لماذا يفعل الفيراى هذا؟

[INTERIOR]

لماذا يفعل الفيراى هذا؟

انظر داخل الدائره الحمراء



الدائره الى على اليمين معموله حول زجاج بيبان فى الرندر العادى زجاج وفى الفيرى بيبان زى ما انتوا شايفين لون اسود

اما الدائره الى على اليسار فهى توضح مدا الخلط فى الالوان على الرغم من اننى اضفت لون واحد ولكن يظهر فى الفيراى خليط من الونين الازرق والرمادى
والمفروض ان يكون رمادى فقط

ارجو التفسير

[رفيق ماكس]

لماذا تكرر الموضوع؟

[INTERIOR]

على شان الصوره ما كانتش ظاهره فقولت اضفيف موضوع تانى واحمل الصوره من موقع تانى

مش ده المهم !!!!!

المهم هل فى احد من الاخوه يعرف يفسر لى الموضوع ده ليه بيحصل لما استخدم الفيراى

[INTERIOR]

اخوانى الاعزاء
عدد زوار الموضوع تعدا الـ30 عضو

معقوله ما حدش حتى يرد يقول مش عارف

ومعقوله ما حدش عارف ايه حل المشكله دى او تفسيرها ايه

[subdevil]

السلام عليكم ورحمة الله وبركاته
المشكلتين اللي انت بقتول عليهم دي مش مشاكل ولا حاجه
هوه ده الفيراي
اولا الفيراي لا يقبل اي خامة زجاج سوى خامته فقط
ولصنع خامه زجاج للفيراي اتبع الاتي
اختر خامة فيراي عاديه
ثم ضع في خانتي ال Refraction , Reflaction خامة Fall of
ثم ارفع السبديفيدينج الخاص بالخامه الى .95 او اكثر قليلا مثلا .97
اما في خامة ال Fall of اجعل اللونين احدهما اسود والاخر اسود لكن افتح قليلا


اما بالنسبه لمشكلة الالوان في الدائره على اليسار
فعليك اما ان تقوم بعمل UVW Mapping او اعطائها ID وجعل الخامة الرئيسيه Multi/sub object
اتمنى اكون افدتك
تقبل تحياتي
السلام عليكم

[INTERIOR]

كيف اشكرك على اهتمامك بالرد على موضوعى
الف شكر اخى العزيز شكرا لاهتمامك
انا هجرب الى انت قولتلى عليه وهنزل الصوره بالنتيجه الجديده

الف الف الف الف الف الف الف شكر اخى subdevil

[INTERIOR]

شكرا جداجداجداجدا

انا بشكرك جدا اخى صب ديفيل وانا جربت الطريقه الى قولت لى عليها ونجحت معايا فى اظهار خامه الزجاج

ولكن لم استطيع حل المشكله التانيه التى تختص بالماتيريال

وهذه هى النتيجه بعد التعديل

[subdevil]

طب اضغط الملف وارفعهولي بالخامات على الموقع ده http://www.3ar.us
واديني الوصلة في رسالة خاصه وانا هحلهالك ان شاء الله
السلام عليكم

[أبو حميد]

الفيراي

السلام عليكم
بمناسبه الفيراي ومشاكله
انا فشلت اعمل بامب
bump
اي ماده تحتوي علي ملمس وbump في الفيراي
فهل هناك حل

[INTERIOR]

انا مش عارف اشكرك ازاى



انا عمرى ما تخيلت انك هتهتم بالموضوع بتاعى للدرجه دى



انا سعيد جدا ان لسه فى ناس ممكن تخدم وتساعد بعض بدون مقابل



شكرا جدا جدا جدا اخى محمد (صب ديفيل)

[INTERIOR]

الف الف الف شكر على اهتمامك اخى صب ديفيل

بسم الله الرحمن الرحيم

هذا رد الاخ الكريم صب ديفيل والى بشكره جدا جدا جدا على اهتمامه الشديد بحل المشكله الى وقعت فيها

انا نقلته فى الموضوع ده لان الموضوع التانى الصور فيه مش ظاهره

وكمان حبيت ان الناس كلها تستفيد من الخطأ الى انا وقعت فيه والى وضحه اخى العزيز صب ديفيل

والرد هو كالتالى :-

السلام عليكم
هناك بيتين شعر الفتهم مخصوص
نعيب الفيراي والعيب فينا ... وما للفيراي عيب سوانا
هههههههههههههه ( للدعابه)
كما وضحت لك المشكله الاولى لم تكن ايضا مشكلة فيراي

وايضا المشكلة الثانية ليست مشكلة فيراي
وهي كالتالي
بالنظر الى الصورة التاليه الى المكان الموجود فيه المشكله



وبعد عملية التكبير
نجد التالي





نجد ان هناك مجسمين في نفس الحجم بلونين مختلفين
الاول لونه رمادي والثاني لونه بنفسجي
والاتنين راكبين على بعض في نفس النقاط
بتحريك المجسم الاول
نجد التالي






وحل المشكله هو اما تصغير المجسم الداخلي لو حتى بدرجه صغيره جدا
او تحريك المجسم الرمادي بدرجه بسيطه جدا جدا للخارج

نجد النتائج التاليه
النتنيجه التاليه بعد تحريك المجسم الرمادي خارجا قليلا










والنتيجه التاليه قبل تحريك المجسم الرمادي





اتمنى اكون افدتك
السلام عليكم
__________________