احنا فى وادى وهما فى وادى

[Gazarika]

من حوالي شهرين دخلت على الجروبات
اللى الموجوده فى الياهو وعملت سيرش عن الجروبات المهتمة
بالرسومات ثلاثية الابعاد وبرامج التصميم المختلفة وخاصة الثرى دي ماكس
واشتركت تقريبافى فى 5 جروبات وقلت هعيش
وهيوصلنى كل يوم بالميتين رسالة وهيبقى رزق بالهبل اشي مواقع واشي دروس
واشى نماذج جاهزة وهروح اطنطت على اخواتى فى المنابر بالكنوز اللى فى حوزتي
لكن كانت الصدمة قاسية
لأن فى ان اول اسبوع من الشهر ما وصلنيش ولا رسالة
قلت يمكن فى حاجة غلط فى الاشتراك
جددت الاشتراك واتأكدت تماما ان كل حاجة سليمة
بعدها بكام يوم لقيت رسالتين
واحدة فيها سؤال عن جزئية معينة فى الماكس
والتانية فيها الرد
انا قلت ياحلاوه بس كده
بعدين قلت ياواد اصبر شويه
بعد خمس ايام وصلنى اربع رسايل
اتنين فيهم سؤال
والاتنين التانين الجواب على السؤالين فى الرسالتين الى فاتو
الصراحة انا بدات اتعصب واقول يارب فين التصاميم فين الدروس فين الشغل الجامد
بس قلت اصبر
وعدى كمان اسبوع واتنين وشهر
والخمس جروبات ما جاليش منهم 10 رسايل على بعض
والغريب ان كل رسالة بتوصل بيكون فيها سؤال ولازم يوصل لى رسالة رد على السؤال
مما يدل على ان في متابعة وان الناس المشتركة فى الجروبات مش ناس مش مهتمه مثلا او حاجة
بس بينى وبينكوا
بدأت افهم ان الناس بره شغالة ومش بتتكلم كتير او والله مش بتتكلم خالص
ده هو يادوب سؤال وجواب
واللى يحرق دمك بقى يوم ما واحد تكرم وبعت تصميم له
كان هو ده التصميم


والصراحة ما بقتش عارف هو بعت التصميم علاشان يحسرنى مثلا
ولا عشان ايه
الصراحة ياجماعة انا حاسس اننا مش هنوصل للمستوى ده ابدا من التصميم
ما دمنا بنتكلم كتيييييييييييييييييييييييييير قوى
ياريت تردوا
او تعملوا حاجة بدل ما تردوا
ما هو الرد هيبقى كلام برده

[anaskassis]

اخي ياريت تعطينا روابط الجروبات

وشكرا

[حسام الدين]

معلش Gazarika ..

صحيح احنا بنتكلم كتير لكن لسنا بخلاء أبدا في توصيل المعلومة..

أما بالنسبة للإحتراف، فهو ليس بسبب أنهم أذكى منا ولكن لأنهم وجدوا مجال عمل واهتمام من خلال برامج الجرافيك..

[أثرم مان]

صحـ السانك حسام الدين

[omar77]

ايش يعني المميز في التصميم اللي هو عامله ؟!
سؤال برئ

[المايسترو]

العمل اللى انت عرضته ده مش مدهش للدرجة اللى انت متصورها
بسيط جدا مفيهوش حاجة
على كده انت لو زرت موقع deathfall او 3dtotal

ممكن يغمى عليك
الاجانب مش اذكى مننا ولا حاجة يعنى مثلا ممكن تجد واحد اجنبى مالوش فى الماكس مع ان بقاله فترة كبيرة شغال عليه وفى الوقت ذاته تجد مصمم عربى عالمى والامثلة كتير
لكن برضه الناس دى بتاخد دبلومات جرافيك على مستوى وفيه كليات متخصصة فى الجرافيك
والدورات بتبقى دورات بجد مش تروح لواحد يشرحلك القوائم ويقولك الف سلامة
وطبعا لابد من توفر الموهبة والقدرة على الابداع
الدورات مش كل حاجة هى تنمية للمهارات بس لازم يكون عندك الاول قدرات علشان تنميها

[Gazarika]

تفتكر يا مايسترو مشكلتنا بس فى الامكانيات ولا فى حاجة تانية
وتفتكر اننا عندنا عظمة شوية ولا ايه اصل فى ناس بتقولى ايه الابداع فى التصميم
ده ومتكبيرن علية مع انى ما شفتش عمل منهم فى نص كفائة العمل الاجنبي
اعتقد فى مشكلة كبييييييييييرة فينا محدش قادر يفهمها

[المايسترو]

تفتكر يا مايسترو مشكلتنا بس فى الامكانيات ولا فى حاجة تانية
وتفتكر اننا عندنا عظمة شوية ولا ايه اصل فى ناس بتقولى ايه الابداع فى التصميم
ده ومتكبيرن علية مع انى ما شفتش عمل منهم فى نص كفائة العمل الاجنبي
اعتقد فى مشكلة كبييييييييييرة فينا محدش قادر يفهمها

اقولك المشكلة ايه
المشكلة اننا دايما بنكبر الموضوع وبنصعبه على نفسنا
ولما واحد يقولك ان التصميم ده غير مبهر ده لأن فيه اعمال تانية ثرى دى ممكن تشوفها ماتفرقهاش عن الواقع
يعنى فيه اعمال ممكن اوريهالك هتخليك تحتقر العمل اللى عاجبك ده
حاول ماتعقدش نفسك وتبص للأعمال الاجنبية لأن ده بيبقى السبب فى فشل اى مصمم ثرى دى لأنه بيحس باليأس
وماتنساش ان الناس دى فى يوم من الايام كانت لسة حتى ماتعرفش يعنى ايه ماكس
لكن بالصبر ومع الوقت وصلوا للمستويات اللى بتشوفها

[Gazarika]

اقتنعت تماما يا مايسترو
بكلماتك البسيطة والقليله
جزاك الله كل خبر
ووفقك ووفقنا جميعا

[محمد حسين]

دعوة مفتوحة

صح كلامكم شباب..ولا تقلق Gazarika بمساعدة سوف نصل إلى أحسن من هذا...ومني لكم دعوة جميعآ لتبادل الخبرات يوميآ وإون لاين عن طريق التواصل الجماعي عن طريق دردشة فيدني وافيدك الجديدة..طبعآ الدردشة لسه مفتوحة من يومين والحمد لله تواصل بعض الأعضاء أمس وتبادلنا مجموعة ملفات ومقابس بيينا وهي وسيلة جيدة للتعارف وللتواصل مع الأخر وكذلك استفاد بعض المبتدئين في أسئلة على الماشي ..فقد دخل بعض الأعضاء ليسالع عن جزئية في المعادلات وأجاب على عضو أخر بحماس ولم يبخل عليه وغير ذلك أحد الأعضاء أرسل لي مجموعة كتب ..وعلى العموم بكون موجود يوميآ على الساعة 12 مساءآ بتوقيت السعودية حتى 4 صباحآ ولا مانع عندي لتبادل الخبرات وفتح باب الحوار الجماعي المفيد وسماع الاقتراحات والمهم في الفكرة هو تبادل المعلومة بغض النظر عن اي شيء..وأتمنى للجميع المشاركة.وبالتوفيق

دخول دردشة فيدني وافيدك

[mankash]

بس ياشباب انا ليا رأى انت مش لازم تكون بتشتغل على ماكس او مايا كويس جداً علشان تطلع عمل رائع المهم يكون عندك فكر وابداع وحس فنى دى كل العملية ده مجرد رأى وشكرا على المنتدى الرائع

[mankash]

انا لسة شايف التصميم دلوقتى هو من ناحية التصميم جيد جدا لكن الاكساء ماعتقدش عايز تعرف لية ادخل على الموقع بتاع اخوك العربى ده http://www.3dyk.com/ وهاتعرف انا قولت كدة لية

[maxya]

كلامك مضبوط يا شباب

ملاحظتي
ان الغرب بيبداو بالتخطيط قبل
بمعنى انهم قبل ما يتعلم البرنلمج لازم يكون عنده الادوات الازمة لنجاح الفكرة

مش مثلنا نسائل ايش اقوي برنامج ونروح نتعلمه قبل ما نشوف عيوبه او احتياجاته في الاخير نحترفه لكن
ما نبدع فيه

كمثال
واحد معاه سيارة بورش وغشيم سواقة لكن الطريق على طول ما فيه لفات
وانت معاك باص وفنان ومحترف وتعرف تسوي العاب بهلوانية بالسيارة

بس في سباق مين الي حيوصل الاول

طبعا البورش سريعة وخفيفة والغبي حيتعلم عليها

الباص ثقيل دم ولو تبي تركن ينقلب فيك


عشان كذا امنو لنفسسكم اجهزة (شبكة متكاملة من الاجهزة) وشوفو الي حييطلع منكم ايه

ليه ما نسال نفسنا ليه العرب الى بيهاجرو بيحترفو لان فيه اجهزة تواكب خيالهم وطموحاتهم
مو واحد يدخل الانتر نت ويقول انا جهازي يطفي كل ما شغلت الماكس


فلة



الله الموفق

[noxco]

you hit the mark EXACTLY

صحيح ....
ألمشكله لدينا هي كثرة الأنشغال في ال Plugins و المقارنات بين البرامج المختلفه .
لا أقصد الأساءة ‘ ولكن نرى بعض الأشخاص لدينا ينشرون أعمال ضعيفه جداً من حيث أساسيات و جماليات أل modeling و في نفس الوقت يتحدثون عن مواضيع متقدمه جداً مثل كيفية تحميل برامج إضافيه معقده .
ألبرنامج الأساسي قادر على كل الأعمال ، ولكن نحن لا نركز على " لماذا؟" بل نسعى وراء " كيف؟ " .
أنا أرغب في تبادل المعلومات معك ، لعلنا نتوصل إلى إنشاء اساس عملي جداً .

[badre]

السلام عليكم
أخي ادينا عناوين الجروبات و ان شاء الله حنمليها بكلمنا
بمزح
احنا ممكن نعمل ما لا يعمله الغرب عندنا طاقات
أتعلم أن الفرق بيننا و بينهم الوقت فقط هما عندهم وقت فاضي كثير احنا فينا الي يشتغل والي بيدرس
يعني ما فيش وقت كافي لتتمكن من البرنامج ولكن لنشاء الرحمان سنصل لما وصلو اليه بل سنتخطاهم وندهب أبعد منهم
لا لليأس