توقع الموضوع -3- المايا نحس

[downs_mass]

توقع الموضوع - 2 كان بعنوان الصلااة علي انغام روبي وكان عن صدور النغمات اثناء الصلاة
________________________________________________________

الان نأتي لموضوع - المايا نحس

من يتوقع الموضوع اعتمادا علي العنوان

[ahmed123]

مش معقول ياحس يكون المايا نحس ....المحروق قصدي البروسيسور المرحوم بتاعك اكيد هوه اللي عمره الإفتراضي انتهى

[Ahmed012]

حرق غير طبيعي للجهاز أثناء العمل على مايا وخصوصا في مرحله الرندر
صح ؟

[downs_mass]

المشكله مش عندي لوحدي

لكن في ناس كثيره اول ما يبتدئ مع مايا تجده يتعب في السيت اب او اي مشكله اخري تجعله يكره المايا

طريق المايا ملئئ بالأشواك لكن في اخره كنز

[ahmed123]

مع اني متعبتش خالص في السيت اب ... يمكن قصدك الكراك .. المشكلة الحقيقية في المايا انك ما تلاقيش حد يقولك دي بتتعمل كده (فتقعد تلف حوالين نفسك لغاية ما تتجنن) .. فلازم تدور بنفسك أو تكون محظوظ و تلاقي حد و يقولهالك

[حسام الدين]

الماكس حبيب الشعب

[downs_mass]

شئ اخر .......... هو ان المايا يحتاج جهاز قوي الي حد ما

ولان اغلب المتعافرين مع المايا من ذوي الاجهزة الضعيفه

فانه تحدث معهم مشاكل

ويقلك المايا لا يعمل

من هنا يعتقد البعض ان المايا نحس

[WALEEDSS]

بص ياسيدي من الاخر المايا دهالييييييييييز وحوارات مينفعش فيه زنق الراس زي ماكس
مايا اسد لو عرفت تروضه تبقا باشا انما لو معرفتش هاياكلك

بالنسبه للجهاز ودي حقيقه ان رندر المايا يعمل من الدوس عشان كده بيشل الجهاز لما ترندر وعشان هوا اسد بيخلي البريسوسور يرتعد عشان يلبي رغباته فالنتيجه بيموت بالسكه القبليه

انا في الشركه جابولي جهاز ديل على البروسيسور مبرد يعمل بسائل يشبه مبرد المحرك لما ارندر عليه بمايا المبرد دا بيطرد هواء كانه من فرن ساعتها اشفقت على جهازي في البيت ابو مروحة ب 12 جنيه وعرفت انه هايرقد قريب ربنا يستر عليه

[ahmed123]

بص ياسيدي من الاخر المايا دهالييييييييييز وحوارات

عشان كده كنت بقول المشكلة في انك تلاقي حد يديك الخلاصة و ده ما بيحصلشي يعني فيه طرق و بدائل كتير لتقليل وقت الرندر و عمل الأشياء ليست بالطريقة الإعتيادية او الطريقة التي قد يتخيلها العقل
ومشكلة الرندر مش عندنا بس عشان كده بقول اكيد الحلول موجودة و الدليل ان الغرب بيطلع و بينتج ...
بس المشكلة عشان نعرفها لازم ندور و نجرب ونعرف المعلومات منهم و كل ده وقت و حمل عليك ..... و ممكن بدل ما كنت خايف على بروسيسور الجهاز تلاقي بروسيسور مخك هوه اللي اتحرق :d

[subdevil]

كذبة ابريل
..........................

[خالد امين]

لاحول ولا قوة الا بالله
المنتدى اتحول يا رجاله

[Ahmed012]

إزيك يا وليد باشا أخبارك إيه؟
تعرف انا كمان شفت جهاز عليه زي الريداتير ده بس إنت عارف كان تكلفته كام
انا مش هقول لكن تخيل معايا وحده الcpu كده
حاجه بسم الله ماشاء الله طول بعرض بإرتفاع وأربع مراوح شفط ومروحتين طرد
ووالله كنا شغالين عليه في البروجكت بتاعنا في عز الشتا وكنا بندفي إيدينا في الهوا الي طالع منه
سرعه قليل عليها كلمه خياليه
أعطال معدومه تماما
يعني الجهاز ماهنجش ولا صفر ولا قام رقص زي عم رضا (جهازي الحبيب)

[Emirates]

والله يا جماعة كلام بعض الأخوة في مكانه .... يعني الجهاز له دور كبير في الاداء وسرعة الانجاز

لانه يمكن بعض الاحيان عند مستخدمي برنامج مثل برنامج المايا يقولك انه في شغلة معينة مش راضية تضبط معاي والمسكين يكون مش عارف انه الجهاز في الأساس هو الي مش ضابط مع البرنامج ؟!!!

وانا مثلاً وبسبب طبيعة الجو الحار معنا وكذلك بعض اعمال الفيديو استخدم جهاز عليه خمس مراوح وبثلاث سرعات مختلفة ( حسب درجة الحرارة ) ومع هذا كله لما اعمل رندر لعمل معين على المايا اشوف انه الموضوع ما يأخذ وقت كثير بس لما مثلاً اعمل رندر لشغل فيديو وخاصة إذا تجاوزت الفريمات أكثر من ساعة اقول يا ريت لو كان الجهاز عندي 4 بروسيسر بدل 2 ؟!!

وانا نصيحتي للأخوة انهم ما يستخدموا كمبيوترات التجميع ويفضل استخدام اجهزة أصلية من منتج واحد بمعني من منتج شركة واحدة أو على الأقل جهاز تجميع ولكن المكونات تكون أصلية وبماصفات جيدة حتى وان كان السعر ضعف سعر التجميع العادي وانا اقولكم ليه بس ..

لو الواحد فينا اشترا كمبيوتر تجميع بمواصفات متوسطة وبنصف سعر الجهاز المنتج من قبل شركة محترمة ذو نفس المواصفات في الجهاز الأخر --- رايح بعد سنة تقريباً يغير فيه ( جهاز التجميع العادي ) ورايح يستبدل بعض القطع في الجهاز ولو حسبناها على سنتين واكثر رايح نشوف انه السعر تعدا سعر الجهاز الأصلي الذي تخلا عنه في البداية بسبب سعره مع ان الجهاز الأصلي ربع قيمته تقريباً هي تكلفة النسخة الأصلية البروفشنال للوندوز والضمان !

طيب ليه ما انا اختصر على نفسي واشتري جهاز من شركة محترمة مثل Dell او HP أو .... الخ ،، مع مراعاة المحافظة على درجة الحرارة بالمكتب بحيث انها ما تكون عالية بالإضافة إلى خلع الغطاء الإمامي للجهاز لسحب اكبر قدر من الهواء عن طريق المراوح الإمامية وخاصة عند عمل مشروع معين يكلف الكثير من الجهد على البروسيسر ؟!!

وبالتالي رايح يضل الجهاز لمدة اربع سنوات او اكثر بدون ان يتغير الاداء وسرعة الانجاز

ونصيحة اخرى احب اقولها --- يفضل تحويل عمل الانترنت والمواقع وما شابه على جهاز ثاني وأي كلام إن شاءالله حتى لو 500 جنيه وترك جهاز الجرافيكس والفيديو فقط لهذه الأعمال دون سواها

ولا ننسا هنا طبعاً النظام المستخدم ---- يعني كثير من الأخوة بيشتكوا من انهيار النظام في ذروة العمل أو الرندر ؟!!!! طيب يا أخي ما هو أنت لا تنسا بأنك تستخدم نظام ونودز مثلاً غير أصلى لانه جهازك تجميع وما تكون مرفقة معه النسخة الأصلية من الوندوز ---ورايح بعد كل هذا يقولك ان النظام ماله دخل بالموضوع -- وانا اقول له جرب استخدام النسخة الأصلية على جهازك وبعد كذا احكم بنفسك !!

وباختصار وقبل الختام أتمنى من بعض الأخوة انهم يحسبوها صح ==== 1000 جنيه ادفعها خلال سنة واحدة مع الخوض في مشاكل النظام والجهاز وغيره أو 4000 جنيه مثلاً ادفعها خلال اربع سنوات وانا مرتاح من الشغل وبدون مشاكل مع المحافظة على وقت الانجاز لان الوقت هو أهم شيء في هذا المجال ؟!

طبعاً الاختيار في النهاية لك

والسلام عليكم