أيه الهبل ده ........

[Ahmed012]

التورطه ؟
قصدي الشرطه ؟
هههههههههههههههههههههههه
لو تسمعوا عن النوادر اللي اللي بسمع عنها والله كنتوا تستحلوا دمهم
لكن علشان ما أظلمهمش في منهم اللي يراعي ربه و شايف شغله
وفي منهم العربجي البلطجي اللي حاسس إنه قوه وجبار وجاي ينتقم من الشعب وده تقريبا 80%منهم

أحكيلكوا أنا على حكايه حصلت معايا قبل كده

الساعه 6.30 صباحا في ميدان التحرير (بعد التفجيرات بإسبوعين)
كان عليا أن أنتظر أحد أصدقائي أمام الجامعه الأمريكية هناك
وبينما وأنا في الميدان وجدت الجامعه ستكون أقرب لو أنني سرت في الطريق العكسي مسافه 20 متر
وبما أن لازال الصباح باكرا ولا يوجد أحد في الميدان فسرت هذه المسافه عكسيا ثم لففت السياره في الإتجاه الصحيح وتوقفت للإنتظار
بعد حوالي عشر دقائق من الإنتظار وجدت الشرطي قادم وبصحبته أمين الشرطه
ثم توقف بجانبي قائلا
(((في عز الصبح))) مساء الخير
قلتله أهلا وسهلا مساء النور
- إيه اللي إنت عملته ده ؟
-عملت إيه ؟
-إيه اللي لفيته ده إنت مش عارف إن كده غلط ؟
قلت (تبدأ الإشارات المروريه في العمل من الساعه 7 صباحا ودلوقتي مفيش مرور شغال لإن كده إحنا لسه في فتره العربيات النقل وبعدين ولا كان في عربيات رايحه أو جايه في الميدان كله ولا كان في إشاره مرور شغاله ولا حتى عسكري واقف)
- قال (لأ- عربيه الأمن المركزي شافتك هناك وحررت لك مخالفه)
بصراحه تعجبت من كون الأمن المركزي يحرر مخالفات لكن لم أرد عليه وكتمت إندهاشي في سري
فقال لي ( رخصه القياده ورخصه السياره)
فأعطيته الرخص
فأعطاها لأمين الشرطه وقال له إسحبها منه وحرر له المخالفه !!!!!!!
أنا كده كنت نص فاهم
لكن تأكدت من شكوكي عندما أخذ الأمين الرخص ثم لف حول السياره وركب بجانبي قائلا
(معلش يابيه إحنا آسفين جدا لكن مضطرين نسحب الرخص)
(فأنا قولت في سري خلليها تيجي منه أحسن) وقولتله ((عموما خلاص قضاء الله وقدره))
قال لي( بس أنا وإنت ممكن نحلها ودي مع بعض)
قلتله إزي؟
قال لي ( المخالفه دي بتلاتين جنيه هاتهم وأنا هاخلصك من المشكله دي)
طبعا لم أتمالك نفسي من الضحك وخصوصا بعد صدق ماتوقعته من أنهم يبحثون عن طريقه ليبتزوا بها المال من الناس لكن تمالكت نفسي و خرج مني الضحك على هيئه إبتسامه هادئه
وقولت له (لأ تلاتين جنيه كتيروأنا كده مش هاكمل يومي لو أخدت مني التلاتين جنيه اللي معايا)
طبعا هو تيقن من إني فهمت اللعبه وإبتسم وقال ( والله يابيه ممكن المخالفه بتلاتين وفي بعض الحالات اللي زي سعادتك كده بتبقى بعشرين)
قلت له ( أنا عارف إن في مخالفات بعشره جنيه)
قال لي (لأ أبو عشره ده كان زمان وبعدين العشره دي نخلليها لبتوع ال128 والسيات*)
قلتله( يعني ماتمشيش بولونيز بعشره ؟)
قالي (أبدا لازم عشرين)
قلتله طيب
ورحت مطلع عشرين جنيه
راح مديني الرخص وقاللي (متشكرين جدا ياباشا و كل سنه وإنت طيب........ سلام عليكم)
وقام نازل من السياره

لكم أن تتخيلوا مدى المعاناه التي كان يكمن أن أعانيها لو لم يحل الموقف بهذا الشكل
كان زماني لغايه النهارده ماأخدتش الرخص
ووالله بتكلم جد
الناس تعامل معامله العبيد في أقسام الشرطه ومراكز المرور


الحمد لله على كل شيئ
ــــــــــــــــــــــــــــــــــــــــــــــــــــــــــــــــــــــــــــــــــــــــــــ

للتوضيح
* 128 وسيات دي أسماء أردأ سيارات تسير في مصر بالرغم من إنتشارها بشكل غير طبيعي بالمره
إلا أنهم يطلق عليهم سيارات الشعب

[abdelhakim]

ثاني كل سنه وإنت طيب........ يابيه
العشرين جنيه التي تحدث عنها تدخل في نطاق ماذا
رشوة........ فطور او كما اسموه
انت تقول المخالفة بثلاثين جنيه
طب ليه مدفعتهاش كلها واخدت وصلا بذلك
انضحك عليك يااخي
امين شرطة يعمل فيك كل ده
عشرين جنيه............حرام والله حرام
وخلفت القانون ليه.....................ليه

[y@sser]

طيب ده في مخالفه القانون
كنت مره راكب جنب سواق تاكسي من الي جابو عربيات القسط
العربيه علي الزيرو وليس بها اي شيء
وقفنا برضه الي ما يتسموش
وقاله انزل
قال السواق خير فيه ايه
قاله العفريت النمر ورا معوجه
قاله ياباشا العربيه مافيهاش غلطه
قاله تحب اخليهالك فيها غلطات
الراجل فهم قاله اؤمر
اخذ عشر جنيهات برضه بس من غير مفاوضات
قلت للسائق لماذا دفعت
قال لي انه ابسط شيء ممكن يعمله سحب الرخص
او عمل مخالفه كبيره
ولن تستطيع اثبات العكس
او انه يدخله في مهاترات تضيع اليوم بالكامل ويبقي موت وخراب ديار
ابتسمت ابتسامه مصاصين الدماء واكملت يومي داخل التابوت

[TrueFact]

بسيطة أنا كنت مقيم في الخليج طوال فترة طفولتي ولما رجعت مصر مطلعتش بطاقة وكنت ماشي بجواز السفر وكان بيعمل شغل في 6 أكتوبر ويبدو لأن العرب والأجانب كتير هناك فأول مايشوف جواز السفر يضرب تعظيم سلام لأنه فاكر إن واصل ... وكانوا بصراحة ضباط على عساكر ناس بتفهم غاية ما رحت أسوان في مرة على أول رمضان وطالع بضور على سحور أنا واتنين أصحابي طلع أمين من تحت الأرض بطاقتك انت وهو وماله آدي جواز السفر يا عم. وواحد صاحبي كان معاه بطاقة والتاني زي حلاتي معاه جواز سفر برضه. بص في البطاقة والجوازين وقال أهلا أهلاً السعودية وانت كمان معاهم ... يا أهلاً انتوا لازم تشرفونا الليلة وخدنا للضلبط المسؤول وخدنا البوكس وطلعنا على مديرية الأمن - طبعا لابسين عبايات وترنجات ومعانا الفول والطعمية - المهم قعدوا هنا حاضر وفضلنا قاعدين واتسحرنا ومية مية ولسة مستنيين

مستنيين

مستنيين

مستنيين

المهم الساعة 11 الصبح جية معالي الباشا صبحنا بكام شتيمة ودخل مكتبه واحنا مستنيين جاتت القهوة - وكمان شوية الشاي وبعد كدة ضابط دخلوا وهات العصير والحاجة الساقعة. وبعد كدة الغدا. واحنا فين ؟؟؟ لسة مستنيين. المهم العصر كنا نمنا ورحنا في غيبوبة وعدى الباشا - اسمه أسامة الباشا بالمناسبة وده اسمه فعلاً مش لقب - نايمين؟؟؟ إزاي إصحى يا إبن ........ المهم صحينا بعض واستنينا دخل المغرب جابوا الفطار لمعالي الباشا... واحنا مستنيين . دخل العشاء واحنا مستنيين قمنا كلمنا العسكري - كان شكله غلبان واديناله فلوس وجابلنا ساندوتشات عشان نفطر غاية ما نستنى. ولما اتخنقنا دخلت مكتبه وقلتله هو في ايه بالضبط؟؟؟ قال عاوز ايه انت كمان يا روح أمك؟؟؟ خليك قاعد غاية ما أفضالك. قلتله القانون يتيح لي مكالمة تليفون. ممكن أتكلم أطلب أي حد؟؟؟ قالي: قانون؟؟ احنا قانون طوارئ لو عاوز نتكلم بالقانون ماشي. لقيت السكوت أحسن قصاد الكام دبور اللي على كتفه وطلعت من سكات وقلت للإتنين اللي معايا على اللي حصل معاه. المهم كمان شوية حوالي الساعة 11 طلع الباشا ومروح واحنا لسة مستنيين.

وفضلنا مستنيين

مستنيين

مستنيين

مستنيين

تاني يوم الصبح الساعة 10 رجع الباشا وطلب القهوة كالعادة - المرة دي مفيش سحور . المهم حوالي الساعة 12 الضهر طلع من مكتبه وسألنا مين فيكم مصطفى محمود؟؟ قلتله أنا قالي : طب مش تقول إنك ابن محمود عبد الرحمن باشا؟؟؟ قلتله الجواز معاك واسمي الرباعي موجود فيه ضحك ضحكة صفرا وقاللي معلش حصل لخبطة كنا بنتأكد من صحة الجواز اتفضل السيد الوالد مستنيك تحت. أما انتوا استنوا شوية كمان... - يا ترى لحد امتى؟؟ الله أعلم. المهم نزلت لقيت الحاج موجود تحت وبيقولي طب مش تتصل فحكيت اللي حصل وإداني الموبايل اللي كنت سايبه في البيت على أساس إني كنت نازل الفجر ومشوار 5 دقائق يعني. المهم قلتله فلان وفلان لسة قاعدين فوق. اتصل بواحد معرفة - معرفهوش بس شكله بسيفين على كتفه - و5 دقائق ولقيت الاتنين نازلين وخدوا بطايقهم وتمام. المهم السيد الوالد مكانش عارف يتلم علينا ولا هما كمان عشان لا كان في محضر ولا تهمة ولا غيره وغاية ما خلص لف على المستشفيات وما إلى ذلك. وفي الآخر وصلنا عن طريق الضابط اللي عارفه لما قاله شوفهم في العمبوكة - لقب الحجز في مديرية الأمن. وآدي الحياة ماشية بس أول حاجة عملتها إني نزلت طلعت بطاقة. وملعون أبو جواز السفر بعد كدة.

[Ahmed012]

ثاني كل سنه وإنت طيب........ يابيه
العشرين جنيه التي تحدث عنها تدخل في نطاق ماذا
رشوة........ فطور او كما اسموه
انت تقول المخالفة بثلاثين جنيه
طب ليه مدفعتهاش كلها واخدت وصلا بذلك
انضحك عليك يااخي
امين شرطة يعمل فيك كل ده
عشرين جنيه............حرام والله حرام
وخلفت القانون ليه.....................ليه

أولا أمين الشرطه ماضحكش عليا ولا حاجه
لأنه هوا كان عايز الرشوه وكل اللي أنا عملته إني خففتها من تلاتين لعشرين
ثانيا أنا فهمت الليله كلها أول ماالظابط إداله الرخص وقاله إسحبها منه
((يعني من الآخر إسترزق منه وإرزقنا معاك))
ثالثا: يوميها أنا كنت مستني صديقي الصبح لإننا كنا هنسافر في رحله علمية تبع الجامعه للإسكندريه
وكان وجودي يوميها معاهم ضروري هناك الأمر اللي خللاني أشتري دماغي وبدل مايكون سحب رخص ونكد وبعد كده أسبوعين تلاته يضيعوا في المرور لإسترجاعهم. عشرين جنيه حللت الأزمه دي كلها

ثم أنا يعتبر ماخالفتش القوانين لإن المرور مش موجود الساعه 6.30 صباحا ودي فتره سير النقل الثقيل لسه
ولا كان في إشاره ولا كان في أي حاجه انا عملتها غلط
هما تلاقيهم كانوا متحفزين بسبب التفجيرات ومجرد وقوفي في الميدان أثار حولي الشك.

وبعدين ياعبد الحكيم ماإنتا فاهم اللي فيها
أي حركه بتتحركها هنا في مصر طالما سمعت كل سنه وإنت طيب يبقى لازم تتطلع اللي فيه النصيب.

[emas]

ايام الملك كان الضباط لابد ان يكونوا ابناء باشوات والعساكر اصلا تخاف من الضباط وطبعا شوف كمان لو الضابط ابن فلان باشا


تفتكر كان ممكن يسرقك ضابط ؟؟؟؟؟؟؟


وساعتها انتم قلتم ان هذه وساطه ومحسوبيه ( انتم = الشعب )

تفتكر ابن باشا ولا ابن وزير محتاج يبقى ضابط علشان ينهر ويامر ؟؟؟ لا طبعا هو ممكن يعمل كل ده بدون الرتبه


ولا محتاج رشوه ولا محتاج شىء من اى شخص فى الشارع غير ان تربيته عاليه المستوى

اذا لو حكم او بيده سلطه لن يستغلها ولا عنده عقد نفسيه ولا شىء



طيب الشعب اختار ان اى فرد ممكن يكون طبيب وممكن يكون حاكم وممكن يكون ضابط

هذه هى النتيجه فلا تشتكوا هذا ما فعله اباؤكم بكم ولم يفعله بكم احد اخر

[abdelhakim]

شكرا على التوضيح يا اخي احمد
مرة ثانية اياك والخروج مع الساعة
6:30
صباحا
لان امين الشرطة بانتظارك
احذر
فانت مصدر رزق له
وبلاش كلمة
أشتري دماغي
لان دماغك عندنا اغلى
بالتوفيق

[amat allah]

لا أدري... أنتم متعقدين من اسم الشرطة ومشتقاتها ليه؟؟؟؟
هم بس بيحبوا يخففوا عن ضغوطهم النفسية في الناس وذي مش مشكلة يعني... هم الناس مش إخواتهم في الله... والأخوة تفرض واجبات... أهو ده واحد من الواجبات.
****
أتعرفون لقد تعاملت مع نمط من "مشتقات" الشرطة إنهم "العسكر" أضررت للعمل معهم مدة سنتين في إحدى المؤسسات التعليمية كانت ثانوية عسكرية.
والحقيقة تقال لم أرهم إلا مساكين، والله مساكين، تصوروا الرجل منهم واقف طوال النهار { تحت الشمس أو الثلج} حارسا لباب المدخل وليس له الحق في الجلوس أبدا ابدا،وإن جلس....
تصوروا أن يسب الرجل منهم في صفوف الصباح "الطابور" إذا تأخر لدقيقة أو لعدم أداء المهمة كما يريد قائده أو لأمر آخر بسيط جدا ولا يستحق وأمام من؟ أمام الملأ...
أنا كنت أستحيي عندما كنت أمر قربهم فأسمع أحدهم يكنى بأسم من اسماء الحيوانات،وأقول أين الكرامة، أين الرجولة؟؟؟؟؟؟لا حول ولا قوة إلا بالله
ما ذا ننتظر من شخص يعيش في بناية قرب المؤسسة مع رفاقه و لمدة سنة لا يرى أسرته وأولاده القاطنين خارج المدينة إلا أيام قلائل والسبب هو قلة العطل، ورغبة القادة...؟
ماذا ننتظر من شخص يشتغل طوال النهار ويأتي آخر الشهر ليتقاضى ما لا يكفيه هو فكيف بأسرته؟
ما ذا ننتظر من شخص تربى على الخمر لينسى همومه، وعلى الغذر ليرتقي في درجاته؟
ونريده أن يكون شهما ، رجلا، متخلقا، خاليا من العقد...
إنه والله مركز العقد، إلا من رحم ربك...
فاللهم قنا أذاهم..

[String]

التورطه ؟
قصدي الشرطه ؟
هههههههههههههههههههههههه
لو تسمعوا عن النوادر اللي اللي بسمع عنها والله كنتوا تستحلوا دمهم
لكن علشان ما أظلمهمش في منهم اللي يراعي ربه و شايف شغله
وفي منهم العربجي البلطجي اللي حاسس إنه قوه وجبار وجاي ينتقم من الشعب وده تقريبا 80%منهم

أحكيلكوا أنا على حكايه حصلت معايا قبل كده

الساعه 6.30 صباحا في ميدان التحرير (بعد التفجيرات بإسبوعين)
كان عليا أن أنتظر أحد أصدقائي أمام الجامعه الأمريكية هناك
وبينما وأنا في الميدان وجدت الجامعه ستكون أقرب لو أنني سرت في الطريق العكسي مسافه 20 متر
وبما أن لازال الصباح باكرا ولا يوجد أحد في الميدان فسرت هذه المسافه عكسيا ثم لففت السياره في الإتجاه الصحيح وتوقفت للإنتظار
بعد حوالي عشر دقائق من الإنتظار وجدت الشرطي قادم وبصحبته أمين الشرطه
ثم توقف بجانبي قائلا
(((في عز الصبح))) مساء الخير
قلتله أهلا وسهلا مساء النور
- إيه اللي إنت عملته ده ؟
-عملت إيه ؟
-إيه اللي لفيته ده إنت مش عارف إن كده غلط ؟
قلت (تبدأ الإشارات المروريه في العمل من الساعه 7 صباحا ودلوقتي مفيش مرور شغال لإن كده إحنا لسه في فتره العربيات النقل وبعدين ولا كان في عربيات رايحه أو جايه في الميدان كله ولا كان في إشاره مرور شغاله ولا حتى عسكري واقف)
- قال (لأ- عربيه الأمن المركزي شافتك هناك وحررت لك مخالفه)
بصراحه تعجبت من كون الأمن المركزي يحرر مخالفات لكن لم أرد عليه وكتمت إندهاشي في سري
فقال لي ( رخصه القياده ورخصه السياره)
فأعطيته الرخص
فأعطاها لأمين الشرطه وقال له إسحبها منه وحرر له المخالفه !!!!!!!
أنا كده كنت نص فاهم
لكن تأكدت من شكوكي عندما أخذ الأمين الرخص ثم لف حول السياره وركب بجانبي قائلا
(معلش يابيه إحنا آسفين جدا لكن مضطرين نسحب الرخص)
(فأنا قولت في سري خلليها تيجي منه أحسن) وقولتله ((عموما خلاص قضاء الله وقدره))
قال لي( بس أنا وإنت ممكن نحلها ودي مع بعض)
قلتله إزي؟
قال لي ( المخالفه دي بتلاتين جنيه هاتهم وأنا هاخلصك من المشكله دي)
طبعا لم أتمالك نفسي من الضحك وخصوصا بعد صدق ماتوقعته من أنهم يبحثون عن طريقه ليبتزوا بها المال من الناس لكن تمالكت نفسي و خرج مني الضحك على هيئه إبتسامه هادئه
وقولت له (لأ تلاتين جنيه كتيروأنا كده مش هاكمل يومي لو أخدت مني التلاتين جنيه اللي معايا)
طبعا هو تيقن من إني فهمت اللعبه وإبتسم وقال ( والله يابيه ممكن المخالفه بتلاتين وفي بعض الحالات اللي زي سعادتك كده بتبقى بعشرين)
قلت له ( أنا عارف إن في مخالفات بعشره جنيه)
قال لي (لأ أبو عشره ده كان زمان وبعدين العشره دي نخلليها لبتوع ال128 والسيات*)
قلتله( يعني ماتمشيش بولونيز بعشره ؟)
قالي (أبدا لازم عشرين)
قلتله طيب
ورحت مطلع عشرين جنيه
راح مديني الرخص وقاللي (متشكرين جدا ياباشا و كل سنه وإنت طيب........ سلام عليكم)
وقام نازل من السياره

لكم أن تتخيلوا مدى المعاناه التي كان يكمن أن أعانيها لو لم يحل الموقف بهذا الشكل
كان زماني لغايه النهارده ماأخدتش الرخص
ووالله بتكلم جد
الناس تعامل معامله العبيد في أقسام الشرطه ومراكز المرور

الحمد لله على كل شيئ
ــــــــــــــــــــــــــــــــــــــــــــــــــــــــــــــــــــــــــــــــــــــــــــ

هم يبكى وهم يموت من الضحك ههههههههههههههههههههههههههههههههههههههههه

[String]

انا هقلك حاجه حصلت من كذا سنة كنت لسه عندى حوالى 18 سنة كنت مسافر الغردقة انا وواحد صاحبى وهو نفس صاحبى اللى اتمسك معايا ( الواد ده باينه نحث عليا ولا ايه مش عارف ) المهم سافرنا الغردقه انا وهو وضيعنا كل فلوسنا هناك ومفضلش معانا غير 2 جنية يعنى من الأخر مننفعش نرجع ولا ينفع نعمل بيهم حاجه المهم فضلنا قاعدين لحد ما اتصلت بيهم فى البيت عشان يبعتوا فلوس وكدا المهم قعدنا لحد ما الفلوس جاتلنا وطبعا الأتوبيس كان طلع وهنستنى اتوبيس تانى اخر الليل قعدنا منتظرين الأتوبيس فجأة واحنا قاعدين والله العظيم لقينا جه علينا أمين شرطة قالنا بطايئكم انا طلعت البطاقة المشكله ان صاحبى ده الله يخرب بيته كان جاى معايا والله والله وبرده كان ناسى البطاقة مش عارف انا بمشى معاه ليه لحد دلوقت المهم طبعا كنا بالنسبة لأمين الشرطة وليمة جاهزة فخدنا ودانا عند الظابط طبعا كان الشعب بيتفرج والسياح المهم قال للظابط واحد معهوش بطاقة وواحد عنده 18 سنة انا استغربت جدا من كده هو اللى عنده 18 سنة بيحبسوه ا لمهم بقله طيب وفيها ايه لما يكون عندى 18 سنة قام قالى أخرس متتكلمش خالص انت كمان هترد عليا قاله والتانى معهوش بطاقة قاله اهلا دنتوا ليلتكو فل بالصلاة على النبى تعال ياد انت وهو اقفوا هنا وقفنا شوية قام قاله شفلنا 8 كمان عشان نقفل الليلة انا بصراحة قلت انا رحت فى داهية كنت هطبق فى زمارة الواد اللى معايا سبب المصايب بس اعمل بحبه المهم فقلت مبدهاش فحكيت للظابط على موضوعنا واننا بقى معناش فلوس نرجع فالشهاده لله الراجل طلع كريم جدا معايا لسه فى خير يجماعه
قالنا اخفى يلا يلا انتا وهو احنا ناقصين عهات .................... بدل مايسعدنا شفتوا عمل ايه ( الشرطة فعلا فى خدمة الشعب )

[y@sser]

كلامك صحيح يا عماد لان البشاوات مش محتاجين لسرقه افراد
فهم يسرقون شعب كامل
ازاي هابص لعشره جنيه وهو بياخد الارض بالكامل
هي كل الحكايه بس ان شكل الحرامي اتغير
الاقطاعي بقي لواء والواء يحتاج لكلب والكلب محتاج لعظمه والعظمه عند ...................

[emas]

الباشاوات ليسوا كلهم سارقين للشعب

لا تنسى من اسس بنك مصر واسس صناعه السينما التى سبقت وقتها العالم وكل المشروعات الكبرى

وانجلترا كانت مدينه لمصر وقت الباشاوات والجامعات انشئت اصلا من نقود الباشوات وفى قصور الامراء

وعدد البعثات للتعليم فى الخارج الذى شمل ايضا تحملهم لمصاريف الاقامه للطلبه المتفوقين مش مهم ولاد مين كان عددا كبيرا جدا وكل عظماء مصر تعليميا اصلا تعلموا بفضل الباشوات

يعنى شوف طه حسين الفلاح الغلبان الضرير راح السوربون وانت يامفتح مش طايل الان حتى تعليم معقول


والانتاج الزراعى وقت الباشاوات كانت مصر اكبر دوله مصدره للقطن والمزروعات

والباشاوات دول هم الذين نفذوا قناه السويس التى لا زلنا نعيش على دخلها

وقت الباشاوات كان هناك احزاب فعلا وتتناقل الحكم بينهم وكانت هناك معارضه وسياسه داخليه

افضل حتى لو بها اخطاء لكن على الاقل لم يجلس وزير مده تكفى لاهدار اقتصاد الوطن


والقصر العينى انشىء وقتها

وبصراحه الفلاح كان صحيح مقهورا لكنه كان منتج وكان عنده الخير كله وكانت احتياجاته قليله

لكن الان الفلاحين بيتفرجوا على الدش للصبح ومركبين تكييف بثمن الارض التى جرفوها او باعوها للمبانى

واصبحنا نستورد المزروعات والاغذيه وتحت رحمه البلاد المصدره لنا القمح وغيره


ومافيش حد يصحى بدرى يروى الارض وكل ولادهم تركوا الزراعه التى لهم فيها خبره واصبحوا دكاتره ومهندسين بلا خبره منقوله من ابائهم لكن صم وحفظ للكتب فقط


واصبح ولاد الدكاتره والمهندسين زراع لاراضى بلا خبره اهل ولا حتى ماء يزرعوا به

وكل اصحاب المهن الحرفيه ذوى الخبره سافروا الخليج وكسبوا مالا كثيرا وتركوا المهنه وفتحوا سوبر ماركت ولم يعلموا اولادهم خبراتهم

واشتغلوا فى اشياء اخرى لا تخصهم منها الاستيراد تعرف من يستورد مستلزمات الكومبيوتر ؟؟؟

اتعتقد انه مهندس كومبيوتر ؟؟؟؟ لا ده الحاج فلان السباك

يحضر لك اسوا شىء من الصين لانه ارخص وراحت عليه

وتقول ياترى الكومبيوتر بيهانج ليه ؟؟؟؟؟؟

والباقيين بفلوسهم بنوا العمارات اى كلام مش مهم وباعوها تمليك ومن اختصر الطريق اشتغل فى المخدرات اسرع واسهل


روح اتفرج على القناطر الخيريه اهه مشروع باشوات شغال شوف من امتى

وسلم لى على السد العالى اللى عطل مليون مره وحجب الطمى عن الارض وكمان بيقولوا فيه ازمه مياه

ولازم نقلل استهلاكنا

ومفيش سمك وبحيره ناصر اسماكها بها ديدان



اتفرج على موظف العصر الملكى لما كان لازم بدله وكافته وطربوش


وشوف اخلاق الناس فى الشوارع وقتها لما كان قليل الادب بيحاسبه الباشاوات



وشوف الفن ومستوى الاغانى





وشوف كلمات الاغانى وقتها هل كان يتجرا احد الشعراء ويكتب ( رجب شيل ايدك )

[jessing]

ههههههههههه

دائما مشاكل

هههه

[y@sser]

في دي انا معاك
خصوصا واني من اشد اعداء الثوره
ال بهدلت الدنيا وجابت لنا التخلف علي طبق من فضه
لاكن الحيا علمتني ان لا انظر الي شي ء علي انه الكمال لاني واقع في مصيبه
دائما الاسان ينظر الي مالا يملك
يعني بعد ما رايت الحياه العمليه التي تشبه حياه الذئاب
نفسي اعود الي براءه ايام الدراسه واحلام تغير العالم
مع اني ايام الدراسه كنت بسب والعن في غباء المدرسين
دائما تجد شخص غبي ماسك الدفه

[String]

ايه يجماعة احنا فى ايه ولا فى ايه دخلتونا فى الثورة واحمد عرابى وعلى فنخ وزكى حلنبوحة خلونا فى موضعونا مع السلطة الصغيرة امين شرطة ظابط لواء حتى انما منتكلمش على الملوك والعصور الوسطى