Unconfigured Ad Widget

تقليص

إعـــــــلان

تقليص
لا يوجد إعلان حتى الآن.

فلسفة حمــار

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • فلسفة حمــار

    عجبي عليك يا إبن ادم يا كبير الدار
    قومت الدنيا و ما قعدت لما قالو حمار
    هوه اسمي ده شتيمة ولا جنسي ده عار
    خلقني ربي و خلقك ولاحدش له خيار
    و انا مهما زاد الحمل فوقي صابر على المشوار
    لا في يوم اقول اشمعنى اخويا واخد منه تار
    ولا يوم ابص لرزق غيري و أطق منه و أغار
    و لا أرفع في يوم عيني على جارتي و أصون الجار
    ولا مهر ادفع لحمارتي و شبكة و سوار
    ولا شقة اجمع في تمنها ولا اجهز دار
    و لا حرمي حامل تتوحم عايزه الكافيار
    ولا بنت تخرج عن طوعي و تجيب العار
    ولا إبن يدمن و يهلوس و يقع و ينهار
    عايش في حالي متهني وليه أفكار ؟
    باكل باشرب و انهق و مافيش أسرار
    وعندي إبن آدم يخدمني ليل و نهار
    إن جعت يشتري برسيمي بأغلى الأسعار
    و في مرضي يفضل يعالجني و يدعي الستار
    خادم أمين من غير راتب و لا حتى ايجار
    و دلوقتي عرفت يا بني آدم ...
    مين فينا حمــــار ؟؟؟

    منقول

    ملاحظة : قل يا ستير ولا تقل يا ستار

  • #2
    حلوه مين كتبها ؟

    لذيذه
    وما فتىءَ الزمان يدورحتى
    مضى بالمجدِ قومٌ أخرونَ
    وأصبح لا يُرى في الركب قومي

    وقد عاشو أئمته سنينَ
    وآلمني وآلم كل حرٍ
    سؤال الدهر أين المسلمينَ ?

    اذا لم تجد ما تحب فحب ما تجد

    تعليق


    • #3
      مش عارف يا حس بس هيه اتبعتتلي صورة في الميل بقالها سنه أو اتنين

      بس اكيد اللي كاتبها بني ادم مش حمار

      تعليق


      • #4
        برضه الحمار هيفضل حمار
        إيه يعني حياتك من غير أسرار
        مفضوح دايما على الملأ والكل عارف الأخبار
        إزاي تعيش بقى من غير خصوصية أو ستار
        ياحمار العقل زينه لازم تفكر بيه في أفكار
        العقل ده عند البني آدم اللي إنت بتكلمه بإستهتار
        ربنا ماخلقلقش مثله وخللاك كده حمار
        برسيمك على البني آدم اللي بيزرعه ليل نهار
        وإن كنت بتساعده بمزاجه يعني مضطر ومن غير إيجار
        هاتشيل حاجته وإنت ساكت مفيش قدامك خيار
        ويوم ماتعند وتنهق تلاقي العصاية والأحجار
        هتنضرب وترفص بزمتك ده مش عار ؟
        لازم بني آدم يسوقك من غيره هتعيش محتار
        ده ربنا خلقك لخدمته مش علشان تقارن بينك وبينه وتختار
        شوفتم بقى إن الحمار هيفضل حمار ؟

        تعليق


        • #5
          معلش ياجماعه بس أنا فجأه لقيتني بكتبها كده
          ماكانش قدامي خيار

          تعليق


          • #6
            حلوة بس ماكانشي ادامك خيار ؟؟؟ و لا كوسة ولا حتى اي خضار ...
            ولا يهمك بس لو فكرت كويس هتعرف مين اللي فعلا مرتاح و مين فيهم اللي حمار ....

            دي نعمة من عند الكريم الغفار
            انه سخرلك الحيوانات يا أبو افكار
            و من غير النعمة دي كنت ادست بالحفار
            و ما تنساش انها السبب في تطورك يا أبو افكار
            من غيرهم لا كنت وصلت للماكينة و لا للبخار
            ومن غيرها لا كنت زرعت و لا قلعت و فضلت إنسان الغار
            تاكل من الشجر زيك زي اي حمار
            كبيرك كنت عملت حربة او سكين من الأحجار
            ما ضيعشي بني ادم غير انه خد النعمة بإستهتار
            و إتكبر على رب العالمين الحليم الستار
            و فضل يعصي و يرتكب الجرايم و كان السبب في الدمار
            يوم الحساب لما تقابل الواحد القهار
            هتتحاسب على اللي كل اللي عملتو في دنيا البوار
            وساعتها بس هتتمنى انك لو كنت حمار

            تعليق


            • #7
              أعترف بأني مجرد بني آدم خلقني الله العظيم القهار
              وكرمني على سائر خلقه اللي منهم الحمار
              ووهبني العقل والقدره على إني أصنع الأفكار
              وحماني من كل شر ومنع عني كل الأخطار
              مانكرش فضل الحمار على أجدادي اللي ساعدهم في حمل الأسفار
              أجدادي وأجدادك اللي بدأو الفكر بعمل سكين من الأحجار
              وفضل الحمار مساندهم لغايه ما إكتشفوا البخار
              وشويه شوية إتقدموا لغايه ما إخترعوا القطار
              فلقوه ملوث للبيئه وكل يوم عامل غبار
              فقالوا نبتكر حاجه جديده وقد تنوعت الأخبار
              عملوا بعدها السياره ووصل الأمر لمطار
              وفي الفضاء دلوقتي حول الأرض أقمار
              وبدون ترتيب أو إنذار
              كل ده كان في صالح الحمار
              الناس بدأت تريحه وتسيبة يرعى من غير قرار
              لعب الشيطان في دماغه وقاله ياللا إعمل شرار
              هزأ بني آدم وإنسب عليه العار
              خللي كلامك قنبله تعمل للناس إنفجار
              فكرهم باللي هما فيه من تفكك وإنشطار
              وحاول على قد ماتقدر تعمل للناس إنهيار
              أنا قولت أرد عليه قبل مايعمل فيها زنهار
              يابني آدم إصحى إنت اللي خلقك جبار
              ركز في مستقبلك إنت أحسن من ألف حمار
              لو أحوالك واقفه صللحها ولو هتحارب لأجلها التتار
              وقوم إستغفر ربك دا ربنا هو الغفار
              والحسنه بإذن الله تلاقيها ولو طالت الأعمار
              أهم حاجه تكون متفائل وماتسمعش كلام الحمار.....




              عندي محاضره كمان ساعات ولسه ما ذاكرتش
              يالا العار..........................

              تعليق


              • #8
                هاهاهاهاها حلوة يا ابو حميد

                تعليق


                • #9
                  أيييييييييييي خدمه


                  وفي الإنتظار

                  تعليق


                  • #10
                    هههههههههههههه
                    ما شاء عليكم ياشباب
                    الكلام على الحمير إحلو معاكم
                    أبواسلام.
                    كثر المتساهلون فى الدين ، فظهر الملتزمون بصورة المتشددين ، فعلى الملتزمين إختيار الأسلوب الصحيح لتوصيل صحيح الدين لغيرهم باللطف واللين0
                    رابطة الجرافيك الدعوى

                    تعليق


                    • #11

                      هوه اللي يقول رأيه تشبهوه بالتتار
                      اما عجيبة امرك يا بني ادم دانتا عيك شوية افكار
                      قعدت تقولي اني شرير و اني منك بغار
                      بقه لما اقول رايي تمنعني وبعقلك قولت ده ليك احتكار
                      وفاكر بالكلمتين بتوعك انك حطتلي العقدة في المنشار
                      ولا انك دقيت في الحقيقة مسمار
                      مسمار الألم و الحيرة و الخيانة و الإنكسار
                      تعالي نعيد الحقايق ونشوف مين أبو الأفكار الشرار

                      الإنسان للي الله الواحد القهار
                      ميزه عن باقي الكائنات باالعقل و الأفكار
                      بص ولا حظ حقيقته على المدار
                      من أيام قابيل و هابيل أخوه البار
                      ولغاية يومنا ده بتاع الصاروخ و الذره والأقمار
                      بدل ما كنتو ركزتو في البنا و الإعمار
                      نشرتو الفساد و حققتو الدمار
                      و لوثتو االدنيا بالكيماويات و بالهرمونات سممتوالإبقار
                      و الطبيعة الأمانة لوثتوها و العيشة بقت مرار
                      يا اخي سيبني اتكلم ده الكل من عمايلكو دمه غلى وفار

                      من اصغرحشرة لحد التور اللي منكم خار
                      الإنسان ما بقاش بني ادم بقه حيوان جزار
                      يضرب اخوه و يهجم على دول الجوار
                      يقتل اخوه و كل اللي حوليه بدعوى الإستعمار
                      أو يقهر اخوه و يحبسه و يبني حوليه اسوار


                      و العلم ما استفدتوش بيه و لا حتى الذرة و الإنشطار
                      و عملتو القنابل بأنواعها النووية و الهيدروجينية و بص لهيروشيما والإنفجار
                      و قلتو كله في سيبل المعرفة و الإبتكار
                      وا تذرعتو بالعلم و عملتوه لشركو ستار
                      وكلها في الأخر ادوات حرب ووسائل للدمار
                      فالخراب بقه ليكو عنوان و القتل بقه شعار

                      الإنسان ده خطر ملوش غير الضرر و الضرار
                      و حتى إبليس في شركو و في مرض عقولكو إحتار
                      خيانة و قتل وشوف ايه حصل لسنمار
                      الإنسان في الدنيا دي عابر مار
                      مش هيتخلد فيه امال كانت ليه بوار
                      و الأخره هيه المستقر و هي الدار
                      سواء كانت جنه او كانت نار
                      نار و و ضلمة و صديد و قار
                      عشان تفهمو و تتقو و تعملو ليوم مافيهوش فرار
                      من الحقيقة و من اللي عملته ايدكو من خراب و دمار
                      و ياريتها كانت جت على تلوث القطار
                      ولا حتى شوية الدوشة و الغبار
                      بس نهاية الأرض و نهايتنا هتكون على أيد اللي مفروض يعمرها مش يخليها قفار


                      ومعلش بقه اروح اغسل وشي في هذا اليوم الحار
                      التعديل الأخير تم بواسطة ahmed123; 11 / 04 / 2005, 04:11 PM.

                      تعليق


                      • #12
                        المشاركة الأصلية بواسطة أبواسلام
                        هههههههههههههه
                        ما شاء عليكم ياشباب
                        الكلام على الحمير إحلو معاكم
                        هاق هااق هاااق

                        تعليق


                        • #13
                          الحمار ده سيفصلوه من مجمع الحمير لانه ابتدى يفهم
                          _____________
                          EMADSOUND

                          تعليق


                          • #14
                            حمد الله على السلامة يا أستاذ عماد و نورت الإسطبل

                            تعليق


                            • #15
                              الاسطبل منور باهله شكرك
                              _____________
                              EMADSOUND

                              تعليق

                              يعمل...
                              X