تويت
صراحة يا اخوان كنت عايش في حيره كبيره من يوم سمعت بالانتخابات البلدية ... ودائما اتساءل من راح انتخب؟؟؟ ومن يستاهل اعطيه صوتي ؟؟ بيني وبينكم عمليه الاتخابات هذه واعطاء الاصوات أمانه قبل كل شي ... يعني انتخب بصدق وامانه والا لا تنتخب احد ..المهم انبهرت بالاعلانات القويه في الصحف والشوارع لحد اني مره شفت اعلان نصف صفحه أولى ملونه !! الإعلانات مهيب كل شي. بس لا ننسى إنه الطرح المميز يفرض نفسه، خصوصاً إنه فيه مرشحين ما تدري وش يبون! (هذا إذا هم يدرون) إللي مسوي لي حركة سنوكا واللي حاط لي بروشوره مقرر تربية وطنية... رغم إنه فيه ناس حاطين مع هالخرابيط مقترحات حلوة مثل أندية الأحياء والسكن الميسر ومكافحة التلوث (خصوصاً انك في الرياض) وغيره من الأشياء المهمة... طيب من يستحق اعطيه صوتي من هذولي كلهم ؟؟؟ لفت انتباهي اثنين من المرشحين في مدينه الرياض وهم :
1- حسن بن محمد ال مهدي http://www.almahdi.com.sa
2- بدر بن ابراهيم ال سعيدان http://www.1-1-1426.com
صراحه حسيت انهم من أقوى المرشحين في مدينه الرياض وبيني وبينكم يلزمنا واحد عقلية كويسة وقوي وله مكانته في الرياض علشان هذا اللي راح يفيدنا فعلا ... قمت زرت مواقعهم اللي قدامكم...في البدايه لفت انتباهي الحمله الدعائيه اللي قايم فيها حسن ال مهدي ... صراحه في كل مكان تلاقي صورته في الجريده في المجله في الشوارع .... طبعا هذا جيد لكن الشي اذا زاد عن حده صراحه يمل الشخص منه ...ويتضايق كثير ... المهم قمت بزياره موقعه على الانترنت و اخذت لفه فيه وقرات معظم الاشياء وطلعت بالنقاط التاليه :
- أول شي الشاب لسى صغير في السن تقريبا 28 سنه البعض يرى ان هذه ايجابيه ان الرجل لسى شاب ويملك تفكير ونشاط الشباب ... لكن من وجه نظري اعتقد ان هذه سلبيه لأن الرجل لسى ما امتلك خبره في الحياه تخليه متمرس في الامور اللي ممكن استفيد منه كمواطن بعد ما ارشحه
- شهاداته العلمية ...اول ما دخت موقعه لقيته حاط (أتممت دراسة العلوم الإدارية) طيب وش هي ؟؟ دبلوم؟ بكالوريوس ؟ ماجستير دكتوراه .... اول حتى ثانويه لأني اذكر اول في الثانوي فيه قسم علوم اداريه ... هذا شي الشي الاخر اعتقد من أن من ملك مخزون علمي كبير ويملك شهاداته متقدمه في مجال عمله الذي يمارسه اعتقد أن هذا راح يكون تفكيره متقدم وراقي ويكون مطلع على ماوصل له العالم الخارجي من تقدم ...
- الشي الاخير اللي لاحظته عليه ... وهو مهم جدا جدا وهو أن الشخص أصله مو من الرياض (على ما اعتقد انه من الجنوب) هذه اعتبرها نقطه جدا مهمه , طبعا مو نقص في اخواننا في الجنوب .. لا .. أهل الجنوب على العين والراس ولكن صراحه ما يحك جلدك مثل ظفرك ...لذلك ما راح يكون اعرف باهل الرياض وكيف يفكرون اهل الرياض وشنهي احتياجاتهم وغيره من الامور المحتاجينها ... هذه كانت ملاحظاتي على زياره موقع حسن بن محمد ال مهدي ... بعدها قلت خلينا نسير على مرشح آخر وهو :
بدر بن سعيدان
قمت بزياره موقعه الالكتروني وطلعت بعدة نقاط :
- صراحه أول ما دخلت موقعه أعجبني التصميم الخارجي وخاصه البنر الفلاشي ... وايضا عنوان الموقع صراحه (حركة)
- أول مارحت للموقع فتحت السيره الذاتيه للدكتور ... بكالوريوس هندسة مدنية + ماجستير إدارة منشآت من امريكا + شهادة الدكتوراه في إدارة المشاريع من اسكتلندا ... بيني وبينكم شهادات قوووويه ... علاوه على كذا حاط صور من شهاداته في الموقع وهذه فكره جيده تحسب له .
- بعدها انتقلت للخبرات ... صراحه ماشاء الله خبرات كبيره جدا اكتسبها من الخبرات اللي مرت عليه وقبل كذا اكتسبها من والده الشيخ ابراهيم ال سعيدان ... واللي لفت انتباهي بعد ان له مناصب في عده جهات مناصب تطوعيه يعني ما يستلم عليها دراهم
- بعدين قلت خلينا نشوف برنامجه الانتخابي .. كان يتكلم عن أشياء فعلا احنا محتاجينها في الرياض وناقصتنا كثير ... وخاصه امور المساكن والبيئه والامور هذه بس ما ذكر شي عن نقطة أندية الأحياء (إللي احنا فعلا محتاجينها) ...
بعد كذا قلت ليش ما اسير على موقعه الانتخابي اللي على طريق الملك فهد ... ومنها مره وحده نتعشى ببلاش (وجه يبتسم)بيني وبينكم كنت خايف قلت هذولي ناس كباريه وماراح احد يعطيك وجه لكن قلنا يالله خلينا نغامر ... اول ما وصلت المقر الانتخابي كان فيه نقاش مفتوح اعجبتني فكرته وهي ان الحضور نفسهم هم يطرحون الاساله والنقاشات والمرشح هو اللي يجاوب ... هذه فيه ثقه تدل على الثقه الكبيره للناخب من ناحيه ومن ناحيه اخرى يعطي الناس مجال يعرفون من يرشحون ؟؟ بعد الاجتماع هذه رحت له وسلمت عليه لأن عندي كم سؤال عن حملته الانتخابيه منها سالفة أندية الأحياء.. اول ما سلمت رحّب بي الرجال تقل يعرفني ... قلت زين ما دام هذا اولها ... سالته بعض الاساله وصراحه جاوبني الرجل بايجابات تدل على عقلية راقية جداً ...
- النقطه الاخيره والمهمه ... وهي ان الدكتور ذكر لي انه اشتغل مع ابوه في العقارات من رابع ابتدائي، يعني من حينه وهو عايش في الرياض ويعرف صغيرها وكبيرها وشوارعها ومايحتاجه أهل الرياض وهذه اعتبرها نقطه مهمه جدا في عمليه الترشيح
طبعا هذه كانت تجربتي في الانتخابات واختيار المرشحين وأتمنى من الشباب اشوف مشاركاتهم حول الموضوع لكن قبل كذا لا تنسى الموضوع ... ( بهدوء وعقلانيه من راح ترشح ؟؟!!)
1- حسن بن محمد ال مهدي http://www.almahdi.com.sa
2- بدر بن ابراهيم ال سعيدان http://www.1-1-1426.com
صراحه حسيت انهم من أقوى المرشحين في مدينه الرياض وبيني وبينكم يلزمنا واحد عقلية كويسة وقوي وله مكانته في الرياض علشان هذا اللي راح يفيدنا فعلا ... قمت زرت مواقعهم اللي قدامكم...في البدايه لفت انتباهي الحمله الدعائيه اللي قايم فيها حسن ال مهدي ... صراحه في كل مكان تلاقي صورته في الجريده في المجله في الشوارع .... طبعا هذا جيد لكن الشي اذا زاد عن حده صراحه يمل الشخص منه ...ويتضايق كثير ... المهم قمت بزياره موقعه على الانترنت و اخذت لفه فيه وقرات معظم الاشياء وطلعت بالنقاط التاليه :
- أول شي الشاب لسى صغير في السن تقريبا 28 سنه البعض يرى ان هذه ايجابيه ان الرجل لسى شاب ويملك تفكير ونشاط الشباب ... لكن من وجه نظري اعتقد ان هذه سلبيه لأن الرجل لسى ما امتلك خبره في الحياه تخليه متمرس في الامور اللي ممكن استفيد منه كمواطن بعد ما ارشحه
- شهاداته العلمية ...اول ما دخت موقعه لقيته حاط (أتممت دراسة العلوم الإدارية) طيب وش هي ؟؟ دبلوم؟ بكالوريوس ؟ ماجستير دكتوراه .... اول حتى ثانويه لأني اذكر اول في الثانوي فيه قسم علوم اداريه ... هذا شي الشي الاخر اعتقد من أن من ملك مخزون علمي كبير ويملك شهاداته متقدمه في مجال عمله الذي يمارسه اعتقد أن هذا راح يكون تفكيره متقدم وراقي ويكون مطلع على ماوصل له العالم الخارجي من تقدم ...
- الشي الاخير اللي لاحظته عليه ... وهو مهم جدا جدا وهو أن الشخص أصله مو من الرياض (على ما اعتقد انه من الجنوب) هذه اعتبرها نقطه جدا مهمه , طبعا مو نقص في اخواننا في الجنوب .. لا .. أهل الجنوب على العين والراس ولكن صراحه ما يحك جلدك مثل ظفرك ...لذلك ما راح يكون اعرف باهل الرياض وكيف يفكرون اهل الرياض وشنهي احتياجاتهم وغيره من الامور المحتاجينها ... هذه كانت ملاحظاتي على زياره موقع حسن بن محمد ال مهدي ... بعدها قلت خلينا نسير على مرشح آخر وهو :
بدر بن سعيدان
قمت بزياره موقعه الالكتروني وطلعت بعدة نقاط :
- صراحه أول ما دخلت موقعه أعجبني التصميم الخارجي وخاصه البنر الفلاشي ... وايضا عنوان الموقع صراحه (حركة)
- أول مارحت للموقع فتحت السيره الذاتيه للدكتور ... بكالوريوس هندسة مدنية + ماجستير إدارة منشآت من امريكا + شهادة الدكتوراه في إدارة المشاريع من اسكتلندا ... بيني وبينكم شهادات قوووويه ... علاوه على كذا حاط صور من شهاداته في الموقع وهذه فكره جيده تحسب له .
- بعدها انتقلت للخبرات ... صراحه ماشاء الله خبرات كبيره جدا اكتسبها من الخبرات اللي مرت عليه وقبل كذا اكتسبها من والده الشيخ ابراهيم ال سعيدان ... واللي لفت انتباهي بعد ان له مناصب في عده جهات مناصب تطوعيه يعني ما يستلم عليها دراهم
- بعدين قلت خلينا نشوف برنامجه الانتخابي .. كان يتكلم عن أشياء فعلا احنا محتاجينها في الرياض وناقصتنا كثير ... وخاصه امور المساكن والبيئه والامور هذه بس ما ذكر شي عن نقطة أندية الأحياء (إللي احنا فعلا محتاجينها) ...
بعد كذا قلت ليش ما اسير على موقعه الانتخابي اللي على طريق الملك فهد ... ومنها مره وحده نتعشى ببلاش (وجه يبتسم)بيني وبينكم كنت خايف قلت هذولي ناس كباريه وماراح احد يعطيك وجه لكن قلنا يالله خلينا نغامر ... اول ما وصلت المقر الانتخابي كان فيه نقاش مفتوح اعجبتني فكرته وهي ان الحضور نفسهم هم يطرحون الاساله والنقاشات والمرشح هو اللي يجاوب ... هذه فيه ثقه تدل على الثقه الكبيره للناخب من ناحيه ومن ناحيه اخرى يعطي الناس مجال يعرفون من يرشحون ؟؟ بعد الاجتماع هذه رحت له وسلمت عليه لأن عندي كم سؤال عن حملته الانتخابيه منها سالفة أندية الأحياء.. اول ما سلمت رحّب بي الرجال تقل يعرفني ... قلت زين ما دام هذا اولها ... سالته بعض الاساله وصراحه جاوبني الرجل بايجابات تدل على عقلية راقية جداً ...
- النقطه الاخيره والمهمه ... وهي ان الدكتور ذكر لي انه اشتغل مع ابوه في العقارات من رابع ابتدائي، يعني من حينه وهو عايش في الرياض ويعرف صغيرها وكبيرها وشوارعها ومايحتاجه أهل الرياض وهذه اعتبرها نقطه مهمه جدا في عمليه الترشيح
طبعا هذه كانت تجربتي في الانتخابات واختيار المرشحين وأتمنى من الشباب اشوف مشاركاتهم حول الموضوع لكن قبل كذا لا تنسى الموضوع ... ( بهدوء وعقلانيه من راح ترشح ؟؟!!)
تعليق