موضوع: محتاج مشورة من خبراء الثري دي

ردود: 18 | زيارات: 1099
  1. #1

    محتاج مشورة من خبراء الثري دي

    شباب اولا مساكم الله بالخير
    وكل عام وانتم بخير ومن العايدين الفايزين وعساكم من عواده <<<<ماتحس انك طولته ؟؟ أخلص
    طيب
    انا كنت جاي أسأل أيهم اتعلم المايا او الثري دي ولقيت موضوع بالعنوان نفسه بالضبط .. حقيقه مارحت له لكن ابي اروح
    ولقيت لي سؤال ثاني
    انا وأعوذ بالله من قولة انا <<<وش عليه الله يرحم حالي وحالك ؟
    المهم
    انا ماني الصفر اللي على الشمال ... لا ..
    انا الصفر اللي بعد الصفر اللي على الشمال بالثري دي يعني ماحولك احد ابد ابد
    لكن مصمم اني اتعلمه بالقوه بالعبط بالمروه باللي هي به متعلمه متعلمه الله لايعوق بشر إن شاء الله
    لكن حقيقه واجهتني اكبر عقبه الى الآن وهي عدم وجودي لدروس بالبرنامج هذا واذا لقيت امشى معاها زي الحلاوه وفجأه تطلع لي فقره ماادري وش اسوي بها منين جابها الشارح مدري وين مكانها مدري وبكذا أمل من العمل كله واسكر أم أم الجهاز واروح انام
    فـ الله يخليكم أبي موقع دروس ويكون شرح زي طريقة دروس أو كتب الفوتوشوب اللي لازم تحميل ويكون شرح كامل ووبسيط ومفهوم
    بليززززززززززززززززززززززززززز
    اذا مريت لاتخليني على الاقل رد وقل ماعندي
    وعلى العموم على العموم مشكورين مقدما
    سلام
    يالله بانتظاركم


  2. #2
    عضو جديد
    صور رمزية NIGHT WOLF
    تاريخ التسجيل
    Jan 2004
    المنطقة
    k.s.a
    ردود
    49
    ههههههههههههههههه

    الله يرجك رجا مبرحا

    ياخي عندك موقع ابو بدر فووووووووول دروس مفلل

    خذها حبه حبه

    وبتصير اللشطه مع قشطه ^.^
    ماكس , مايا , ............كل البرامج هي الادوات التي ننحت بها
    وكلما تعودت يداك على النحت
    كلما اصبحت الادوات جزء منك
    ((ذيب الليل))

  3. #3
    أشهد بالله انك ذويبان ياذيب الليل
    الله لايهنك طال عمرك والف شكر لك على التفاعل
    لكن ياخلف جداني انت ياذويبان انا رحت موقع ابو بدر الله يسلمه ويسلمك بعد وكل درس ادخل به اروح لتحرير وتحديد الكل وملف وحفظ باسم على هالحال الله يجيرك لما حملتهن كل ابوهن .. بس المشكله هاللي انا اقولك اني أمشي معه تمام بس يجي بفقره معينه ويدخل بالغويط وأضيع انا .. يعني مثلا يقول اضغط على هكالحاجه وأروح أدور هاللي يقول ولا ألقى شيء عندي ... تهقى يكون برنامجي ناقص !!!! مدري يمكن او يمكن انه تجاري مابه زي حق ابو بدر يعني زي راعيه ماحولك احد
    المهم حبوبي .. أبي غيره هالموقع تكفى ياولد ابوي شف لي غيره
    ومرة ثانيه الف شكر لك .. والله لايحرمنا من هل العرف

  4. #4
    عضو جديد
    صور رمزية NIGHT WOLF
    تاريخ التسجيل
    Jan 2004
    المنطقة
    k.s.a
    ردود
    49
    اقول وانا اخوك ذويبان

    تسلم والله وانا اخوك ويكثر من امثالك

    لكن وانا اخوك تعرف عنجليزي اذا تعرف قلي وانا اعطيك مواقع عنجليزيه

    واذا ما تعرف قلي وين دقرت وانا افصفصها لك وانا اخوك

    مع تحيات اخوك الملقوف ذيب الليل
    ماكس , مايا , ............كل البرامج هي الادوات التي ننحت بها
    وكلما تعودت يداك على النحت
    كلما اصبحت الادوات جزء منك
    ((ذيب الليل))

  5. #5

    Thumbs up

    عطنا الي غرزت به وحنا ندفك ان شاء الله ....
    My Flichr

    - إذا كنت تستطيع تعلم التصوير الفوتوغرافي فهذا أفضل ، فعندما تتعلم التصوير يمكنك فهم كيف تسير الامور في واقع الحياة ثم تترجمها الى الجرافيكس.

    - معلم التصوير قال لي ذات مرة «الجميع يمكن أن يمسك الكاميرا ويلتقط صورة ،ولكن ماهو اللازم ليكون الشخص مصور محترف إذا كانت المسألة هي ضغطة زر واحدة فقط؟ اللازم هو أسلوبك الخاص والإضاءة والطريقة التي ترى بها العالم. دائماً ما أفكر في هذه النصيحة كلما ضغطت على زر Render


    Zuliban-3D artist

  6. #6
    الله يستر شلت بدو جاين يتعلمون الماكس

    طيب ياللي جايب العيد .. كلامك صحيح يمكن أنك تشتغل على ماكس 5 وفوق أما دروس معلمنا الفاضل أبو بدر أكثرها على ماكس 3 .. على العموم أنا أنصحك بموقع واحد من الشباب إنشاء الله يفيدك ..

    لكن بشرط لازم تطبق الدروس اللي فيه كلها حتى تبدأ المسيرة مع الماكس وبعدها رح لي لواحة أبو بدر تجد نفسك قد فكيت كثير من الغموض اللي يواجهك ..

    الموقع : http://www.p-site.net/index.php?page=dorws

    أتمنى لك عمل موفق

  7. #7
    عضو متميز
    تاريخ التسجيل
    Jul 2002
    ردود
    9,832
    اقتباس الموضوع الأصلي كتب بواسطة الحسني
    الله يستر شلت بدو جاين يتعلمون الماكس
    , لقد ضحكت كثيرا وفعلا الموضوع وكأني أقرأ مسرحية كوميدية . هل يا ترى هم متفقين على الإخراج أم جاءت عن طريق الصدفة .
    The Unknown Person

  8. #8
    ذويبان الله يستر عليك ويفرجه لك بالدنيا والآخرة .. قل آمين ..
    أما من ناحية الانقليزي <<<قعد يحك غاربه
    والله ياولد الحموله بيني وبينه عداء مبيت لأن انا ثقافتي المانيه وتخبر الألمان هم والانقليز بينهم شوي حوسه
    لكن بالنسبه لموقع ابو بدر انا الحين عرفت وش اللي يخلينن اتخوبل بالطريق .. الله يسلمك يستخدم 3 وانا خمسه <<<< يعني انا احسن منه كخخخخخ ايه هين
    وعلشان كذا تلقانن مولي مانا حول ديره .. وأبي اشوف الموقع اللي يقول خوينا الحسني وإن شاء الله اوافيكم بما يستجد <<<< وين الاخ بالفلوجه ؟؟؟

    أخوي المجهول عسى يجهلك أبليس وتعرفك ملايكة الرحمن ولا تغرز بطين إن شاء الله ... قل آمين
    زي ماقلت للذيب أبي اشوف موقع اخونا الحسني ويصير خير ياوجه الخير



    اقتباس الموضوع الأصلي كتب بواسطة الحسني
    الله يستر شلت بدو جاين يتعلمون الماكس

    طيب ياللي جايب العيد .. كلامك صحيح يمكن أنك تشتغل على ماكس 5 وفوق أما دروس معلمنا الفاضل أبو بدر أكثرها على ماكس 3 .. على العموم أنا أنصحك بموقع واحد من الشباب إنشاء الله يفيدك ..

    لكن بشرط لازم تطبق الدروس اللي فيه كلها حتى تبدأ المسيرة مع الماكس وبعدها رح لي لواحة أبو بدر تجد نفسك قد فكيت كثير من الغموض اللي يواجهك ..

    الموقع : http://www.p-site.net/index.php?page=dorws

    أتمنى لك عمل موفق
    ممنونك كتير كتير خيوووو <<<< قال يبي يطور نفسه وااااااااكككككككككك
    اخوك الله يسلمك البدو متعدينه بمية سنه ضوئية يعني ماحولك احد ابد ابد وزي ماقلت للذيب (( الماني بكرتوني )))

    =====
    اخوي Gemologist اولا تضحك انت والحور يارب وعساه دوم ماهي يوم
    لكن ترى النوايا الصافيه والقلوب الطيبه تلتقى بدون اتفاق

    قبلاتي الحاره للجميع بدون استثناء

  9. #9
    عضو جديد
    صور رمزية NIGHT WOLF
    تاريخ التسجيل
    Jan 2004
    المنطقة
    k.s.a
    ردود
    49
    وانا اخوك يا جايب العيد


    عطنا علومك اول باول


    واستر ما واجهت

    في امان الله
    ماكس , مايا , ............كل البرامج هي الادوات التي ننحت بها
    وكلما تعودت يداك على النحت
    كلما اصبحت الادوات جزء منك
    ((ذيب الليل))

  10. #10
    ماوا جهنا الا الطيب ياقلب الذيب .. وفيت ولا قصرت وعساك ذخر وان اخوك

    لكن انا رحت موقع اخونا الحسني وواجهتن نفس المشكله اللي لقيته بموقع الاستاذ ابو بدر
    بمعنى اني مشيت معه تمام الى أن وصلت الى الصورة هذي


    يوم جيت هنا بعد حفظ صورة على شكل خامه
    جيت أبي افتحه منين ...؟؟؟ مدري
    هذا شيء
    ثم منين هو جاب رقم أثنين اللي مكتوب قدامه دس بلي ؟؟؟؟ مدري
    وبعدين
    منين جاب نن اللي منه يطلع الخط لمكان الصورة ؟؟؟ مدري
    كل هذولي ماطلعن عندي ابد ابد
    واذا بغيت افتح عمل جديد من عند اوبن قال تبي هالعمل هذا والا لا ... ولو حفظت العمل مافتح اي صورة بامتداد جف او جي بي جي او غيره
    وش السواة الحين ؟؟؟؟؟؟؟
    الله لايهينكم
    سلام

  11. #11
    عضو جديد
    صور رمزية NIGHT WOLF
    تاريخ التسجيل
    Jan 2004
    المنطقة
    k.s.a
    ردود
    49
    الله يرجك يا ولد


    العلم الصوره الي تحت انت ما تعرف منين جات دسبيلس صح

    ها خذ العلم

    شوف الصوره تحت

    قبل الخطوه رقم ثنين

    انغز المثلث الصغير

    تجيك قايمه طوييييييييييييييييييييييييله

    حوبر فيها الين تلقا دسبليس

    انغز دسبليس

    وكمل زي ماهو مشروح

    وان بغيت شي ثاني واستحيت

    اعرف اني راح اتوطا في بطنك

    واستر ما واجهت

    ماكس , مايا , ............كل البرامج هي الادوات التي ننحت بها
    وكلما تعودت يداك على النحت
    كلما اصبحت الادوات جزء منك
    ((ذيب الليل))

  12. #12
    الله يجعلك وين ماطقيته عدله
    بجد بجد حاس بصدري شيء يااخي مدري وشو .. لكن شكله زين .. ياخي تقول يبخر بصدري
    لكن الله يوفقك يالذيب .. ابي ادعبس بالصورة حقتك وارجع لك وبعون اللي ماتنام عينه الا اسوي لك تصميم خاص بس صبرك على أخوك
    سلام

  13. #13

  14. #14
    عامر بوجودك يالحسني

  15. #15
    أخي الكريم جايب العيد .
    أنصحك بشيء :
    أن تبدأء بالدروس من الدرس الأول وتتدرج فيها .. لكي لا يصعب عليك شيء .. أنا ركزت في الدروس الأول كثيراً من ناحية تبسيط الشرح الشرح

    أتمنى لك وقتاً ممتعاً

    الحسني

  16. #16
    هلا هلا والله جابك جياب المطر

    هذا وجهك والا وجه المزن
    ياربي حيه
    حبوبي الحسني
    الله يوفقك بجد بجد وبدون مبالغه انا اشوف ان شرحك
    اسهل واوضح بفرق كبير وكبير جدا عن ابو بدر <<< بكيفي هذا رايي
    لكن الاشكال الوحيد ان الحاجات اللي انا ابي وهي اجزاء جسم الانسان ماهي موجوده عندك بالشروحات .. وحقيقه هي بالاساس اللي خلتن ادخل المجال هذا والا انا مبسوووووط الى آخر حد مع الفوتوشوب وعارف خباياه ومتمكن منه بشكل جيد
    هذي ملاحظه
    والاخر
    فيه بعض الاشياء تعتبره انت من مسلمات الامور او من البديهيات عندك لكن عندي ماادري وين ربي حاطن ... مغير ادربي راسي ... لما يجيين النوم واصصصصصصك الجهاز وانام
    تبي تقول مثل أيش ؟
    اقول ياطويل البقاء والسلامه
    مثل دسبليس اللي قالي عليه اخونا ذيب الليل .. اقول ياليت مستقبلا انك تنتبه للأمور هذي لأني اللي مثل حالاتي وهم كثير .. يبلشون بالملفات الضيقه هذي ويضيعون ويملون من البرنامج كله بسبب حاجه يمكن تكون تاففه لكن ماكانوا يعرفون
    هذي أمنيه ومثلك كريم وبه مطمع للرجال
    قبلاتي على رااااااااااااااااااااااااااااااااااس خشمك

  17. #17
    عضو فعال
    صور رمزية tariqtaha
    تاريخ التسجيل
    Nov 2004
    المنطقة
    البحرين
    العمر
    32
    ردود
    150
    إلى الأخ جايب العيد،،،

    نصيحة من الأخ محب، من الأفضل قبل أخذ الدروس أن تقوم بالحواسة واللواسة في الماكس، حتى تعرف رأسه من رجليه، أي تعرف مكان كل أمر ، وكل خاصية، وأنت تجرب كل شيء فيه، ثم بعد ذلك يمكنك أن تأخذ الدروس...

  18. #18
    اخي العزيز
    شكرا لمرورك الكريم
    أما من ناحية الحواسة واللواسه والدواسه فحدث ولا حرج شيء خيال من أنواع التحاويس والتلاويس
    لكن والله ماحولك احد على عماه
    وانا عندي قناعه شخصيه انه الانسان عدو مايجهل ... فاذا استمرت الحال على حواستي قل على تعليمي هالبرنامج السلام
    وبعدين حبوبي هالخشم ترى حتى الحواسه له اصول فاذا كانت حواستي ماهي على دليل ضاعت الطاسه
    شكرا مرة اخرى حبوب

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل