كان يجب علي امريكا توجيه الحمله الي مصر و مستقبل مصر في بد جمال مبارك

[MAHMOUD_EN]

خير جنود الارض
اعتقد ان الشباب الروش ده اصبح كدة هروبا من مشاكله
لكن لما يكوون فيه قضية بجد و هى مصر كل الشباب النائم هيصحى

[emas]

طريقه الضحك والتحكم بالحاكم :

1- افتعل اى شىء وقل له حياتك فى خطر

2- قل له هناك مؤامره لقلب نظام الحكم

3- قل له افضل شىء تعد قوه فى مواجهه الارهابيين


النتيجه خلاص ينسى اى فكره كانت عنده لتحسين مستوى معيشه الشعب ويظل طول الوقت يعد ويصرف فلوس الشعب على الاعداد للمخابرات والاسلحه المضاده ورواتب الحرس الخصوصى وتجهيز السيارات ضد الرصاص

ويموت شعبه من الجوع



طريقه كيف تجعل الشعب لا يتكلم عن مستوى معيشته ولا المشاكل التى يواجهها :

1- قل له هناك اعداء يريدون موت الشعب

2- قل له هناك مؤامره ضد الشعب م بلاد اخرى
3- قل له لا بد ان تبدا الجهاد من الان والاعداد لمواجهه الاعداء لانهم قادمون فورا ويجب ان تحطاط وتعد القوه والاسلحه وخلى بالك اهم بيشتموك لازم ترد عليهم


خلاص ينسى الشعب العمل والتقدم والعلم وكل مشاكل الجوع والفقر ويريح دماغ الحاكم من ناحيه الشكوى ويبقى حديث الناس كله عن المؤامره وكل اللى عنده مشروع مفيد يقول ماهو سيدمر ليه اعمله ؟

وكل من خطط للتعليم لنفسه والامال والطموح تضيع ويبدا فى ترك كل هذا ويتدرب لمواجهه بدنيه للعدو و و و و و



الخلاصه :

لقد الهاكم السياسيون عن مشاكلكم ووضعوا لكم مشكله العدو حتى لا تفكروا فى حياتكم وتنسوا كل ما تريدون ويصبح لكم هدف اخر فى الحياه ليس له طلبات ولا حقوق وتبقى الحياه جهاد مسلح ومعارك

شوارع و و و و



لما ننسى ان عمليه الدفاع عن الوطن هى عمليه تخص الجيش ؟؟؟؟ وواجب الحكام والجيش وقادته هو الاعداد لذلك


وواجب الشعب العادى ليس الكلام ولا الاعداد للمعارك المحتمله بل تظبيط الحياه الشخصيه والعامه وجعل حاله البلد فى افضل حال اقتصاديا وعلميا وثقافيا

كل شخص وله مهمه تناسب مواهبه ونوع عمله ليصيف مكانه او طوبه فى بناء وطنه


لكن ان يتحول كل الشباب الى الكلام فى المعارك ؟؟؟؟؟ هو سيادتكم عندكم اف 16 تحت السرير ولا حاجه ؟؟؟؟؟؟


نفسى تنتبهوا الى ان دور الشعب العادى فى المعارك لا يبدا قبل انهزام الجيش وبدء الاحتلال


حتى هذا الوقت دوركم مختلف جدا وقد يؤدى الى عدم حدوث معارك اصلا لو ارتقيتم بحال بلدكم وانجزتم فى مجالكم


واعدوا لهم ما استطعتم من قوه ومن رباط الخيل نعم هذا صحيح لكن هذا موجه للمختصين
فى شئون اعداد الجيش

وليس للطلبه ولا سيدات المنازل ولا العلماء ولا المبدعين

وقت هذه الايه كان هناك من هم مسؤلين عن ذلك ايضا من قواد عسكريين



نفسى تنسوا موضوع المعارك وغيرها وتلتفتوا الى ان اعداد الوطن اصعب بكثير من الاعداد للمعارك

وهى مهمه طويله وشاقه وبها اعداء داخليين مستترين صعب تعرفهم

اما العدو الخارجى فهو واضح وسهل تمييزه والاحتياط منه


ولما سيحتاجوكم فى المعارك لا تقلقوا سيستدعونكم وممكن تتطوعوا ايضا

لكن الان امامكم اشياء تتعلق بالحياه وليس بالموت

ولا انتم تحبذون اختصار الطريق ويبقى اسهل وبلاش دراسه ووجع دماغ ؟؟؟؟


صدقونى من يتجه لهذا التفكير انما هو غير قادر على مواجهه المسؤليه العلميه التقدميه لنفسه وبلده
لذا يذهب الى التفكير فى خدمه بلده باسهل انواع الخدمات يروح يشتغل اسد يقتل ويتقتل


دعوا المعارك للجنود ولما يفشلوا تدخلوا

[boy4egypt]

الشباب المصري ممكن يكون نايم و مستهتر و مروش نفسه بس وقت الجد بيبان معدنه الحقيقي إنه لايقبل أن يدنس أي مكان من أرض مصر

مصر يجماعه أجمل بلد في الوجود أحسن من أي بلد و لو نيجي في الحقيقة أمريكا مش محتاجه تحتل مصر لإن نظام مصر موالي للأمريكان علىا لعموم يجماعه خلو ثقتكم في الشباب المصري كبيره و قبل منفكر نحارب الأمركان نحارب إلي جنبنا إسرائيل اللعينه

بقلكم أنا ألحق أعمل لجوء سياسي الآن قبل محسني مبارك يعتقلني سلام

[Ibr_n]

لكل من شارك فى هذا الموضوع اعمل لدنياك كأنك تعيش أبدا واعمل لأخرتك كأنك تموت غداً
واعلم ان الامة لو اجتمعت على ان ينفعوك بشئ ما نفعوك بشئ إلا قد كتبه الله لك واعلم وأن الامة لو اجتمعت على ان يضروك بشئ ما ضروك بشئ إلا قد كتبه الله عليك

اعملوا فى الدنيا خير واستعدوا للجهاد فى اى وقت
الاستعداد للجهاد يكون بتحسين الحالة النفسية باتباع الدين والحالة البدنية بممارسة الرياضة وهذا ما يفيد فى كل شئ
الجهاد فى الدنيا بالعمل
والجهاد فى القتال والحرب
وكى تنجح فى هذا الجهاد كله يجب ان تنجح فى الجهاد الكبير وهو جهاد النفس والشيطان
اعاننى الله واياكم على ان نجاهد انفسنا والشيطان

[max ghost]

- قل له لا بد ان تبدا الجهاد من الان والاعداد لمواجهه الاعداء لانهم قادمون فورا ويجب ان تحطاط وتعد القوه والاسلحه وخلى بالك اهم بيشتموك لازم ترد عليهم

عندنا يا استاذ عماد ويمكن انت تكون عارف الكلام ده .. طلب العلم جهاد .. المذاكرة جهاد .. منع النفس من الشهوات جهاد .. وغيره . دروب الجهاد كتيرة جدا في الإسلام...
احنا بنجاهد حاليا واحنا بنذاكر .. ( على فكرة الموضوع ده مهم جدا )
او واحنا بنعمل في سبيل الله والإسلام والوطن .

الرسول عليه الصلاة والسلام .. بيقول حديث معناه .. إن معظم الشهداء يوم القيامة ناس ماتو على مضاجعهم ..
يعني ماتو من غير حرب ..

ربنا يوفق الجميع ..

[youssef_23]

فاليبدأ العزف الامريكى على الاوتار السياسة الامريكية
---------------------------------------

[Ahmed012]

لا بس كلام باشمهندس عماد صح

إحنا نبقى بنضيع وقت لو بنتكلم في حاجه ماتخصناش أساسا
إحنا اللي علينا ننفذه وهما اللي عليهم ينفذوه

و لو كل واحد يبدأ بنفسه ويركز في عملة ومستقبله أكيد ده هيخلي حاله البلد إقتصاديا وعلميا وثقافيا أحسن بكتيير

كان في واحد معانا هنا في المنتدى كانن حاطط حديث حلو وعجبني كده بس مش فاكر مين
((إن الله إذا غضب على قوم منحهم كثره الجدل وقلة العمل))

[فدائي]

السلام على من اتبع الهدى

ما لكم يا مسلمون طول مانتم بتفكروا فى الدنيا ستزلوا اكثر واكثر
يقولون لكم اهتموا بالتنميه وسيبوكم من الجهاد والكلام الفاضى ده

ويقول لكم الله (سوره الانفال)
بسم الله الرحمن الرحيم



يَا أَيُّهَا الَّذِينَ آمَنُواْ مَا لَكُمْ إِذَا قِيلَ لَكُمُ انفِرُواْ فِي سَبِيلِ اللّهِ اثَّاقَلْتُمْ إِلَى الأَرْضِ أَرَضِيتُم بِالْحَيَاةِ الدُّنْيَا مِنَ الآخِرَةِ فَمَا مَتَاعُ الْحَيَاةِ الدُّنْيَا فِي الآخِرَةِ إِلاَّ قَلِيلٌ (38)

إِلاَّ تَنفِرُواْ يُعَذِّبْكُمْ عَذَابًا أَلِيمًا وَيَسْتَبْدِلْ قَوْمًا غَيْرَكُمْ وَلاَ تَضُرُّوهُ شَيْئًا وَاللّهُ عَلَى كُلِّ شَيْءٍ قَدِيرٌ (39)



انْفِرُواْ خِفَافًا وَثِقَالاً وَجَاهِدُواْ بِأَمْوَالِكُمْ وَأَنفُسِكُمْ فِي سَبِيلِ اللّهِ ذَلِكُمْ خَيْرٌ لَّكُمْ إِن كُنتُمْ تَعْلَمُونَ (41)
قُلْ هَلْ تَرَبَّصُونَ بِنَا إِلاَّ إِحْدَى الْحُسْنَيَيْنِ وَنَحْنُ نَتَرَبَّصُ بِكُمْ أَن يُصِيبَكُمُ اللّهُ بِعَذَابٍ مِّنْ عِندِهِ أَوْ بِأَيْدِينَا فَتَرَبَّصُواْ إِنَّا مَعَكُم مُّتَرَبِّصُونَ (52)

وَإِذَآ أُنزِلَتْ سُورَةٌ أَنْ آمِنُواْ بِاللّهِ وَجَاهِدُواْ مَعَ رَسُولِهِ اسْتَأْذَنَكَ أُوْلُواْ الطَّوْلِ مِنْهُمْ وَقَالُواْ ذَرْنَا نَكُن مَّعَ الْقَاعِدِينَ (86)

(ص 201)

رَضُواْ بِأَن يَكُونُواْ مَعَ الْخَوَالِفِ وَطُبِعَ عَلَى قُلُوبِهِمْ فَهُمْ لاَ يَفْقَهُونَ (87)

لَكِنِ الرَّسُولُ وَالَّذِينَ آمَنُواْ مَعَهُ جَاهَدُواْ بِأَمْوَالِهِمْ وَأَنفُسِهِمْ وَأُوْلَئِكَ لَهُمُ الْخَيْرَاتُ وَأُوْلَئِكَ هُمُ الْمُفْلِحُونَ (88)

أَعَدَّ اللّهُ لَهُمْ جَنَّاتٍ تَجْرِي مِن تَحْتِهَا الأَنْهَارُ خَالِدِينَ فِيهَا ذَلِكَ الْفَوْزُ الْعَظِيمُ



من اصدق هم ام الله الواحد القهار

التنميه تاتى بعد ظهور الاسلام
بسم الله الرحمن الرحيم ( ما خلقت الجن والانس الا ليعبدون & مااريد منهم من رزق وما اريد ان يطعمون )

الهدف الاول اقامه الدين وبعدين نفكر فى التنميه الم يكن الفرس والروم حضارات لا تهزم وانهزمت وظهر الاسلام وجاءت التنميه بعد ذلك كان الفرس يقولون كل يوم نشيد فى الصباح انه لا تزول دولتهم الا بزوالهم فبعد انهزامهم
قال الله تعالى بسم الله الرحمن الرحيم

(اولم تكونوا اقسمتم من قبل مالكم من زوال )
والسلام على من اتبع الهدى

[emas]

((((يَا أَيُّهَا الَّذِينَ آمَنُواْ مَا لَكُمْ إِذَا قِيلَ لَكُمُ انفِرُواْ فِي سَبِيلِ اللّهِ )))))


هل قرات ام تنقل ؟؟؟؟

مكتوب اذا قيل لكم


يعنى لما يطلب منكم



مين الذى سيطلب ؟؟؟؟؟

القاده لما يتعثرون وقت الخطر والجيش يريد متطوعين للدفاع سيطلب منكم الانضمام



كلمه اذا مهمه جدا


وبما انه الجيش لم يختبر بطريقه الكوره يعنى اصلا ما فيش حرب


سعادتك هاتروح تحارب مين ؟؟؟؟


الاايات كلها تتكلم على من ترك الجهاد الحربى وتفرغ للدنيا


لكن انت مش فاهم شىء مهم

ان الجزء الحربى فى ظل وجود دوله له تنظيمه الخاص وهكذا ايضا كل الدول


لكن ايام القبائل والصحراء كانو المقاتلين هم المزارعين هم التجار يعنى وقت الحرب يقاتلوا ووقت السلم يشتغلوا شغل عادى


الان اذا كنت تتكلم عن الاعداد هناك مدارس وكليات عسكريه رفيعه المستوى ومتقدمه جدا
ومهندسيها يتعاملون فى الطائرات ال اف16 وغيرها ويطورون ويخترعون ايضا


ومئات انواع الاسلحه المتقدمه ايضا

لا تستهين بالقوه العسكريه المصريه

واذا كنت فاكر ان العراق كان قوى عسكريا افتكر ان لولا المسانده المصريه للعراق كانت ايران
طحنتهم فى اسبوع


وعموما الاختبار الحقيقيى للعراق كان ايام الهجوم الامريكى واديك شفت جيش يشرف فعلا

اما شغل حرب العصابات الحاصل حاليا

فتاكد ان هذا سيفتك بالعراق اكثر مما سينقذه على ما هو فيه



وطبعا من اسلوب كلامك وما تريده وبما انك لست عسكريا انت تشجع على طرق المقامه بتاعه الفدائيين


طيب هذه لن تحدث قبل ان تحتل فعلا ويصبح للعدو معسكرات ودوريات فى بلدك تقوم انت تقاومهم


واعداد ذلك فى وقته وليس الان

ولا ستحضر الخرائط من الان على اعتبار الاماكن التى سيتم الهجوم عليها ان شاء الله لما تبقى تحتل ؟



انا شايف بما انكم يا شباب فعلا عاوزين الجهد العسكرى وليس التنميه يا ريت بقى ماتزوغوش من الجيش ولا ترشوا الاطباء علشان تاخدوا اعفاء


وكمان يكون افضل ان تتطوعوا الان فى الجيش على الاقل يمكن اعدادكم بطريقه صحيحه

وسيبكم من التنميه خلوها للسيدات



واشوفكم كده عساكر اد الدنيا


لكن انتم لا عاوزين تدخلوا الجيش ولا عاوزين تعملوا تنميه


انتم عاوزين تبقوا عصابه وخلاص

[S.A]

أنا متأكد يا أستاز عماد إن رأي الشباب في بس شويه حماسه زايده

لكن هما صعب يقولو كلامك غلط وأكيد هما موافقين إن ألإهتمام بالدنيا في تحصيل العلم والنهوض بالبلد علميآ وإجتماعيآ هو أرقي أنواع الجهاد عند ربنا ومش الشعارات والكلام هي وسيله خلاصنا

[y@sser]

نا شايف بما انكم يا شباب فعلا عاوزين الجهد العسكرى وليس التنميه يا ريت بقى ماتزوغوش من الجيش ولا ترشوا الاطباء علشان تاخدوا اعفاء


وكمان يكون افضل ان تتطوعوا الان فى الجيش على الاقل يمكن اعدادكم بطريقه صحيحه

عماد
هو انا ليه ساعات بحس انك مش من مصر
اي شاب معتز بنفسه ويحترمها طبعا لن يدخل الجيش
باي وسيله بقي
رشوه محسوبيه يعرف العقيد فلان

كل من يدخل الجيش
وظيفته هي عمل الشاي للظابط بتاعه وتنظيف المكتب
الذهاب باولاد الظابط الي النادي والمدرسه والعوده منها
شراء الخضار للمدام واحياننا المشاركه بغسيل الهدوم وغالبا يقوم بها العساكر بمهارات فرديه

أخر خبر وصلني
ان العساكر مطلوب منهم بالامر العسكري...........واجب النفاذ طبعا
تامين سفن العدو بالقناه حتي تصل الي ارض العراق الحبيبه بسلام

جيش ايه الي ببتكلمو عليه.............انتو مش من مصر اكييييييد

[y@sser]

ثانيا
يتم اعداد العساكر بشكل بدائي جداااا............باسلحه من مخلفات العصر العثماني
لا يوجد اي تدريب بالمعني المفهوم
لاتوجد مواد غذائيه
يتم اعطاء علبتين مكرونه في حجم كوب كولا ماكدونالدذ الكبير وجبه ل60 عسكري
نفي العدد عليه الاستحمام والشرب ومن جركنين ماء حجم الواحد لترين
يوزعون الماء علي بعض بغطاء الجركن.........................
تعليم العساكر الغباء وذالك بوضعهم تحت امره صولات لديهم شهاده عظيمه...............محو الاميه


تحياتي للجيش

[emas]

لا يا سمارت الجيش اللى انت بتتكلم عنه هذا ما يسمى بالتجنيد الاجبارى بعد الكليات او المدارس

لكن الشباب فعلا الذين يريدون ان يجاهدوا بيدخلوا الى كليات عسكريه ويصبحوا ضباط وهؤلاء فعلا يدرسون مناهج قويه جدا لو هندسيه او حربيه والموضوع مش تهريج ابدا


وبعدين ما يحدث فىالجيش الاجبارى طبعا سىء زى ما انت قلت لكن هذا فقط فى اوقات السلم

لكن وقت الحرب ده موضوع تانى خالص مختلف جدا


وقصدى ما دام واحد لا يريد الا الجهاد العسكرى فلينضم الى الجيش بالكليه الحربيه ويصبح ضابط

او بالتطوع وقت الحرب

الجيش حاليا بيحمى سفن الاعداء هذا كلام خطأ هو يحمى قناه السويس بكل ماهو فيها

مش مهم نوع السفن ايه ولا جنسيتها لان تامين القناه هو تامين لجزء مصرى وارض مصريه

وواجب الجيش حمايتها وطاعه القاده السياسيين

تحديد من يمر بالقناه ليس بكيف الساسه لان هناك معاهدات دوليه وشروط وحاجات كثيره تلزم مصر

اذا فتحت القناه انها لا تحدد نوعيه من يمر ومن لا الا بالشروط المتفق عليها

الموضوع ليس بالسهوله الحاكم يقول لا السفن دى ماتعديش

وبعدين اشمعنى مصر التى تلام ؟؟؟؟؟

موضوع العراق اصلا المتسبب فيه هو صدام باخطاءه العجيبه التى فعلها

وثانيا كل الخليج والسعوديه سامح للقوات الامريكيه بالتواجد وليس المرور فقط مثل ما نفعل غصب عنا

واكيد غصبا عنهم ايضا فى بعض حالات


ماهو لو كان صدام لم يهدد امنهم ما كانوا ولا كنا تورطنا فى ما حدث


شوف احنا لا نجعل السفن تمر فى حاله وجود حرب بيننا وبين السفن الماره

لكن غير ذلك نحن مسؤلين عن امنها


الشكل وحش لكن الحقيقه هى هكذا


ولا تنسى ان العراق الان فى مرحله انتقال الى سلطه وطنيه شوف خائنه او جيده مش مهم ممكن تغيير ذلك فيما بعد داخليا


لكن عمليه القتال الموجود هناك الان لا تؤدى الا لاستمرار الاحتلال الامريكى بوضع مبررات لهم

وكالعاده نحن اذكياء جدا ونبسط ونسهل للامريكيين كل شىء على الاقل المقاومه العراقيه
برئاسه الاردن تقتل عراقيين اكثر مما يقتل الامريكان كل يوم


يعنى هم ايضا فى خدمه الامريكيين لكن المنظر كانه العكس

[esso70]

بسم الله الرحمن الرحيم
الموضوع دا متعب جدا
وبرجع وأقول
لو فكر مسلم الصعود للقمر ولم يعمل لذلك فهو أثم

يعنى انا إنهارده فى صلاة الجمعه مثلا كانت الخطبة عن العمل والعلم
وإزاى إن إحنا كمسلمين بقي الموضوع عندنا أراء وخلا
وكان الإمام بيقول أن كل الفقهاء إتفقوا على أن لو جماعه من المسلمين فى حاجه لشيء
أيا كان وكان ليس بينهم من يعمل فييه كانوا جميعا أثميين
متخيليين الموضوع كبيير إزاى وعلى فكره الموضوع دا بيخص
وقت الحرب وصناعة السلاح بالكلام لأن من الطبيعي أنك مش هتروح تشترى سلاح من دولة أنته بتحاربها
صح ولا اييه

وفى حاجه غرييبه شوفتها فى الأخبار هيا الأمم المتحده ليه بتخص الشرق الأوسط بنزع السلاح النووى


هذا
والله المستعان

[y@sser]

يا جماعه الخير الظاهر اننا لا نكمل الدائره
انا قلت دا عماد ساوند وهايفهما وهي طايره
العساكر الذين يقومون بالغسيل ...................يكون لمن...........
بالطبع كنت المفروض تجاوب يا عماد....انه للظبات خريجي الكليات العسكريه
ثانيا الكليات العسكريه دخولها امر مستحيل
وهاقولك امر بسيط اشتريت اوراق دخول الكليه الحربيه
كنت فاكر انها علشان قريبه مني هايقبلوني
الامر كان صريح للغايه
1...مطلوب اسماء اقربائك الذين سبقوك للعسكره طبعا لايوجد وهذا من شروط ملء الاستمار
2... يظهر واحد من اياهم اثناء اختبارات كشف الهيئه ويديك عرض واضح هو انك تدفع 30 الف جنيه وتسيبك من وجع الدماغ ده وتدخل الكليه علي طول
وبعدين تتخرج وتتعلم الجهاد علي اصوله
كل دفعه يسلموك 3 او 4 عساكر يقومون بخدمتك انت والمدام والعيال ولو حبيت كمان يخدمو الجيران مافيش مانع

ثانيا مابني علي خطاء فهو خطاء
اي معاهدات هذه التي تسمح بمرور سفن حربيه لضرب دوله عربيه من ميناء عربي
وليس لي علاقه بان دول اخري وافقت علي هذه المهزله
من يحسن عندما يحسن الناس ويسء عندما يسيؤ هذا امعه
هل ترضي لنا ان نكون امعه
وطبعا مش محتاج افكرك بقصه الاسد مع الثيران الثلاثه
كل الي هايحصل ان دورك جاي يا ريس وساعتها مش هيكون في حد يوافق علي استخدام ارضه لان كل الاراض هتكون امريكيه