الى المصريين وفقط ( أسئلة عن الصعيد )

[Gemologist]

هل الصعيد هي منطقة بعيدة جدا عن القاهرة . وهل هناك شقق أو غرف للإيجار في الصعيد . إذا أردت أنا أن أعيش في الصعيد , كم دولار أحتاج أن أصرف في الشهر لحياة متوسطه .وهل هناك حمامات كالتي معنا أم لا توجد حمامات ( أقصد هل حمامات ثابته موجوده مثل التي في بيوتنا أم هم مثل البدو الذين ينتقلون من مكان الى أخر وليس عندهم حمامات وإنما يستخدمون الأرض وكأنها حمام ).

وهل الصعيد معناها الريف . يعني هل الناس الذين في الصعيد هم أهل الريف . وهل توجد الكهرباء والمياه بشكل دائم أم لا .

شكرا إخوتي .

[max ghost]

يا سلام .. طبعا حاجة كويسة أن أكون أول من يرد عليك ..
إزيك يا جيمو باشا ..
انت منين .. ؟؟؟
اسهل مشاكل الاسكان تلاقيها في الصعيد ...( مع العلم .. إحنا بنتعامل بالجنيه المصري )
الصعايدة أجدع ناس في مصر .. هم في الجنوب من الجمهورية .. بعيدين إلى حد ما عن القاهرة .. بس الصورة اللي انت واخدها عنهم الضاهر إنها خطأ .. الصعيد عبارة عن إقليم به عدة محافظات عادية خالص زي أي محافظة .. بس لهم لهجة مخصصة وعادات وتقاليد خاصة .. هذا ولا نستطيع أن ننكر هيبة الصعيدي .. في الصعيد توجد محافظة سوهاج والمنيا وأسوان وبني سويف وغيرها من المحافظات التي تنافس القاهرة جمالا وبهاءا .. كما أن معظم المعابد المصرية القديمة والأديرة تجدها في الصعيد ..
أما عن الصعايدة فهما ناس ليسو متنقلين .. هم متحضرين جدا وخاصة في الفترة الأخيرة ..
الصعيد دي قطعة فنية من مصر ... وخاصة أسوان وسوهاج والمنيا حسب علمي طبعا ..

من النهاية يا أخ جيموا .. كل مشاكلك اللي قابلتها في دولتك مهما كانت .. (حيث التعامل بالدولار ) ممكن تتحل بسهولة في مصر ..وخاصة الزواج ... يعني بكفاية عليك قوي خمس آلاف جنيه مهر ... يعني 1000 دولار أو أقل .. يعني أقل من كده دينار كويتي .. أكتر من ألف بحاجة بسيطة ريال سعودي
وبالتوفيق أخي جيمولوجيست

[Tarek]

اخى الصعيد فى مصر بعيد جدا عن القاهرة لكنة الان لا يختلف عنها فى مظاهر التمدن اخى هل تعلم ان بعض محافظات الصعيد فى مصر تم تطويرها تمدنيا واصبحت المحافظة وكانها قطعة من دولة متقدمة
وبخصوص الحمامات الثابتة او يعيشون مثل البدو
واضح انك لا تعلم عن مصر اى شىء فمصر دولة زراعية كبرى وتصدر لدول العالم محاصيل زراعية
ومصر ايضا بها قاعدة صناعية لا باس بها وفى تطور ان شاء اللة واغلب المناطق الزراعية لمحاصيل هامة جدا مثل قصب السكر تزرع فى الصعيد لشدة الحرارة هناك وبالتالى انشئت مصانع ضخمة جدا لانتاج السكر وهذا مثال واحد فقط
اذن هل تعتقد ان (مصانع ومزارع وسياحة واثار) يعيشون مثل البدو ؟؟؟؟؟؟

[mohheader]

انتم ليه واخدين فكره وحشه عن الصعيد !
ياعم جيمو الصعيد عادي زي البلاد بس الناس بتحب تطلع اشاعات عليهم
وعندهم كهرباء عادي " عادي زي باقي المحافظات افهموها انتم "
ومياه طبعا متنساش ان دي منطقه سياحيه يعني فيها كل شيء
فيها الاخضر واليابس
انا معرفهاش بشكل كويس بس من اسئلتك حاسس انك فاهم انها خرابه او حاجه !!

[mohheader]

همممممممممم موضوع جذب الناس
انا بكتب رد اذا بردين في نفس الوقت
وياعم max ghost حظك بس خلاك الاول !!!!!!!!!!!!!

[max ghost]

هههه
أصل أنا متعود أكتب بالعربي بسرعة من غير ما أنظر للكيبورد

مش قولتلكم مواضيع الأخ جيموا جذابة بس مفيش حد مقدر

[Gemologist]

ما شاء الله . حسناً يا جماعة . إذا أتيت الى الصعيد كم دولار أصرف بالتقريب في كل شهر إذا أستأجرت غرفة أو شقة .

[Gemologist]

ما شاء الله , أنا أكتب وفجأة أرى ردين أمام ردي . على العموم كلموني عن السكن يا جماعه . السكن وكم أحتاج .

[max ghost]

بالنسبة للسكن مش هيزيد عن 100 دولار إيجار شهري في أفخم شقة في الصعيد أو في جميع أنحاء الجمهورية .. أما لو عايز تمليك .. ممكن أكتر حاجة .. ويوم ما تزود قوي 20000 دولار ..
صدقني العملية سهلة يا عم جيمو ... انت معقد نفسك ليه ..؟؟

[مداح القمر]

اعتقد ان رد الاخوة الاعضاء السابق شافى كافى

[subdevil]

الصعيد المصري يبعد عن القاهره مسافه اقل من 500 متر فقط
حيث يبدأ الصعيد من محافظه الجيزه والتي يفصلها عن القاهره كوبري واحد فقط طوله اقل من 500 متر
حتى يصل الى فيما بعد اسوان والنوبه

[omar77]

ممكن يا جيمو تجبلي معك من الصعيد ربابة صعيدية.

[Gemologist]

شكرا إخوتي على الردود . وأما عن الربابة الصعيدية يا عمر فأنا لا أعرف ما هي حتى .

[mohheader]

الربابة اله وتريه
صح؟

[فدائي]

السلام عليكم

اخ جيمولوجيست الصعيد من اجمل اماكن مصر ولكن لماذا هذا التخيل عن الصعيد
بس احب اقول لك ان كل محافظه تختلف عن الاخرى فى العادات والتقاليد وتستطيع معرفه الشخص من اى محافظه عن طريق لهجته فى الحديث وتصرفاته اما عن السكن فهو متوفر بكثره فى المحافظات وليس فى القرى حيث لا يوجد شقق ايجار داخل القرى فكل واحد بيسكن فى بيته وفى المحافظه لن تشعر باى تغير يعنى تحس انك فى الجيزه بل بالعكس محافظه قنا لو رحتها تتخيل انك فى اسكندريهفهى من اجمل وانظف محافظات الصعيد وكذلك الاقصر وعن المصاريف تاكد انك مش هتصرف حاجه خالص فكل حاجه هناك رخيصه جدا حتى السكن ولو تحب قلى انت رايح فين فى الصعيد وانا اساعدك خصوصا لو كنت فى محافظه سوهاج
وتاكد ان الصعيد جميل جدا وهوا نظيف جدا واكل طعم جدا جدا جدا
وهما بيراعوا الغريب اكتر ما بيراعوا انفسهم