إطلع بره

[فدائي]

الاسد الهصور دون ماس
كيف احوالك انا حزين انى اسمع الخبر ده بس اقولك ان ده امر عادى جدا نظرا لانتشار الجشع داخل المجتمع
على العموم نصيحتى ليك اكمل دراستك عادى جدا وكان لم يحدث شىء وتاكد ان الموضوع هيعدى ان شاء الله
على فكره سبب تخلفنا ان الطبقه العلميه المسماه بالدكاتره لا تهتم باعطاء العلم اكتر من اهتمامها بتحصيل النقود
وبالتالى اللى بينتج منهم طبقه اخرى اكثر جشعا
لذلك لن نتقدم علميا وهنفضل دول العالم التالت

[roomyal]

والله انى زعلان عليك ياحسام وعارف احساس الانسان عندما يريد الانتقام ولكن لايستطيع.

الحل
هو ان ترجع للاستاذ وتعتذر وتبوس راسة لم يقول "انا مسامحك ياحسام "حتى لو كان مخطى لانة يستطيع ان يهدم مستقبلك

[downs_mass]

شكرا اخي فدائي : هذا نفس موقفي
______________
اختي الملكه : اريد ان اقول لكي معلومه هامه
ان هذا الكتاب غير مهم يعني لا احد يذاكر منه
ههههههههههههههههههههه
اقسم لكم ان الطلبه تشتريه لترميه
اما التحصيل فيكون من ورق خارجي
يعني ندفع تمن الورق الخارجي والكتاب
علي العموم الكتب عندنا ليس بها معلومات كافيه وطباعتها رديئه
وكثير من الدكاتره لا يقولون ما كتبوه في كتبهم
هذه المعلومه يعرفها جميع الطلبه في مصر ؟
يبقي السؤال لماذا نشتري الكتب ؟
هناك فكره جميله انا احصل علي نسخة الكتب من من هو اكبر مني بعد نجاحه
يعني الكتاب موجود عندي ( ههههههه )
ولم يذاكر فيه صديقي الذي سبقني ولن اذاكر فيه انا
المهم الورق الخارجي
______________________
للعلم تمن الكتب الذي يحصل عليه الاساتذه يقومون بتقسيمه علي بعضهم البعض
تخيلوهم بالتي شيرت المخطط بالعرض
والكل يأخذ نصيبه لذا لا يعترض احد من الدكاتره الا القليل
والذي يعتمد بعض السياسات
مثلا بعض الدكاتره اذا ذهب اليهم الطالب الغير قادر يعطونه الكتاب مجانا
هذه حقيقه . هناك الكثير من المحترمين
لكن هذا الكثير نقطة في بحر
_________________________
الجامعات المصريه مأساه والتعليم في مصر فاسد بكل معني الكلمه
اسألوا عن الثانوية العامة في مصر ؟؟؟؟؟؟؟؟؟؟
اسألوا ولا تخبروني لاني اعلم الاجابه
كيف اصبح هم المواطن العمل من اجل دفع تمن الدرس الخصوصي
هذا المواطن لا يفكر في السياسه ولا في اي شئ
اصبح فقط يفكر في الاكل والملبس والتعليم المكلف ( المجاني )
اليست مؤامره علي شعب انشأ حضاره العالم مازال يكتشف بعض اسرارها
اليست مؤامره اقتصاديه لمصلحة شخص واحد يجلس في التكييف
فعلا : كل شئ في مصر مدعم
كل شئ عندنا مجاني
اقراص منع الحمل رخيصه ( لا يريدون مواطنين جدد وضاقوا زرعا بالموجودين )
السينما رخيصه ( لتشاهد العري مجاني )
التلفزيون 24 ساعه مسلسلات مسليه ( لننسي الدنيا )
فيروس سي يستشري ولا يوجد حتي اعلان توعوي في التلفزيون
الشعب المصري يقع ضحيه
مصر امل العرب
لانها الاكثر سكانا ولانها صاحبة تاريخ

______________________________________
التعليم في مصر مجاني
ندفع تمن الكتب والادوات المعلميه وهو ايضا مجاني
ندفع تمن الدروس الخصوصيه وهو ايضا مجاني
ندفع وندفع وندفع ( لكن لا ننكر انه مجاني )
اليس مجاني يا باشمهندس عماس ؟
اليس مجاني يا فدائي ؟
__________________________
ليس المهم ماذا ادرس يا رادو لانها ليست حاله خاصه
انا عرضت الموضوع كمثال شخصي
انا بطبيعتي متفائل وافترض انه لن يحدث شئ وبعد الامتحانات ساخبركم
لكن انا هنا اشعر بالحزن لكثير من الطلبه
الذين ضاعوا
____________________________
لي صديق هنا علي المنابر وهو جار لي خرج من الكليه عندما سبه الدكتور فرد عليه
وثاني يوم سحب الطالب اوراقه حفاظا علي كرامته
بعد ذلك ارسل له الدكتور ليعود مره اخري
ولكنه لم يعود والا الان هو سعيد بموقفه
هذا الدكتور اضاع مستقبل شاب
كيف سيتحمل هذا امام الله
قولولي
___
________________
انا والله العظيم لا اتكلم عن نفسي ( انا لساني طويل بعض الشئ ) واستطيع ان اخذ حقي
لكن كثير من الطلبه المستسلمين خوفا علي اهليهم
ومستقبلهم
______________
امامكم خياران يا طلبة مصر
اما الاستسلام ولاتخفي عهن اعين الدكاتره
او التضحيه ببعض من سنوات عمركم
وللعلم الشكاوي تزيد من اعداءك
لان الدكاتره والعميد والوكلاء هيكونوا ضدك
لانك طالب وهيطلعوك فاشل وقليل الادب
انا فكرت اذهب لصحفي للكلام عن الموضوع عامة
لكن قلت الاحباط اسهل
70 مليون محبط
___
يعني
_
لمن تشتكي والكل ظالم
كيف الهروب والقدم وارم
لما البناء والباني هادم
الصبر صعب والله عالم
لن اموت والنصر قادم
النيل يجري وانا لست نادم
حسام
_________
لك الله يا مصر
______________

[emas]

هل عرفت لما انا متشائم دائما ؟؟؟

لانى مريت بكل ما تمر به الان ولسانى اطول منك مرتين وبعد ما كبرت اصبح اطول عشر مرات

شوف يا حسام

الزمن يعلم الكثير لكنه لا يغير الفرد يا ريت كنت اتغيرت كان زمانى اغنى واعلى واحد فى مصر

كل الحكايه انى بقيت احسب كم يوم فاضل لى فى ما افعله بدقه قبل ان يتخلصوا منى لانى اقول الحق


هذا كل ما تعلمته

لكن انى اتغير ؟؟ لم يحدث

لهذا كنت موافقا على الهجره والسفر

وقلت مش مهم احب بلدى المهم بلدى تحبنى وعندها سابادلها الحب طبعا

لما انا الذى يطلبون منى ان احبها كل مره ؟؟

لما لا يدعوا احد ان تحب بلده ابنائها ؟؟؟

يعنى واضح ان العطاء من جانبنا فقط


الجامعه هى اول صدام مسلح بين الفرد والمسيطرين وهذه الموقعه هى تمهيدا فقط لمواقع المعارك
بعد التخرج

واذا كنت على حق ولسانك طويل ولا تخاف ولا تنافق افضل لك يا اما تهاجر لبلد محترمه مهما قالوا عليها غير ذلك

او تعيش فى الصحراء


او تتعلم اذا قدرت كيف تسكت معظم الوقت ولاتنظر ولا تسمع مثل القرده الشهيرين اعتقد تعرف هذه
اللوحه

اذا كانوا فى بلاد الحريه وتقدير الفهم والراى عملوا تماثيل لهذه القرده

اتريد هنا ان لا تتخذهم مثلا ؟؟؟؟


طبعا انت مضطر للاعتذار لا شىء يساوى نجاحك الان وتخرجك لحين وجود سبيل اخر

[youssef_23]

رادو يتكلم هكذا لانه مشفش النظام عندنا
الى يدة فى المايه مش زى الى يدة فى النار

[rado]

رادو يتكلم هكذا لانه مشفش النظام عندنا
الى يدة فى المايه مش زى الى يدة فى النار

مالذي قلته انا؟
انا لم اقل ان هذا شئ سهل
ومن قال لك ان يدي هي في المويه؟؟

[ابوالطيب]

نصيحه من اخ ومن الاخر

مش حيتعلم غير لما يمشي على الكرسي المتحرك
ساعتها حيندم على كل الي عمله وحيكون عبره لمن لا يعتبر

[roomyal]

الغالي ابو الطيب
ههههههههههه هذا الكلام الي ينفع هه....
لما يجرب العكاز والكرسي المتحرك لن يعيدها مره ثانيه هههههههههههههههههههه
وقل لحسام المثل المشهور
من لا يعمل بالرضى يعمل بالقوه

هههه..

الله المستعان.

[youssef_23]

رادو : انا كنت بهزر
جميع الاعضاء الى بيفضلو الحل بتاع القوة والمحامى
بلاش تحرضو حسام على ضياع مستقبله لان النظام فى مصر كدة وفى نماذج كتير نفس الطريقه
وحسام نفسه عارف
والا مكنش اشتكى
انت عارف لو راح قدم بلاغ فى القسم هيطرد اساسا قبل مايكمل ومش بعيد يتحبس
انت ممكن تقدم بلاغ فى حاله واحدة لو دكتور الجامعه عمل جريمه كبرى كالقتل مثلا والتمثيل بالجثه علنا اظن ساعتها مش هيطردوك فى القسم

[youssef_23]

الى الملكه
: انا احييك على الرد
بس احب اقول لحضرتك ان الكتاب مش معمول اساسا علشان يتذاكر منه ولا ينفع يتذاكر منه دة معمول علشان الدكتور يكسب فقط من وراءة تجارة يعنى (مصدر المذاكرة معروف شويه ورق بيتباعو فى الكتبات) وهو حتى مبذلش فيه مجهود دة جب شويه مراجع وقص ولزق بدون تفكير فيصبح ليك كتاب يحتار فيه الحليم علشان يفهم منه كلمه دة حتى الصور مبيبقاش لها علاقه بالكلام الى بجوارها فى اغلب الاحيان
الحمد لله انه ماجبرهمش على المذاكرة منه ذى عندنا (الامتحان هيجى منه والى هيثبت من اسلوب الاجابه انه بيجاوب من حته تانيه هسقطه)
وتعد تذاكر لما يجيلك فتاء فى المخ من كتر المذاكرة وانت مش فاهم حاجه
هذا بالاضافه لسعرة الخرافى خاصه فى كليه الصيدله (30 صفحه ب 100 جنيه)
كانه هيشترى الكتاب ومعاة بوستر بالالوان وهيدخل فى سحب على صيدليه
(بذمتك تدفعى الفلوس دة كلها فى حاجه انت لا هتذكرى منها ولا هتنفعك باى شىء )
والله العظيييييييييييييم حرررررررررررررام

[عاشق ماكس]

والله انا بشتري الكتب وبارميها .. لان مالهاش لزمه . ولا الكليه لها لزمه

[emas]

خلاص اطبع الكتاب يا حسام وبيعه على اسوار الكليه ب 20 جنيه

واكسب وخلى الاستاذ يقشر بصل لزوجته فى البيت

[rado]

عفواً لكن ماهو سعر الكتاب من المدرس؟

[youssef_23]

انا اخويا فى تانيه صيدله
سعر الكتب(5 كتب) فى الترم الاول على بعضهم 500 جنيه الكتاب لا يتعدى 50 -70 ورقه
وللاسف الدكتور حويط بيكتب اسم كل واحد اشترى الكتاب فى الكشف
يعنى غصب عن اى حاجه هتشترى

[youssef_23]

احنا عندنا الدكتور كان رحيم شويه خاد 200 الف جنيه من الكليه علشان ينزلنا كتاب 300 ورقه فى فرع الصدريه الى هو جزء بسيط من الباطنه بسعر مدعم 15 جنيه
يعنى كدة هابر كدة هابر