الدعوة خاصة لذيب الليل والحسني وهي عامه للجميع .. أول تصميم لي

[جايب العيد]

سلام عليكم
مساكم الله بالخير
شوفو الله يسلمكم هذا اول تصميم لي على الثري دي ماكس وهوعباره عن تطبيق لأحد دروس الاستاذ الحسني .... وجزيل شكري للأخوة الحسني وذيب الليل لكم مني خالص الامنيات والدعوات
====
لكن بغيت أسأل انا ابي موقع يعطي دروس يصمم الاجسام الانسانيه والحيوانيه مثل القفص الصدري والرئتين والقلب والبطن <<<يعني الكرشه ... طبعا الوجه بما فيه .. والهيكل العظمي بشكل عام
فيه والا لا؟؟؟؟؟؟
=======
طبعا بوه ناس يبون يتمطعزون .. وبه ناس انواع الضحك لكن بكيفكم انا اصلا ابيكم تستانسون لكن ياويلكم لو تقولون هون عن الثري دي ماكس ... انتهبوا
للجميع قبلاتي الحاره اللي يتمطعزون واللي مايتمطعزون

[-<miXer>-]

وعليكم السلام

أقول يابو

تدري وش أحسن مافي الموضوع ؟؟؟؟


لغتك الفله

انا بصراحه ماقد رديت على حد من فتره (شيك على آخر مشاركة وتعرف السبب) بس انت ولغتك الفله تستاهل الرد

شوف يا مغبر الدتسن التصميم مابو لكن ماتحس انك خانق الصوره شوي ؟؟ يعني أنا أقول لو تعطينا صوره أكبر أعزمك على وليمة ضبان

بالنسبه حق درس الأحياء وأعضاء الانسان كلها موجوده في أبو بدر وذا فيك حيل على الهذر الانجليزي أعطيك دروس

شد حيلك يالحبيب وموفق انشاء الله

[جايب العيد]

هلا هلابك يابو ......الليد
أبرك الساعات وانا اخوك اللي مارديت الا علي وهذا شرف كبير وصدقن اقوله
من حمّي حيلي <<< يعني متشقق وانا اقوله والله
وشكرا لدعمك وتشجيعك لراع الددسن ... أما الضبان خلهن شوين الله لايهينك ابشرك بعون اللي ماتنام عينه هالسنه ربيع ويبن يربعن وتبي ان الله احياك تشوف خلوبهن تجر بجنب الواحد منهن وعلى بال مايجي هكالوقت تلقانن مصممن لك ضب حانين عكرته لفوق <<< يعني معقرب ضب آخر موضه
أما من ناحية التصمصم
الله يسلمك حبل الكذب قصير
هذا الله يسلمك حطيت الاضاءة بشكل مدري وشلون هو قايل وجاء تقل مولعن بالتريك بدار المحل <<<يعني المخزن حق البيت
وقمت عاد انا ابي اغطي عيوبي وحددت بس المكان اللي به إضاءة وخليت الاسود المظلم
وعلشان كذا صار كذا
شكرا لمرورك وتعليقك
وهلوتين

[NIGHT WOLF]

ذيبان ذيبان وانا اخوك يا جايب العيد

وانا عارف انك ماراح تبطل منه الين تفصفصه انشالله

وعاجبني بصراحه

انا ماقد سويتها في حياتي

مير عندي لك علم

بدل ماترقع في الصوره حاول انك تحبكها حبكتن مزيونه

وانا عارف وانا اخوك انك قدها وقدود

ومستني الضب المتعقرب هههههههه


مع تحيات اخوك الملقوف ذيب الليل

[جايب العيد]

حشاك اللقافه ماهو انت الملقوف ... وأبشر بالسعد بس خلن استملس عليه وانا اللي اوريك بوه
لكن بجد بجد والله يااخي اصعب من سواقة الددسن ..شيء يبي له تحريك هالتنكه فوقي
وافر احترامي لشخصك الكريم

[NIGHT WOLF]

الله يسلمك يا جايب العيد


وانا اخوك علي الملازيم لو في زيك اثنين كان زانت الدنيا


والله يفتحها في وجهك دنيا وآخره

مع تحياتي لك
اخوك ذيب الليل

[جايب العيد]

يااااارب
بجد بجد بجد محتاج لهالدعوة ... الله يجعل لك نصيب من دعوتك ومن مر من هنا

[؟المجهول؟]

شكلك قصمنجي مثلي :d

والتصميم حلووو بس شد حيلك ......................

[Rayman]

تصميم رائع و شد حيلك .,,,,,,,,,

[جايب العيد]

اخوي المجهول وراي مان
شكرا لكم على الدعم والتشجيع <<<<الاخ عضو برابطه مشجعي الوحده ؟؟؟
شكرا حبايبي والله يحفظكم
مجهول انا ابيك بخصوص درس او شرح طريقه معينه بس مدري وينه ... قهر والله العظيم قهر
اتذكره وادورك
مرة ثانيه شكرا لكم

[الحسني]

آآآآآآآآآآآآآآآآآآآآآآآآآآآآآآآآسف على التأخير .. ما النتبهت للموضوع إلا اللحين .. لكن

ما شاء الله شغل حلو يامن الخير .. لكن حاول تغير موضع الكاميرا حتى تصل إلى الزاوية المطلوبة ...

وبيني وبينك شغلك جميل .. ولو تعرف كم واحد ضبط هالدرس على ما أذكر 14 شخص وأنت منهم أما بعضهم الله لا يوريك ..

المهم أنك بدأت بأول خطوة واستمر عساك بالخير ..

وكل أعضاء المنابر معك

تحياتي لك وللهجتك اللي زي العسل :d

أخوك الحسني

[جايب العيد]

اخوي الحسني والله العسل انت واللي جابوك
وصدقن أخوي ماتدري وش سوى بي ردك الجميل هذا وفعلا ودي اشكرك بس عبارت الشكر عجزت عن تعبير محاسيسي ... لكن اقول الله يوفقك ويسهل دربك وين ماوجهت

[الحسني]

هذا اللي نبيه ..

ولك بالمثل

[المصروخ]

مبروك يالحسني على Dsl