أشكركم ياشباب على الرد على الموضوع
عمرو باشا...
والله انا كنت منقطع عن الماكس تماما والماكس اصلا ماكانش متستب على الجهاز لظروف الدراسة وكمان عينى كانت مرهقة من الكمبيوتر
لأنى بستخدمه لفترات طويلة
مااشتغلتش على الماكس الا لما عملت لمبة الجاز اللى عرضتها قبل كده واللى شجعنى على كده انها مخدتش منى وقت لأنى كنت مصممها من فترة طويلة ضمن البيت الريفى اللى اشتركت فيه فى مسابقة المنابر ولأنى كنت اول مرة استخدم مصر خارجى كان فيه عيوب فى الاضاءة والرندر واللمبة مكنتش ظاهرة كل اللى عملته انى وضعت الخامات للموديل بتاع اللمبة وعملتلها الرندر
والعمل الكرتونى اللى معروض ده والله عناصرة كلها كانت مصممة من حوالى شهرين ماعدا التصميم بتاع الشخصية الكرتونية اللى فى الصورة اللى صممته من يومين بس ده حتى السيارة انا مصممها من الأجازة اللى فاتت.
وانا جمعت العناصر دى كلها فى عمل واحد لأنى ماعرضتش اى حاجة منها فى المنابر قبل كده
وكمان انتو قلتو ان المشروع متوقف لحين انتهاء الامتحانات
انا عارف انى مقصر معكم .....لكن والله غصب عنى
ارجو انكم تعذرونى ياجماعة وانا تحت امركم بعد الامتحانات لأنى هكون متفرغ تماما.
ومتأسف للاطالة .
اخوكم
المايسترو
تعليق