لوجو فريق القاهره ....................أحمد تاعب

[أحمد تاعب]

..........الحمدلله


اخيرا.............. وبعد عناء

بعيد عن دار المدرعات و مترو الانفاق والماسنجر والبلاعات

اتقابلنا ...... احنا فريق القاهره بمكتب الرياض

وبعد ما اتعرفنا على بعض وعرفنا كل واحد بيعرف يشتغل على ايه وكل واحد فادنا بمعلومه
جديده وشربنا عصيرالجوافه اللى قدمه لنا سنيور نبيل وهزرنا وضحكنا وخدنا تليفونات و
ايميلات بعض واتفقنا على اشياء فيما بيننا

قررنا ان لازم يكون لفريق القاهره اسم ولازم كمان يكون فى لوجو
بصراحه احنا موصلناش لاسم معين
بس اتفاقنا اننا نطرح الموضوع فى المنابر


عايزين اسم لفريق القاهره وتصميم تحفه للوجو فريق العاصمه





وارجوكم ....

احنا عرب يعنى نحاول قدر الامكان اننا نفكر فى اسماء عربيه
احنا عرب يعنى نحاول قدر الامكان اننا نفكر فى اسماء عربيه
احنا عرب يعنى نحاول قدر الامكان اننا نفكر فى اسماء عربيه
احنا عرب يعنى نحاول قدر الامكان اننا نفكر فى اسماء عربيه





لان عيب قوى العالم الاوربى سواء انجليز او المان او فرنسين يبقى عندهم اعتزاز بلغتهم واحنا
نهرب من لغة القران الكريم


لو كنا عايزين نوصل للمستوى العالمى لازم يبقى عندنا حب لوطنا العربى ولغتنا العربيه
علشان نقدر نعمل حاجه خارجه من جوانا



بالمناسبه انا اقترحت امبارح ان اسم الفريق يكون القاهره
لكن تقريبا الاصوات ما كانتش معايا


الحمد لله احنا عندنا حضاره فيها عناصر ممكن ناخد منها افكارنا
زى الفكره اللى طرحها Ahmed_3d

فى النهايه اتمنى ان يطرح كل منكم فكرته


وبقترح انا فى البدايه اننا
ممكن نسمى الفريق فريق اللوتس ونصمم مودل لزهره اللوتس بالوانها الجميله ويبقى لوجو
وممكن نسمى اسماء تانيه ........انشاله عفريت ازرق أو اخضر أو فنكوشى



بس نحاول ............................

وباى بقى علشان انا رايح السنيما اتفرج على فيلم امريكى

[أحمد تاعب]

محدش هيقول حاجه

[Ahmed_3d]

فيلم ايه ؟؟؟؟؟؟
ابقى احكيهولى ...

[jude]

العصاميون
ايه رايك في الاسم ده

[jude]

صقور العاصمه
ايه رايكم

[jude]

كنوز الشرق
ايه رايكم في الاسم الجامد

[jude]

ايه رايكم في
مهد النيل او الصحوه السمراء
اكيد كلكم شيربتوا من النيل النضيف بتاعنا
وبالمرة ما تنشوس صورة الريس علشان البركه والبلديه ماتجيش تهد المشروع
بالتوفيق يا نسور القاهرة

[jude]

ايه الاسماء مش حلوه

[ahmed123]

لو هاتمشوها عربي ايه رايكوا في
القاعدة لاعمال الغرافيكس

[AHMEDITO]

انا افضل ......العربية لاعمال الجرافيكس

وكنت عايز اسأل على حاجة ياجماعة
هل كل افراد هذا الجروب موجودين هنا بالقاهرة ام بالخارج؟؟؟
وكيف سيتم انضمام الاعضاء لهذا الجروب
أنا لا اعلم شيئ عن هذا مطلقا
اسف لا يؤاخذني احد.............فأنا لست عضو قديم هنا

[ahmed123]

if u r still insisting on arabic one arabesque sounds too good

[أحمد تاعب]

اكيد كلكم شيربتوا من النيل النضيف بتاعنا
وبالمرة ما تنشوس صورة الريس علشان البركه والبلديه ماتجيش تهد المشروع
بالتوفيق يا نسور القاهرة

أنت مصرى؟؟؟!!!

[y@sser]

لو عايزها مصري يبقي خليها حورس وهو كمان ليه شعار
تبقي سهله

:d
طبعا احنا ممكن نظبطه ونروشنه ونخليه علي مزجنا

[osama28]

اللوجو

يجب ان يتوفر فية عدة شروط

- ان يكون مميز – بسيط- عدد قليل من الالوان (3-4) – يعبر عن الهدف –

- يسهل طباعة ( COLORE – GRAY )

عايزين كل المجموعة تشارك فى التصميم و اختيار الاسم
انا بقترح cairo graphics
دة انجليزى علشان international internet language
مع امكانية كتابة بالعربى
اللوجو يعبر عن العاصمة و مصر فى نفس الوقت و يسهل فهمة من الاجانب سواء من الكتابة او الصورة
يعنى اى حد يشوفة يعرف دول منين
انا عملت اقتراحات مبدئية ارجو المشاركة من الجميع و التعديلات المناسبة
و شكرا

[the dream]

يا اخ ahmad123 القاعدة اية بس انت نسيت ان جوانتانموا لسة مفتوحة ولا اية وعلى العموم انا شايف ان اقتراح osama28 كويس وعملى اكتر