Unconfigured Ad Widget

تقليص

إعـــــــلان

تقليص
لا يوجد إعلان حتى الآن.

قناة Space toon وبيتنا الحبيب

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • قناة Space toon وبيتنا الحبيب

    الحمد لله تعالى لي أخ صغير إسمه يوسف

    واد زي العسل ودمه خفيف جدا ومابيعضش
    بس المشكلة إنه واحد فاضي في سنه تالته إبتدائي
    طبعا كان زمان يشغل التليفزيون على القناة الإجبارية اللي مالوش غيرها Space toon
    وإحنا طبعا قاعدين بنذاكر
    وتخيل بقى وإنت بتذاكر تسمع صرخه (( إنطلقي ياماجنام))
    أو (( هععععععععع)) (( سأوسعك ضربا أيها الغبي)) وحاجات كده غريبه بس لإن الواحد ماكانش مضغوط لا في الوقت ولا في المذاكره
    فكان الموضوع بيمشي عادي جدا وآخر لما نزهق منه نروح ونغلق التلفزيون ونقول له روح ذاكر أو خش نام
    على حسب الوقت.
    دلوقتي بقى هوا فاضي وواخد الأجازه وقاعدلنا بقى قدام التليفزيون 24 ساعه Space toon و MBC3
    R Teenz وحاجه بقى دلع على الآخر

    تخيل نفسك مكاني
    وإنت في أيام إمتحانات تلاقي بقى (( إنطلق يامازنججر)) وإنت بتذاكر عادي تقوم مفوتها وتقعد في حالك
    (( أنا معااااااك)) تقول في سرك ماشي زي بعضه وهو يقلب القناه تلاقي (( مقاتلوا القلعه يحصدون القمح)) تقول في سرك مش فارق (( آآآآآآآآآه كونان.... كونان ...... المحقق كونان )) تقول في سرك أهلا وسهلا (( إنتهت رحتلنا في كوكب زرونبيخ)) تقول في سرك أهلا بكم في كوكب المذاكره

    وتتفاجئ بأخوك وقد إقتحم الغرفه بطريقه مازنجر ويصرخ (( الصحن الدواااااااار)) ويقوم حادفك بطبق بلاستيك لعبه كده
    ساعتها لم أتمالك نفسي من الغيظ وقمت ماسك الشبب ومصرخ انا كمان (( صااااااروووووخ الغضب)) وقمت حادفه بالشبب
    وهنا إشتعل الموقف وراح ماسك دبابه لعبه صغيره وراح حادفها عليا وهو يصرخ (( إنطلقي ياماجنام))
    وبالفعل أصابتني ماجنم وطيرت الورق الذي أذاكر فيه
    قمت منعكش شعري ومزعق له وقولتله (( حان وقت الإنتقام هعهعهعهعهعهعهع))
    طبعا طلع يجري ويضحك وأنا أجري وراه ومتغاظ
    تخيلوا ألاقي مين واقف ومراقب الموقف

    والدي
    وطبعا والدي هو القوه العسكريه القوية المحايده ليوسف
    ولما لاحظته فجأه أدركت من نظرته لي مدى سذاجتي وهبلي وربما جنوني
    قمت قاعد مكاني ومجمع الورق ومكمل مذاكره
    .............................

  • #2
    ناس بتجيبوا لنفسيها ,
    حلو موقفك قدام والدك , أظن بعد هذا مش حيرضى يزوجك عمرك في حياتك.
    your tsunami
    إن الحياة الدولية مثل الحياة الفردية من يحترم نفسه فيها يُحترم ، ومن يهن يسهل الهوان عليه قد ينال جزءاً من شفقة أو بعضاً من التعاطف أو جانباً من ابتسامة وربما قدراً من الفائدة ، ولكنه ينال أيضا الكثير من السخرية والاستهزاء.

    تعليق


    • #3
      مسكين ... تعيش وتاخذ غيرها...ها ها ها.......

      ....
      إذا لم تزد شيئا على الدنيا كنت أنت زائدا على الدنيا


      http://www.maxforums.net/showthread.php?t=34338

      http://www.alrashed.net/ar/
      يتوب على يدي قوم عصــاة أخافتـــهم من البـاري ذنوب
      وقلبي مظلـــم من طول ما قد جنـــا فأنا على يـد من أتوب
      كأني شمــــعة ما بين قـــــــوم تضيء لهم ويحرقها اللهيب
      كأني مخيـــــط أكسوا أناســـا وجســـمي من ملابسه سليب

      تعليق


      • #4
        الحمد لله تعالى لي أخ صغير إسمه يوسف
        مش أنا يا باشا أكيد ....

        بس على العموم أنا في نفس الموقف بتاعك ... والأسوأ ...
        انهم بينزلو الأفلام دي على الهارد ؟؟؟ ... تخيل ....؟؟؟؟؟

        مش لاقي مكان للماكس .... ولا نفس للفوتوشوب ... ولا بايت للبروجكت ....
        من الاخر محتلين الجهاز .... على الأقل الموضوع كله عندك تلفزيون ....
        اللي يشوف بلاوي الناس ....

        تعليق


        • #5
          المشاركة الأصلية بواسطة Ahmed012
          الحمد لله تعالى لي أخ صغير إسمه يوسف

          وتتفاجئ بأخوك وقد إقتحم الغرفه بطريقه مازنجر ويصرخ (( الصحن الدواااااااار)) ويقوم حادفك بطبق بلاستيك لعبه كده
          ساعتها لم أتمالك نفسي من الغيظ وقمت ماسك الشبب ومصرخ انا كمان (( صااااااروووووخ الغضب)) وقمت حادفه بالشبب
          وهنا إشتعل الموقف وراح ماسك دبابه لعبه صغيره وراح حادفها عليا وهو يصرخ (( إنطلقي ياماجنام))
          وبالفعل أصابتني ماجنم وطيرت الورق الذي أذاكر فيه
          قمت منعكش شعري ومزعق له وقولتله (( حان وقت الإنتقام هعهعهعهعهعهعهع))
          طبعا طلع يجري ويضحك وأنا أجري وراه ومتغاظ .
          ابشر اخي الحبيب لقد وجدت الطفل الكامن في داخلك
          بهزر طبعاً
          كل اناء بما فيه ينضح
          إذا جائتك الضربات من اليمين ومن اليسار فاعلم انك من أهل الوسط

          تعليق


          • #6
            أنا الحمد الله مفيش حد بيلعب إلا لما أخر واحد يخلص هاهاها

            تعليق


            • #7







              انت والبوكيمون
              يا عم أحمد ربنا يخلييلك أخوك الشغيير

              على فكره اللى كنت بتعمله فى الناس وانت صغيير بيطلع على جتتك

              الله المستعان

              Eslam Amin
              3D Generalist_Supervisor

              تعليق


              • #8
                البكيمون وإسلام

                كده ان عرفت سر الإدمان
                كل اناء بما فيه ينضح
                إذا جائتك الضربات من اليمين ومن اليسار فاعلم انك من أهل الوسط

                تعليق


                • #9
                  المشاركة الأصلية بواسطة Ahmed012
                  مدى سذاجتي وهبلي وربما جنوني
                  الاعتراف سيد الادلة .

                  .

                  تعليق


                  • #10
                    الصحن الدواااااااااااااااااااااااااااااااااااااااااااااااااااار انطلق
                    شعاع الليزر اضرببببببببببببببببببببببببببببببببببببببببببببببببببببببببببببببببب
                    السيف الوهاججججججججججججججججججججججججججججججججججججججججججج
                    فلترون انطلقققققققققققققققققققققققق ودمرررررررررررررررررررر احمد
                    انتقم لاخيه الصغيررررررررررررررررررررررررر
                    الصواريخ الملتهبة اضرررررررررررررررررررب



                    بأبي أنت وأمي يا رسول الله



                    فدتك نجد و طيبة ومكة وأرض الأسراء


                    اللهم احشرني مع نبيك يوم يكون اللقاء


                    اجمل شئ في الحياة حينما تكتشف اناس قلوبهم مثل اللؤلؤ المكنون في الرقة والبريق والنقاء قلوبهم مثل افئدة الطير
                    اللهم اني احبهم فيك

                    لك نصحي وما عليك جدالي ........وافة النصح ان يكون جدال

                    دعوة لحفظ القرآن الكريم عن طريق المنتدى









                    تعليق


                    • #11
                      المشاركة الأصلية بواسطة omar77
                      ناس بتجيبوا لنفسيها ,
                      حلو موقفك قدام والدك , أظن بعد هذا مش حيرضى يزوجك عمرك في حياتك.
                      نفسي أعرف كل الناس مستعجله على جوازي ليه ؟
                      يا إخوننا أنا لسه صغير عندي 19 سنه
                      يعني مش سن جواااااااااااااااااز
                      مش دلوقتي خالص
                      لما يكون عندي 50 سنه ياعمر أكيد والدي هايكون نسي الموقف ده تماما
                      وهتمشي إجراءات الزواج الروتينيه بشكل عادي
                      ماتقلقش

                      تعليق


                      • #12
                        المشاركة الأصلية بواسطة amat allah
                        مسكين ... تعيش وتاخذ غيرها...ها ها ها.......

                        ....
                        أنا لا أهزم بسهوله لما آخد الأجازه هانتقم بنفس الطريقه
                        هههههههههههههههههههههههههههه

                        بجد حلوه جدا

                        تعليق


                        • #13
                          المشاركة الأصلية بواسطة maxspider
                          مش أنا يا باشا أكيد ....

                          بس على العموم أنا في نفس الموقف بتاعك ... والأسوأ ...
                          انهم بينزلو الأفلام دي على الهارد ؟؟؟ ... تخيل ....؟؟؟؟؟

                          مش لاقي مكان للماكس .... ولا نفس للفوتوشوب ... ولا بايت للبروجكت ....
                          من الاخر محتلين الجهاز .... على الأقل الموضوع كله عندك تلفزيون ....
                          اللي يشوف بلاوي الناس ....
                          يايوسف يا أخويا برضه كان لازم تعمل إحتلال شامل كامل على الكمبيوتر في البيت
                          لإن ده إسمه Personal Computer أو PC
                          يعني مش Family Computer علشان كل العائله المبجله تستعمله
                          المفروض كان من الأول بما إنك بتشتغل عليه وممكن الجهاز ده يجيبلك رزق
                          يبقى الأولويه في المساحه والإستخدام ليك طبعا.
                          عموما عادي مشي أمورك وربنا يرزقك بجهاز أحسن منه إن شاء الله ويبقى بتاعك لوحدك

                          تعليق


                          • #14
                            المشاركة الأصلية بواسطة ehabrashad
                            ابشر اخي الحبيب لقد وجدت الطفل الكامن في داخلك

                            والله أنا ساعات كتير بحس إني عيل صغير
                            أو عايز أرجع تاني عيل صغير
                            ولا مشاكل ولا إمتحانات ولا سياسه ولا أي حاجه

                            بابا يجيبلي شوكلاته أفرح
                            بابا يزعقلي علشان دلقت الكوبايه أتضايق
                            وبس

                            تعليق


                            • #15
                              المشاركة الأصلية بواسطة esso70








                              انت والبوكيمون
                              يا عم أحمد ربنا يخلييلك أخوك الشغيير

                              على فكره اللى كنت بتعمله فى الناس وانت صغيير بيطلع على جتتك

                              الله المستعان


                              أنا لما كنت صغير كنت أهدى طفل في العالم
                              وماكنتش تقريبا بتحرك من مكاني
                              لكن دلوقتي
                              الوضع مختلف

                              تعليق

                              يعمل...
                              X