تويت
قصتي مع سيجارة وفيلم فديو !!
السلام عليكم ورحمة الله وبركاته ...
من الممكن يكون هذا العنوان محير لمن مر عليه مرور الكرام ... ولكن من يقرأه سيفهم ما أريد قوله .. والله المستعان ..
موقفين حصلو امام عيني ... وفي كليهما استغربت ...
الموقف الأول :
مرة كنت في مكروباس .. مروح من الشغل ... لقيت راجل غلبان جدا ،باين من هدومه والملابس الرثه وشعره الطويل المنكوش والنظارة القديمة المتهالكة ذات العدسة السميكة مع كبر سنه فشعرت بدتخلي انه راجل غلبان يمكن يكون عايز يرووح وممعاهوش فلوس فهيستعطف السواق ليركبه بدون اجرة .. فقلت لو لقيته هيعمل كده هدفعله الاجرة ... وأجري عند الله .. ولكنه جلس بجواري وأخرج من جيبه نقود (75 قرش) ملفوفين على بعض وراح مديهم للسواق ... فتذكرت ساعتها قول الله {لا يسألون الناس إلحافا} ... وقلت راجل بيتعب ويشتغل ويشقى عشان عياله ،وحارم نفسه .. ربنا يكرمه ..
معدتش دقيقتين ...
ولقيته راح مطلع من نفس الجيب بتاع ال75 قرش القديمة .. علبة سجاير (ميريت) بتتباع بحوالي 7.5 جنيه (ده على آخر مرة سألت فيها على أسعار السجاير) ...
لا وإيه ... عمال يدخن وهوه أصلا مافيهوش نفس .. وحاطط السيجارة جوه العربية مع انه جنب الشباك ... وخنقنا بدخانه .. ولما تيجي تقول له اطفي السيجارة أوحتى طلعها برة الشباك .. تلاقيه اتعصب واتنرفز .. اكمن واحد أصغر منه ويمكن قد أحفاده بينصحه ... ولا حول ولا قوة إلا بالله العلي العظيم .
الموقف الثاني :
كنت في مشوار كده واحتجت اتصل بالتليفون .. فشفت كشك قريب .. رحت سألته : عندك تليفون ياكبتن ؟ قال لي : ايوة اتفضل يا بيه ..
فمسكت السماعة واتكلمت وانا باأتكلم .. جه واحد برده شكله فقير كادح جدا .. ممكن تسميه معدوم الدخل ... شايل قصعة أسمنت ومترب وحالته صعبة ... كان شكله كده بيشتغل في الفاعل (البنائين) ...
لقيته جه من جنبي وبيبص من تحت الرف بتاع الكشك ... في الاول افتكرته بيدور على حاجة ياكلها ... بس لقيته بيسأل البياع .... بكام ده قال له 9 جنيه ... قولت أكيد مش بسكوت ...
المهم خلصت المكالمة وبسبب حب الإستطلاع والفضول الموجودين عند أغلب الناس وعند المصريين بالذات .. بصيت ...
هوه الراجل ده بيبص على ايه ؟
أتاريه بيبص على شريط فيديو .. فيلم عربي .. أسمه امرأه وشيطان ...
وبعد فصال مع الراجل اشترى الفيلم ب9 جنيه ...
طب ده فيلم اسمه امرأه وشيطان
ناقص ايه تاني ؟؟
فدفعت ما كان علي من نقود لصاحب الكشك نظير مكالمتي التليفونية ... وإنصرفت .
ولكني أتسائل ؟؟؟
هل إذا قلت لشخص من هذه العينة ... تصدق لله بجنيه .. لا .. بنص جنيه .. هل سيوافق أم سيخرج لك بدل العذر ألف عذر ؟
بصراحة مش عارف .. لناس معاها وبتبخل على الله وعلى أنفسهم ... وناس مش معاها وبتبخل بس على الله ...
بينما كان أصحاب سيدنا محمد صلى الله عليه وسلم { يؤثرون على أنفسهم ولو كان بهم خصاصة} ...
قال تعالى :{ وإذا قيل له إتق الله أخذته العزة بالإثم}
وعجبي .
من الممكن يكون هذا العنوان محير لمن مر عليه مرور الكرام ... ولكن من يقرأه سيفهم ما أريد قوله .. والله المستعان ..
موقفين حصلو امام عيني ... وفي كليهما استغربت ...
الموقف الأول :
مرة كنت في مكروباس .. مروح من الشغل ... لقيت راجل غلبان جدا ،باين من هدومه والملابس الرثه وشعره الطويل المنكوش والنظارة القديمة المتهالكة ذات العدسة السميكة مع كبر سنه فشعرت بدتخلي انه راجل غلبان يمكن يكون عايز يرووح وممعاهوش فلوس فهيستعطف السواق ليركبه بدون اجرة .. فقلت لو لقيته هيعمل كده هدفعله الاجرة ... وأجري عند الله .. ولكنه جلس بجواري وأخرج من جيبه نقود (75 قرش) ملفوفين على بعض وراح مديهم للسواق ... فتذكرت ساعتها قول الله {لا يسألون الناس إلحافا} ... وقلت راجل بيتعب ويشتغل ويشقى عشان عياله ،وحارم نفسه .. ربنا يكرمه ..
معدتش دقيقتين ...
ولقيته راح مطلع من نفس الجيب بتاع ال75 قرش القديمة .. علبة سجاير (ميريت) بتتباع بحوالي 7.5 جنيه (ده على آخر مرة سألت فيها على أسعار السجاير) ...
لا وإيه ... عمال يدخن وهوه أصلا مافيهوش نفس .. وحاطط السيجارة جوه العربية مع انه جنب الشباك ... وخنقنا بدخانه .. ولما تيجي تقول له اطفي السيجارة أوحتى طلعها برة الشباك .. تلاقيه اتعصب واتنرفز .. اكمن واحد أصغر منه ويمكن قد أحفاده بينصحه ... ولا حول ولا قوة إلا بالله العلي العظيم .
الموقف الثاني :
كنت في مشوار كده واحتجت اتصل بالتليفون .. فشفت كشك قريب .. رحت سألته : عندك تليفون ياكبتن ؟ قال لي : ايوة اتفضل يا بيه ..
فمسكت السماعة واتكلمت وانا باأتكلم .. جه واحد برده شكله فقير كادح جدا .. ممكن تسميه معدوم الدخل ... شايل قصعة أسمنت ومترب وحالته صعبة ... كان شكله كده بيشتغل في الفاعل (البنائين) ...
لقيته جه من جنبي وبيبص من تحت الرف بتاع الكشك ... في الاول افتكرته بيدور على حاجة ياكلها ... بس لقيته بيسأل البياع .... بكام ده قال له 9 جنيه ... قولت أكيد مش بسكوت ...
المهم خلصت المكالمة وبسبب حب الإستطلاع والفضول الموجودين عند أغلب الناس وعند المصريين بالذات .. بصيت ...
هوه الراجل ده بيبص على ايه ؟
أتاريه بيبص على شريط فيديو .. فيلم عربي .. أسمه امرأه وشيطان ...
وبعد فصال مع الراجل اشترى الفيلم ب9 جنيه ...
طب ده فيلم اسمه امرأه وشيطان
ناقص ايه تاني ؟؟
فدفعت ما كان علي من نقود لصاحب الكشك نظير مكالمتي التليفونية ... وإنصرفت .
ولكني أتسائل ؟؟؟
هل إذا قلت لشخص من هذه العينة ... تصدق لله بجنيه .. لا .. بنص جنيه .. هل سيوافق أم سيخرج لك بدل العذر ألف عذر ؟
بصراحة مش عارف .. لناس معاها وبتبخل على الله وعلى أنفسهم ... وناس مش معاها وبتبخل بس على الله ...
بينما كان أصحاب سيدنا محمد صلى الله عليه وسلم { يؤثرون على أنفسهم ولو كان بهم خصاصة} ...
قال تعالى :{ وإذا قيل له إتق الله أخذته العزة بالإثم}
وعجبي .
تعليق