احتاج مساعده حول الاجهزه الصوتيه في الامارات

[ارهابي انا]

السلام عليكم
اريد بناء استديو متقدم وارجوكم ان تساعدوني فانا في الامارات ولا اعلم اين اجد ما اريد

اريد:

مكريفون شور ksm44

كرت صوت motu

سماعات تناو800

واريد ان اجد مقر وكلاء هذه الاجهزه



بارك الله فيكم
والسلام عليكم

[ع البلوشي]

هلا اخوي

ممكن اتحصل اللي تبية في " ديرة " وبالتحديد عند دوار السمكة في ذاك الشارع كل المحلات اللي تبيع الاجهزة الخاصة بالصوت والاستوديوهات اعطيك بعض اسامي هالمحلات اللي اتذكرها, مثلا محل اسمة "سونيا " و " ميلودي هاوس" ونفس المكان راح اتحصل محل يبيع منتجات ال " ياماها " وممكن اجيب لك ارقام لبعض هالمحلات اذا حبيت واذا كان مسموح احط ارقام في المنتدى مو عارف,, بالنسبة للمايك ممكن اتحصله في الميلودي هاوس انا استخدم هالمايك فعلا مايك محترم وسعره معقول جدااا لكن كرت الصوت هذا اعتقد ما راح اتحصلة في الامارات لكن جرب ممكن اتحصله او اطلبة بنفسك وممكن تطلبة من خلال اي محل تعطيهم المواصفات وهم يجيبونه لك وقيمة هالكرت اللي هو Motu 2408 v3 الف دولار هذا السعر بدون الشحن ويعتمد اي نوع من الشحن تبي مثلا شحن سريع من خلال ال DHL او ال FedEx وفي شركات بريد عاجل ثانية ممكن ممكن تتعامل وياهم وممكن يوصلك الكرت خلال 4 او 5 ايام ويمكن قبل لكن هالنوع من الشحن يكلف اشوي والسعر يعتمد على وزن الكرت والجهة اللي راح يوصل له وبالمناسبة هذا كرت صوت رائع انا استخدم كرتين من هالنوع وبالذات هالموديل اللي انا ذكرته لك لكن رقم 2 مو 3 , 3 هو الجديد ومبسوط من الكواليتي اللي طالع منة لكني مو عارف انت اي موديل تقصد من ال Motu .

تقبل تحياتي ,

اخوكم ومحبكم في الرحمن الى الابد / م.عبدالله البلوشي ,,, مسقط

[ارهابي انا]

مشكور اخي وجزاك الله الف خير
بيض الله وجهك
والسلام عليكم

[موهبه]

زين اخى البلوشى
افدنا
انا ابى بروتولز هل وجد فى الامارات ياليت
لو تساعدنا وكم سعره002 راك
وايضا ابى موتو الموديل هذا


وهل تنصح بالبروتولز لو Steinberg Nuendo 2
ياليت ياغالى ياليت

[ع البلوشي]

البروتولز 002 موجود في الامارات وسعرة ما اقدر اقوله لك بالتحديد لكنه اتذكر احد الاخوة كان شاري الراك ب 800 ريال عماني واشوي ما يعادل 8000 درهم غير فارق السعر في العملة وال002 اغلى اشوي يعني ممكن يكون 15000 درهم ا1500 ريال عماني ولكن مثل ما قلت لك اني مو متأكد من هالاسعار ولكنها تكون قريبة من السعر الحقيقي .
وبالنسبة للموتو اللي ذكرتة الصورة ما ضهرت لي وانت ما ذكرت رقم الموديل ونفس الشي ما عندي فكرة اذا كان موجود في الامارات ما اقدر اقولك ..انا الموتو Motu 2408 v2 انا طلبهم من الخارج واحد من المانيا والثاني من امريكا . لكن ممكن اسالك احد الاخوة اللي التقي فيه في الماسنجر وهو المهندس المعروف غسان جميل مهندس صوت في مركز الشريط الاسلامي بالشارقة وهو طلع بالصدفة انه يستخدم نفس الموتو اللي عندي لو حصلت فرصة ممكن اسالة ..
وبالنسبة لسؤالك الاخير فانا جاوبت علية في الموضوع اللي انت حاطة السؤال الموجه للاخ عماد.. ههههه دزة وجة ولكني احب اخدم اخواني فاتمنى انك تدخل في موضوعك الثاني واتشوف اخوك اشكاتب لك واتمنى اني قدر افيدك

تحياتي للجميع ,,

اخوكم ومحبكم في الله الى الابد / م.عبدالله البلوشي,,,مسقط

واخيراا محتاج دعواتكم الصالحة

[موهبه]

الف شكر والله
انا سئلت عن البرتولز فى الكويت002 راك وهو 460 دينار كويتى
وهذه صورة الموتو من جديد ان شاء الله تطلع

والموديل رقمه 896_primar

[موهبه]

وبالنسبة لسؤالك الاخير فانا جاوبت علية في الموضوع اللي انت حاطة السؤال الموجه للاخ عماد.. ههههه دزة وجة ولكني احب اخدم اخواني فاتمنى انك تدخل في موضوعك الثاني واتشوف اخوك اشكاتب لك واتمنى اني قدر افيدك

هذا السؤال اين الجواب حتى الاخ عماد لم يجب على السؤال وشكرا

[ع البلوشي]

اشلون ما طلع لك الللي كتبتة !!!!!!

على العموم ادخل في هالرابط واتشوف ردي انشاء الله تعالى
http://www.maxforums.net/showthread.php?t=38621

اخوك /م.عبدالله البلوشي,,,مسقط

[ع البلوشي]

والله ميزاته حلوة خاصة ان السمبل ريت والبت ريت فيه عالي مثلا السمبل ريت يوصل فية الى 196 والبت ريت 24 بت وطبعا فية 8 مايك بريامبس ولاين ان واوت وطبعا قابل للتوسيع في المستقبل يعني لو شريت واحد اليوم ممكن تشتري بعد مدة قطعة ثانية وتدمجهم ويا بعض واتحصل على امكانيات اكبر واوسع ..

لكن اتمنى انك اتحصل فرصة واتجربة قبل لا تشترية وهالشي خذة كقاعدة وخاصة في اختيار و شراء الاجهزة الاستوديو لان الاجهزة غالية وحرام الواحد يجيب شي بدون ما يجربة فقط قراء عنه في النت او الموقع اللي يبيع هالجهاز وفي النهاية اتشوفة ما يسوى حتى الكلام اللي مكتوب عنه فخير برهان هو التجربة العملية للجهاز.
وبالتوفيق ,,

تقبل تحياتي

اخوكم ومحبكم في الله / م.عبدالله البلوشي,,,مسقط

[موهبه]

الف شكر والله
وهذا عند واحد من الشباب وهو يمدح فيه كثيرا
ولكن هو طلبه من النت من الخارج
وشكرا لك عزيزى

[ع البلوشي]

عيل الموضوع صار سهل وكله بين ايدينك ممكن اتجربة عند صديقك واكيد هو ما راح يبخل عليك من معلوماته ووقتة واتشوف اذا ناسب مطالبك والنقطة الثانية هم اتسهلت لك يعني تقدر اتخلية يطلبه لك وانتهب السالفة ..

تحياتي,,

اخوكم ومحبكم فيالله الى الابد / م.عبدالله البلوشي,,,مسقط

[ع البلوشي]

عيل الموضوع صار سهل وكله بين ايدينك ممكن اتجربة عند صديقك واكيد هو ما راح يبخل عليك من معلوماته ووقتة واتشوف اذا ناسب مطالبك والنقطة الثانية هم اتسهلت لك يعني تقدر اتخلية يطلبه لك وانتهت السالفة ..

تحياتي,,

اخوكم ومحبكم في الله الى الابد / م.عبدالله البلوشي,,,مسقط