وين النقاد عن هذا الصميم

[dr.g]

يا شباب وين النقد عطونا خلونا نستفيد من خبراتكم

http://mypage.ayna.com/wwwbm9/hhh.jpg

[نديم القلم]

أخوي Dr.g

بما انك طلبت النقد (وهذي شغلتنا ) فاستلم وتحمل:



الايجابيات (عشان نلطف الجو):
- حقيقة أهنيك عندك ملكة ممتازة في اختيار الألوان
- الأشياء المهمة كبيرة وواضحة
- الخلفية جميلة جدا


السلبيات (وارجو انك تقبلها بصدر رحب فهدفي انا نتطور):
- التذهيب + النجمة اللامعة + الزخرفة
(مستهلكة الحركات جدا حتى لو كانت جميلة)
أغلب التصاميم موجود فيها تذهيب ونجوم لامعة وزخرفة... وين الابتكار؟

- كتابة اسم ((وليد)) غير متقنة في الرسم
- الصورة حقت ((الكلاكيت)) حق السينما وش دخلها بالموضوع
- خط الايميل ما قدرت أقراه M9 والا M8 في الأخير؟؟

وفي اشيا ما فهمتها..
الثلاث الكور الحمر اللي تحت؟؟؟
معلومات الاتصال متباعده الهواتف فوق والايميل تحت؟


بس أعيد وأقول عندك ملكة ممتازة جدا في اختيار الألوان يعني ذوقك حلو مرة (ما شاء الله عليك).. ولو تطلق لنفسك العنان في ابتكار افكار جديدة بالتصميم أتوقع لك مستقبل والله قوي

تقبل تحياتي
وتراني أحب اهل الشرقية مرة...
بس العمل بالرياض!!!

[شهيد844]

والله قاعد أدور نقد مالحقني قبله نديم القلم مالقيت إلا
أن أهديك هذا الدرس
http://www.khalaad.net/dars20.htm

[السنبلة]

التصميم جميل جداً واللوحة عموما طيبة ....... مو شريرة
بالنسبة للملاحظات فخذ عندك :
كلمة وليد في المنتصف جميلة جدا جدا ولكن غامقة كثير لو تفتحها شوي احسن
---------
القائمة التي في اليمين ما اشتغلت فيها زين
------------
كلمة وليد الموجودة في الاسفل غير واضحة
------------
دمج الصور غير متقن بما فيه الكفاية والصور متباعدة
------------
يكفي خلاص .... اخاف تتحطم .... بس صدق التصميم حلو ... وصراحة ما اقدر اسوي مثله >>> حدي احش في تصاميم الشباب
-----------------------------------------
المال فتنة عظيمة وقسوة للقلب وكبر في النفس ...

[Dr.wz]

اخي الكريم وليد

السلام عليكم ورحمه الله وبركاته

...بصراحة ما ترك لي الأخوان شيء لأقوله ...

اتفق مع اخي نديم القلم في اغلب ما ذكر

وارى ان من اكبر السلبيات

توزيع الكرت - الكرت يجب ان يحمل اسم صاحبه

ويجب ان يكون الكرت مميز بمعنى انه يعلق في ذهن الشخص ليتصل بك
عندما يتذكر انه يريد مصمم تبقي تفاصيل تصميم كرتك عالقة بذهنه

يدخل تصميم الكرت ضمن مجال وقسم كبير مناقسام علم التصميم يسمى (( تصميم الهوية ))

نعود للكرت ...من السلبيات .

الخطوط .....اعقتد ان خط فسطاط شيء في كتابة عناصر صغيرة كهذه

وهو خط فني


هناك قاعدة ذهبية تقول :

في كتابة العناونين تختار خط فني يعني مثل فسطاط اسطورة قيروان وغيرها كثير

هذا الكلام ينطبق على العربي والأنجليزي على حد سواء تختار خط فني للعناوين البارزة الكبيرة الكبيرررررررررررة

وللخطوط الصغيرة مثل العبارات التى كانت في الجانب الأيمن وكذلك البريد وغيرها

تختار خطوط واضحة وجميلة مثل خطوط القلم/ المتين المهند الصارم وغيرها وهي تصلح لتكون خطوط صف .

نفس الموضوع ايضاً ينطبق على الأنجليزي ...


هذا ما لدي ....

اتمنى لك التوفيق ...


تقبل تحياتي ...

اخوك
أبو فيصل

[وليد]

بسم الله
السلام عليكم
بصراحة الشباب كفوا ووفوا ، ما بقوا لنا شيء .

لكن رأيي يا دكتور انك ما تكثر من الصور والشفائف في التصميم الصغير اللي زي كذا ، يعني حط صورة واحدة او اثنين مع حركو واحدة تكفي .
لو تدقق تشوف انك حطيت صورة (( اليد + الكاميرا + كلاكيت التصوير + علب الالوان )) = 4 صور
والحركات حطيت (( التكرار اربع مرات لكلمة وليد بالذهبي + الدائرة اللي تقفز تحت + الزخرفة الخلفية + الدوائر الصفراء ... الخ ))

يعني ... في البطاقة وجود هذي الاشياء يسبب زحمة ، اكرر وجهة نظر فقط