أهلا بكم
أنا سعيد يا جماعة بالمشاركة في هذا الموقع الجميل الذي طالما سمعت عنه من أصدقائي.
و لكن اسمحوا لي أن أسأل:
إنتوا شايفين إن كل واحد من جواه معترض على حاجة أو له اتجاه مختلف الحل إنه يقف في منطقة سياحية و يفجر نفسه؟
لو إن كل الناس اتصرفت كده كلهم كانوا موتوا بعض، و بعدين إذا كان هو حر في حياته و أفكاره، إيه ذنب أصحاب المحلات و الناس و البلد كلها؟
هو مش عايش في الدنيا لوحده.
و لو لا قدر الله واحد منكم كان اتصاب أو كان له قريب إتصاب في المنطقه دي هل كان برضه يقول عليه بطل؟
يعني مش معقول العالم يتربص بينا من بره و إحنا نخلص على بعض جوه.
و أنا شفت في الأخبار الصورة الحقيقية لطالب الهندسة و كانت بشعة و لا ليها ملامح إنما الصورة المنشورة فهي الصورة بعد معالجتها بالكمبيوتر للكشف عن هويته، و أي خبير في الأناتومي يعرف أن عظام الجمجمة لها دور في تشكيل الوجه.
و بعدين يا جماعة الأعمار بيد الله وحده يعني مش ممكن نلوم حد عنده سبعين سنة على موت حد عنده عشرين أو العكس.
و سامحوني على ردي الطويل، لكن اللي منكم مشي في شوارع القاهرة و شاف الناس قد إيه و تخيل إن ممكن ييجي واحد من أهل ملته و بلده و ينفجر فيه، كان عذرني على كلامي.
تعليق