تغيير هام جدا في مجال ال 3d

[AHMEDITO]

هل علم احد هنا بموضوع ال ""direct x "" وامكانياته الجبارة على عمل الفيديو ال 3d باقل حجم بالصوت والصورة
فقد وجدت له اعمال حوالي 20 دقيقة فيديو بالصوت والصورة والملف كله حجمه 63 كيلو بايت
وهذا اسرع ملف واقل حجم وباعلى الامكانيات في وضوح الصورة وشغل الماتريال والصوت ايضا
الملف يرسم في الماكس ,وتنتهي مهمة الماكس هنا .. ويصدر بعد ذلك الي ال direct x وتبدأ هنا مراحل التشغيل ..................
ما رأيكم في ذلك؟؟؟

[M S S]

والله يا أخى أنا ماسمعت عن هذا الموضوع من قبل فلو صحيح إنك تقدر تعمل ملف 20 ديقة فى هذة المساحة سيكون فعلا ‘كتشاف عظيم فى مجال الويب بالأخص

[Egy_knight]

انا معرفش حاجة زى كده بردو ... بس ممكن يكون الملف الانت بتقول علية ده .. بيبقى ملف متخزن فيه نسخة و احده من المجسمات و الاشكال الموجوده فى الفيديو .. و بتسجل معاها الحركة بتاعة المجسمات دى او اى تغير فيها مع الزمن ..
يعنى الملف الانت بتقول علية ده .. الفيديو ميتخزنش فيه على شكل frames او صور متتاليه .. علشان كده مبيحتجش مساحة كبيرة
.. نفس الكلام البيحصل مع الفلاش .. ملفات الشوك ويف Shockwave بتيقى معمولة بنفس الطريقة .. و لو جيت تحول ملف (Shock Wave File) لملف فيديو عادى AVI مثلا .. هتلاقى فرق كبير فى المساحة لان الاول بيعتدم على انتاج الصور فى الوقت الحالى بشكل مباشر Realtime على عكس الفيديو الصورة فيه بتيقى متخزنة و كل البيعملة انه بيعرضها وفى الحالة دى بيحتاج من 25 اى 30 صورة فى الثانية الواحده فالمساحة بتاعتة بتكبر
كمان الجودة بتاع الصورة او الفيديو فى الSWF افضل من الجودة فى الفيديو لان الSWF بتم فيه الحركة عن طريق تغير حقيقى للخواص بتاع الobjects البتقوم بالحركة .. و بالتالى الكفاءة بتاعتها مبتتغيرش .. و اجرب فى اى ملف SWF اعمل زوم .. و شوف اى object ميكونش صورة هتلاقى الكائن ده مبيحصلوش اى نقص فى الجودة ..
نفس الحكايه مع ملفات الdirectx ممكن يكون الملف الانت بتقول علية نفس الحكاية ..
بس بتبقى عيوبة .. انه بيحتاج جهاز قوى .. و كمان ممكن يكون بطىء فى العرض .. و مبيبقاش فيه عدد كبير من المجسمات ظاهر فى الفيديو فى الوقت الحالى (فى شاشة العرض يعنى ).. و جودة المجسمات نفسها بتبقى ضعيفى .. نفس الكلام البيحصل مع الالعاب ..
انا بدرس multimedia فى الكلية و اعرف كل الforamts الموجودة لملفات الفيديو والصور و اعرف بتتعمل ازاى .. و علشان تعمل ملف فيديو بالحجم ده ..
اكيد بيبقى متخزن فيه معلومات عن الحركة و المجسمات بس . انما مفيش اى صور فيه ..

وياريت .. تضيف الملف ده هنا و تقولى ممكن اشغلة ازاى انا مهتم بالdirectx ..
و بالتوفيق يا نجم

[AHMEDITO]

اكيد انت طالما بتدرس ال multimedia فأكيد انت درست ال direct x او سوف تدرسه قريبا.. وعرفت ان ممكن بالبرمجة داخل الdirct x ممكن تعمل اي حاجة .....المهم ان الملف ال 3d الخاص بال direct x لابد وان يكون ال direct x نفسه معموله setup لكي يعمل .....وذلك لان الملف نفسه exe. ,وعلى العموم انا حصلت على ملفين
من هذا النوع وسوف اقوم بتحميلهم لكي يشاهدهم الجميع
وانا متأكد انا الكل سينبهر بجودة وامكانيات الdirect x في هذه الملفات
وعلى العموم انا هحاول ارفعه بسرعة علشان خاطرك

[AHMEDITO]

اريد ان اسأل سؤال ................
هل من الممكن تحميل ملف exe هنا على الموقع ام لا؟؟؟؟؟؟؟؟؟؟؟؟؟
واود لو يجيبني احد هنا ويقول ممكن ...........................؟

[AHMEDITO]

هذا هو رابط الملفان واريد رأيكم بعد المشاهدة
http://mahmoud_online.tripod.com/directXFiles.zip
...........................................................
ملحوظة هامة جدا
يجب ان يكون ال directx9 مثبت على الجهاز لان بدونه لن يعمل الملفان
ولا اعتقد ان يعملان على directx8 او غيره
والله اعلم
مشاهدة ممتعة

[AHMEDITO]

اسف يا جماعة لكي يتم تحميل الملفان يجب عمل copy للرابط ووضعة في address لصفحة جديدة لان ال click على الرابط لن يقوم بتحميل الملف
والله انا حاولت قدر استطاعتي ان احمل الملفان وقد ضغطهما وحملتهم بعد عذاب
انتم كمان معلش انسخوا عنوان الملفان عند ظهورهم في address الصفحة وانسخوهم في صفحة جديدة لكي يتم التحميل ...................... وشكرا

[MayaArt]

ماشي هو الملفات دي كويسة , بس ده real time redering مش فيديو

[AHMEDITO]

طبعا مش فيديو والا كان 20 دقيقة صوت وصورة بالجودة دي حوالي 200 ميجا مثلا
انت شفتهم والا لسة؟؟

[MayaArt]

شتفهم ,

[MayaArt]

آه سوري , أقصد شفتهم , بس علي فكرة , الصوت ده صوت midi يعني موسيقي بس ومساحته بتبقي صغيرة , لو الصوت wav عادي هياخد مساحة أكبر

[AHMEDITO]

انا معاك انه ميدي بس برضو صوت وصورة وفي الاخر 63 كيلو بايت بس...................... (:

[AHMEDITO]

تقريبا ممكن يشتغل على directx xp

[gm4mostafa]

هوه فعلا ممتاز انا شوفتهم طيب والحل دلوقتي احنا لو عايزين نعمل حاجه زي كده ممكن ؟؟؟؟
وازاي ؟؟؟؟؟

[AHMEDITO]

ممكن جدا بس لو ليك في البرمجة بال ++C
لان الشغل كله في ال direct x معتمد على البرمجة
لو تعرف ....ممكن ابعتلك حاجات تفيدك في هذا الموضوع