موضوع: اصول النكد الزوجى

ردود: 5 | زيارات: 2667
  1. #1
    عضو متميز
    صور رمزية فدائي
    تاريخ التسجيل
    Mar 2004
    المنطقة
    مصر
    ردود
    1,683

    اصول النكد الزوجى






    الى كل ازواج العالم ... اصول النكد الزوجى

    عند اطراف اصابعك




    اصطبحنا واصطبح الملك لله


    الصبح وانت رايح على شغلك وهى نايمة تعمد إسقاط أي شيء أو خبط الباب بصوت عالي علشان تصحيها هي كمان 00 اشمعنى انت يعني؟ ولو حاولت ترجع تنام تانى قلها: مادام صحيتى حضري لي الفطار بقى يا حبيبتي.
    أنا اللي شاريه وأنا اللي أولى بيه


    إذا كنت بتتفرج على التلفزيون وهى عايزة تغير القناة 00 قلها معلش الحلقة دى مهمة جدا واحد صحبى شافها على القناة الفضائية وقالى إن الحلقة دى بالمسلسل كله 00 ولو كنت بتتفرج على ماتش كورة هيبقى الموضوع اسهل00 كل ما حد من اللاعبين من أي فريق يمسك الكورة قلها معلش ثوانى بقى أنا حاسس إن الكورة دى جول حتى لو كان حارس المرمى ماسك الكورة والماتش واقف لان فيه واحد مصاب..... (ملاحظة : اغلب النساء ذو ثقافة كروية ضعيفة). من الآخر كدة موش انت اللي شاري التليفزيون ده ودافع فيه دم قلبك، موش من حقك بأة بعد كدة إنك تتفرج على اللي انت عايزه في الوقت اللي انت عايزه... حتى لو أبوها هو اللي جايب التليفزيون، وإيه يعني موش يحمدوا ربنا إني اتجوزت بنتهم وكان عندي شقة... ثم إن حضرتك راجل البيت يعني الكلمة كلمتك والشورة شورتك وكلامك لازم يمشي... ولا إيه؟
    والنبي بلاش المطبخ اهئ اهوء اهااااااااااا

    اصحى يوم الجمعة بهمة ونشاط وجهز الإفطار لزوجتك بس متنساش انك تستخدم 15 طبق واكبر كمية من الملاعق والشوك و5 حلل من اللى عندكم في المطبخ و 10 كوبيات لاعداد طبق بيض وسندويتش جبنة.... وطبعا يراعى ترك آثار سمنة على الأرض مع ترك التلاجة مفتوحة وقشر البيض في الحوض... كدة عمرها ما هتطلب منك تجيبلها حتى ولا كوباية ميه.. هي هتجيبلك كل حاجة وهتعمللك كل حاجة.. حتى من غير ما انت تتطلب.. وادعيلي بأة يا سي السيد.
    كل سنة وانت طيبة يا حياتي

    عيد ميلادها زينلها تورتة عيد ميلادها بخمسين شمعة ولو سألتك لية خمسين رغم ان عندها 15 سنة بس؟ اتحجج بضعف الإضاءة في البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة. بعد كدة عمرها ما هتلومك لو نسيت عيد ميلادها.. بالعكس دي هتحمد ربنا... ويا سلام بأة لو عملتلها حفلة لعيد ميلادها وعزمت كام واحد من صحابك اللي هي موش بتحبهم... يا سلاااااااام.. جوووووول.. حيبقى آخر حفلة عيد ميلاد ليها... كل أعياد الميلاد اللي جاية بعد كدة هتبقى سكيتيييييي...
    هو ده بأة العذاب الحقيقي


    لو عاملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات.... يرعى التجول وانت مستمتع بأكل الجاتوة أمامها.. ولو حاولت مجرد محاولة إنها تشم حتى الحلويات بتاعتك أو تمد إيدها عليها، قولها في منتهى الرقة والهدوء.. مرات صاحبي (....) محافظة على جسمها ورشاقتها جداًً.. والله برافو عليها.. عمرها بعد كدة ما هتفكر تمد إيدها على حاجة حلوة وموش بعيد كمان تحبس نفسها في الأودة أول مانت تشتري حاجة حلوة
    حلوة أوي الملوخية دي يا روحي


    متنساش رأيك فى طبيخها لو عاملة لحمة قولها حلوة اوووى الفراخ دى 00ولو طابخة بامية 00 جميلة اوى الملوخية دى حطة عليها اية ؟؟ ولو عملة كيكة قلها انا بحب اشرب شاى مع البسكويت الحلو دة !! ولعلمك دي أكتر حاجة بتدايئ الستات.. لأن المطبخ والطبيخ حاجة حيوية في حيات المرأة... فلو قولتيلها كدة... هتحبس دمها.

    فستانك الجديد وقع تحت

    لو طلبت منك تنشر الهدوم قولها حاضر مع ابتسامة حانية وبعد ما تخلص نشر الهدوم ادخل عليها وقولها أنا نازل أجيب الهدوم اللى وقعت منى فى الشارع ولو سألتك هو اية اللى وقع؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك! ويا سلام لو الأرض تحت فيها طين!!! تخيل بقة إنها هتضطر تغسل كل الهدوم دي تاني.. كدة طبعاً عمرها ما هتقولك انشرلي الغسيل تاني وهاترتاح من الشغلانة دي طول العمر.
    ارفع رجليك عشان امسح

    لو الزوجة قررت مسح الأرضيات في البيت حاول انك تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس إن التليفون هيرن كمان شوية.. بس ماتزودهاش أوي لحسن ممكن تفقد أعصابها وتلاقي نفسك مستحمي بجردل مية المسح...
    عالم مواعين مواعين


    لو كانت مشغولة في نظافة البيت أو مع الأولاد وطلبت منك تغسل كوبتين الشاى بتوع الصبح الموجودين في الحوض ارجعلها كمان دقيقة من دخولك المطبخ وانت ماسك كوبية من الاثنين وهى مكسورة واسألها في براءة أرمى دى فين؟؟ ويا سلام بأة لو الكوباية دي من الطقم الصيني اللي بالشئ الفلاني اللي مامتها اشترتهولها للجهاز... بس حاسب لحسن الموضوع يتطور وتحدفك ببقية الطقم وتروح بلاش يامسكين... تبقي شهيد الصيني والمواعين.
    آآآآآه يا ضهري


    وأنت قاعد تتفرج على التلفزيون وهى طالع عينها في تنظيف البيت وبعد ما تخلص وتيجى يدوبكك تقعد تستريح جنبك بصلها وقالها حبيبتى معلش ممكن كوبية مية علشان ضهرى بيوجعنى


    لن تركع امه قائدها محمد(صلى الله عليه وسلم)

    بارودتى بيدى وبجعبتى كفنى ياامتى انتظرى فجرى ولا تهنى
    بعقيدتى اقوى ابقى على الزمن ...حصنى اذا عصف به موجة الفتن
    والصبر لى زاد فى شده المحن


  2. #2
    عضو فعال
    تاريخ التسجيل
    May 2004
    المنطقة
    مصر
    ردود
    265
    [b]أخي الكريم / فدائي
    السلام عليكم ورحمة الله وبركاته
    طبعا بمشيئة الله نصائح ميه بالميه بس تفتكر النهاية بعد كده حتكون ايه تفتكر مواضيع الساطور والأكياس السوداء عموما طب ليه ده كله ما الواحد يقعد لوحده احسن فاكر الطبيخ !!!!!!
    www.2d4u.com
    فريق افتر افكت العربي
    اثبت للأخرين إننا قادرين أن نطيح بأي يد تكتب كلمة إساءة من فضلك صوت معنا لإغلاق غرفة بالبالتوك تهاجم الرسول صلى الله عليه وسلم
    http://www.petitiononline.com/Steyr/petition.html

    شارك معنا أخي الكريم في تنشيط المنبر الأدبي

  3. #3
    عضو نشيط
    صور رمزية مداح القمر
    تاريخ التسجيل
    Jun 2004
    المنطقة
    Happy Nation
    العمر
    35
    ردود
    650
    حلوة و الله
    (محمد رسول الله و الذين معه أشداء على الكفار رحماء بينهم تراهم ركعاً سجداً سيماهم فى وجوههم من أثر السجود)
    صدق الله العظيم

  4. #4

    Wink

    ماشاء الله الموضوع جميل إن كنت أنت كاتبه فما شاءالله عنصر الجمال هو إرفاق الصور لأن كتبنا العربية للأسف متشجعش يعني بالعامي لما تجي تفوك الكتاب تطفش أوي ويصدلك نفسك لربما احتجت فيفادول وهذا بسبب سوء الطباعة قلت الصور المرفقة الورق أعفن نوع وارخص نوع والله لو كان معاية فلوس أشتريلهم لمن غير الأِسود لكن كتب الغرب ماشاء الله حتى لو كان الواحد مالو مع الإنجليزية صحبة زي ما بيقولوا بيفك الكتاب ياسلام لأنو ميعرفش انجليزي يتفرج على الصور الملونة والالوان اللي عمرو مشفهاش تركواز سماوي ... عشان كده العرب شعب لا يقرا طبعا ًولأسباب اخرى لذلك اليوم بيحولوا يطوروا الكتب عشان الواحد بيحب يقرأغصبن عنو اللألوان اللفت دي والصور والتصميم و...

    لذلك ادعوا لك بالتوفيق في الكتابة
    أخوك في الله
    maxlight
    .
    .
    .
    .
    بص بلائي موضيعي كلها ملونة للسبب نفسه
    الرجال أربعه : رجل يعلم و يعلم أنه يعلم فذلك العالم فسألوة ورجل يعلم ولا يعلم أنه يعلم فذلك الناسي فذكره ورجل لا يعلم و يعلم أنه لا يعلم فذلك الجاهل فعلموة ورجل لا يعلم و لا يعلم أنه لا يعلم فذلك الأحمق فاجتنبوة .

  5. #5
    عضو متميز
    صور رمزية فدائي
    تاريخ التسجيل
    Mar 2004
    المنطقة
    مصر
    ردود
    1,683
    السلام عليكم
    اخويا مصطفى انا اقصد من الحديث انك تعرف ايه اللى بيضايق الزوجه علشان متعملوش لانك لو عملته هتوصل للساطور ويا عم ما انت مريح دماغك ( فاكر الطبيخ)
    الاخ مداح القمر جزاك الله خيرا
    الاخ ماكس ليت متزعلش من اللى بيحصل لاننا متاخرين فى كل شىء وسبب التاخر هو اننا ابتعدنا عن الدين اولا وتانى حاجه اننا مبقناش نقرا ولا بقه فى ثقافه واحب اقولك ان الموضوع منقول حتى بالصور لذلك هو شدنى فحبيت اشرككم معايا
    وربنا يتقبل مننا ان شاء الله
    لن تركع امه قائدها محمد(صلى الله عليه وسلم)

    بارودتى بيدى وبجعبتى كفنى ياامتى انتظرى فجرى ولا تهنى
    بعقيدتى اقوى ابقى على الزمن ...حصنى اذا عصف به موجة الفتن
    والصبر لى زاد فى شده المحن

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل