صفحة 1 من 3 123 أخيرأخير
النتائج المعروضة من 1 الى 20 من مجموع 45

موضوع: أيه الهبل ده ........

ردود: 45 | زيارات: 9699
  1. #1
    Freelance
    صور رمزية String
    تاريخ التسجيل
    Jul 2004
    المنطقة
    Egypt
    العمر
    32
    ردود
    1,486

    أيه الهبل ده ........

    السلام عليكم ورحمة الله وبركاته
    موضوع حصل بس حاجه غريبة جداكنت قاعد انا واحد صاحبى على الكورنيش فجأة عدى ميكروباص وبعد شوية عدى واحد سألنا الساعة كام فقلناله الساعه 6 فمشى راح وجه واحد تانى شكله مخبر وقال هى الساعه كام قلناله 6.5 فجأة لقينا تلاته جم علينا بالميكروباص وقلوا طلعوا بطايئكم من حسن حظى العسل ان صاحبى اللى كان معايا مكنش معاه البطاقه شفتوا الهنا ولا اى حاجه تثبت شخصيته فطبعا بعد شوية حورات ركبنا معاهم وانا بقى رايح على العربية معاهم من بعيد شوية سمعت ناس بتضرب بصراحة قلت اهلا دحنا هتبقى ليلتنا فل المهم ركبنا الميكروباص والحمد لله محدش عمل اى حاجه معانا الشهادة لله طلعوا محترمين جدا مبيمدوش ايدهم شتموا وبس ودا نظرا لأننا مش فاهمين حاجه المهم العربية فظلت تلف بينا البلد وفجاة وقفت قلولنا انزل انت وهو يلا يا ................................... طبعا شتايم المهم نزلنا وقالو كل واحد يروح على بيته بسرعه
    ________________________________________________________________
    طيب ليه كل اللى حصل ده
    ليه لحد دلوقت مش فاهم ليه كده اساسا
    ــــــــــــــــــــــــــــــــــ
    Ahmed Abd Elnaby
    CG artist - compositor
    0162963777 2+


  2. #2
    ده عقاب علشان ما كنش معاك بطاقة يعنى هو الضابط عايز يعطلك شوية
    ويرخم عليك حبتين

    عموما هو هبل ولم يكن له اى داعى
    عموما هو الضابط بشكل عام ما بيحبش تكون العربية بتاعتوه فاضية
    عشان كدا عايزها تكون مليانة دايما

  3. #3
    عضو فعال
    تاريخ التسجيل
    May 2005
    المنطقة
    maroc
    العمر
    39
    ردود
    266

    Arrow

    مبروك النزهة

    هم أكيد أحسوا بكونكم في ملل على الكورنيش فحبوا يعملوا لكم شوية فرفشة على ذوقهم.
    هنييا لك يا عم.

    أمزح.....

    ***

    كنت أظن أن مثل هذه الحوادث لا تقع إلا في بلدي فإذا بها....
    إذا لم تزد شيئا على الدنيا كنت أنت زائدا على الدنيا


    http://www.maxforums.net/showthread.php?t=34338

    http://www.alrashed.net/ar/
    يتوب على يدي قوم عصــاة أخافتـــهم من البـاري ذنوب
    وقلبي مظلـــم من طول ما قد جنـــا فأنا على يـد من أتوب
    كأني شمــــعة ما بين قـــــــوم تضيء لهم ويحرقها اللهيب
    كأني مخيـــــط أكسوا أناســـا وجســـمي من ملابسه سليب

  4. #4
    عضو متميز
    صور رمزية omar77
    تاريخ التسجيل
    Feb 2004
    المنطقة
    تحت الاقامة الجبرية المؤقتة على كوكب الرذيلة ... الارض
    العمر
    40
    ردود
    4,206
    قول ياأخي String_Max
    هم عملوا فيكم ايه , قول ماتخفش , يعني ركبوكم الميكرو باص وبعدين نزلوكم , قول نت بس قول , عادي بتحصل مع أي واحد.
    طب أقلك على موقف حصل معي .
    انا زمان درست في المعهد الهندسي , وكنت راجع بالليل انا وصحابي بعد شوية صياعة في الشوراع , بنعدي الشارع , قامت عربية عدت بسرعة وكانت حتدهسنا , احنا طبعا شايفين نفسنا شباب نهد الحيطة , ماسكتناش , كل واحد مننا ابتدى يشتم في الناس اللي جوّا العربية على قد ميقدر , وفجأة حصلت المفاجأة , العربية وقفت , ورجعت بسرعة علينا , واحنا شفنا نمرة العربية ( جيش ) , وكل واحد قال يا فكيك في جهة ,
    وانا بركض والعربية بتلحقنا , لاقيت قدامي مبنى كبير , قلت مافيش غيره هو اللي استخبى فيه , وانا داخل , واسمع ثلاث رجالة على باب البناء بيقولولي اوقف , وبيصرخوا علّي ,
    وانا طبعا , قال اوقف قال , كملت ولا سألت فيهم , طبعا لحقوني ,
    المصيبة الاكبر انهم طلعوا الحراس اللي واقفين على مبنى ( والله مش عايز أذكر اسمه , انما هو مطرح مالواحد بيروح وبيلاقي الناس هناك عارفة كل حاجة عنه , وممكن جدا ينضرب , لا ... مش قسم بوليس , أكثر حبتين , قول ثلاثة ).
    وطبعا الثلاثة الحراس قاعدين بيشربوا شاي وفاضيين , وماصدقوا لاقوا واحد ,
    سحبوني من الدار للنار , ونزلوني للقبو ( والله مابكذب عليك في حاجة , هو هذا اللي حصل ) , بعد منزلنا القبو , جه الزعيم او الراس الكبيرة , ياأخي انا شفت بني آدمين بعدة مقاسات انما المقاس اللي شفته كان مختلف , نادر جدا يعني ,
    سألهم في ايه , قالولي اني كنت داخل بسرعة , قمت انا قلتله , انا ماكنتش عارف انا داخل فين , انا بس كنت بهرب من سيارة لاحقيتني ولاقيت نفسي بدخل ,, طبعا سألني على البطاقة , وانا ايمها ماكنتش البطاقة لسّا عامل المعاملة تبعها , ولا معايا اي شئ يثبت شخصيتي , فتشوني , قاموا لاقوا آلة حاسبة , قلتله انا طالب وماليش في المشاكل , طبعا عملوا الواجب بشوية شتايم على كام ... وخلوني أخرج ,
    خرجت لاقيت صحابي وقافين قدام المبنى بيستنوني , طبعا ماكنش عندهم أمل كبيراني حخرج في ليلتها.
    وتقلي هبل!!!
    your tsunami
    إن الحياة الدولية مثل الحياة الفردية من يحترم نفسه فيها يُحترم ، ومن يهن يسهل الهوان عليه قد ينال جزءاً من شفقة أو بعضاً من التعاطف أو جانباً من ابتسامة وربما قدراً من الفائدة ، ولكنه ينال أيضا الكثير من السخرية والاستهزاء.


  5. #5
    عضو
    صور رمزية Daiski
    تاريخ التسجيل
    Jun 2005
    المنطقة
    دبي- الامارات
    العمر
    30
    ردود
    124
    لووووووووووووووووووووووووووووووووووووووول
    مهمضومه كتير شي الحكي اخي عمر

  6. #6
    عضو متميز
    صور رمزية y@sser
    تاريخ التسجيل
    May 2003
    المنطقة
    جوانتانامو مصر
    ردود
    10,884
    طيب ايه رايك في موقف مشابه
    مع اني لا امشي من غير البطاقه ولاكن بسبب موقفي من الخدمه العسكريه
    لانه طبعا سال علي البطاقه فطلعطها علي طول
    مع ممكن يضيفو سطر واحد بعد الاسم يكون فيه الموقف العسكري
    لاكن طبعا مين هيدفع تمن للاستمارات ويقف طوابير
    اتمني قبل ما اموت اشوف بطاقه فيها الموقف العسكري
    او موقف احمد حلمي حتي

  7. #7
    حُـــس
    صور رمزية downs_mass
    تاريخ التسجيل
    Feb 2004
    المنطقة
    أينما ذكر اسم الله في بلد.. عددت ذاك الحمي من صُلب اوطاني
    العمر
    36
    ردود
    7,612
    انا لا اسمح لا ي ظابط انه يشتمني

    حتي لو ليس معي بطاقة

    ما دمت لم أفعل شئ خطأ

    فلماذا يشتمني
    ___________________

    ههؤلا ءالفشلة من الظباط لو وجدوا من يتصدي لهم ما فسدوا

    هم اذا احسوا انك واثق من نفسك .... فسيهابوك

    ________________

    .... يا جماعة لا تخافوا حتي مع وجود هذه القوانين الفاشلة لكن ممكن تأخذ حقك بهذه القوانين

    يمكن وجود قانون الطوارئ يجعلهم يصطحبوك للمركز ...

    لكن الضرب او الشتيمة ليس من حقهم

    وانا علي العموم دمي بيتحرق جدا من الظباط

    وعملت موضوع هنا اسمه (( الشعب في خدمة الشرطه ))

    _________________________________

    مره اخري ملحوظه لاحمد string_max ياريت تكتب بالعربية الفصحي

    هذا اذا كنت تريد مشاكرة الجميع

    تحياتي
    وما فتىءَ الزمان يدورحتى
    مضى بالمجدِ قومٌ أخرونَ
    وأصبح لا يُرى في الركب قومي

    وقد عاشو أئمته سنينَ
    وآلمني وآلم كل حرٍ
    سؤال الدهر أين المسلمينَ ?

    اذا لم تجد ما تحب فحب ما تجد

  8. #8
    عضو نشيط
    صور رمزية ضي العين
    تاريخ التسجيل
    Sep 2003
    المنطقة
    Doha
    ردود
    343
    يا سيدي هذي عقلية رجل الامن العربي .... صاحبنا وين ماكان بتلاقيه ..... في احد المطارات العربية عطلوني ربع ساعة وبنوع من التاهب .... لانهم كان معي ( flash memory disk ) .... لا عارفين شو هي ولا بدهم يفهمو

  9. #9
    عضو متميز
    صور رمزية فدائي
    تاريخ التسجيل
    Mar 2004
    المنطقة
    مصر
    ردود
    1,683
    قول يا سترنج بجد هما عملوا فيكم ايه مش ممكن نزلوكم على طول كده
    هههههههههه
    بهزر معاك
    اللى قابلتهم دول اسمهم قانون الطوارىء واللى عملوا فيكم ده اسمه استيقاف ولو الناس تعرف قانون كويس مكنوش قدروا ياخدوكم
    احمد ربنا انهم مكانوش فى تقفيل السنه والا كانوا لبسوكم قضيه ناقصه عندهم
    حمد الله على السلامه
    لن تركع امه قائدها محمد(صلى الله عليه وسلم)

    بارودتى بيدى وبجعبتى كفنى ياامتى انتظرى فجرى ولا تهنى
    بعقيدتى اقوى ابقى على الزمن ...حصنى اذا عصف به موجة الفتن
    والصبر لى زاد فى شده المحن

  10. #10
    عضو متميز
    صور رمزية esso70
    تاريخ التسجيل
    Feb 2005
    ردود
    1,377
    والله انا تعبت من الضحك يا عمر
    سترينج
    ههههههههههههههههههههههههههه
    ( فسحوكم يا سترينج )
    حمدا لله انها ماكنتش فسحه كبيره أو فسحة دائمه
    والله يا أخى انا فى رأيي أن لما يكون فى ناس زيي اللى قابلوا سترينج دول
    أكييد الناس دي معقده نفسيا ويلزمهم علاج

  11. #11
    عضو متميز
    صور رمزية ehabrashad
    تاريخ التسجيل
    May 2005
    المنطقة
    مصر
    ردود
    2,414
    والله يا اخي ليس بالغريب فهذا يحدث كل يوم
    انا مثلاً كنت متجه من القاهرة إلى الإسماعلية ولقدري انه كان يوجد في هذا اليوم في الإسماعلية وفد من دولة صديقة كلكم عرفنها وبعدين على بوابة المدينة استوقفنا ضابط انا كنت موجد في المقعد الأمامي للسيارة وكان موجود ما بيني وبين السواق شخص اخر طلب الضابط من هذا الشخص أن ينزل من السيارة تلقائياً نزلت انا حتى اخرجه
    فما كان من الضابط إلى ان قال وانت كمان منين قلت من القاهرة قلي فيما معناه (مش عيزين نتعبك والله منت داخل)
    اخرجت البطاقة فنظر فيها الضابط ثم قال عل معك إثبات شخصية اخر قلله معايا بطاقة انتخابية وكرنيات لعضوية نادي والمعهد وبعض الاشتراكات الاخرى
    فما من الضابط إلى ان سأل كل فرد بعد ذالك من اين انت فمن كان في السيارة من القاهرة انزله
    الضابط طلب من السواق ان يكمل طريقه إلى داخل المدينة بعدما احتجزنا
    سألته سؤال هل هناك أي شيئ يعني لو فيه حاجه انا ممكن اتصل بالتليفون يجي حد من معارفي أو استدعي محامي من اصدقائي رد عليا وقال لا لا د الحكايه نصف ساعة وبعدين هنمشي
    النصف ساعة دول بقوه 2.5 وبعدهم اصطحبونا على قسم التل الكبير بالشرقية وما حدث هناك جعلني لا اثق في اي شرطي بعد ذالك
    قاموا بأحتجازنا في مكتب الضابط النبطشي وبدأت المهزلة شوية عصابة من اللصوص يستنفزونك من النقود علشان اكلم حد يأتي لكي يرى
    أولاً مكالمة التليفون 5 جنيه
    سيادة الضاب النبطشي جعان وعايز يطفح يجي العسكري ويطلب بكل بجاحة فلوس مننا
    سيادة البلطجي قصدي الضابط النبطشي عايز يعمل محاضر تحري فطلب من كل واحد على حده مبلغ 50 جنيه علشان يعمل محضر كويس يخرحوا بسرعة قلتلهم كده وكفايه انا عايز المحامي بتاعي كلن لسه مبقليش اسبوع خاطب بنت أحد اعضاء نقابة المحامين ورجل له ثقله في النقابة طبعاً ما كان من الأمين إلا ان _ لا ممدش ايده ولا رجله _ هو بس قال شوية الفاظ من إلي قلبك يبغضها _ فضلت سلسلة الإستنزاف المادي إلى ان جاء ضابط المباحث في الساعة 2 بعد منتصف الليل ولما دخلت الراجل بصلي وقلي انت يني إيه إلي جابك هنا وبعدين كتبلي إخلاء، بعد نص ساعة وانا منتظر يخلوا سبيلي جه الأمين الواقف على مكتب ضابط المباحث وقال كل واحد يخرج عشرين جنيه بسرعة علشان يخلي ضابط المباحث يمشينا
    والحمد لله اخلوا سبيل معظمنا واحنا خرجين لقينا امين شرطة تاني بيطلب من كل واحد مننا فلوس حلاوة البراءة _ ان لحد دلوقتي ما اعرفش براءة من ايه _ علىالعموم خد إلي فيه النصيب اشمعنا هو يعني
    وخرجت من عندهم هذا اليوم ونا انظر لك ضابط شرطه على انه لص
    وبعد كده بقيت اقراء في الجرائد عن حوادث سرقة بالإكراه ونصب من ضباط شرطة
    والله يا اخواني بعدها دعيت دوعاء لمت نفسي جداً إني دعيته ( اللهم اشدد على قلوبهم واطمس على أموالهم فلا يؤمنوا ولا يهتدوا حتى يروا العذاب الاليم)
    اللهم اهدهم وردهم إلى اخلاق دينك مرداً جميلا
    فكرتني بالذي كان
    كل اناء بما فيه ينضح
    إذا جائتك الضربات من اليمين ومن اليسار فاعلم انك من أهل الوسط

  12. #12
    عضو متميز
    صور رمزية الجنرال Max
    تاريخ التسجيل
    Sep 2004
    المنطقة
    أطهر أرض في قلبي
    ردود
    1,702
    عجايب وغرايب هالعالم
    ----
    يا قارئ خطي لا تبكي على موتي ... فاليوم أنا معك وغداً في التراب أنت معي
    maxcona4@gmail.com

  13. #13
    ؟؟؟؟؟؟؟؟؟؟؟؟؟

  14. #14
    عضو نشيط
    صور رمزية Gh99X
    تاريخ التسجيل
    Nov 2004
    المنطقة
    موطني موطن المجد
    ردود
    787
    عجايب وغرايب هالعالم
    الحمد لله ماعندنا شىء زي كذا
    تصاميم
    A H M E D
    .............................
    أحمد
    Designs

  15. #15
    عضو متميز
    صور رمزية y@sser
    تاريخ التسجيل
    May 2003
    المنطقة
    جوانتانامو مصر
    ردود
    10,884
    يبدوا يا حسام انك لسه في العلم الوردي
    حيث الحقوق وبتتخيل حمايه القانون والحاجات الغريبه دي
    يا صديقي جائت حادثه في التلفزيون
    كان المتهم فيها امين شرطه
    عارف ايه الي حصل
    طلع للمواطن كما تطلع العفاريت ولم يظهر اي شيء يوضح انه خاين شرطه وكان لابس ملابس مدنيه
    فسئاله مواطن من الي لسه لم يتعاملو مع الواقع عن تحقيق الشخصيه
    الراجل الغلبان تقريبا بيتفرج علي افلام اجنبي كثير
    خاين الشرطه راح مطلع المسدس وقتله
    يا صديقي بلدك فيها قانون نحس
    اسمه قانون الطواريء
    يسمح لاي كلب منهم يعمل اي شيء يعجبه معاك ولن تستطيع اخذ حق ولا باطل

  16. #16
    Registered User
    صور رمزية Ahmed012
    تاريخ التسجيل
    Nov 2004
    المنطقة
    Cairo, Egypt, Egypt
    العمر
    32
    ردود
    2,173
    التورطه ؟
    قصدي الشرطه ؟
    هههههههههههههههههههههههه
    لو تسمعوا عن النوادر اللي اللي بسمع عنها والله كنتوا تستحلوا دمهم
    لكن علشان ما أظلمهمش في منهم اللي يراعي ربه و شايف شغله
    وفي منهم العربجي البلطجي اللي حاسس إنه قوه وجبار وجاي ينتقم من الشعب وده تقريبا 80%منهم

    أحكيلكوا أنا على حكايه حصلت معايا قبل كده

    الساعه 6.30 صباحا في ميدان التحرير (بعد التفجيرات بإسبوعين)
    كان عليا أن أنتظر أحد أصدقائي أمام الجامعه الأمريكية هناك
    وبينما وأنا في الميدان وجدت الجامعه ستكون أقرب لو أنني سرت في الطريق العكسي مسافه 20 متر
    وبما أن لازال الصباح باكرا ولا يوجد أحد في الميدان فسرت هذه المسافه عكسيا ثم لففت السياره في الإتجاه الصحيح وتوقفت للإنتظار
    بعد حوالي عشر دقائق من الإنتظار وجدت الشرطي قادم وبصحبته أمين الشرطه
    ثم توقف بجانبي قائلا
    (((في عز الصبح))) مساء الخير
    قلتله أهلا وسهلا مساء النور
    - إيه اللي إنت عملته ده ؟
    -عملت إيه ؟
    -إيه اللي لفيته ده إنت مش عارف إن كده غلط ؟
    قلت (تبدأ الإشارات المروريه في العمل من الساعه 7 صباحا ودلوقتي مفيش مرور شغال لإن كده إحنا لسه في فتره العربيات النقل وبعدين ولا كان في عربيات رايحه أو جايه في الميدان كله ولا كان في إشاره مرور شغاله ولا حتى عسكري واقف)
    - قال (لأ- عربيه الأمن المركزي شافتك هناك وحررت لك مخالفه)
    بصراحه تعجبت من كون الأمن المركزي يحرر مخالفات لكن لم أرد عليه وكتمت إندهاشي في سري
    فقال لي ( رخصه القياده ورخصه السياره)
    فأعطيته الرخص
    فأعطاها لأمين الشرطه وقال له إسحبها منه وحرر له المخالفه !!!!!!!
    أنا كده كنت نص فاهم
    لكن تأكدت من شكوكي عندما أخذ الأمين الرخص ثم لف حول السياره وركب بجانبي قائلا
    (معلش يابيه إحنا آسفين جدا لكن مضطرين نسحب الرخص)
    (فأنا قولت في سري خلليها تيجي منه أحسن) وقولتله ((عموما خلاص قضاء الله وقدره))
    قال لي( بس أنا وإنت ممكن نحلها ودي مع بعض)
    قلتله إزي؟
    قال لي ( المخالفه دي بتلاتين جنيه هاتهم وأنا هاخلصك من المشكله دي)
    طبعا لم أتمالك نفسي من الضحك وخصوصا بعد صدق ماتوقعته من أنهم يبحثون عن طريقه ليبتزوا بها المال من الناس لكن تمالكت نفسي و خرج مني الضحك على هيئه إبتسامه هادئه
    وقولت له (لأ تلاتين جنيه كتيروأنا كده مش هاكمل يومي لو أخدت مني التلاتين جنيه اللي معايا)
    طبعا هو تيقن من إني فهمت اللعبه وإبتسم وقال ( والله يابيه ممكن المخالفه بتلاتين وفي بعض الحالات اللي زي سعادتك كده بتبقى بعشرين)
    قلت له ( أنا عارف إن في مخالفات بعشره جنيه)
    قال لي (لأ أبو عشره ده كان زمان وبعدين العشره دي نخلليها لبتوع ال128 والسيات*)
    قلتله( يعني ماتمشيش بولونيز بعشره ؟)
    قالي (أبدا لازم عشرين)
    قلتله طيب
    ورحت مطلع عشرين جنيه
    راح مديني الرخص وقاللي (متشكرين جدا ياباشا و كل سنه وإنت طيب........ سلام عليكم)
    وقام نازل من السياره

    لكم أن تتخيلوا مدى المعاناه التي كان يكمن أن أعانيها لو لم يحل الموقف بهذا الشكل
    كان زماني لغايه النهارده ماأخدتش الرخص
    ووالله بتكلم جد
    الناس تعامل معامله العبيد في أقسام الشرطه ومراكز المرور


    الحمد لله على كل شيئ
    ــــــــــــــــــــــــــــــــــــــــــــــــــــــــــــــــــــــــــــــــــــــــــــ

    للتوضيح
    * 128 وسيات دي أسماء أردأ سيارات تسير في مصر بالرغم من إنتشارها بشكل غير طبيعي بالمره
    إلا أنهم يطلق عليهم سيارات الشعب

  17. #17
    عضو متميز
    صور رمزية abdelhakim
    تاريخ التسجيل
    May 2005
    المنطقة
    ارض الله
    ردود
    1,177
    ثاني كل سنه وإنت طيب........ يابيه
    العشرين جنيه التي تحدث عنها تدخل في نطاق ماذا
    رشوة........ فطور او كما اسموه
    انت تقول المخالفة بثلاثين جنيه
    طب ليه مدفعتهاش كلها واخدت وصلا بذلك
    انضحك عليك يااخي
    امين شرطة يعمل فيك كل ده
    عشرين جنيه............حرام والله حرام
    وخلفت القانون ليه.....................ليه
    أعوذ بالله من الشيطان الرجيم

    {هو اللهُ الذي لا إلهَ إلاّ هو عالم الغيب والشهادة هو الرحمن الرحيم. هو الله الذي لا إله إلا هو الملك القُدّوس السلام المؤمن المهيمن العزيز الجبار المتكبر سبحان الله عما يشركون . هو الله الخالق البارئ المصوّر له الأسماء الحسنى يُسبّح له ما في السماوات والأرض وهو العزيز الحكيم }

    ساهم بنشر الدين الأسلامي وسيرة الحبيب المصطفى بعشر لغات عالمية
    من هنا
    http://www.islam-guide.com/

  18. #18
    عضو متميز
    صور رمزية y@sser
    تاريخ التسجيل
    May 2003
    المنطقة
    جوانتانامو مصر
    ردود
    10,884
    طيب ده في مخالفه القانون
    كنت مره راكب جنب سواق تاكسي من الي جابو عربيات القسط
    العربيه علي الزيرو وليس بها اي شيء
    وقفنا برضه الي ما يتسموش
    وقاله انزل
    قال السواق خير فيه ايه
    قاله العفريت النمر ورا معوجه
    قاله ياباشا العربيه مافيهاش غلطه
    قاله تحب اخليهالك فيها غلطات
    الراجل فهم قاله اؤمر
    اخذ عشر جنيهات برضه بس من غير مفاوضات
    قلت للسائق لماذا دفعت
    قال لي انه ابسط شيء ممكن يعمله سحب الرخص
    او عمل مخالفه كبيره
    ولن تستطيع اثبات العكس
    او انه يدخله في مهاترات تضيع اليوم بالكامل ويبقي موت وخراب ديار
    ابتسمت ابتسامه مصاصين الدماء واكملت يومي داخل التابوت

  19. #19
    عضو نشيط
    صور رمزية TrueFact
    تاريخ التسجيل
    Nov 2004
    المنطقة
    Egypt
    العمر
    34
    ردود
    385
    بسيطة أنا كنت مقيم في الخليج طوال فترة طفولتي ولما رجعت مصر مطلعتش بطاقة وكنت ماشي بجواز السفر وكان بيعمل شغل في 6 أكتوبر ويبدو لأن العرب والأجانب كتير هناك فأول مايشوف جواز السفر يضرب تعظيم سلام لأنه فاكر إن واصل ... وكانوا بصراحة ضباط على عساكر ناس بتفهم غاية ما رحت أسوان في مرة على أول رمضان وطالع بضور على سحور أنا واتنين أصحابي طلع أمين من تحت الأرض بطاقتك انت وهو وماله آدي جواز السفر يا عم. وواحد صاحبي كان معاه بطاقة والتاني زي حلاتي معاه جواز سفر برضه. بص في البطاقة والجوازين وقال أهلا أهلاً السعودية وانت كمان معاهم ... يا أهلاً انتوا لازم تشرفونا الليلة وخدنا للضلبط المسؤول وخدنا البوكس وطلعنا على مديرية الأمن - طبعا لابسين عبايات وترنجات ومعانا الفول والطعمية - المهم قعدوا هنا حاضر وفضلنا قاعدين واتسحرنا ومية مية ولسة مستنيين

    مستنيين

    مستنيين

    مستنيين

    المهم الساعة 11 الصبح جية معالي الباشا صبحنا بكام شتيمة ودخل مكتبه واحنا مستنيين جاتت القهوة - وكمان شوية الشاي وبعد كدة ضابط دخلوا وهات العصير والحاجة الساقعة. وبعد كدة الغدا. واحنا فين ؟؟؟ لسة مستنيين. المهم العصر كنا نمنا ورحنا في غيبوبة وعدى الباشا - اسمه أسامة الباشا بالمناسبة وده اسمه فعلاً مش لقب - نايمين؟؟؟ إزاي إصحى يا إبن ........ المهم صحينا بعض واستنينا دخل المغرب جابوا الفطار لمعالي الباشا... واحنا مستنيين . دخل العشاء واحنا مستنيين قمنا كلمنا العسكري - كان شكله غلبان واديناله فلوس وجابلنا ساندوتشات عشان نفطر غاية ما نستنى. ولما اتخنقنا دخلت مكتبه وقلتله هو في ايه بالضبط؟؟؟ قال عاوز ايه انت كمان يا روح أمك؟؟؟ خليك قاعد غاية ما أفضالك. قلتله القانون يتيح لي مكالمة تليفون. ممكن أتكلم أطلب أي حد؟؟؟ قالي: قانون؟؟ احنا قانون طوارئ لو عاوز نتكلم بالقانون ماشي. لقيت السكوت أحسن قصاد الكام دبور اللي على كتفه وطلعت من سكات وقلت للإتنين اللي معايا على اللي حصل معاه. المهم كمان شوية حوالي الساعة 11 طلع الباشا ومروح واحنا لسة مستنيين.

    وفضلنا مستنيين

    مستنيين

    مستنيين

    مستنيين

    تاني يوم الصبح الساعة 10 رجع الباشا وطلب القهوة كالعادة - المرة دي مفيش سحور . المهم حوالي الساعة 12 الضهر طلع من مكتبه وسألنا مين فيكم مصطفى محمود؟؟ قلتله أنا قالي : طب مش تقول إنك ابن محمود عبد الرحمن باشا؟؟؟ قلتله الجواز معاك واسمي الرباعي موجود فيه ضحك ضحكة صفرا وقاللي معلش حصل لخبطة كنا بنتأكد من صحة الجواز اتفضل السيد الوالد مستنيك تحت. أما انتوا استنوا شوية كمان... - يا ترى لحد امتى؟؟ الله أعلم. المهم نزلت لقيت الحاج موجود تحت وبيقولي طب مش تتصل فحكيت اللي حصل وإداني الموبايل اللي كنت سايبه في البيت على أساس إني كنت نازل الفجر ومشوار 5 دقائق يعني. المهم قلتله فلان وفلان لسة قاعدين فوق. اتصل بواحد معرفة - معرفهوش بس شكله بسيفين على كتفه - و5 دقائق ولقيت الاتنين نازلين وخدوا بطايقهم وتمام. المهم السيد الوالد مكانش عارف يتلم علينا ولا هما كمان عشان لا كان في محضر ولا تهمة ولا غيره وغاية ما خلص لف على المستشفيات وما إلى ذلك. وفي الآخر وصلنا عن طريق الضابط اللي عارفه لما قاله شوفهم في العمبوكة - لقب الحجز في مديرية الأمن. وآدي الحياة ماشية بس أول حاجة عملتها إني نزلت طلعت بطاقة. وملعون أبو جواز السفر بعد كدة.
    لا يعلم الكثير من الفاشلين في الحياة كم كانوا قريبين من النجاح عندما استسلموا للفشل

  20. #20
    Registered User
    صور رمزية Ahmed012
    تاريخ التسجيل
    Nov 2004
    المنطقة
    Cairo, Egypt, Egypt
    العمر
    32
    ردود
    2,173
    اقتباس الموضوع الأصلي كتب بواسطة abdelhakim
    ثاني كل سنه وإنت طيب........ يابيه
    العشرين جنيه التي تحدث عنها تدخل في نطاق ماذا
    رشوة........ فطور او كما اسموه
    انت تقول المخالفة بثلاثين جنيه
    طب ليه مدفعتهاش كلها واخدت وصلا بذلك
    انضحك عليك يااخي
    امين شرطة يعمل فيك كل ده
    عشرين جنيه............حرام والله حرام
    وخلفت القانون ليه.....................ليه

    أولا أمين الشرطه ماضحكش عليا ولا حاجه
    لأنه هوا كان عايز الرشوه وكل اللي أنا عملته إني خففتها من تلاتين لعشرين
    ثانيا أنا فهمت الليله كلها أول ماالظابط إداله الرخص وقاله إسحبها منه
    ((يعني من الآخر إسترزق منه وإرزقنا معاك))
    ثالثا: يوميها أنا كنت مستني صديقي الصبح لإننا كنا هنسافر في رحله علمية تبع الجامعه للإسكندريه
    وكان وجودي يوميها معاهم ضروري هناك الأمر اللي خللاني أشتري دماغي وبدل مايكون سحب رخص ونكد وبعد كده أسبوعين تلاته يضيعوا في المرور لإسترجاعهم. عشرين جنيه حللت الأزمه دي كلها

    ثم أنا يعتبر ماخالفتش القوانين لإن المرور مش موجود الساعه 6.30 صباحا ودي فتره سير النقل الثقيل لسه
    ولا كان في إشاره ولا كان في أي حاجه انا عملتها غلط
    هما تلاقيهم كانوا متحفزين بسبب التفجيرات ومجرد وقوفي في الميدان أثار حولي الشك.

    وبعدين ياعبد الحكيم ماإنتا فاهم اللي فيها
    أي حركه بتتحركها هنا في مصر طالما سمعت كل سنه وإنت طيب يبقى لازم تتطلع اللي فيه النصيب.

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل