ظاهره الطوابير

[فدائي]

مش عارف ايه اللى بيحصل طوابير فى كل مكان يوم الجمعه يوم الراحه انزل اجيب عيش الساعه 7 صباحا الاقى طابور كان بايت من امبارح مش عارف ايه اللى حصل هل الدقيق نقص ولا الناس كترت على العموم سيبك من العيش لانى بتصرف اجيب فينو اجيب عيش بريال اى حاجه تقضى الغرض
اروح اركب المترو الاقى طابور على التذاكر والموظف بيحب يرغى مع الموظف اللى جنبه وخصوصا لما يكون فى زحمه قلت مش مشكله اركب ميروباص الغريبه اللى مش مصدقه انى لاقيت الناس واقفه طابور مستنيه الميكروباص اتخنقت واستنيت لحد الميكروباص ما جه وركبت مفيش دقيقه ولقيت الميكروباص وقف ببص لقيت طابور عربيات واقفه بطريقه لا تتخيلها وبتتحرك بطىء لدرجه انى كنت هنزل واخدها مشى المهم اتحركت ووصلت البيت وقلت مش خارج فى يوم الراحه تانى

[diaaking]

انا قلت ان المفاجئة تكون في طوابير امام العمارة ممكن يكون سكوان العمارة كترو هم كمان..
يعم ده عادي متعودين عليه من زمان ..وياريت بعد هذه الطوابير تكون الحاجة عدلة..

[downs_mass]

انتتا مش فاهم النظرية لانك مواطن - لا تفهم -

اولا الطوابير دي مهمة جدا

والحكومة عملتها كدعاية سياحية لمصر

لان هناك اشاعة مغرضه تقول ان الشعب المصري غير منظم

فقامت الحكومه موقفه طوابير في كل مكان

والطوابير هذه ثابته

يعني كل ما الشخص يصل للشباك يعود لاخر الطابور مرة أخري

وبذلك لا ينتهي الطابور

فاذا ما رأها الاجانب .. يعرفوا اننا شعب منظم

كمان بعض الشعوب ليس عندها طوابير

فمصر سبقت العالم وعملت طوابير كعامل جذب سياحي

ولاحظ بعض الاجانب اللي بينزلوا يتصوروا مع الطابور



فهمت ؟؟؟

_______

اما عن المصريين فيستحملوا يا أخي

ولا انت ضد السياحة

؟؟؟

شكلك ضد السياحة !!

[Valencia]

طيب ياحس.... ليه مايخلوها كل الأيام
ايه معنى الجمعه....
لاتقول لي السياح مايحضروا لمصر إلا يوم الجمعه

[downs_mass]

الطوابير موجودة كل يوم لكن هوو بينزل يوم الجمعه لانه يوم الراحه عنده هع

فى كل مكان يوم الجمعه يوم الراحه

[hamany90]

------------------------------
والطوابير هذه ثابته

يعني كل ما الشخص يصل للشباك يعود لاخر الطابور مرة أخري

وبذلك لا ينتهي الطابور
-------------------------------------------

مع احترامي ..

ايه التخلف ده ؟؟

[فدائي]

كلامك صح يا دون انا فعلا بقالى 3 شهور بلاقى نفس الاشخاص هما هما فى الطابور اكيد الحكومه ماجراهم علشان يعملوا زحمه ويخنقوا الناس
وبعدين متقلش ضد السياحه اليومين دول انتا عايز تودينى فى داهيه السياحه دى مواطن شريف محدش يقدر يكلمه
واللى يقول عليه كلمه يستاهل اللى يجراله


وبعدين قلى هنا ايه التوقيع اللى انت كاتبه ده
انت عارف انت بتتكلم عن مين ؟؟؟
عن الاسد طبعا ههههههههههه

[diaaking]

يا اخ hamany90 ...حس بيهزر..

[فدائي]

------------------------------
مع احترامي ..

ايه التخلف ده ؟؟

ههههههههه ايه التخلف ده ؟؟؟
هههههههههههههههه
هههههههههههههههههههههههههههههههه

حد يقوله حاجه يا جدعان

[فدائي]

اقوله انا يا جماعه
انت مش عارف ان الارض كرويه تلف حول نفسها

هى نفس النظريه بس حسام موضحش كويس

وبعدين انت معندكش طوابير فى الكويت ؟؟؟

[فدائي]

نسيت اقولك ان دى شغلتهم انه يقف فى الطابور ولما يخلص دوره يقف تانى
لحد مانت تزهق وتروح وهو واقف
احنا كده فى مصر بنخترع وظائف علشان كده معندناش بطاله

[S.A]

أنا عن نفسى لو مفيش زحمه وخنائات وطوابير حواليا نفسيآ
بتكون حالتي زفت
يعني ممكن أنزل أجر شكل عشان أهدي

[jessing]

أنا دايما أقول حس ده فنان ، مفكر ، عبقري

.

[Ahmed012]

ألذ حاجه إنك تلاقي الروش اللي يجي وآل عايز يدخل الطابور من النص
ياااااااااااااااااااااااااااااااااااااااااااااااااااااااااه
دا أنا بستخف دمه موت

يمكن ده كمان تكون الحكومه مأجراه علشان حتى لو قربت توصل للشباك ترجع ورا تاني

[jude]

الاكل عندنا مش محتاج عيش

يا ارز................................. يا معرونه