فريق القاهرة مستمر رغم اي شئ

[noble911]

بالرغم من انسحاب دارا لرياض من استقبال لقاءات فريق القاهرة الا ان الفريق مستمر باعضاءه الجامدين جدا المحترميين جدا اللي كلهم نشاط و ذكاء
و ان شاء الله الفريق مستمر تحت قيادة الاخ يوسف (ماكس سبيدر) و الاعضاء القدامي
و ارجوا التفاهم بين الاعضاء لاعادة روح النظام الي الفريق
و ننتظر موضوعاتهم
و سوف نشارك باسهامات فعالة لانجاح موقع الفريق و منتداه
وفقنا الله و اياكم الي طريق الخير

[max ghost]

ميه ميه يا رجالة .. ربنا يوفقكم ..
مفيش أحسن من روح التعاون بين أعضاء الفريق ..
ربنا يوفق الجميع .

[downs_mass]

اهلا يا استاذ نبيل

أحب اهنئكم علي تخطي المرحله السابقه

في الحقيقة الاختلاف شئ طبيعي وعدم الجدية شئ وارد جدا

المهم عدم تضخيمهم والاستمرار حتي ولو ب 3 اعضاء فقط

يمكنك ان تستريح فترة لتعيد الحسابات مثلما يفعل فريق المنصورة ....... لكن والله الذي لا اله غيره
ان الفتره التي كنا نعمل فيها كفريق كان التقدم اضعاف واضعاف

صدقني لا يجب الاعتماد علي الجميع ....... لكن الاعتماد يكون علي الجاديين فقط

والباقي يظلوا كمتفرجين الي ان يتشجعوا وهكذا

اعتقد انكم بعد ( قرصة الودن ) السابقه علي أتم الاستعداد للعودة وبقوه

لان ما حصل طبيعي جدا .......... ونحن العرب لم نتعود علي العمل الجماعي أبدا

لذلك الموضوع يحتاج بعض الجهد ( أصحاب الهمم العالية لا تعرف اليأس )

منتظرين أخبار احسن

[zoromax]

اولا انا مش فاهم اي حاجه
دلوقتي الفريق فين
وهيجتمع امته وفين

[maxspider]

السلام عليكم ورحمة الله وبركاته
الحقيقة يا أحمد انت كلك ذوق واخلاق ... وأنا مقدر ظرزفك وظروف المكتب ....
وان شاء الله الفريق مستمر ... والعائق فقط الان هو ايجاد مكان للاجتماع ....
ويا شبااااااب مش عايزين يأس .....
وان شاء الله الموضوع هيمشي ........

[مصطفى رجال]

........

هل ممكن zorro max يستقبلنا عنده في العجوزة
ممكن نتقابل مؤقتا على اي coffe shop في وسط البلد ونقعد ساعتين بس نتداول فيها امورنا لحد منلاقي مكان مناسب

[downs_mass]

والعائق فقط الان هو ايجاد مكان للاجتماع

اي كافي شوب او حديقه عامه تكفي

واتمني لكم التوفيق

[y@sser]

والله لو المكان بدون سلالم
ممكن افكر في الحضور مره اخري

[astikastik]

ممكن اجى ولا زعلانين منى علشان انا جزار


عموما انا اسف على كل شىء

[mitato]

أنا من مصر وبسمع عن هذا الفريق من زمان و أتمنى أن أشاركم
بس المشكله الكبرى أنى مش محترم فى برامج الثرى دى يعنى على قد الحال
و أتمنى أن لكم النجاح و التوفيق
و عايزين نشوف لكم أى عمل جماعى و لو حتى بسط على الاقل لتشجيع الخوه المحترفين على الانضمام إليكم

[maxspider]

ازيكم يا شباب .......
كده فيه أمل إن شاء الله .....
أنا حاليا شبه لقيت مكان للاجتماع ....... بس يا ريت تصبروا علي شوية ......
واول ما هيتم الموضوع هاحط موضوع في المنابر إن شاء الله ......
ودمتم لنا أخوة واصدقاء ومبدعين ............................. سلام

[astikastik]

انا مستعد لتوفير المكان
عندى شقه فى وسط البلد بس هى غرفه واحده بس كويسه وفيها كراسى وجاهزه للاجتماع وفيها 2كمبيوتر
ومستعد للاستضافه

[diaaking]

ولاعادة انتشال فريق انيماتون ..علي الجدين من الفريق ان ياكده تواجدهم بالفريق..
وعلي الجدد ان ياكده تواجدهم بالفريق..ايضا..
ويوجد الان مكانان ..اقتراح الاخ استيكا ..واقتراح الاخ يوسف ..
والاعضاء الان:
ضياء الدين حسن diaaking..
يوسف التلباني maxspider..
_____________________________
من يرغب بالاشتراك او تجديد العضوية ان يسجل اسمه..
وسوف نتقابل في اقرب فرصة..

[astikastik]

انا المكان جاهز عندى من اليوم يا شباب

[أحمد تاعب]

ولاعادة انتشال فريق انيماتون ..علي الجدين من الفريق ان ياكده تواجدهم بالفريق..
وعلي الجدد ان ياكده تواجدهم بالفريق..ايضا..
ويوجد الان مكانان ..اقتراح الاخ استيكا ..واقتراح الاخ يوسف ..
والاعضاء الان:
ضياء الدين حسن diaaking..
يوسف التلباني maxspider..
_____________________________
من يرغب بالاشتراك او تجديد العضوية ان يسجل اسمه..
وسوف نتقابل في اقرب فرصة..

ايه يا ضياء مش عارفين نتجمع فين يا جماعه الناس