موضوع: يا شين اللي يمشي مع الدرس وفي آخر خطوه يتعرقل قهر والله قهر

ردود: 11 | زيارات: 900
  1. #1
    عضو
    تاريخ التسجيل
    Jan 2005
    المنطقة
    السعودية
    ردود
    77

    Angry يا شين اللي يمشي مع الدرس وفي آخر خطوه يتعرقل قهر والله قهر

    السلام عليكم ورحمة الله وبركاته

    يا جماعة الخير
    بقولكم معاناتي ان اعجبتكم ساعدوني
    وان ما اعجبتكم من فوق بالاكسبلورر اضغطوا الخلف للي عندهم عربي
    او باك للي عندهم انقليزي او بالمره سكر الصفحة ...

    قبل لا ادخل بسالفتي تراني مبتدئ بالثري دي ماكس
    السالفه ومافيها طول الله عمركم
    اني ماشي مع درس من احد الدروس في موقع يعرض دروس للماكس جزا الله صاحب الموقع كل خير
    .. ( منب قايل اسم الموقع عشان ما اسوي دعايه وعشان ما يزعل صاحب موقع منابر)

    المهم .. انه كانه الدرس درس كتاب
    وانا ماشي مع الدرس بالاخير في آخر خطوة قال
    ( والان كل ما عليك الا ان تكسو العمل )

    واخوكم في الله ما يدري وش طبخة الاكساء من الاصل
    طبعا آخر خطوة وانا ماشي تقريبا 16 خطوة تقريبا
    فقررت قلت الا لازم اعرف طريقة الاكساء
    واحوس وادودل هالراس بين هالمواقع التعليمية
    دخلت موقع ثاني ولقيت فيه درس عن الاكساء لكن الظاهر ان الاصدار اللي يشرح عليه
    صاحب الدرس مو مثل اصداري مع العلم ان اصداري السادس
    وكاتب في الدرس في اول خطوة
    ( الآن سنبدأ عملية إنشاء الخامات ، في البداية شغل محرر الخامات والخرائط بالضغط على أيقونة Material Editor من شريط الأيقونات العلوي الإيقونة الخامسة من اليمين )

    واخوكم في الله مدرعم بالبرنامج ويدور صورة الايقونة فوق من اليمين خامس وحده وبعد شوي رجعت للدرس واثاريه كاتب ..

    (مع ملاحظة أن الإخوة الذين يشغلون MAX على نمط عرض 640 × 480 لن يستطيعوا رؤية شريط القوائم هذا كاملاً ، وبالتالي فإن عليهم محاولة تحريك الماوس على الشريط حتى تتحول المشيرة إلى علامة القبضة ، ثم الضغط وسحب شريط الإيقونات يميناً وشمالاً لرؤية أجزاءه المخفية )

    قلت يمكن نمطي يا ولد محطوط على 640 × 480 وطبعا ما ادري وش سالفة هالنمط بس قلت اسوي نفسي فاهم ، واروح واسحب لكم بهذاك الشريط يمنتاً ويسره وما غير هز وتسَحب وما لقينا الايقونة
    وقتها يأست وطفشت وبغيت اتهور بس زين تمالكت نفسي مثل ما يقولون

    رحت أخذت لي كاس شاهي وروقت ورجعت للدرس بنفس طيبة واكمل باقي الدرس الا القى في الدرس مكتوب تكملة لما سبق ...

    ( أو يمكن أختيار الأمر من شريط الأوامر TOOLS الأمر قبل الأخير في ذيل القائمة ..)

    انا وقتها قلت خلالالاص جاك الفرج يا ابو عابد رح بس دز ورح لتولز ورح لماتيريل إيديتور ويا جماعة الخير رحت واضغط على تولز وادور واحوس واذكر انه يقول اللي قبل الاخيره واشوف وابقق عويناتي الا الكلمه مهب ماتيريل إيديتور واروح اشوف القائمة المنسدلة كلها وحده وحده ولا لقيتها
    وقتها فعلا قررت قرار لا يحسد عليه
    اني اسكر البرنامج
    واروح لأبدأ
    واغلاق الجهاز
    وامكع افياشه
    واشيل الشاشه اول شي
    ثم الجهاز
    ثم باقي الاكسسوارات
    واقرب برميل زباله وانتم بالكرامه
    وارميه فيها

    فقلت يا ولد اصبر
    تعوذ من بليس
    ورح اكتب مشكلتك بالمنتديات
    ترا شباب الخير واجد بكل مكان
    ما راح يقصرون معك
    وراح يحلون مشكلتك
    وباذن الله راح تلقى حلك
    فلا هنتو وتكرمتوا تساعدون اخوكم في الله بهالمشكله
    انه يلقى هالماتيريل ايديتور


  2. #2
    وعليكم السلام ورحمة الله وبركاته
    كيف حالك عساك طيب
    والله رحمتك ياخي انت وقصتك
    الحل هو وبكل بساطه
    اضغط على زر m من لوحة المفاتيح ويطلعلك ذا الكابوس

  3. #3
    قصة روائية رائعة :d

    يعطيك العافية أخوي رفيق الماكس على ردك

    شفت مستشار بـ إن المسألة مايبيلها إلا أنك تسئل دائماً في كل ما تجهله والشباب هنا ما يقصرون إن شاء الله

    تحياتي

  4. #4
    عضو متميز
    تاريخ التسجيل
    Sep 2003
    العمر
    28
    ردود
    4,029
    اذكر اني يوم بديت بالماكس كنت زي كذا

    بس الحمد لله انا ادور لين القى وما اكلم احد الا عند الضروره

  5. #5
    عضو
    تاريخ التسجيل
    Jan 2005
    المنطقة
    السعودية
    ردود
    77
    هلا هلا بالنشامى حياكم الله
    هلا بفرقة الانقاذ ... :d

    اخوي رفيق ماكس تصدق انك فكيت أزمه عني
    هههههههههههههه وفعلا والله كابوس بالنسبه لي صار
    يعطيك الف عافيه اخوي ويجزاك كل خير ويزوجك البنت الصالحه قل آمين



    اي والله اخوي الحسني فعلا الشباب هنا ما يقصرون
    وقاموا بالواجب الله يجزاهم خير
    بس تراني شايل عليك بشي يا الحسني
    بس منب قايل لك الحين وش اللي شايله عليك
    خله بعدين
    يسلمك ربي اخوي الحسني



    هلا اخوي ابو عبدالملك
    اجل مريت بحالتي
    هذا دافع لي وعزيمه لتعلم الماكس
    لأن المبدعين مروا بحالتي فهذا دليل على اني ماشي على الدرب الصحيح
    لتعلم الماكس :d

    يعطيك الف عافيه اخوي عبدالملك

  6. #6
    عضو
    تاريخ التسجيل
    Jan 2005
    المنطقة
    السعودية
    ردود
    77
    أخوي ابو عبد الملك
    ممكن اضيفك بالماسنجر ولا عليك امر اخوي

  7. #7
    ما شاء الله شكلك اخذ بمادة الإنشاء 100%

    والشباب ماقصروا
    My Flichr

    - إذا كنت تستطيع تعلم التصوير الفوتوغرافي فهذا أفضل ، فعندما تتعلم التصوير يمكنك فهم كيف تسير الامور في واقع الحياة ثم تترجمها الى الجرافيكس.

    - معلم التصوير قال لي ذات مرة «الجميع يمكن أن يمسك الكاميرا ويلتقط صورة ،ولكن ماهو اللازم ليكون الشخص مصور محترف إذا كانت المسألة هي ضغطة زر واحدة فقط؟ اللازم هو أسلوبك الخاص والإضاءة والطريقة التي ترى بها العالم. دائماً ما أفكر في هذه النصيحة كلما ضغطت على زر Render


    Zuliban-3D artist

  8. #8
    عضو
    تاريخ التسجيل
    Jan 2005
    المنطقة
    السعودية
    ردود
    77


    المجهول لا تغرك هالرواية
    بس ترى من قهري قمت اقرق عليكم

    والحمد لله أزمة وعددت بفضل الله
    ثمفضل شباب الخير

  9. #9

    اي والله اخوي الحسني فعلا الشباب هنا ما يقصرون
    وقاموا بالواجب الله يجزاهم خير
    بس تراني شايل عليك بشي يا الحسني
    بس منب قايل لك الحين وش اللي شايله عليك
    خله بعدين
    يسلمك ربي اخوي الحسني

    عسى خير

  10. #10
    لاشكر على واجب اخوي المستشار

  11. #11
    عضو
    تاريخ التسجيل
    Jan 2005
    المنطقة
    السعودية
    ردود
    77
    خير يالحسني ما عليك ان شاء الله

    جزاك الله كل خير اخوي رفيق ماكس

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل