هل هذا عيب فى المصمم ؟

[elphnan]

السلام عليكم
كيف حالكم يا شباب
ان شاء الله تكونوا بخير
فيه موضوع شاغلنى جدا الايام ديه وهو ان النمذجة فى برامج الثرى دى معظم الاخوة بلاقيهم
عاملين شغل من حاجة واحده فقط كال Box او ال Plan
وبعد كده بيطلع شغله منها
فهل لو الواحد عمل نفس العمل بس متقطع هل هذا يعتبر خطاء
يعنى انه يعمل اكتر من حاجة يشتغل بيه بس فى الاخر تقريبا نفس النتيجة
منتظر اراءكم فى هذا الموضوع
اخوكم وليد

[noble911]

السلام عليكم
المشكلة اللي انت بتتطرحها جامدة قوي
و هي المتعلقة بالتكنيك (الطريقة اللي توصل بيها للنتيجة)


انا راي ان المهم انك توصل للنتيجة في اسرع وقت و في افضل كوالتي

المشكلة هنا حتكون حاجة
لما تيجي تتعلم البرنامج انت بتقلد و بتتعلم جزء من كل و هنا المشكلة لانك مش مستوعب حاجات تانية اختفت عنها لانك مجرد متابع للدرس
ده انا شفت دروس فيديو من غير صوت اصلا و عليك تتفرج و تقلد من غير ما تسأل
مش حتلاقي حد يقولك انا عملت الجزء ده علشان كذا و كذا او الرقم ده بيأثر علي كذا و كذا
شفت كام درس عربية او شخص كتيير جدا طبعا اللي شغال بولي و بدء ببوكس و اللي بدء ببلان و اللي شغال باتش و اللي شغال نيربس
او انت تايه و متحيير مابنهم كلهم
علشان كده المسألة محتاجة تجريب كتير و تمرين لانهائي و احتكاك مع ناس تانية

و مش حتلاقي مجموعة درووس منظمة اكتر من جنومن في المايا و في الماكس ليندا و مجموعة pc-lap العربية و مجموعة توتال بعد كده اتفسح براحتك مابين متاهات النت و المحترفين

فقد يكون الغرض من استخدام البوكس او البولي ابجيكت انه حيكون احسن في التحريك مثلا و ده يكون احسن من طرق تانية اسهل بس حتعمل مشاكل في الحركة بعد كده

ده المشكلة : عندك اسئلة كتيرة و مش لاقي اجابة
و كل اللي عليك انك تتبع الدرس بدون فهم

ده اللي بيخلينا نتعلم غلط او بالمقلوب و ما بنوصلش لاي حاجة في الاخر

انا احيانا اعاني من نفس المشكلة و مش بلاقي حل غير اربط الحمار مترح ما يحب صاحبه و فيين بعدها بفترة اكتشف من درس تاني ليه الاولاني عمل الحركة ديه

مشكلة كبيرة و تقريبا ملهاش غير حل واحد في راي هو ان تتعلم كتتير و بسرعة علشان مستواك العام يرتفع بسرعة و تبدي تلم الاجزاء مع بعضها علشان تفهم الكل

او حل تاني تاخد كورس بالاف علشان تتعلم صح او تلتحق بمدرسة جرافيك في بلاد الفرنجة المتقدمة اوي اوي في الحاجات دي

ارجو ا ن اكون وضحت الفكرة
و علي راي للي قال هات ايدك ده البحر غويط يا معلمي

[Artistic.M]

السلام عليكم
المشكلة اللي انت بتتطرحها جامدة قوي
و هي النتعلقة بالتكنيك
انا راي ان المهم انك توصل للنتيجة في اسرع وقت و في افضل كوالتي
المشكلة هنا حتكون حاجة
لما تيجي تتعلم البرنامج انت بتقلد و بتتعلم جزء من كل و هنا المشكلة لانك مش مستوعب حاجات تانية اختفت عنها لانك مجرد متابع للدرس
فقد يكون الغرض من استخدام البوكس او البولي ابجيكت انه حيكون احسن في التحريك مثلا
ده المشكلة عندك اسئلة كتيرة و مش لاقي اجابة
عليك ان تتبع الدرس بدون فهم
ده اللي بيخلينا نتعلم غلط او بالمقلوب و بنوصل لحاجة في الاخر
انا احيانا اعاني من نفس المشكلة و مش بلاقي حل غير اربط الحمار مترح ما يحب صاحبه و فيين بعدها بفترة اكتشف من درس تاني ليه الاولاني عمل الحركة ديه
مشكلة كبيرة و تقريبا ملهاش غير حل واحد في راي هو ان تتعلم كتتير و بسرعة علشان مستواك العام يرتفع بسرعة و تبدي تلم الاجزاء مع بعضها علشان تفهم الكل
ارجو ا ن اكون وضحت الفكرة
و علي راي للي قال هات ايدك ده البحر غويط يا معلم

لم افهم اي كلمة تقولها اخي نوبل
اتمنى ان تعيد صياغت كلامك باللغة العربية

[String]

كلام متين noble911
عندك حق فى كل كلمة

[noble911]

السلام عليكم
كده انت محتاج درس خصوصي
علي العموم
انا اعدت تنسيق الموضوع و صلحت الاخطاء الاملائية

[elphnan]

السلام عليكم
الف شكر للاخ نوبل فعلا معلومات جميلة جدا جدا
بس ممكن واحد من الاخوة يكون بيحب يعمل حاجة واحده ويبدأ فى اظهار الشكل منها بعد ذلك
من الممكن يكون الطريقة ديه اسهل وديه زى ما قال الاخ نوبل ان ممكن الطرق التانيه تأثر فى الحركة بعد ذلك
وانا متهيقلى ان الواحد يتقن واحد من طرق النمذجة فى المودلينج مثل البولى
بس هل البولى اقواهم ؟
منتظرين المزيد من الاراء
اخوكم وليد

[downs_mass]

هناك طريقتن أساسياتا في المذجه

1- النمذجه بمجسمات عديدة Multi-object Modeling



هذه الطريقه يمكنك فيها ان تستخدم كثر من مجسم لتصل الي الشكل النهائي

هذه الطريقه مميزة في المياني ( لانك بتنسخ الاعمده والحوائط اكثر من مره ) .............. ومثلا لو هتعمل روبوت .............. وهذه الطريقه اسهل واسرع الي حد كبير .


2- النمذجه بمجسم واحد Object Modeling


باستخدام Polygon او Nurbsاو Subdevision............... وهي الاصعب وتحتاج مهارة واحترافيه اكثر لانك بتبدا من مجسم وحد وتحتاج نحته ............... ومتقن هذه الطريقه تعطيه ميزة تحويل اي شئ لأي شئ غالبا

تستخدم هذه الطريقه اكثر في حال وجود تفاصيل كبيره ( ملامح - تشرخات ) ولذا فهي تستخدم في الشخصيات ......... او المنحوتات ..........

بالتوفيق ........

[elphnan]

السلام عليكم
ما شاء الله اخى حسام انت كده جبت من الاخر
فعلا الواحد كان محتاج تحديد اكتر زى الى انت قلته
الف شكر فعلا
ولو فيه حد من الاعضاء عنده معلومات تانى ميبخلش علينا
اخوكم وليد

[String]

ياسلام عليك ياحسام والله انت باشا
انا من كلامك جاتلى فكرة حلوة ...............اقولك عليها بعدين ............

[downs_mass]

الله يكرمكم يا شباب