخرب بيته دي محدش يخاف يقول رأيه
شكرا يا عم NEO 3D و رأيك يفتح النفس طيب يا عم الله يكرمك
و عم الحاج subdevil يا عم أنا ما لقيتش منبر ينفع أكتب فيه الموضوع لكن يللللا انقلوه بس حاسبوا على الرأس أثناء النقل أحسن يحصل لها حاجة لكن حذفه دي فيه يعني كلام على العموم
سياسة أقصد نظام الحذف ده محتاج فتوى من حد كبير هنا و أقول لك أنا آسف يا عم مش هعمل كده تاني أو أقول لك يا عم كبر دماغك كده و خليك حلو و سيب الموضوع يعدي و اهو موضوع يفوت و لا حد يموت و المرات اللي جايه يعدلها ربنا
بالنسبة لنقدك فكلامك مضبوط يا عزيزي عن التفاصيل و الله يا عم أنا كان في نفسي لكن علشان أعمل كده محتاج 8 و لا 9 مرات سب ديفيد و الجهاز بتاعي يمد يده و يعطيني بونيه التفاصيل موجوده و الله يا عم بس في الخطة اللي جايه و عليك خير شوف يا عم سب ديفيل رأيك ميه ميه
و ربنا يعمر بيتك
أهلا يا عم نايت كلامك على العين و الرأس يا عم الحاج و أنت بس تأمر حاضر يا عم أوامر يا فندم
فيه حاجة بس نسيت أقول عليها أني ( مش حريص على الواقعية ) نظرا لأسباب كثيرة و هو أني ممكن ما أعرفش أعمل حاجة واقعية قوي و الحاجة التانية أيضا هي مسألة قدرات مني ومن جهازي
أشكر تشريفكم الموضوع يا جماعة و بالنسبة للنقد والزعل اتكلم براحتك أنت و هو اعتبروا نفسكم بتتكلموا في موبينيل و لا ميناتل مفيش داعي للطبطبة و جبر الخواطر

[aljadeeed]

كنت عاوز أقول لسب ديفيل أننا و الله ما بتفرق معانا الأسماء تبقى زي بروش و لا زد بروش
المهم البرنامج هيتاكل هيتاكل أقصد هنحاول نستعمله بأي طريقة و خلاص
و فيه اقتراح كنت عاوز أقترحه على المشرف أنه يعمل قسم جديد للأعمال المعروضة علشان كل واحد عاوز نقد يعرض عمله في قسم الأعمال الجديدة المعروضة للنقد و من يريد العرض فقط يعرضها في القسم الخاص بالبرنامج اللي استعمله بدل السبهللة اللي حاصلة دي لا مؤاخذة طبعا أني بحشر نفسي في حاجة خاصة لكن أهو اقتراح يمكن ينفع
سلام

[؟المجهول؟]

أنت كــــــــــ ــــــذا

[arnaot]

كم جلست في الفرن؟؟؟

[aljadeeed]

شكرا يا أخ مجهول
و يا أخ أرناؤوط مش كتير أعتقد ربع ساعة أو ما يقارب ذلك و البرنامج للعلم رغم أنه ممكن يعمل على جهاز ضعيف جدا لكن لكي تحصل منه على نتائج جيدة إليك و إلى الزملاء الراغبين في التعامل معه
أولا ضخِّم حجم ورقة العمل إلى رقم ضخم جدا مثلا 3000 بيكسل في مثلها أو في 2000 بيكسل و قم برفع كثافة العنصر الذي تعمل عليه في البداية لكي تحصل على نتائج جيدة
و النصيحة التي قرأتها و هي أنك يجب أن تضاعف حجم ورقة العمل عن الحجم المراد لكي تحصل على نتيجة جيدة و طبعا أنا لا أتبع أي نصائح من التي قلتها لأن ذلك يستلزم جهاز به رامات عالية جدا و معالج سريع