حاجه غريبه ( تنرفذ فعلاً )

[String]

كنت مسافر لمدينة دمياط وانا راجع ركبت عربية ( ميكروباص يعنى من الأخر ) المهم ركبت مع رجل سائق ملتحى وشكله محترم ( دا شكله بس ) المهم اتكلنا على الله ومشى الراجل وفى الطريق شغل خطبة للشيخ محمد حسين يعقوب الخطبة كانت عن تحريم الغناء وكده والراجل السائق وكل لعربيه بيسمعوا الشريط وكنا يعنى مستمتعين جدا من الكلام وقاعدين مندمجين والراجل السائق نفسه مندمج معانا فجأة قام قافل الشريط ومشغل جورج وسوف ( قولولى انتو تعملوا ايه بقى ) كل العربية قالتلوا ايه ياعم انت امال الراجل كان بيقول ايه قام قايل (.................. كلمة مش مهم اقولها ) المهم شتم الشيخ وفجأة لأقى عربية نص نقل فى الطريق سبقته قعد يجرى وراها عايز يخبطها انا طبعا حسيت ان دا اخر يوم ليا لو انتوا مكانى هتعملوا ايه فى اللحظة دى بس الحمد لله ربنا ستر معنتش رايح دمياط تانى ...........

[Ahmed012]

ههههههههههههههههههههههههههه

شر البليه مايضحك
طيب جرب ياسترينج تروح أكتوبر بالميكروباص كده وإنت تلاقي العجب

المواصلات في مصر عموما عايزه نظره فاحصه شاملة

[ehabrashad]

ههههههههههههه
لو لم يكن سواق لحسبته سواق
والله يا اخي كل يوم الواحد يشوف من السوقين دول العجب
فهم يتمتعون بحرية خاصة يعني ممكن يوقف صف ثاني وثالث وتلقيهم هما مشين في الطريق بيعملوا عمليات اختطاف للركاب ممكن ويركبوهم في وسط الطريق بحرية تامه
انا معترض على الأغنية إلي بتقول (اديها كمان حرية )
بيتهيألي حرية اكتر من كده متنفعش

[String]

بلدنا فيها العجب فى كل مكان ...................

[jessing]

لو مكانك

آخر مرة أركب ميكروباص

.

[String]

لو مكانك
آخر مرة أركب ميكروباص
.

مهى اخر مره فعلا اسافر كمان
دا مشوارين زى دول واقطع الخلف

[esso70]

ههههههههههه
سبحان الله
دا باين علييه راجل هوائي ( إريال يعنى )
وأعتقد أنه بيحمل حاجه ف قلبه للشيخ الجليل محمد حسين يعقوب
هههههههههههه
علشان كدا بيظهر أنه ممكن يسمع كلامه ومايطبقوش قدام اللى راكبيين معاه
والله أعلم

والله المستعان

[أبواسلام]

ولا تتنرفذ ولا حاجة
ولما تكون رايح دمياط قوللى وأنا أخدك معايا ومش هاسمعك غير الشيخ يعقوب ومحمد حسان والمنشاوى وكل إللى يخطر على بالك وبرده ننفذ كلامهم
أخى الكريم إللى زى دول لازم ندعيلهم ربنا يهديهم
مع إن فيهم الحلو زى ما فيهم السىء زى كل طائفة
هدانا الله وإياك لما يحبه ويرضاه

[esso70]

أميين أميين
والله يا أبو إسلام
أنا مش عارف من غييرك كنا هنعمل اييه فعلا ساعات
الواحد يكون بيقول كام وناسي موضوع الدعاء لنفسه وللأخريين
مع أن دا مهم جدا جدا
اللهم إرحمنا بالهداية
والله المستعان

[فدائي]

هههههههههه
ده طبيعى جدا فى ناس كتير كده يشغل قران ولما يخلص تلاقى الاغانى اشتغلت واغانى غريبه
الافضل انك لو مسافر وهتركب ميكروباص خد معاك شرايط احتياطى
وبعدين ده فى سواقين ترفض انها تشغل شرايط دينيه
والادهى من كده ان فيهم مجانين سرعه
يضغط بنزين ويغمض عينه وكانه بيلعب games
اتذكر انى مره اتخانقت مع سواق كان ماشى فوق 120 كيلو على الكورنيش والطريق زحمه وعمال ياخد فى غرز والركاب عماله تتحايل عليه وتصرخ وهو كانه فى عالم تانى لدرجه انى اعتقدت انه هينتحر اوناوى يفجر العربيه فى مكان ..... المهم رحت مزعق وقلتله وقف العربيه قلتله يا تجيب الاجره وننزل يا تمشى عدل المهم هو اتغاظ ومشى بالميكروباص وخدنا الكورنيش تاتا تاتا كاننا فى رحله نيليه على المركب. طبعا اللى مشيهم بسرعه فى الاول خد ضعفهم وهو ماشى الحمد لله وصلنا بالسلامه

[أبواسلام]

السلام عليكم ورحمة الله وبركاته
ياجماعة الله يهدينا ويهديكم
بلاش النظرة التشاؤمية فى كل شىء
فعلاً موجود الكثير من السائقين بشخصيات غريبة ومتناقضة
لكن منهم أيضاً لو أعطيته إنت شريط إسلامى يشغله هايدعيلك وياسلام لو تتركه له هدية
ياشباب بلاش النقض لمجرد النقض
أنت تعبان من السائقين إدعيلهم بالهداية وإبدأ بنفسك وإعمل حسابك فى كل أسبوع شريط هدية لواحد فيهم
ويبقى كده ذهبت إلى عملك وأخذت حسنات
وقد روى فى صحيح البخارى فى الجامع الصحيح أن رسول الله صلى الله عليه وسلم قال :
(لروحة في سبيل الله، أو غدوة، خير من الدنيا وما فيها، ولقاب قوس أحدكم من الجنة، أو موضع قيد - يعني سوطه - خير من الدنيا وما فيها، ولو أن امرأة من أهل الجنة اطلعت إلى أهل النار لأضاءت ما بينهما، ولملأته ريحا، ولنصيفها على رأسها خير من الدنيا وما فيها).
فاجعل أخى الكريم ذهابك وإيابك لعملك طاعة لله وعمل فى سبيله
حتى وإن رفض أحدهم تشغيل الشريط فكرر المحاولة مع آخروهذا نادراً ما يحدث لأنه سخجل منك
وشوف كم واحد هايسمع الشريط لو واحد بس ربنا هداه أو استفاد معلومة أو تذكرة إنت الكسبان وصدقة جارية والعداد بيعد
على فكرة فى شريط موجود للشيخ محمود المصرى ( أبوعمار ) إسمه حوار مع سائق
شريط أكثر من رائع
إعملوا على نشره جزاكم الله خيراً
هدانى الله وإياكم لما يحبه ويرضاه

[Ahmed012]

بالرغم إن أنا متفق مع رأي أبو إسلام 100%
لكن انا كنت قريت بحث فيما معناه إن أحسن شيئ عند ركوب المواصلات في مصر عدم تشغيل أي شيئ خالص
لإن لو شغلت شريط قرآن في ناس بتتضايق ولو شغلت أغاني في ناس بتتضايق ويحصل خلاف إنت في غنى عنه

وأنا شايف المقولة دي صح هوا الواحد عايز إيه غير إنه يوصل مكانه مستريح البال ودماغه صافية
وخصوصا إن ممكن الركاب تختلف على أي شيئ الأجره - السرعه - المنحنيات - المعاملة .....
ولو إستعملت الكاسيت بتتخلق فرصه تانيه للخلافات

مع إحترامي

[String]

بالرغم إن أنا متفق مع رأي أبو إسلام 100%
لكن انا كنت قريت بحث فيما معناه إن أحسن شيئ عند ركوب المواصلات في مصر عدم تشغيل أي شيئ خالص
لإن لو شغلت شريط قرآن في ناس بتتضايق ولو شغلت أغاني في ناس بتتضايق ويحصل خلاف إنت في غنى عنه

وأنا شايف المقولة دي صح هوا الواحد عايز إيه غير إنه يوصل مكانه مستريح البال ودماغه صافية
وخصوصا إن ممكن الركاب تختلف على أي شيئ الأجره - السرعه - المنحنيات - المعاملة .....
ولو إستعملت الكاسيت بتتخلق فرصه تانيه للخلافات

مع إحترامي

بص حبيبى
لو ركبت ميكروباص زيك زى الشعب هتسمع اغانى او هما بيسموها اغانى غصب عنك كفاءة قدرة هى كده مش عاجبك انزل واركب تاكس ركبت تاكس هيشغل اغانى هتيجى تتكلم هيصدرك الطرشة مش عاجبك انزل ركبت اوتوبيس الله اعلم ايه اللى هيحصلك ,
ربنا يستر.........................................

[youssef_23]

ههههههههههههههه
اظن دة من كتر الاندماج مع الشريط

[Ahmed012]

طيب يا سترينج مانتا عارف اللي فيها

يبقى ليه تعذب نفسك وماتروحش دمياط تاني ؟؟؟
أو ليه ماترحمش نفسك من المشي على رجليك وتركب ميكروباص ؟؟؟؟