انت رئيس جمهورية مصر العربية .............هتعمل ايه؟

[المايسترو]

أولا أحب أوضح ان الموضوع ده للمصريين فقط
طبعا كل واحد مننا بيقول انا لو بقيت رئيس جمهورية مصر العربية مصر دى هخليها حاجة تانية خالص
طيب دلوقتى انا عاوز كل واحد مصرى يتخيل انه أصبح رئيس جمهورية مصر العربية ويفكر ....
ايه أول وأهم حاجة لازم يعملها علشان يبدأ الاصلاح؟
ياريت كل واحد يرد على الموضوع يكتب حاجة واحدة بس هيقوم بيها
يعنى من الآخر أهم خطوة يبدأ بيها لاصلاح أوضاع مصر
خليكو فاكرين
حاجة واحدة بس
يعنى بلاش تكتب خطتك الخمسية الجاية
مستنى ردودكم

[mhdmhd]

و مين بقى الى قالك ان اى واحد نفسه يبقى رئيس الجمهورية ,بعد الشر عنك.
اول حاجة تعملها للاصلاح هو انك تبحث عن حد عاوز يصلح البلد زيك (فعليا).

[emas]

اشترى بدله جديده علشان صوره مصر تتحسن خارجيا

[المايسترو]

أولا اشكرك على الرد السريع

لكن أحب أوضحلك اننا كمصريين بنحب مصر جدا حتى ان كنا فى بعض الأوقات بنبقى زهقانين منها وبنتمنى اليوم اللى نسافر فيه بره مصر لكن او مابتسافر بتشتاق لمصر جدا
يعنى لو قامت حرب هتلاقى نفسك أول واحد واقف يدافع عن مصر
طبعا لما تفدى بلدك بروحك لازم تكون عندك أغلى من أى شئ
وأى واحد بيتمنى يشوف بلده أعظم بلد
يلا ياجماعة عوزين نشوف اقتراحات جادة

[max ghost]

هحاول اعمل مشروع كبير جدا لزراعة الصحراء ..
وتصنيع التكنولوجيا .. زي الطائرات والإلكترونيات وخلافها ..
وهفتتح مركز علمي شامل يحتوي خلاصة العلماء المصرين والعرب ويكون المركز معزول عن العالم .. في الطراوة علشان يفكرو بدماغ .
ربنا يوفقك .

[WALEEDSS]

اول حاجة اعملها اعمل انتخابات نزيهة 100 % واسمح لجميع فئات الشعب بلا استثناء بخوضها
ولكن بشرط ان اجد ضمانات كافية بان احد لن يحاسبني على التزويير الذي اتى بي الى المنصب

[downs_mass]

هفهم الناس يعني ايه مصر ....... بس

[String]

هلغى مجلس الشعب ومجلس الشورى والمجلس المحلى وهلغى الشعب

[Ahmed012]

عمليات إصلاح فوريه لجميع المواصلات والمرافق والطرقات

[omar77]

انا مش مصري لكن يعني لو سمحتولي اشارك ,
انا لوبقيت رئيس , اخلي الشعب كله يدخل في حرب مع اسرائيل واطلع انا اتخصص مايا في هولييود.

[diaaking]

اول شئ اطبق الشريعة الاسلامية ..لان يوجد به الحل لك مشاكل البلاد...
نحن قوم اعزنا الله بالاسلام فاذا ابتغينا العزه بدونه ازلنا الله..

[رجل السماء]

مواضيعك عجيبة يا حس

عنى انا

اول شىء ساقوم بعمله هو زرع جواسيس التكنولوجيا فى جميع انحاء العالم
لاستنباط التنكولوجيا المتواجدة فى الغرب

بعد ذلك ساقوم باعادة جميع العلماء المصريين الذين يعيشون فى الخارج وجميع رجال الاعمال المصريين الذين نجحوا فى الخارج

حتى ولو بالقوة
وفى النهاية هو مصرى ولن يتأخر عن خدمة بلده وان رفض فهو خائن للبلده نظرا لانها تحتاجه وتناديه لرفع مستواها الاقتصادى
وعقوبة الخائن القتل او الخطف
ثم يبدئوا العمل فى صمت
وتبدء التكنولوجيا تظهر
وخصوصا التكنولوجيا العسكرية

ساقوم باستعادة القطاع العام الذى بيع بأكمله
فهذا هو محور التقدم ومن غيره فنحن فى البطاطا

سأقوم بتطوير علاقتى مع سوريا والامارات ساحاول ان اجعل بينى وبين حكام سوريا والامارات اصدقاء عن جد

ساعمل على توحيدينا بين ثلاثة دول بشكل سرى

بعد فترة من زيادة القوة العسكرية
ساقوم باعلان مقاطعة بين اسرائيل ومصر نظرا لكثرة الجواسيس التى تم القبض عليهم فى الاوان الاخيرة
واتهم اسرائيل بالعنصرية الاسلامية واشاكيها فى مجلس الامن

هذا لم يكن يحدث ولكن لتعقيد المشاكل بشكل اكثر رسميا امام العالم

هذا كله من اجل المقاطعة والحفاظ على امن مصر خوفا من حرب بيننا وبينهم ونحن ليس فى حالة تؤهلنا
لحرب نظرا للقوة العسكرية والقوة الاقتصادية التى تدمرهم الحرب


سابدء بتشجيع رجال الاعمال على زيادة المصانع مع مقابلتهم شخصيا لرفع الروح المعنوية عندهم
ساقوم بالغاء الجمارك وساقوم بالغاء قانون الطوارئء

ساقبض على الجماعات الاسلامية التى هى دائما تحاول اثارة المشكال السياسية

سارفضهم كحزب لانه لايمكن ان يكون هناك حزب اسلامى لان الحزب يكون سياسى وليس دينى


طبعا هذا ليس اول شىء
اول شىء لايكون كلمة او خطوة واحدة لانها لاتعبر عمل سيحدث او ما يمكن تحقيقه

[خالد امين]

هخلى الشعب كله يشتغل ماكس

امزح مش بجد

[فدائي]

ساقبض على الجماعات الاسلامية التى هى دائما تحاول اثارة المشكال السياسية

سارفضهم كحزب لانه لايمكن ان يكون هناك حزب اسلامى لان الحزب يكون سياسى وليس دينى


طبعا هذا ليس اول شىء
اول شىء لايكون كلمة او خطوة واحدة لانها لاتعبر عمل سيحدث او ما يمكن تحقيقه

يعنى ايه الكلام ده ....... اريد توضيح ؟؟؟؟؟
اولا دى وجه نظرك انت يبقى مش من حقكك انك ترفض او تقبل ثانيا يعنى ايه سياسى ودينى
هو الدين دلوقت ملوش دعوه بالسياسه ولا دى العلمانيه
كل الناس بتقول نرجع للدين ونستمد منه قوانيننا ونحاول اعاده الدوله الاسلاميه الصحيحه

وبغير ذلك تاكد اننا سنظل كما نحن

لم اتوقع ان هذا فكرك ولكن دى حريه شخصيه اعتقد ما تريد !!!!
اعود الى موضوعنا لو انا رئيس الجمهوريه سافعل كما فعل صلاح الدين وشتان بينى وبينه
اولا ساحاول بناء الدوله الاسلاميه الصحيحه
ثانيا ساعمل على توحيد العرب والمسلمين
ثالثا ساسحق دولتى امريكا واسرائيل الى اخر رجل

[رجل السماء]

يعنى ايه الكلام ده ....... اريد توضيح ؟؟؟؟؟
اولا دى وجه نظرك انت يبقى مش من حقكك انك ترفض او تقبل ثانيا يعنى ايه سياسى ودينى
هو الدين دلوقت ملوش دعوه بالسياسه ولا دى العلمانيه
كل الناس بتقول نرجع للدين ونستمد منه قوانيننا ونحاول اعاده الدوله الاسلاميه الصحيحه

وبغير ذلك تاكد اننا سنظل كما نحن

لم اتوقع ان هذا فكرك ولكن دى حريه شخصيه اعتقد ما تريد !!!!
اعود الى موضوعنا لو انا رئيس الجمهوريه سافعل كما فعل صلاح الدين وشتان بينى وبينه
اولا ساحاول بناء الدوله الاسلاميه الصحيحه
ثانيا ساعمل على توحيد العرب والمسلمين
ثالثا ساسحق دولتى امريكا واسرائيل الى اخر رجل

انت فهمتنى غلط
الجماعات الاسلامية غير المسلمين لها تفكير خاص تماما وان كان متعصب للغاية
وليس لديها اى هدف

دائما تقول نريد بناء دولة اسلامية

طب بالعقل كدا هتعمل ايه
يقولك هنبنى دولة اسلامية طب ازاى
يقولك هنعمل دولة اسلامية
هل سألت نفسك فى مرة كيف ستنبنى دولة اسلامية ؟
الاحزاب سياسية وليست دينية يا اخى
ولا يمكن تواجد حذب دينى لان هذه عنصرية والعنصرية شىء يرفضه الاسلام
هذا بكل بساطة

ايضا الجماعات الاسلامية جماعات لها منظمات سرية لذلك فهى لاتصلح لتكون حزب ابدا

من الاخر يااخى لو الجماعات الاسلامية حكمت مصر
يبقى قول يارحمن يارحيم ارحمنا من العذاب