انت بتسرح يبقى انت فنان

[youssef_23]

هناك موضوع يشغلنى كثيرا
كلما اتعرف على احد الفنانين بالرسم بالذات
اجدة كالتالى
دائم السرحان
قليل الكلام
هادىء الطباع
ذاكرته ضعيفه وفى نفس الوقت حاد الذكاء
وهى لازمه متكررة
كثيرا مش عارف ليه
هل لديكم تفسير

[max ghost]

يمكن يكون عنده سكسونيا في الألومونيا ؟؟
بهزر .
.....
تلاقي الفنانين دائما شاردين بالفعل يا أخ يوسف ..
بتقع عينهم على كل شيء جميل ( أحيانا بتقع عينهم على شيء ملهوش دعوة بالجمال ويقولولك ده فن .... )
تلاقي واحد راسم شخبطة .. والفنانين بالساعات يبحلقوا فيها ( يبحلقو مصطلح مصري بمعنى يحملقو أما يحملقوا فمصطلح عربي بمعنى يمعنوا النظر ... يمعنوا مصطلح عربي أيضا بمعنى ...... مش عارف والله .. المهم النظرية وما فيها يبحلقوا بمعنى يدققو النظر .. جاءت من بحلق بحلقة وبحلاقا .. واسم الفاعل منها مبحلق بكسر اللام .. واسم المفعول مبحلق بفتح اللام ... ولا يوجد منها اسم تفضيل مباشرة .. ولا بد الاستعانة بفعل مساعد للإتيان باسم التفضيل فتصير . أكثر بحلقة .. أشد بحلقة .. أشد في البحلقة .. أكثر في البحلقة .. وهكذا .... وصيغة المبالغة من بحلق بحلوق .. أو بحلق بضم الباء وجزم الحاء .. )
والصورة أصلا متتشافش .. يعني زي ماتقول كده الألوان وقعت على اللوحة ونشفت .. حاجة زي كده يعني ..
دول ناس تعبانين يا بني .
ربنا يوفق الجميع لما يحبه ويرضاه ..

[all for on]

مايراه الفنان هو مايمر امام اعين الاخرين مر الكرام
ومايجعل عيناه مختلفه الرؤيه عما عن حوله
هو انه يجعل الاخرين يروا ما كانوا يرونه كل يوم
كانهم يروه لاول مره
لكن السرحان ... ممكن تكون مشاكل في البيت

[Gemologist]

الذي أعرفه أن من علامات المس هي أن يسرح الإنسان كثيرا .

[youssef_23]

تلاقي واحد راسم شخبطة .. والفنانين بالساعات يبحلقوا فيها ( يبحلقو مصطلح مصري بمعنى يحملقو أما يحملقوا فمصطلح عربي بمعنى يمعنوا النظر ... يمعنوا مصطلح عربي أيضا بمعنى ...... مش عارف والله .. المهم النظرية وما فيها يبحلقوا بمعنى يدققو النظر .. جاءت من بحلق بحلقة وبحلاقا .. واسم الفاعل منها مبحلق بكسر اللام .. واسم المفعول مبحلق بفتح اللام ... ولا يوجد منها اسم تفضيل مباشرة .. ولا بد الاستعانة بفعل مساعد للإتيان باسم التفضيل فتصير . أكثر بحلقة .. أشد بحلقة .. أشد في البحلقة .. أكثر في البحلقة .. وهكذا .... وصيغة المبالغة من بحلق بحلوق .. أو بحلق بضم الباء وجزم الحاء .. )

ايه الحلاوة دى عبقريه فى فن ابلاغه والتعبير قاموس يا خواتى

[subdevil]

اظن يا يوسف اني لست فنان بالمرة
ولا اعرف اي شيء عن الفن
انا لا اسرح
قد اكون قليل في الكلام في رمضان فقط ( عشان مقولش حاجه تفطرني)
الهدوء هذا لا تراه فيا ابدا الا في حاله واحده بس ( لما اكون نايم)
ذاكرته ضعيفه وفى نفس الوقت حاد الذكاء ( قد ينطبق هذا علي بعد الشيء)
وهى لازمه متكررة ( لا الازمه دايما مش بتكرر معايا)
كثيرا مش عارف ليه ( فعلا انا بحس ساعات اني مش عارف ليه)
هل لديكم تفسير ( للأسف يا حبيبي لسه مسلفه لواحد صحبي بس انا موصي واحد من السعودية يجبلي معاه كيسة تفاسيرهبقى ابعتلك واحد):d
اوك
السلام عليكم

[youssef_23]

روح الدعابه فى هذا الموضوع عاليه جدا
والله انا حاسس ان المنتدى كله عندة ephoria

[youssef_23]

هل لديكم تفسير ( للأسف يا حبيبي لسه مسلفه لواحد صحبي بس انا موصي واحد من السعودية يجبلي معاه كيسة تفاسيرهبقى ابعتلك واحد):d

لو لقيت جيب كورى او يبانى بلاش الصينى وهبقى احاسبك

[subdevil]

يا عم يوسف
ايه يا عم انت شكلك كده مش بتفهم في التفاسير خالص
عاوز احسن تفسير؟؟
هات التفسير الامريكاني
فهو دايما التفسير الذي يرضي جميع الاطراف ( سواء برضاهم او غصب عنهم)

اما الاقوى فهو الاسرائيلي ( لكنه لم يطرح في الاسواق بعد)

[max ghost]

الدعابة بتكون ناتجة عن الضيق النفسي .. وانا مش هقولك يا دوكتور يوسف ( بكالوريوس طب )
الحالة النفسية اللي بتيجي على مدخل الشتاء ..
فتلاقي جميع المواضيع منذ أن بدأ المنتدى( في هذه الفترة (فترة دخول الشتاء)) يغلب عليها الفكاهة والدعابة .
حتى المواضيع الجادة .. هتلاقيها استهتارية.. واندفاعية . ( مش كلها طبعا)
شكرا..
بالتوفيق

[rado]

الدعابة بتكون ناتجة عن الضيق النفسي .. وانا مش هقولك يا دوكتور يوسف ( بكالوريوس طب )
الحالة النفسية اللي بتيجي على مدخل الشتاء ..
فتلاقي جميع المواضيع منذ أن بدأ المنتدى يغلب عليها الفكاهة والدعابة .
حتى المواضيع الجادة .. هتلاقيها استهتارية.. واندفاعية . ( مش كلها طبعا)
شكرا..
بالتوفيق

لا + ولا -

[max ghost]

لا لا لا .. مقصدش المنتدى آسف جدا ..
يبدوا كنت بكتب وانا نعسان .
أقصد منذ أن بدأت هذه الفترة ..( أقصد فترة دخول الشتاء )
آسف جدا والله لم أقصد .
بالعكس .. المنتدى مواضيعه معظمها جادة وجميلة جدا ..
شكرا ..
بالتوفيق

[spirit]

السرحان حوار مفتوح يدور ولا ينقطع بين الانسان ونفسه

[rado]

لا اعرف ماذا اقول عن الفنان الا انه لديه بما يسمى بالحس الفني
وهذا الحس ياتي عن طريق الخبره والفهم

انا ارى احياناً بعض الفناين (غريبين الأطوار)

[moom]

سأحاول أن أعطي رد مقنع

دائم السرحان

من الارجح أن السبب في ذلك هو كون أن الفنان يعيش في عالمه الخاص الذي أبتدعه لنفسه ......

قليل الكلام

الفنان في حوار دائم مع نفسه ..لذلك فهو قليل الكلام ..أقصد قليل التفاعل مع غيره

هادىء الطباع

لوازم الشغل ...

ذاكرته ضعيفه وفى نفس الوقت حاد الذكاء

بالنسبة للذاكرة فذالك ناتج عن زخم المعلومات الموجودة في دماغه و الذكاء ...... نعمة من الله

أرجو أن تكون يا youssef_23 تتصف بهذه الصفات فلو كان ذلك فإذاً أنت فنان