صفحة 1 من 2 12 أخيرأخير
النتائج المعروضة من 1 الى 20 من مجموع 33

موضوع: فلسفة حمــار

ردود: 33 | زيارات: 3072
  1. #1
    عضو فعال
    تاريخ التسجيل
    Jan 2003
    المنطقة
    MiDDlE Of NoWhErE
    ردود
    219

    Thumbs up فلسفة حمــار

    عجبي عليك يا إبن ادم يا كبير الدار
    قومت الدنيا و ما قعدت لما قالو حمار
    هوه اسمي ده شتيمة ولا جنسي ده عار
    خلقني ربي و خلقك ولاحدش له خيار
    و انا مهما زاد الحمل فوقي صابر على المشوار
    لا في يوم اقول اشمعنى اخويا واخد منه تار
    ولا يوم ابص لرزق غيري و أطق منه و أغار
    و لا أرفع في يوم عيني على جارتي و أصون الجار
    ولا مهر ادفع لحمارتي و شبكة و سوار
    ولا شقة اجمع في تمنها ولا اجهز دار
    و لا حرمي حامل تتوحم عايزه الكافيار
    ولا بنت تخرج عن طوعي و تجيب العار
    ولا إبن يدمن و يهلوس و يقع و ينهار
    عايش في حالي متهني وليه أفكار ؟
    باكل باشرب و انهق و مافيش أسرار
    وعندي إبن آدم يخدمني ليل و نهار
    إن جعت يشتري برسيمي بأغلى الأسعار
    و في مرضي يفضل يعالجني و يدعي الستار
    خادم أمين من غير راتب و لا حتى ايجار
    و دلوقتي عرفت يا بني آدم ...
    مين فينا حمــــار ؟؟؟

    منقول

    ملاحظة : قل يا ستير ولا تقل يا ستار


  2. #2
    حُـــس
    صور رمزية downs_mass
    تاريخ التسجيل
    Feb 2004
    المنطقة
    أينما ذكر اسم الله في بلد.. عددت ذاك الحمي من صُلب اوطاني
    العمر
    36
    ردود
    7,612
    حلوه مين كتبها ؟

    لذيذه
    وما فتىءَ الزمان يدورحتى
    مضى بالمجدِ قومٌ أخرونَ
    وأصبح لا يُرى في الركب قومي

    وقد عاشو أئمته سنينَ
    وآلمني وآلم كل حرٍ
    سؤال الدهر أين المسلمينَ ?

    اذا لم تجد ما تحب فحب ما تجد

  3. #3
    عضو فعال
    تاريخ التسجيل
    Jan 2003
    المنطقة
    MiDDlE Of NoWhErE
    ردود
    219
    مش عارف يا حس بس هيه اتبعتتلي صورة في الميل بقالها سنه أو اتنين

    بس اكيد اللي كاتبها بني ادم مش حمار

  4. #4
    Registered User
    صور رمزية Ahmed012
    تاريخ التسجيل
    Nov 2004
    المنطقة
    Cairo, Egypt, Egypt
    العمر
    32
    ردود
    2,173
    برضه الحمار هيفضل حمار
    إيه يعني حياتك من غير أسرار
    مفضوح دايما على الملأ والكل عارف الأخبار
    إزاي تعيش بقى من غير خصوصية أو ستار
    ياحمار العقل زينه لازم تفكر بيه في أفكار
    العقل ده عند البني آدم اللي إنت بتكلمه بإستهتار
    ربنا ماخلقلقش مثله وخللاك كده حمار
    برسيمك على البني آدم اللي بيزرعه ليل نهار
    وإن كنت بتساعده بمزاجه يعني مضطر ومن غير إيجار
    هاتشيل حاجته وإنت ساكت مفيش قدامك خيار
    ويوم ماتعند وتنهق تلاقي العصاية والأحجار
    هتنضرب وترفص بزمتك ده مش عار ؟
    لازم بني آدم يسوقك من غيره هتعيش محتار
    ده ربنا خلقك لخدمته مش علشان تقارن بينك وبينه وتختار
    شوفتم بقى إن الحمار هيفضل حمار ؟

  5. #5
    Registered User
    صور رمزية Ahmed012
    تاريخ التسجيل
    Nov 2004
    المنطقة
    Cairo, Egypt, Egypt
    العمر
    32
    ردود
    2,173
    معلش ياجماعه بس أنا فجأه لقيتني بكتبها كده
    ماكانش قدامي خيار

  6. #6
    عضو فعال
    تاريخ التسجيل
    Jan 2003
    المنطقة
    MiDDlE Of NoWhErE
    ردود
    219
    حلوة بس ماكانشي ادامك خيار ؟؟؟ و لا كوسة ولا حتى اي خضار ...
    ولا يهمك بس لو فكرت كويس هتعرف مين اللي فعلا مرتاح و مين فيهم اللي حمار ....

    دي نعمة من عند الكريم الغفار
    انه سخرلك الحيوانات يا أبو افكار
    و من غير النعمة دي كنت ادست بالحفار
    و ما تنساش انها السبب في تطورك يا أبو افكار
    من غيرهم لا كنت وصلت للماكينة و لا للبخار
    ومن غيرها لا كنت زرعت و لا قلعت و فضلت إنسان الغار
    تاكل من الشجر زيك زي اي حمار
    كبيرك كنت عملت حربة او سكين من الأحجار
    ما ضيعشي بني ادم غير انه خد النعمة بإستهتار
    و إتكبر على رب العالمين الحليم الستار
    و فضل يعصي و يرتكب الجرايم و كان السبب في الدمار
    يوم الحساب لما تقابل الواحد القهار
    هتتحاسب على اللي كل اللي عملتو في دنيا البوار
    وساعتها بس هتتمنى انك لو كنت حمار

  7. #7
    Registered User
    صور رمزية Ahmed012
    تاريخ التسجيل
    Nov 2004
    المنطقة
    Cairo, Egypt, Egypt
    العمر
    32
    ردود
    2,173

    Talking

    أعترف بأني مجرد بني آدم خلقني الله العظيم القهار
    وكرمني على سائر خلقه اللي منهم الحمار
    ووهبني العقل والقدره على إني أصنع الأفكار
    وحماني من كل شر ومنع عني كل الأخطار
    مانكرش فضل الحمار على أجدادي اللي ساعدهم في حمل الأسفار
    أجدادي وأجدادك اللي بدأو الفكر بعمل سكين من الأحجار
    وفضل الحمار مساندهم لغايه ما إكتشفوا البخار
    وشويه شوية إتقدموا لغايه ما إخترعوا القطار
    فلقوه ملوث للبيئه وكل يوم عامل غبار
    فقالوا نبتكر حاجه جديده وقد تنوعت الأخبار
    عملوا بعدها السياره ووصل الأمر لمطار
    وفي الفضاء دلوقتي حول الأرض أقمار
    وبدون ترتيب أو إنذار
    كل ده كان في صالح الحمار
    الناس بدأت تريحه وتسيبة يرعى من غير قرار
    لعب الشيطان في دماغه وقاله ياللا إعمل شرار
    هزأ بني آدم وإنسب عليه العار
    خللي كلامك قنبله تعمل للناس إنفجار
    فكرهم باللي هما فيه من تفكك وإنشطار
    وحاول على قد ماتقدر تعمل للناس إنهيار
    أنا قولت أرد عليه قبل مايعمل فيها زنهار
    يابني آدم إصحى إنت اللي خلقك جبار
    ركز في مستقبلك إنت أحسن من ألف حمار
    لو أحوالك واقفه صللحها ولو هتحارب لأجلها التتار
    وقوم إستغفر ربك دا ربنا هو الغفار
    والحسنه بإذن الله تلاقيها ولو طالت الأعمار
    أهم حاجه تكون متفائل وماتسمعش كلام الحمار.....




    عندي محاضره كمان ساعات ولسه ما ذاكرتش
    يالا العار..........................

  8. #8
    عضو فعال
    تاريخ التسجيل
    Jan 2003
    المنطقة
    MiDDlE Of NoWhErE
    ردود
    219

    Talking

    هاهاهاهاها حلوة يا ابو حميد

  9. #9
    Registered User
    صور رمزية Ahmed012
    تاريخ التسجيل
    Nov 2004
    المنطقة
    Cairo, Egypt, Egypt
    العمر
    32
    ردود
    2,173

    Talking

    أيييييييييييي خدمه


    وفي الإنتظار

  10. #10
    هههههههههههههه
    ما شاء عليكم ياشباب
    الكلام على الحمير إحلو معاكم
    أبواسلام.
    كثر المتساهلون فى الدين ، فظهر الملتزمون بصورة المتشددين ، فعلى الملتزمين إختيار الأسلوب الصحيح لتوصيل صحيح الدين لغيرهم باللطف واللين0
    رابطة الجرافيك الدعوى


  11. #11
    عضو فعال
    تاريخ التسجيل
    Jan 2003
    المنطقة
    MiDDlE Of NoWhErE
    ردود
    219

    Talking


    هوه اللي يقول رأيه تشبهوه بالتتار
    اما عجيبة امرك يا بني ادم دانتا عيك شوية افكار
    قعدت تقولي اني شرير و اني منك بغار
    بقه لما اقول رايي تمنعني وبعقلك قولت ده ليك احتكار
    وفاكر بالكلمتين بتوعك انك حطتلي العقدة في المنشار
    ولا انك دقيت في الحقيقة مسمار
    مسمار الألم و الحيرة و الخيانة و الإنكسار
    تعالي نعيد الحقايق ونشوف مين أبو الأفكار الشرار

    الإنسان للي الله الواحد القهار
    ميزه عن باقي الكائنات باالعقل و الأفكار
    بص ولا حظ حقيقته على المدار
    من أيام قابيل و هابيل أخوه البار
    ولغاية يومنا ده بتاع الصاروخ و الذره والأقمار
    بدل ما كنتو ركزتو في البنا و الإعمار
    نشرتو الفساد و حققتو الدمار
    و لوثتو االدنيا بالكيماويات و بالهرمونات سممتوالإبقار
    و الطبيعة الأمانة لوثتوها و العيشة بقت مرار
    يا اخي سيبني اتكلم ده الكل من عمايلكو دمه غلى وفار

    من اصغرحشرة لحد التور اللي منكم خار
    الإنسان ما بقاش بني ادم بقه حيوان جزار
    يضرب اخوه و يهجم على دول الجوار
    يقتل اخوه و كل اللي حوليه بدعوى الإستعمار
    أو يقهر اخوه و يحبسه و يبني حوليه اسوار


    و العلم ما استفدتوش بيه و لا حتى الذرة و الإنشطار
    و عملتو القنابل بأنواعها النووية و الهيدروجينية و بص لهيروشيما والإنفجار
    و قلتو كله في سيبل المعرفة و الإبتكار
    وا تذرعتو بالعلم و عملتوه لشركو ستار
    وكلها في الأخر ادوات حرب ووسائل للدمار
    فالخراب بقه ليكو عنوان و القتل بقه شعار

    الإنسان ده خطر ملوش غير الضرر و الضرار
    و حتى إبليس في شركو و في مرض عقولكو إحتار
    خيانة و قتل وشوف ايه حصل لسنمار
    الإنسان في الدنيا دي عابر مار
    مش هيتخلد فيه امال كانت ليه بوار
    و الأخره هيه المستقر و هي الدار
    سواء كانت جنه او كانت نار
    نار و و ضلمة و صديد و قار
    عشان تفهمو و تتقو و تعملو ليوم مافيهوش فرار
    من الحقيقة و من اللي عملته ايدكو من خراب و دمار
    و ياريتها كانت جت على تلوث القطار
    ولا حتى شوية الدوشة و الغبار
    بس نهاية الأرض و نهايتنا هتكون على أيد اللي مفروض يعمرها مش يخليها قفار


    ومعلش بقه اروح اغسل وشي في هذا اليوم الحار
    أخر تعديل بواسطة ahmed123 في 11 / 04 / 2005 الساعة 04:11 PM

  12. #12
    عضو فعال
    تاريخ التسجيل
    Jan 2003
    المنطقة
    MiDDlE Of NoWhErE
    ردود
    219
    اقتباس الموضوع الأصلي كتب بواسطة أبواسلام
    هههههههههههههه
    ما شاء عليكم ياشباب
    الكلام على الحمير إحلو معاكم
    هاق هااق هاااق

  13. #13
    عضو متميز
    صور رمزية emas
    تاريخ التسجيل
    Nov 2003
    ردود
    3,543
    الحمار ده سيفصلوه من مجمع الحمير لانه ابتدى يفهم
    _____________
    EMADSOUND

  14. #14
    عضو فعال
    تاريخ التسجيل
    Jan 2003
    المنطقة
    MiDDlE Of NoWhErE
    ردود
    219
    حمد الله على السلامة يا أستاذ عماد و نورت الإسطبل

  15. #15
    عضو متميز
    صور رمزية emas
    تاريخ التسجيل
    Nov 2003
    ردود
    3,543
    الاسطبل منور باهله شكرك
    _____________
    EMADSOUND

  16. #16
    Registered User
    صور رمزية Ahmed012
    تاريخ التسجيل
    Nov 2004
    المنطقة
    Cairo, Egypt, Egypt
    العمر
    32
    ردود
    2,173
    مش كل الناس شريره ومش كل الناس لهم وقار
    في واقع دنيا البشر نقائض زي مافي دنيا الحمار
    ماتنكرش إنك بتاكل برسيمك وبتتحسر على أكل أخوك في الجوار
    وإن ما كنتش بتتحسر ماتضمنش في دماغه إيه الحوار
    زي مافي بلاوي في البشر زي المغول والتتار
    أكيد في بلاوي كتيره في دنيا وعالم الحمار
    برغم إن الغرض من خلقتنا هي عبادته وحده القهار
    لكن في النهايه إتضح إن أهل إبليس كلهم شطار
    قدروا يضحكوا على البشر ويخلوهم لعبه بزرار
    وأخيرا و قد إتضح قدروا يضحكوا على الحمار
    يمكن ماليش نصيب هنا ولازم أمشي في الأرض دوار
    أصرخ وأزعق وأقول يا أهل الأرض كفايه دمار
    كفايه حروب مالهاش هدف غير نشر كل آلام ومرار
    كفايه على الناس العرب قرن كامل في إستعمار
    إبدأو حياه جديده كلها حب وجمال وخضار
    حياه يعيشها كل الناس والحيوانات على نفس الغرار
    ياحمار كلك خير وانا كنت فاكرك عايز شرار
    ضم صوتك لصوتي لكن ماتنساش إنك إنت الحمار..........




    انا لسه راجع من بره وكل هدومي تراب وغبار.....
    أخش أستحمى وأرجع آخدلي قرصين فوار........

  17. #17
    عضو فعال
    تاريخ التسجيل
    Jan 2003
    المنطقة
    MiDDlE Of NoWhErE
    ردود
    219

    Talking

    اكيد الحمار معاك يا أبو حميد و لما نعرف رده .
    ____________
    ومع النشرة الجوية
    وبعد ما بني ادم لوث الطبيعة وصرف في الأنهار
    و مع التلوث بأنواعه و زيادة الجو الحار
    ومع الرصاص المنتشرفي الجو و حموضة الأمطار
    و مع ندرة المياه العذبة وجفاف الأبار
    تيقن العلماء من جفاف المحيطات و كل البحار
    و مع احدث الصور المأخوذة من الأقمار
    اتضح ان الأرض اصبحت خالية من لون الخضار
    لتصبح كوكب االرمل و الصحاري القفار

  18. #18
    عضو فعال
    تاريخ التسجيل
    Jan 2003
    المنطقة
    MiDDlE Of NoWhErE
    ردود
    219

    Unhappy

    الحمار مات بجرعة برسيم زيادة ملوثة بأحد الكيماويات إياها و تحقيقات المفتش الجحش الأولية بتشير إن الجريمة تمت بفعل فاعل و سيتم إجراء مراسم الجنازة و العزاء في الإسطبل ولا عزاء للإتان .

  19. #19
    Registered User
    صور رمزية Ahmed012
    تاريخ التسجيل
    Nov 2004
    المنطقة
    Cairo, Egypt, Egypt
    العمر
    32
    ردود
    2,173
    ياحول الله يارب
    أشكي لمين وأحكي لمين على حالي
    أمشي وحيد حزينا على حماري
    يارب توب علينا بقى من أي كيماوي
    الواحد بقى مرعوب مايعرفش مين التالي

  20. #20
    يا ابن ادم لا تتكلم على العقل ** لانه بالاخر لك دمار
    شوف كيف من سكين لصاروخ ** ويش بحال الدنيا صار
    دم بدم وانت بنفسك تعبان **اصبحت تشتغل اكثر من الحمار
    حامل جهازك مفكر نفسك ابو الافكار ** والحقيقه انك من ورى الشاشه منهار
    يوم كنت خادمك كان حالك افضل ** اليوم تطورت وصار عندك امراض
    ارجع لحالك افضلك من هالحال ** لانه طبقه الاوزون ما لها قرار
    او خليك اصلا ما لك بهالدنيا قرار ** اخدم اسيادك مكاني ولا تسال على الي صار

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل