موضوع: انا شاب .....امامى الكثير حتى أتوب.......أستمتع بحياتى أولا

ردود: 7 | زيارات: 890
  1. #1
    Registered User
    صور رمزية المايسترو
    تاريخ التسجيل
    Jul 2004
    المنطقة
    المنصورة/مصر
    العمر
    32
    ردود
    897

    Smile انا شاب .....امامى الكثير حتى أتوب.......أستمتع بحياتى أولا

    الكثير منا قد يغتر بشبابه ويظن بأن امامه من العمر بقية ووقت كاف ليحقق طموحاته وأحلامه......

    ولعل ذلك يكون دافعا للشباب انه اذا رأى رجلا مسنا مثلا يعلق بعبارة سخيفة نمعها كثيرا يعنى هنا فى مصر ممكن نسمع جملة (دخل مخزن )

    او خارج نطاق الخدمة او كلام زى ده

    ومكن فى بعض الأحيان واحد يقعد يألف نكت ويتريق على النا س كبار السن

    وبينسى ان اللى بيتريق عليه ده كان فى يوم من الأيام قوى ووسيم وفى مثل شبابه وسنه الذى يحياه الآن

    وأن ذلك الشاب فى يوم من الأيام سيصبح كهلا ويجد من يسخر منه مع أن المسنين هم أولى الناس بالاحترام والتقدير....

    لم أكتب هذا الموضوع للتنويه عن ذلك الموضوع فقط

    لكن لأنى وجدت ان الانسان عندما يكون شابا ويتمتع بصحة قوية قد يظن بأن الموت بعيد عنه

    كم من شاب مات قبل أبيه أو جده...

    وكم من طفل مات قبل ان يولد
    وتيجى تنصح واحد يقولك
    انا شاب .....امامى الكثير حتى أتوب.......أستمتع بحياتى أولا وبعدين نبقى نتوب ياعم
    سأحكى لكم قصة حدثت لى شخصيا العام الماضى والذى أخذت منه عبرة عظيمة وأظنها كانت رسالة لى من الله ليقول لى بأن الموت أقرب اليك والى أى طرف أكثر مم يتصور

    كنت فى الأجازة انا وأصدقائى وذهبنا للتصييف

    طبعا نزلنا البحر بقى وكنا مبسوطين قوى......ناس لسة مخلصة امتحانات بقى

    المهم

    ركبنا بدال وبعدنا عن الشاطئ شوية......

    المهم

    أخوكم بقى مابيعرفش يعوم كويس (مش قوى يعنى)

    قلنا ننط من على البدال فى المياه ......ونتسابق فى السباحة الى الشاطئ

    ماكنتش أعرف وقتها ان المنطقة اللى احنا فيها دى فيها مناطق منخفضة يعنى لو نزلت فيها وانت مابتعرفش تعوم يبقى خلاص كده كل سنة وانت طيب

    أخوكم بقى نط فى المية عامل فيها تمساح النيل

    عمت شوية كده اى كلام وبعدين وقفت اريح شوية

    بعدها مديت رجلى قدام شوية مالقيتش أرض تحتى خااااااااااااااااااااااااااااالص

    ساعتها كان اصحابى وصلو للشط وطلعو من المية

    المنطقة المنخفضة دى كانت مساحتها كبيرة يعنى لو حاولت أعديها لوحدى وتوقفت لاى سبب فى اى منطقة فوق الحفرة دى أبقى انتهيت لامحالة

    وأنا فى مكانى ده الموج بدأ يعلى وكل موجى تيجى تبقى أعلى من اللى بعدها وكانت بتغطينى خالص

    وانا كنت فى منطقة لايدركها بصر المصيفين حتى أصلا فى المصيف كل واحد بيبقى فى موال تانى وانتو فاهمين طبعا

    يوميها اتهيألى انى شربت مية البحر كلها

    ساعتها بس قلت خلاص ياحمادة انا لله وانا اليه راجعون ..........مالحقتش تعرف حتى نتيجة الامتحانات

    كنت طيب يابنى والله ياخسارة مصر من بعدك....

    فى الوقت ده افتكرت كل ذنب عملته وحسيت بألم وندم فظيع مع انى واحمد لله متدين الى حد ما لكن ساعة مابتلاقى الموت قريب منك جدا بتحس ان أقل ذنب عملته بالنسبالك زى الجبل مش عارف تبدأ تهدمه منين .........
    كنت حاسس ان بينى وبين الموت خطوة واحدة فقط.....
    اتعاهدت مع ربنا ساعتها انى لو نجيت من الموقف ده واتكتبلى عمر جديد هغير حياتى تماما وأحاول أكفر عن أى ذنب عملته قبل كده

    انا الحمد لله دعوتى مستجابة ....لم أدعو الله من قبل بأى شئ الا وتحقق فى فترة وجيزة بل وأحصل على أفضل مم تمنيت

    رفعت ايديا ونظرت للسماء ودعيت انى انجو من الموت

    وفعلا فى نفس اللحظة عدى بدال كان جاى بالصدفة وركبت فيه ورجعت للشط

    ومن يومها اتغيرت تماما وبقيت أخاف انى أعمل أى ذنب حتى لو كان صغير

    ومن يومها عرفت قد ايه الموت قريب مننا لكن للأسف ساعات التوبة بتيجى متأخرة قوى بعد مابيكون فات الاوان وملك الموت طرق بابك

    وعرفت ان الموت مفيهوش صغير ولا كبير

    يعنى مثلا ام جدتى لسة موجودة وأنا كنت هموت قبلها

    ياريت كل واحد يعرف الحقيقة قبل فوات الأوان ويحاول يفهم الرسايل اللى ربنا بيبعتهاله ويسرع بالتوبه الى الله قبل فوات الأوان

    والله غفور رحيم

    متأسف للاطالة لكن ارجو ان يكون فى الموضوع الفائدة المطلوبة ويحقق الأثر المرجو

    أخوكم ومحبكم

    المايسترو



  2. #2
    ضياء الدين
    صور رمزية diaaking
    تاريخ التسجيل
    May 2004
    المنطقة
    مصر
    العمر
    30
    ردود
    3,679
    يعم كنت اندهلي ان بعرف اعوم كويس... انا حتي من قوتي في العوم ..بغسل وجهي كل يوم الصبح..
    كنت اندهلي بس كده وكنت تشوف هاعمل ايه..

    شكرا جدا ..علي هذه الرسالة ..لكل غافل..
    الحياة ألم يخفيه أمل
    أمل يحققه عمل
    وعمل ينهيه أجل
    ثم يجزى كل امرئ بما فعل

  3. #3
    Registered User
    صور رمزية Ahmed012
    تاريخ التسجيل
    Nov 2004
    المنطقة
    Cairo, Egypt, Egypt
    العمر
    32
    ردود
    2,173
    ياسيدي الموت علينا حق
    وهتموت هتموت كبير وللا صغير مش مهم في بحر وللا في حادث ولا مرض مايفرقش
    المهم إنك تموت وإنت بتعمل خير ومفيش عليك ذنوب

  4. #4
    يـــس
    صور رمزية jessing
    تاريخ التسجيل
    Nov 2004
    المنطقة
    الدارالبيضاء
    العمر
    42
    ردود
    6,397
    ادع لنا بالخير يا مايسترو

    قصة وعبرة

  5. #5
    عضو متميز
    صور رمزية abou_mazen
    تاريخ التسجيل
    Feb 2005
    المنطقة
    المغرب/البيضاء
    ردود
    3,875
    يامن بدنياه اشتغل...........وغره طول الامل
    الموت يأتي بغتة.............و القبرصندوق العمل



    بأبي أنت وأمي يا رسول الله



    فدتك نجد و طيبة ومكة وأرض الأسراء


    اللهم احشرني مع نبيك يوم يكون اللقاء


    اجمل شئ في الحياة حينما تكتشف اناس قلوبهم مثل اللؤلؤ المكنون في الرقة والبريق والنقاء قلوبهم مثل افئدة الطير
    اللهم اني احبهم فيك

    لك نصحي وما عليك جدالي ........وافة النصح ان يكون جدال

    دعوة لحفظ القرآن الكريم عن طريق المنتدى










  6. #6
    عضو نشيط
    صور رمزية MAHMOUD_EN
    تاريخ التسجيل
    Apr 2005
    المنطقة
    المنصورة-مصر
    العمر
    31
    ردود
    347
    جزاك الله خيرا
    اللهم اهدى شباب المسلمين

    بما انك من المنصورة اتمنى اتعرف عليك !!
    اللهم ارزقنى حبك وحب من يحبك وحب عمل يقربنى الى حبك

  7. #7
    عضو متميز
    صور رمزية youssef_23
    تاريخ التسجيل
    Oct 2004
    المنطقة
    ارض الله
    العمر
    35
    ردود
    7,047
    قصة معبرة يا ميسترو
    الموت ملهوش كبير
    ياريت حد يتعظ من الشباب الايام دى

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل