ماتقولش مسلم ومسيحى.......قول عرب

[المايسترو]

السلام عليكم ورحمة الله وبركاته

اخوتى الأحباء فى منتدى المنابر

أكتب هذا الموضوع لأوضح نقطة قد تكون خافية على الكثير من الأعضاء فى المنتدى وبتسبب مشاكل كتير مالهاش لازمة

احب أوضح ياجماعة اننا عرب يعنى كونك مسلم أو مسيحى دى حاجة ماتشكلش فرق

لكن لما نيجى نفتح موضوع ونلاقى الحوار اشتد بين الأخوة المسيحيين والمسلمين ويوصل للسب فى بعض الأحيان أظن ان الحاجات دى مالهاش لازمة خالص

ياجماعة كلنا عرب وده المهم .....

يعنى مثلا لو قامت حرب على مصر الجيش المصرى هيتكون من مين؟

مسلمين بس؟

مسيحيين بس؟

لأ طبعا

كلنا ولاد مصر سواء كنا مسلمين او مسيحيين

ده حتى لو كنت فى حرب ولقيت جندى من الدولة المعادية هيقتل زميلك المسيحى او المسلم أكيد هتدافع عنه وتحاول تحميه

يعنى من الآخر كلنا اخوات وأهم حاجة اننا نقول احنا عرب مش انا مسلم وانت مسيحى وبكده هنحقق وحدة تحطم أى عدويطمع فينا ومش هيفكر حتى يعتدى علينا لأننا هنكون بقينا كيان واحد.

وكل يوم نلاقى واحد كاتب موضوع يشكو سوء الاشراف واغلاق الموضوع ويقولك المنابر اصبحت من أسوأ المنتديات ده كله كلام فارغ لأن المنابر مركزها معروف مهما حصل واحنا كأعضاء فى هذا المنتدى بنعتبر المنابر دى بيتنا على النت اللى كان سبب فى تعرفنا ببعض وتكوين صداقات مع ناس ماكناش نعرفها أصلا......

يعنى من الآخر الأستاذ أبو بدر والمشرفين ليهم حق يغلقو المواضيع بدون انذار مسبق لأن لغة الحوار بتبقى تخرج عن اطار الأدب والاحترام وبندخل فى سب وشتايم وبيبقى المنظر غير لائق أبدا

عموما ياجماعة هذا رأىى بصراحة

والخلاف لايفسد للود قضية

أخوكم

المايسترو

[mosamemmax]

ولكن..


نحن قوماً أعزنا الله بالأسلام فاذا ابتغينا العزه من دونه اذلنا الله .

القوميه احد اسباب ذلنا الان

[SALMAN_NET]

اسمح لي اقولك كلامك غلط في غلط يا مايسترو ..المسلم أخو المسلم .لكن الكافر كافر ولو كان أبوك وأمك وأخوك وكل مجتمعك .المسلم في الجنة والمسيحي في النار كما قال رسولنا عليه الصلاة والسلام.ولن أسمح لأي شخص مسيحي وغيره وجميع الدروس اللتي ألقيها أخصها للمسلمين فقط وكذلك جميع الاخوه.لأننا نجني من المسلمين الأجر .ونجني من الكفار الذل والهوان

[emas]

المفروض ان كلام المايسترو صحيح

لكنه لا يمكن فهمه عند كثيريين ممن امتلا راسهم فقط بالشعارات

وهذا الرد ((((القوميه احد اسباب ذلنا الان )))))) يوضح ذلك تماما
هل اليمن مذلوله بسبب القوميه ؟؟؟؟؟؟؟؟

لان المشكله ان سبب الذل لم يقتنع به احد للان لذا تستمر المنطقه فى حاله الذل


والمهم ان البعض يحاول وضع اى سبب يعلق عليه خيبه المنطقه



يا سيد مصمم اليست اليمن بلد اسلاميه والمسيحيين فيها قله جدا وغير مؤثرين بالمره فى السياسه والعلوم والاقتصاد وكل شىء ؟؟؟؟


قل لى اين تقدمكم ؟؟؟؟؟ كيف اذلتم الذل ؟؟؟؟؟؟ ماذا فعلتم ؟؟؟؟؟

اين التفوق العالمى عندكم ؟؟؟؟؟؟


لا تقل لى ان وقت الحضاره الاسلاميه كانت كل الدول الاسلاميه مسلمين بنسبه 100% لان هذا لم يحدث

ورغم ذلك كانت هناك حضاره


واصلا بلدك اليمن بالذات لها حضاره قويه جدا قبل الاسلام قل لى كيف حدث ذلك ؟؟؟

ومصر كان بها اقوى حضاره قبل كل الاديان


يعنى القوه والتفوق والتقدم وعدم الذل يحققه الانسان بمجهوده وعمله وتفوقه


لا يمكن ان ياتى دين يجعل الناس اذكياء ويحبون العمل


واذا كنا نتكلم عن الحضاره الاسلاميه احب ان اقول انها ناتجه من ضم بلاد كثيره ذات قدره لاحداث حضاره

بهؤلاء كلهم نتجت الحضاره الاسلاميه لانهم كانوا بنيه صالحه لاحداث حضاره

الدين بدون ناس ماذا يفعل ؟؟؟؟؟؟


ودليل ذلك


هل فى اوج الحضاره الاسلاميه هل كانت السعوديه هى مركز العلم والتفوق والتقدم ؟؟؟؟؟؟؟؟

لا طبعا


بقيه الدول الاسلاميه الاخرى هى التى انتجت الحضاره


اذا الموضوع عربى لانه يعتمد على كل العرب سويا وفعلا قومى


ولو كان دينى كما تقول لكانت السعوديه بما انها اول واقدم واساس منبع الدين سابقه لكل الدول العربيه فى التقدم


اذا كتب

(((نحن قوماً أعزنا الله بالأسلام فاذا ابتغينا العزه من دونه اذلنا الله))))


عباره ممتازه وصحيحه لكنها تتكلم على الدين اذا ابتغيت سواه ماشى

لكن تطبيق الكلمات لا يجوز على كل موضوع او اى نقاش


العمليه مش عبارات تطلق فى اى مناسبه

[y@sser]

انا في انتظار القنبله
ما فيش فايده

احييك يا مايسترو

[emas]

وانت يا استاذ سليمان نت من اين تعلمت الدروس ؟؟؟؟؟؟؟ وماهو البرنامج الذى تعمل عليه ؟؟؟؟

هل هو من صناعتك ؟؟؟؟؟


يا اخى مش طريقه كلام ابدا

مانا اهو بعلم وانصح واجاوب ولم افكر فيما تفكر فيه ابدا

على ذلك لو منع الغرب العلم عن المسلمين يبقى عنده حق ؟؟؟؟؟؟

[S.A]

أرجوك أخي عماد حافظ على روئان بالك عشان خطري

في النت الإنصاص قوالب والقوالب إنصاص

معلش إنت الكبير

صالح
مسعد سابقآ

[MAHMOUD_EN]

تصدقوا انتو ناس فاضية
ممكن حد فيكوا يقولى هوا استفاد ايه من المواضيع ديه اللى كل شوية واحد يفتحها
كل واحد ينفذ دينه صح و مالوش دعوة بالاديان الاخرى و ربنا سبحانه وتعالى اعلم مين الصح و مين الغلط
اللهم اهدى شباب المسلمين.

[ehabrashad]

السلام على من اتبع الهدى
تسمحولي اتكلم شويه
اولاً كلام اخونا الماسيترو فيه كلام صحيح وكلام مش صحيح
اولاً بخصوص كلنا عرب مسلمين ومسحيين وكلنا واحد ده كلام مش مضبوط يعني سيتك بتقول من يقول لا إله إلا الله زي الذي يقول المسيح بن الله كلام مش مضبوط
أما أن اقول كلنا عيشين في مجتمع واحد ونتواد ونبر بعضنا البعض فهذا من الدين وهو يحضنا على ذالك ويأمرنا بذالك (لا ينهاكم الله عن الذين لم يقاتلوكم في الدين ولم يخرجوكم من دياركم أن تبروهم وتقسطوا إليهم إن الله يحب المقسطين. إنما ينهاكم الله عن الذين قاتلوكم في الدين وأخرجوكم من دياركم)

اما عن كلام عماد
فأقول له الدين الإسلامي منهج حياه مش جامعة علمية بتخرج علماء طبيعة
إنما هو منهج لتهذيب أخلاق البشر وتنظيم شأونهم والعمل تنظيم العلاقات مع بعضهم البعض
هذا هو الإسلام
بس لو جيت بصيت على الحضارات الأخرى إلي سيتك ذكرتها قبل الإسلام كانت حضارات فردية يعني قومية وإذا تعارضت المصالح في هذه الحضارت مع بعضها البعض فأنت تعيش في غابة يأكل قويها ضعيفها
أما الإسلام فقد اوجد نوع من الحضارة المبنية على حب الأخر والعمل لشيئ واحد ولهدف واحد مما جعل من الدولة الإسلامية مثالاً يحتزى به
هل كان من الممكن أن تجتمع كل هذه الفئات والأجناس والألوان إلا تحت شعار واحد
وبعدين إحنا تعبين نفسنا ليه والله الذي لا إله إلا هو الإسلام راجع راجع رغم انف الجميع
فعن حذيفة بن اليمان أن رسول الله قال: { تكون النبوة فيكم ماشاء الله أن تكون، ثم يرفعها الله إذا شاء أن يرفعها، ثم تكون خلافة على منهاج النبوة، تكون ماشاء الله أن تكون، ثم يرفعها إذا شاء أن يرفعها، ثم تكون ملكاً عاضاً، فيكون ما شاء الله أن يكون، ثم يرفعها الله إذا شاء أن يرفعها، ثم تكون ملكاً جبرياً، فتكون ماشاء الله أن تكون، ثم يرفعها الله إذا شاء أن يرفعها، ثم تكون خلافة على منهاج النبوة } [أخرجه أحمد، وصححه العرا قي، والألباني]

فرجاء من الأخوة المسلمين ألا يحاول الجدال اكثر من المطلوب للمعرفة
اما البشمهندس عماد ديينا يقول هذا وعلى هذا نحن مسلمون ومصدقون

في النهاية الإسلام قادم قادم شأتم أم ابيتم

[الفك المفترس]

تعجبني اجاباتك يا ايماس اليمن بلغ من التطور والسبب القوميه فهو من اكثرالدول التي بها قوميه يهوديه ونصرانيه ومسلمه لذا فهو جدا متطور .....
امل اغلاق الموضوع

[emas]

والله يا سيدى عندما تتعارض المصالح كل شىء يحدث واقرا التاريخ اكثر وشوف ماذا كان يحدث ايام الخلافه

وعمر بن الخطاب قتل

وغيره

وهناك نزاعات كانت على الخلافه ونشات ايضا مناورات وخدع فى انتقال الخلافه وسببت المشاكل بين الشيعه والسنه

واخرها الحرب العراقيه لاحتلال الكويت



يعنى بلاش نتكلم لان الدين ما له دعوى بالتصرفات البشريه انت تظلم الدين لما تدخله فيما يفعله البشر


والاسلام قادم ؟؟؟ اهو لم ياتى بعد ؟؟؟؟


اعتقد اصح تقول


والاسلام سيعود



وبلاش ارجوك التحامل بهذه الطريقه لا احد ضد الاسلام هنا فلما انتم ضد الكل ؟؟؟؟؟




موضوع ان الاسلام جمع الحضارات الذى تشرحه هو نفس ما انا قلته تماما


وانت تعارضنى وتكتب ان الدين لا يخرج علماء


يعنى متفقين



==


المساواه التى يتكلم عنها المايسترو هى بيننا وبين بعض


والفرق الذى تتكلم عنه هو فرق ايمانى هذا سيحكم فيه الله وليس انت


اتريد ان تفرق انت وتقتص وتشوف مين على حق ومين على باطل ؟؟؟؟ هذا مخول لك فى التصرفات

مثل السرقه والقتل و و و و لاقامه العدل بين الناس

لكن الحكم فى الاعتقاد والدين هو امتحان الله للناس والجزاء هو يوم الاخره وهو الذى سيقوم بهذا وليس البشر

[فدائي]

(((نحن قوماً أعزنا الله بالأسلام فاذا ابتغينا العزه من دونه اذلنا الله))))


عباره ممتازه وصحيحه لكنها تتكلم على الدين اذا ابتغيت سواه ماشى

لكن تطبيق الكلمات لا يجوز على كل موضوع او اى نقاش


العمليه مش عبارات تطلق فى اى مناسبه

مع احترامى الشديد للجميع هقول راى بكل هدوء
انا ملاحظ كده ان السيد عماد بيفسر الكلام ولا فى الاحلام
هل تعرف من قائل العباره ولماذا قيلت!!!!!!
لكى تحكم وتفسر لنا وتقولنا ايه اللى نعمله وايه اللى منعملوش
وما هو الصحيح والخطأ ومتى واين .........الخ
اعتقد انه حتى اعلم واحد فى المنابر دينا يجب ان يستند للتفسير بتاعه الى الكتب على الاقل الكتب السته
عارف ايه هما الكتب السته ؟؟؟

[y@sser]

عندما يحدث خلل في الجهاز المناعي للجسم
اذا دخل فايروس من الخارج
يتحرك جهاز المناعه فورا ويحمل كرات الدم البيضا كل الاسلحه الكافيه للقضاء علي الفايروس
ولاكن لان به خلل لا يستطيع عمل سيلكت للفايروس
فيقوم بضرب الجسم نفسه ضربا مبرحا
ويعمل اورام وسخونه رغم انه كان رايح لهدف تاني
وبعدها يترك الجسم الفايروس
وينشغل في علاج ما اتلفه بنفسه وساعتها الفايروس بيكون بيتلذذ بكل مالذ وطاب من موارد الجسم وطاقته

بعض الناس يقولون علي هذا سرطان

[المايسترو]

ياجماعة برضه الناس اتعصبت وخدت الموضوع من زاوية تانية
انا بهدف من الموضوع ده الى الدعوة الى التعايش السلمى بين المسلمين والمسيحيين
يعنى أنا ماطلبتش من المسلم يروح يصلى فى الكنيسة ويعلق صليب أو طلبت من المسيحى يصلى فى مساجدنا ويطلق لحيته
انا قصدى الوحدة الوطنية ياجماعة
وان كنتو زعلانين من كلمة اخوات احب اوضحلكم قصدى منها
يعنى طبعا احنا كمسلمين مع بعض احنا اخوات فى الله وفى الاسلام
اما قصدى بالاخوة بين المسلم والمسيحى دى فأنا أقصد بيها ان بلدنا ايا كانت مصر مثلا أو أى بلد تانية شعبها مكون من مسيحيين ومسلمين يعنى كلنا (أولاد بلد واحدة) فمفيش أى داعى اننا نتعصب ونعمل مشاكل مع بعض ونحاول نعيش فى سلام.
والا بقى كل واحد مسلم يلاقى واحد مسيحى يقتله والعكس ويبقى البقاء للأقوى فى الآخر

اولاً بخصوص كلنا عرب مسلمين ومسحيين وكلنا واحد ده كلام مش مضبوط يعني سيتك بتقول من يقول لا إله إلا الله زي الذي يقول المسيح بن الله كلام مش مضبوط

ياأخ ايهاب انا ماقلتش كده
قصدى اننا فى النهاية عرب وأوضحت ذلك بأنى قلت ان لو فيه عدوان على بلدك جيشها هيتكون من مسلمين ومسيحيين ودى الوحدة اللى أقصدها
يعنى لو بتحارب وبصيت على يمينك هتلاقى مسلم وعلى شمالك هتلاقى مسيحى

أما أن اقول كلنا عيشين في مجتمع واحد ونتواد ونبر بعضنا البعض فهذا من الدين وهو يحضنا على ذالك ويأمرنا بذالك (لا ينهاكم الله عن الذين لم يقاتلوكم في الدين ولم يخرجوكم من دياركم أن تبروهم وتقسطوا إليهم إن الله يحب المقسطين. إنما ينهاكم الله عن الذين قاتلوكم في الدين وأخرجوكم من دياركم)

هو ده اللى أقصده فعلا من الموضوع ياايهاب بس فيه ناس فهمته بشكل تانى
يعنى مثلا لو حصل مشاكل فى مصر بين المسلمين والمسيحيين وصلت الى حد القتل هيبقى عندنا فى مصر حرب داخلية هتفكك مجتمعنا وهتضعفه وهتخلى بلادنا فريسة سهلة أمام المستعمرين (وااحنا مش ناقصين)

[max ghost]

انا مع المايسترو في كلامه .
في المدينة بعد دخول الرسول فيها ( عليه الصلاة والسلام ) ..كان المسلمين بيتعاملو مع اليهود .. كانو بيشتروا منهم وبيبيعوا لهم .. ( الكلام مش من عندي )
كان فيه واحد يهودي ساكن بجوار الرسول ( عليه الصلاة والسلام ).. كان بيزوره إذا مرض ..
يا ريت يا شباب محدش يحاول يفرض وجهة نظره على الكل .. وياريت نفكر ..
ربنا يهدي الجميع للصواب .